Category: news_sub

‘විදර්ශන සාහිත්‍ය ත්‍යාගය 2024’ සඳහා ඉදිරිපත් වූ ඉංග්‍රීසි – පරිවර්තන අත්පිටපත් අතුරින් දීර්ඝ ලැයිස්තුගත වන (Longlist) නිර්මාණ අත්පිටපත් 05 ක් අද ප්‍රකාශයට පත්කෙරුණා.

මෙහි නිර්මාණ ඇගයුම් මණ්ඩල සාමාජිකයන් ලෙස හර්ෂණ රඹුක්වැල්ල‍, අමීනා හුසේන් සහ සසංක පෙරේරා කටයුතු කරනවා.

මෙම දීර්ඝ ලැයිස්තුගත අත්පිටපත් 05 න්, අවසන් වටය සඳහා නිර්දේශ වන අත්පිටපත් 03 කෙටි ලැයිස්තුගත කිරීම (Shortlist) අගෝස්තු දෙවැනි සතියේදී සිදුකිරීමට නියමිතයි.

‘විදර්ශන සාහිත්‍ය ත්‍යාගය 2024’ ජය මූර්ති ප්‍රදානය සැප්තැම්බර් 01 වන දින පැවැත්වීමට නියමිත අතර මෙහි ඩිජිටල් මාධ්‍ය සහකරු ලෙස හෙළකුරු කටයුතු කරනවා.

ඓතිහාසික පරිවර්තනයක් සිදුකරමින් ශ්‍රී ලංකාවට සමාජ සාධාරණත්වයක් උදාකරන, පැහැදිලි දැක්මක් ඇති, ශිෂ්ට සම්පන්න නායකයෙක් තෝරා ගැනීමේ අවස්ථාව දිනෙන් දින ලංවන බව ජාතික ජන බලවේගයේ විධායක සභික ආචාර්ය හරිනි අමරසූරිය පවසනවා.

තව දින 48කින් රටේ ජනතාව ඔසවා තැබිය හැකි ඒ සහෝදරයා, ඒ නායකයා පත්කර ගැනීමේ අවස්ථාව එළඹෙන බවයි ඇය සඳහන් කළේ.

ඔහුගේ නාම යෝජනා වෙනුවෙන් ඇප තැම්පත්කර ඒ ඓතිහාසික අවස්ථාවේ කොටස්කරුවන් වීමට ලැබීම විශාල සතුටක් බවද අද (06) ජාතික ජන බලවේගයේ නායක අනුර කුමාර දිසානායක වෙනුවෙන් ඇප තැම්පත් කිරීමෙන් අනතුරුව මාධ්‍ය වෙත අදහස් දක්වමින් ඇය වැඩිදුරටත් සඳහන් කළා.

ජාතික ජන බලවේගයට තිබූ රැල්ල මේ වන විට අඩුව ගොස් ඇති බව සමගි ජන බලවේගයේ හිරුණිකා ප්‍රේමචන්ද්‍ර පවසනවා.

ඒ අනුව ජාතික ජන බලවේගයේ ඡන්ද 3% කට වඩා මඳක් වැඩිවී, 5% ක් පමණ වනු ඇති බවයි මාධ්‍ය වෙත අදහස් දක්වමින් ඇය සඳහන් කළේ.

අද වන විට දේශපාලනය අච්චාරුවක් බවට පත්ව ඇති බවද හිරුණිකා ප්‍රේමචන්ද්‍ර වැඩිදුරටත් පවසා සිටියා.

බංග්ලාදේශයේ යළි ඇති වී තිබෙන විරෝධතා හා කලහාකාරී සිදුවීම් අතරතුර මේ වන විට පුද්ගලයින් 90 ක් මිය ගොස් ඇති බව බව විදෙස් මාධ්‍ය වාර්තා කරනවා.

අගමැතිනි ෂෙයික් හසීනාට එම තනතුරින් ඉල්ලා අස්වන ලෙස බලකරමින් එරට විරෝධතා සහ උද්ඝෝෂණ පැවැත්වෙන අතර, තත්ත්වය පාලනය කිරීම සඳහා ඊයේ (04) පස්වරු 6.00 ට නැවත දැනුම්දෙන තුරු රට පුරා ඇඳිරි නීතිය පැනවීමට එරට බලධාරීන් කටයුතු කර තිබෙනවා.

රැකියා සඳහා කෝටාව අහෝසි කරන ලෙස ඉල්ලා ජුලි මාසයේ සිට මෙම ශිෂ්‍ය විරෝධතා ආරම්භ වූ අතර එතැන් සිට වඩාත් පුළුල් රාජ්‍ය විරෝධී ව්‍යාපාරයක් බවට මේ වන විට පරිවර්තනයවී තිබෙනවා.

“සංස්පර්ශ 2024” සමස්ත ලංකා පාසල් මාධ්‍ය තරගාවලියේ දෙවන වටයේ තරග අද (04) ආරම්භ වුණා.

ඒ අනුව කොළඹ 02 ආරක්ෂක සේවා විද්‍යාලයේදී පෙ.ව. 08.30 සිට තරග ආරම්භ වූ බවයි සඳහන් වන්නේ.

ප්‍රවීණ ජනමාධ්‍යවේදීන් රැසකගේ සහභාගීත්වයෙන් මෙම තරගාවලියේ විනිශ්චය කටයුතු සිදු කෙරෙන අතර, මූලික වටයේ තරගවලින් දෙවන වටය සඳහා සුදුසුකම් ලැබූ තරගකරුවන් 500කට ආසන්න ප්‍රමාණයක් මෙම තරග වටය සමඟින් සම්බන්ධ වනවා.

නිවේදන, හඩකැවීම්, පුවත් සංස්කරණය, ක්‍රීඩා විස්තර විචාරය, කාටූන් චිත්‍ර නිර්මාණකරණය, තාක්ෂණික අංශය, ඡායාරූපකරණය, ග්‍රාෆික නිර්මාණකරණය සහ කෙටි චිත්‍රපට නිර්මාණකරණය යන තරග අංශ ඔස්සේ මෙම තරගාවලිය සංවිධානය වනවා.

මේ වනවිට ජනාධිපතිවරණයට අදාළව මැතිවරණ නීති උල්ලංඝනය කිරීම් සම්බන්ධ පැමිණිලි 45ක් ලැබී ඇති බව පැෆ්රල් සංවිධානය පවසනවා.

එයින් බහුතර පැමිණිලි සංඛ්‍යාවක් රාජ්‍ය බලය අයුතු ලෙස භාවිත කිරීම සම්බන්ධයෙන් ලැබී ඇති බවයි එහි විධායක අධ්‍යක්ෂ රෝහණ හෙට්ටිආරච්චි සඳහන් කළේ.