Category: news_sub

පොල්හේන්ගොඩ යුද හමුදා කඳවුරේ පොලිස් හේවා බලකායේ තිබු ටි 56 ගිනි අවියකට අයත් මැගසිනයක පුරවා තිබු උණ්ඩ 30ක් සමග අස්ථානගතව ඇති බවට කිරුළපන පොලිසිය වෙත පැමිණිල්ලක් ලැබී ඇතයි පොලීසිය පවසයි.

පසුගිය (04) වෙනි දින සහ (07) වෙනි දිනයන් අතරතුර පොල්හේන්ගොඩ කදවුරේ තිබී අස්ථානගතව ඇති බවට එහි අණ දෙන නිලධාරීවරයකු ලෙස කටයුතු කරන මේජර්වරයෙකු පොලීසියට පැමිණිලි කර ඇති බව පොලීසිය පවසයි.

මුරකුටි සඳහා එක් නිලධාරියෙකුට ටී 56 ගිනි අවියක්, උන්ඩ 120ක් අඩංගු මැගසින් 4ක්.සහ පුචස් 1 ලබාදීම සිදුකරන බැවින් එලෙස නිලධාරීන් වෙත ලබාදී ඇති බවද එම නිලධාරියා පොලීසියට වැඩිදුරටත් සදහන් ඇත.

ආදුරුප්පු වීදිය පොලිස් ස්ථානයේ පොලිස් නිලධාරීන් තිදෙනෙකු වැඩ තහනමට ලක්කර තිබෙනවා.

ජින්තුපිටිය ප්‍රදේශයේ වෙඩිතැබීමේ සිදුවීමට අදාළව අත්අඩංගුවට ගෙන එම පොලිස් ස්ථානයේ සිර මැදිරියක රඳවා සිටි සැකකරුවන් දෙදෙනෙකුට බාහිර පුද්ගලයෙකු විසින් වස අඩංගු කිරි පැකට්ටුවක් ලබාදීමේ සිද්ධියට අදාළව මෙලෙස ඔවුන්ගේ වැඩ තහනමට ලක්කර ඇති බවයි පොලීසිය සඳහන් කළේ.

එම කිරි පැකට් පානය කිරීමෙන් අනතුරුව ඔවුන් රෝගාතුර වී ඇති අතර පොලීසිය සැක පළ කරන්නේ එයට වස මිශ්‍ර කර තිබෙන්නට ඇති බවයි.

පාකිස්ථාන මහ මැතිවරණය පැවැත්වෙන අද (08) දිනයේ එරට සියලුම ජංගම දුරකථන සේවා අත්හිටුවීමට තීරණය කර තිබෙනවා.

නීතිය හා සාමය පවත්වාගෙන යාමේ අවශ්‍යතාව උපුටා දක්වමින් පාකිස්තාන අභ්‍යන්තර කටයුතු අමාත්‍යාංශය විසින් මෙම තීරණය ගෙන ඇති බවයි විදෙස් මාධ්‍ය වාර්තා කරන්නේ.

නීතිය හා සාමය පවත්වා ගැනීමට සහ විය හැකි තර්ජන සමඟ කටයුතු කිරීමට ආරක්ෂක පියවර ගැනීම අත්‍යවශ්‍ය බවයි එම අමාත්‍යංශය වැඩිදුරටත් සඳහන් කර තිබෙන්නේ.

පාකිස්තානයේ Balochistan පළාතේ බෝම්බ පිපිරීම් දෙකකින් අවම වශයෙන් පුද්ගලයින් 20 දෙනෙකු මියගොස් ඇති බව විදෙස් මාධ්‍ය වාර්තා කරනවා.

පිෂින් දිස්ත්‍රික්කයේ ස්වාධීන අපේක්ෂකයෙකුගේ පක්ෂ කාර්යාලයක් ඉදිරිපිට සිදුවූ පළමු පිපිරීමෙන් පුද්ගලයන් 12 දෙනෙකු ජීවිතක්ෂයට පත්ව ඇති බවයි වාර්තා වෙන්නේ.

දෙවන පිපිරීමෙන් කිලෝමීටර් 150ක් මණ දුරින් පිහිටි කිල්ලාහ් සයිෆ් උල්ලා දිස්ත්‍රික්කයේ වාර්තා වී ඇති අතර එහිදී පුද්ගලයින් 8 ක් පමණ මියගොස් ඇති බවද සඳහන්.

පිපිරීම් දෙකෙන් තවත් විශාල පිරිසක් තුවාල ලබා ඇති බවයි විදෙස් මාධ්‍ය වාර්තා වැඩිදුරටත් වාර්තා කරන්නේ.

ගල්කිරියාගම ජාතික නාමල් උයනේ 33 වන සංවත්සරය නිමිත්තෙන් ජපන් ජාතිකයින් විසින් සංවිධානය කරනු ලබන කිලෝ මීටර් 100ක පරිසර පා ගමන හෙට(08) උදෑසන ජාතික නාමල් උයනේදී ආරම්භ කිරීමට නියමිතව තිබේ.

ජාතික නාමල් උයන නිර්මාතෘ පූජ්‍ය වනවාසී රාහුල හිමියන්ගේ අනුශාසකත්වයෙන්, ජපානයේ NPO Happy New Earth සංවිධානයේ මූලිකත්වයෙන් සංවිධානය කරනු ලබන මෙම පරිසර පා ගමන සංවිධානය කර තිබේ. හෙට (08) උදෑසන 08.00 ට ගල්කිරියාගම ජාතික නාමල් උයන පරිශ්‍රයෙන් ආරම්භ කෙරෙන එම පා ගමන, ලබන 12 වැනිදා සීගිරිය පර්වතය අසළීන් නිමා කිරීමට කටයුතු සංවිධානය කර ඇති බව ජාතික නාමල් උයන නිර්මාතෘ පූජ්‍ය වනවාසී රාහුල හිමියෝ පවසති.
ජාතික නාමල් උයනෙන් ආරම්භ කර දුශ්කර වූ මාර්ග ඔස්සේ කිලෝ මීටර් 100 ක දුරක් ගෙවා ඓතිහාසික සීගිරිය පර්වතය අසළින් එම පා ගමන නිමා කිරීමට නියමිතය. මෙම පා ගමන පුරා දින 05ක් මුළුල්ලේ පැවැත්වේ. ඒ අනුව දිනකට කිලෝ මීටර් 20ක දුරක් එම පාගමන ගමන් කිරීමට නියමිතව තිබේ.
පරිසරය සුරැකීම ලෝක වාසී ලොකු කුඩා සැමගේ වගකීම බවට සියළු ලෝක වාසීන්ට පණිවිඩයක් දීමේ අරමුණින් ජපන් ජාතිකයින් විසින් මෙම පරිසර පා ගමන සංවිධනය කර ඇති බව පූජ්‍ය වනවාසී රාහුල හිමියෝ පැවැසූහ.
ශ්‍රී ලංකාවේ විශාලතම නා වනය සහිත වසර මිලියන දස ලක්ෂ පන්සිය පනහකට වඩා පැරණි ප්‍රාග් ඓතිහාසික යුගයට අයත් ලෝකප්‍රකට දකුණු ආසියාවේ විශාලතම රෝස තිරුවානා කඳුවැටිය පිහිටා ඇත්තේ ද ගල්කිරියාගම පිහිටි ජාතික නාමල් උයනේ ය.
කාලයේ ඇවෑමෙන් අභාවයට යමින් තිබූ දකුණු ආසියාවේ විශාලතම රෝස තිරුවාණා නිධිය සහිත මෙම ජාතික නාමල් උයන දහසකුත් එකක් වූ බාධා හිරිහැර කම්කටොලු වනසතුන්ගේ පීඩා මෙන්ම විවිධ දුශ්කරතා මැද මතුපරපුර වෙනුවෙන් සුරක්ෂිත කිරීම සදහා පූජ්‍ය වනවාසී රාහුල හිමියන් විසින් කටයුතු ආරම්භ කර ලබන මාර්තු 28 වැනි දිනට වසර 33ක් සම්පූර්ණ වේ.

කැකිරාව කුෂාන් ජයවර්ධන

24-02-07