Jaffna, April 15 (Daily Mirror)- A 62-year-old woman who was receiving treatment at the Jaffna Hospital died of Covid-19, hospital sources said.
The woman, a resident of Jaffna had arrived from France last week and was admitted to the Jaffna Hospital due to fever.
She had died last Friday (12) and the post-mortem report which was received today had revealed that the death was due to Covid-19.
Public Health Inspectors (PHIs) have taken steps to trace her close contacts.
පිට පළාත්වල සිට යළි කොළඹට පැමිණෙන ජනතාව වෙනුවෙන් අතිරේක දුම්රිය සේවා මේ වන විට ආරම්භ කර ඇති බව දුම්රිය නියෝජ්ය සාමාන්යාධිකාරී නන්දන ඉඳිපොලගේ පවසනවා.
ඒ අනුව අද (15) බදුල්ල, ගාල්ල හා බෙලිඅත්ත දුම්රිය ස්ථානවල සිට කොළඹ කොටුව දක්වා අතිරේක දුම්රිය 8ක් ධාවනයට එක්කර තිබෙන බවයි සඳහන් වන්නේ.
මීට අමතරව හෙට (16) සිට යළි සාමාන්ය පරිදි කාර්යාල දුම්රිය ගමන්ද ආරම්භ කරන බව දුම්රිය දෙපාර්තමේන්තුව වැඩිදුරටත් ප්රකාශ කළා.
උණුසුම් කාලගුණය ගැන අවවාදාත්මක නිවේදනයක් කාලගුණ විද්යා දෙපාර්තමේන්තුව විසින් නිකුත් කර තිබෙනවා.
ඒ අනුව බස්නාහිර හා වයඹ පළාත්වලත් මන්නාරම දිස්ත්රික්කයේත් ඇතැම් ස්ථානවල උණුසුම් දර්ශකය, මිනිස් සිරුරට දැනෙන, අවධානය යොමු කළ යුතු මට්ටමක පවතින බවයි එම දෙපාර්තමේන්තුව සඳහන් කළේ.
ඒ අනුව ප්රමාණවත් ලෙස ජලය පානය කරමින් නිසි සෞඛ්ය උපදෙස් අනුගමනය කරන ලෙසයි සෞඛ්ය අංශ ජනතාවගෙන් ඉල්ලා සිටින්නේ.
අදාළ නිවේදනය පහතින්.
ඊයේ (14) දිනය වන විට විවිධ අනතුරු හේතුවෙන් පුද්ගලයින් 162ක් ප්රතිකාර සඳහා කොළඹ ජාතික රෝහලට ඇතුළත් කර තිබෙනවා.
ඒ අනුව රිය අනතුරු හේතුවෙන් පුද්ගලයින් 37 ක් රෝහල් ගතකර ඇති බවත් ගිණිකෙළි අනතුරු කිසිවක් 13 වන දින වාර්තාවී නොමැති බවද ජාතික රෝහලේ නියෝජ්ය අධ්යක්ෂ වෛද්ය රුක්ෂාන් බෙල්ලන සඳහන් කළේ.
ඒ අනුව පෙර වසරවලට සාපේක්ෂව මෙවර අලුත් අවුරුදු දිනයේ සිදුව ඇති අනතුරුවල අඩුවීමක් වාර්තා වන බවයි ඔහු වැඩිදුරටත් සඳහන් කළේ.
හිස තෙල් ගෑමේ ජාතික මහෝත්සවය අග්රාමාත්ය දිනේෂ් ගුණවර්ධන මහතාගේ ප්රධානත්වයෙන්….
සිංහල හා හින්දු අලුත් අවුරුදු මංගල්යයේ හිසතෙල් ගෑමේ ජාතික උත්සවයඅද (15) වත්තල හැඳල පුරාණ රජමහා විහාරයේදී අගමැති දිනේෂ් ගුණවර්ධන මහතාගේ ප්රධානත්වයෙන් පැවැත්විණි.
දේශීය වෛද්ය අමාත්යාංශය විසින් මෙම ජාතික උත්සවය සංවිධානය කළ අතර පෙරවරු 10.17ට යෙදුණු සුබ නැකතට වත්තල හැඳල පුරාණ රජමහා විහාරාධිපති හිග්ගොඩ චන්දිම නායක හිමියන් අග්රාමාත්ය දිනෙෂ් ගුණවර්ධන මහතාගේ හිස තෙල් ගෑහ.
අනතුරු රාජ්ය උත්සවයට එක්ව සිටි ජනතාවගේ හිස තෙල් ගෑම මහා සංඝරත්නය විසින් සිදු කළහ.
එළැඹෙන 18 වෙනිදාට යෙදී ඇති පැල සිටුවීමේ නැකතට සිටුවීම සඳහා අධිපෝෂණීය, ඉහළ ඖෂධීය වටිනාකමකින් යුත් මුරුංගා ශාකයක් අග්රාමාත්ය දිනේෂ් ගුණවර්ධන මහතා අතින් හැඳල පුරාණ රජමහා විහාර දායක සභාවට පිරිනැමීමද සිදුකෙරිණි.
හිස තෙල් ගෑමේ උත්සවයෙන් බලාපොරොත්තු වන ආකාරයට ජනතාවට නිදුක් නිරෝගී සුවපත් භාවය ප්රාර්ථනා කරන බව එහිදී අග්රාමාත්යවරයා සඳහන් කළේය.
හිසතෙල් ගෑමේ උත්සවය සඳහා අවශ්ය නානු සහ සිංහල අලුත් අවුරුදු ලිත දේශීය වෛද්යවරුන්ට සහ සියලුම විහාරස්ථාන වෙත ලබාදීමට අමාත්යාංශය පියවර ගෙන තිබිණි.
දේශීය වෛද්ය රාජ්ය අමාත්ය සිසිර ජයකොඩි, රාජ්ය අමාත්ය ප්රසන්න රණවීර,පාර්ලිමේන්තු මන්ත්රී යදාමිණී ගුණවර්ධන, සෞඛ්ය ලේකම් පාලිත මහිපාල ඇතුළු රාජ්ය නිලධාරීන් සහ ප්රදේශවාසීන් මෙම අවස්ථාවට සහභාගී වූහ.
අභිමානවත් දේශයක් බිහි කිරීමට සැවොම එකා මෙන් අත්වැල් බැඳ ගනිමු යැයි සිංහල දෙමළ අලුත් අවුරුදු දින සුබපැතුම් පණිවිඩය එක් කරමින් විපක්ෂ නායක සජිත් ප්රේමදාස පවසනවා.
හෙළයේ මහා සංස්කෘතික මංගල්යය ලෙස හැඳින්වෙන මෙදින සියලු දෙනා එකම නැකතක සිට එකම කාර්යයක නියැළෙන අතර මෙකී චාරිත්රය නිසාම ලෝකයේ සෙසු රටවල් අතර සිංහල හා දෙමළ අලුත් අවුරුද්ද ඉතා ප්රචලිතව ඇති බවයි විපක්ෂ නායකවරයා පෙන්වා දෙන්නේ.
සියලු ජනතාව මෙදින තමන්ට හැකි උපරිම අයුරින් මෙකී චාරිත්ර ඉටු කරන්නේ ඉදිරි වසරේ සෞභාග්යය සහ සශ්රීකත්වය අපේක්ෂාවෙනි. නමුත් පසුගිය කාලවකවානුව ලක්වාසී ජනතාවට එතරම් හොඳ කාලවකවානුවක් නොවූ බවද ඔහු පෙන්වා දෙනවා.
බදු බර වැඩි වීම, බඩු මිල ඉහළ යෑම, රටේ අභ්යන්තර අර්බුද ආදි ගැටලු රාශියකට රට මුහුණදුන් අතර මේ වන විට මැතිවරණ වසරක් ද උදා වී ඇති බවත් මේ වසරේ ජනතාව අපේක්ෂා කරන පාලනයක් රට තුළ බිහි වී නැවතත් අප මාතෘභූමියට සෞභාග්යය උදාවනු ඇති බවට තමාගේ විශ්වාසය බවයි විපක්ෂ නායක සජිත් ප්රේමදාස වැඩිදුරටත් සඳහන් කරන්නේ.
ජාතියක්, දේශයක්, ලෝකයක් ඉදිරියට යන්නේ අලුත් වීමෙන් බවත් අලුත් අලුත් සිතිවිලි ඔස්සේ අලුත් අලුත් දෑ නිර්මාණය කරලීමෙන් බව ජනාධිපති රනිල් වික්රමසිංහ පවසනවා.
සිංහල හා දෙමළ අලුත් අවුරුදු දිනය වෙනුවෙන් සුබපැතුම් පණිවිඩයක් නිකුත් කරමින් ජනාධිපතිවරයා මේ බව සඳහන් කර තිබෙනවා.
සාම්ප්රදායික අවුරුද්දට අලුත් වීම, කැලැන්ඩර අවුරුද්දට අලුත් වීම, සෘතුවෙන් සෘතුවට අලුත් වීම ආදී වශයෙන් ලෝකයේ රටවල ජනතාව ඔවුනට ලැබී ඇති අවස්ථාවන්හි අලුත් වන බවත් මේ හැම අලුත්වීමක් පසුපසම තවත් අතිශය වැදගත් කාරණයක් වන අතර ඒ සමාජ සබඳතාවය සහ සාමුහිකත්වය බවයි ජනාධිපතිවරයා පෙන්වා දෙන්නේ.
අලුත් අවුරුද්දේ අලුත් වීමට මතු නොව, රටක් වශයෙන් නිවැරදි මගක ඉදිරියට යන්නට ද අවශ්ය මූලික සාධකයක් වනුයේ සමාජ සබඳතාවන් හා සාමුහිකත්වය බවයි ජනාධිපතියරයා සිය අලුත් අවුරුදු සුබ පැතුම් පණිවිඩයෙන් සඳහන් කරන්නේ.
රටටත් ජනතාවටත් සැබෑ ජයග්රහණ අත්පත් කර දෙන නව ජාතික පුනරුදයක් සඳහා වන ඓතිහාසික ගමන ඇරඹීමට අලුත් අවුරුද්ද නව ජවයක් වනු ඇති බව ජාතික ජන බලවේගයේ නායක අනුර කුමාර දිසානායක පවසනවා.
පවතින ආර්ථික අර්බුදය තුළ ජනතාවගෙන් බොහෝ පිරිසකට නව අවුරුද්ද තම අපේක්ෂාව අනුව උත්සවාකාරයෙන් සැමරීම පිළිබඳව සිතීම පවා අසීරු වී ඇති බවද, එසේ වී ඇත්තේ චක්රයක් සම්පූර්ණ කරමින් අලුත් අවුරුද්ද උදා වූ නමුදු, පැවති හා පවතින පාලනයන් විසින් වසර 76ක් පුරා ලාංකේය සමාජය ජනතා අපේක්ෂා සුන් කරන එකම දුෂ්ට චක්රයක ගමන් කරවීම හේතුවෙන් බවයි ඔහු පෙන්වා දෙන්නේ.
ලැබෙන පළමු මොහොතේම පවත්නා දුෂ්ට හා දූෂිත සමාජ ආර්ථික දේශපාලන චක්රයෙන් ඉවත් වී, බංකොලොත් වී ඇති රට ඉන් ගොඩගෙන දියුණු හා සාධාරණ සමාජයක් වෙත ඔසවා තබන්නා වූ ජනතාවාදී පාලනයක් තෝරා ගැනීමට එළඹි අලුත් අවුරුද්ද විසින් ඉඩහසර විවර කර ඇති බවද, අලුත් අවුරුද්දේ ඇති කර ගන්නා වූ ප්රාර්ථනා සැබැවින්ම ඉටු වනු ඇත්තේ එවැනි තත්වයක් තුළ පමණක් බව වැඩිදුරටත් පෙන්වා දෙනවා.
සියලු ජාතිකත්වයන්ට අයත් ජනතාව, භේද දුරලමින් ජනතාවාදී පාලනයක අවශ්යතාව සමග පෙළගැසෙමින් සිටින්නේ, එම සුභ නැකත එළඹෙන තුරු බවයි අලුත් අවුරුද්දට සුභාශිංසන එක් කරමින් ඔහු අවධාරණය කරන්නේ.
බීමත් රියැදුරෙක් අත්අඩංගුවට ගන්නා පොලිස් නිලධාරියෙකුට රුපියල් 5000 ක මුදල් ත්යාගයක් ලබා දීමට කටයුතු කරන බව රථවාහන කොට්ඨාසය භාර නියෝජ්ය පොලිස්පති ඉන්දික හපුගොඩ පවසනවා.
පොලිස්පතිවරයාගේ උපදෙස් පරිදි, බීමත් රියැදුරන් අත්අඩංගුවට ගන්නා පොලිස් නිලධාරීන්ට මෙසේ මුදල් ත්යාග පිරිනැමීමට පියවර ගෙන තිබෙන බවයි පැවසෙන්නේ.
එමෙන්ම සිංහල හා දෙමළ අලුත් අවුරුදු දිනයේදී බීමත්ව රිය පදවන රියැදුරන් හඳුනාගැනීම සඳහා රුධිර පරීක්ෂණ කට්ටල 150,000ක් සියලුම පොලිස් ස්ථාන වෙත ලබා දීමට පියවර ගෙන ඇති බවත් සඳහන්.
මෙම මෙහෙයුම් සඳහා පොලිස් නිලධාරීන් 1,500 දෙනෙකු යොදවා ඇති බවයි නියෝජ්ය පොලිස්පති ඉන්දික හපුගොඩ වැඩිදුරටත් සඳහන් කරන්නේ.
අද (13) හා හෙට (14) දිනවල කාර්යාල දුම්රිය ගමන් වාර කිහිපයක් අවලංගු කර ඇති බව දුම්රිය දෙපාර්තමේන්තුව පවසනවා.
කෙසේ වෙතත් මෙම දිනවල නගරාන්තර දුම්රිය සේවා සාමාන්ය පරිදි ක්රියාත්මක වන බවයි එම දෙපාර්තමේන්තුව පැවසුවේ.
එසේම විශේෂ කාල සටහනක් යටතේ දුම්රිය ගමන් වාර 06 ක් සැලසුම් කර ඇති බවද දුම්රිය දෙපාර්තමේන්තුව වැඩිදුරටත් සඳහන් කරනවා.
