ඊයේ පස්වරුවේ අන්තර් විශ්ව විද්‍යාල ශිෂ්‍ය බලමණ්ඩලය සහ වෛද්‍ය පීඨ ශිෂ්‍ය ක්‍රියාකාරී සංගමයද සයිටම් ගැටළුව සම්බන්ධයෙන් අදහස් පළ කිරීමට මාධ්‍ය හමුවක් කැදවා තිබුණි.එහිදි අන්තර් විශ්ව විද්‍යාල ශෂ්‍ය බල මණ්ඩලයේ කැදවුම්කරු ලහිරු වීරසේකර මාධ්‍ය වෙත අදහස් පළ කළේ මෙලෙසිනි.
“ජනාධිපතිවරයා අද කියනවා නැවත කමිටුවක් පත් කරනවා කියලා. විද්වත් කමිටු පත් කළාට අපිට කිසිම ගැටලුවක් නෑ හොදයි. හොයා බලන්න ප්‍රශ්නයක් නෑ. හැබැයි පහු ගිය කාලෙ පත් කරපු විද්වත් කමිටුවලට මොකද වුණේ?
මාලඹේ සයිටම් ආයතනයට අනුබද්ධ නෙවිල් ප්‍රනාන්දු ශික්ෂණ රෝහල ශික්ෂණ රෝහලක් නෙවෙයි කියලා කිව්වෙ ඒ කාලෙ සෞඛ්ය ඇමතිව හිටිය මෛත්රීපාල සිරිසේන නෙවෙයිද එතකොට? මේක ඔබතුමා දන්නෙ නැද්ද? විද්වත් කමිටු යෝජනාව එන්නෙ නැවත වරක් මේ පුහ්නෙ කල් දැමීම සදහා.”
