සෞඛ්ය අංශ වෘත්තීය සමිති සහ අන්තර් විශ්ව විද්යාල ශිෂ්ය බල මණ්ඩලය විසින් අද (22) පැවැත්වීමට නියමිත විරෝධතාවක් සම්බන්ධයෙන් මාළිගාකන්ද මහේස්ත්රාත් අධිකරණය නියෝගයක් නිකුත් කර තිබෙනවා.
ඒ අනුව මරදාන පොලීසියේ ස්ථානාධිපති කළ ඉල්ලීමක් අනුව එම නියෝගය නිකුත් කර ඇති බවයි සඳහන් වෙන්නේ.
මහ කන්නය සඳහා කුඹුරු ඉඩම්වල වී සහ වෙනත් බෝග වගා කරන ගොවීන් සඳහා පොහොර සහනාධාරය ලබාදීමට කැබිනට් අනුමැතිය ලබාදී තිබෙනවා.
2024/25 මහ කන්නයේදී කුඹුරු ඉඩම්වල වගා කරනු ලබන වී සහ අනෙකුත් ක්ෂේත්ර බෝග සඳහා ගොවීන් වෙත පොහොර සහනාධාරයක් ලබා දීම මඟින් රටෙහි ආහාර සුරක්ෂිතතාව තහවුරු කිරීමටත්, බෝග ඵලදායිතාව ඉහළ නැංවීමටත් හැකියාව පවතින බව නිරීක්ෂණය කර ඇති බවයි අදාළ කැබිනට් තීරණයේ දැක්වෙන්නේ.
ඒ අනුව 2024/25 මහ කන්නය සඳහා රජයේ පොහොර සමාගම වන ස්ටේට් ෆටිලයිසර් කම්පැනි ලිමිටඩ් හා පුද්ගලික අංශය මඟින් පොහොර ආනයනය කර ගොවීන් වෙත තරඟකාරී මිලකට අලෙවි කිරීමටත්, වී වගාව සහ වෙනත් වගාවන් සඳහා වගා කරන ලද උපරිම හෙක්ටයාර දෙකක් සඳහා හෙක්ටයාරයකට රුපියල් 15,000 බැගින් මූල්ය සහනාධාරයක් ගොවිජන සංවර්ධන දෙපාර්තමේන්තුව මඟින් ලබා දීමටත් කෘෂිකර්ම සහ වැවිලි කර්මාන්ත අමාත්යවරයා ඉදිරිපත් කළ යෝජනාව අමාත්ය මණ්ඩලය විසින් අනුමත කර තිබෙනවා.
අදාළ කැබිනට් තීරණය පහතින්.
සුපිරි පාපන්දු ක්රීඩක ක්රිස්ටියානෝ රොනාල්ඩෝ විසින් ආරම්භ කරනු ලැබූ ඔහුගේ YouTube නාලිකාව වාර්තාවක් පිහිටුවීමට සමත්වී තිබෙනවා.
ඒ අනුව ඔහු YouTube නාලිකාව ආරම්භ කර මිනිත්තු 90 ක කාලයක් තුළ Subscribers සංඛ්යාව මිලියනයේ සීමාව පසුකර යාමට සමත්වී ඇති බවයි සඳහන් වෙන්නේ.
නොමිලේ Visa පහසුකම යටතේ රටවල් 35ක පුරවැසියන්ට මෙරටට ඇතුළුවීමට කැබිනට් අනුමැතිය ලබාදී තිබෙනවා.
එක්සත් රාජධානිය, අමෙරිකාව, කැනඩාව, ජර්මනිය, ඔස්ට්රේලියාව, සෞදි අරාබිය, චීනය, ඉන්දියාව, රුසියාව, දකුණු කොරියාව සහ ජපානය ඇතුළු රටවල් 35ක් ඇතුළත් බවයි සඳහන් වෙන්නේ.
ඒ අනුව 2024 ඔක්තෝබර් 01 සිට මාස 06ක කාලයක් සඳහා මෙම අවස්ථාව හිමිවන බවයි වැඩිදුරටත් සඳහන් වෙන්නේ.
අදාළ රටවල් පහතින්.
අලුත් කළ නොහැකි සියලු රියැදුරු බලපත්ර අවලංගු කිරීමට තීරණය කර තිබෙනවා.
ඒ අනුව, අලුත් කළ නොහැකි බර වාහන රියැදුරු බලපත්ර ලක්ෂ 11ක පමණ තොගයක් මේ වසර අවසන් වීමට පෙර අවලංගු කෙරෙන බවයි මෝටර් රථ ප්රවාහන කොමසාරිස් ජනරාල් නිශාන්ත වීරසිංහ සඳහන් කළේ.
එම රියැදුරු බලපත්රලාභීන් සහන කාලයක් තුළ නව රියැදුරු බලපත්ර ලබා ගැනීම සිදුකළ යුතු බවත්, ඒ සඳහා ඔවුන් නිසි පරිදි වෛද්ය පරීක්ෂණ සඳහා මුහුණ දීම ද කළ යුතු බවත් කොමසාරිස් ජනරාල්වරයා සඳහන් කරනවා.
මීට අමතරව, අලුත් කළ නොහැකි සැහැල්ලු වාහන රියැදුරු බලපත්ර හිමියන් ලක්ෂ 10ක බලපත්ර ද, ඉදිරියේදී අවලංගු කිරීමට නියමිත බවයි මෝටර් රථ ප්රවාහන කොමසාරිස් ජනරාල් නිශාන්ත වීරසිංහ වැඩිදුරටත් සඳහන් කළේ.
ගිං ගඟ ද්රෝණියේ ධාරා ප්රදේශවලට සැලකිය යුතු ලෙස අධික වර්ෂාපතනයක් ලැබීම හේතුවෙන් ප්රාදේශීය ලේකම් කොට්ඨාස කිහිපයකට අයත් පහත් බිම් ප්රදේශ සඳහා වාරිමාර්ග දෙපාර්තමේන්තුව විසින් ගංවතුර අනතුරු ඇඟවීමේ නිවේදනයක් නිකුත් කර තිබෙනවා.
ඒ අනුව ඉදිරි පැය 48 ක කාලය තුළ නෙළුව, තවලම, නාගොඩ, නියාගම, වැලිවිටිය-දිවිතුර, ඇල්පිටිය, අක්මීමන, බද්දේගම හා බෝපේ/පෝද්දල ප්රාදේශීය ලේකම් කොට්ඨාසවලට අයත් පහත් බිම්වල ගංවතුර තත්ත්වයක් ඇතිවිය හැකි බවයි එම දෙපාර්තමේන්තුව සඳහන් කරන්නේ.
එසේම කළු ගඟෙහි කුඩා ගඟ උප ද්රෝණිය වෙත නිකුත් කළ ගංවතුර අනතුරු ඇඟවීමේ නිවේදනයද ඉදිරි පැය 48 ක කාලය සඳහා දීර්ඝ කර තිබෙනවා.
අදාළ නිවේදනය පහතින්
ලබන වසරේ සිට වී වගාවට පොහොර මිල දී ගැනීම සඳහා දැනට රජය විසින් ලබාදෙන පොහොර සහනාධාරය රුපියල් 30,000ක් දක්වා වැඩි කිරීමට යෝජනාවක් ඉදිරිපත් කළ බව කෘෂිකර්ම හා වැවිලි කර්මාන්ත අමාත්ය මහින්ද අමරවීර පවසනවා.
වගා කන්න පහක් තුළ, වී අස්වැන්න දෙගුණයක් බවට පත් කිරීම සදහා රජය විසින් වැඩ පිළිවෙළක් ක්රියාත්මක කර ඇති බවත්, ඒ අනුව වී වගාවට අවශ්ය පොහොර කළට වේලාවට යෙදීම කළ යුතු බවයි අමාත්යවරයා සඳහන් කරන්නේ.
දැනට පොහොර මිල දී ගැනීම සඳහා ලබාදෙන රුපියල් 10,000ක මුදල කිසිසේත්ම ප්රමාණවත් නැති බව රජය වටහා ගෙන ඇතත්, පැවැති ආර්ථික තත්ත්වය මත ඊට වඩා වැඩි මුදලක් ලබා දීමේ හැකියාවක් නොමැති බවද අමාත්යවරයා සඳහන් කළා.
එමෙන්ම ඉදිරි මහ කන්න දෙකේ දී MOP පොහොර මෙට්රික් ටොන් 55,000ක් ගොවි ජනතාවට නොමිලයේ ලබා දීමට ද නියමිත බවත්, ඒ අනුව ගොවීන්ට අවශ්ය සමස්ත MOP පොහොර ප්රමාණයම නොමිලයේ ලබා දීමට පියවර ගන්නා බවත්, පොහොර සහනාධාරය රුපියල් 30,000ක් දක්වා වැඩි කළහොත් ඒ සඳහා රුපියල් බිලියන 30ක පමණක් මුදලක් වැය වෙනු ඇති බවයි අමාත්යවරයා වැඩිදුරටත් සඳහන් කළේ
පුත්තලම දුම්රිය මාර්ගයේ හලාවත සහ බංගදෙණිය අතර දුම්රිය හරස් මාර්ගයට ගසක් කඩා වැටී තිබෙනවා.
මේ හේතුවෙන් දුම්රිය ධාවනයට බාධා ඇතිව ඇති බවයි දුම්රිය දෙපාර්තමේන්තුව සඳහන් කරන්නේ.
නුවරඑළිය මහ රෝහලේ ඇසේ සුද ඉවත්කිරීම සඳහා සිදු කරන ලද ශල්යකර්ම සඳහා යොදාගන්නා ලද බාල ඖෂධ හේතුවෙන්, අන්ධ භාවයට පත් වූ නුවර එළිය, වැලිමඩ ආශ්රිත ප්රදේශවල රෝගීන් විසින් ඊයේ දිසා අධිකරණයේදී වන්දි නඩු 03ක් ගොනු කර තිබෙනවා.
ඒ අනුව එහි වග උත්තරකරුවන් ලෙස නීතිපතිවරයා, හිටපු සෞඛ්ය අමාත්යවරයා, ඒ වගේම සෞඛ්ය ලේකම්වරයා සහ ඖෂධ නියාමන අධිකාරිය ඇතුළු 12 දෙනෙකු නම් කර ඇති බවයි සඳහන් වෙන්නේ.
එම රෝගීන්ගෙන් බහුතරයක් බාල බෙහෙත් ද්රව්ය හේතුවෙන් පූර්ණ කාලීනව අන්ධභාවයට පත්ව ඇති බවයි ඔවුන් සිය පෙත්සම මඟින් පෙන්වා දී තිබෙන්නේ.
පැමිණිලිකරුවන් තිදෙනෙකු වග උත්තරකරුවන්ට එරෙහිව රුපියල් මිලියන 100ක වන්දි ඉල්ලා මෙම නඩුව ගොනුකර ඇති බව වැඩිදුරටත් සඳහන්.
ක්ලබ් වසන්ත ඝාතනයේ සැකකරුවන්ව සැප්තැම්බර් 2 වනදා දක්වා රක්ෂිත බන්ධනාගාරගත කිරීමට නියෝග කර තිබෙනවා.
ඔවුන්ව අද (20) දැඩි ආරක්ෂාවක් මධ්යයේ කඩුවෙල මහෙස්ත්රාත් අධිකරණයට ඉදිරිපත් කළ අතර, එහිදී මෙම නියෝගය ලබාදී ඇති බවයි සඳහන් වෙන්නේ.
