තැපැල් ඡන්ද භාවිත කිරීම ඉහළ අගයක පැවැති අතර 80%කට වැඩි පිරිසක් තැපැල් ඡන්දය භාවිතා කර ඇති බවත් නියෝජ්ය තැපැල්පති රාජිත රණසිංහ පවසනවා.
තැපැල් කාර්යාල වෙත ලැබී ඇති රක්ෂිත ඡන්ද පැකැට්ටු සංඛ්යාව අනුව සංසන්දනාත්මකව සසඳා බලා මෙම නිරීක්ෂණය සිදුකල බවයි ඔහු පවසන්නේ.
පසුගිය 04, 05 හා 06 යන දිනවලදී තැපැල් ඡන්දය ප්රකාශ කිරීම සිදුවුනු අතර, ඡන්දය භාවිත කිරීමට නොහැකි වූ අයට තැපැල් ඡන්දය ප්රකාශ කිරීමට සැප්තැම්බර් 11 සහ 12 යන දෙදින අතිරේක දින දෙකක් ලෙස හිමිවන බවයි වාර්තා වන්නේ.
ජනාධිපති අපේක්ෂකයෙකුට ප්රහාරයක් එල්ල කිරීමට සූදානම් වන බවට ලද තොරතුරක් සම්බන්ධයෙන් විමර්ශන සිදු කරන බව අපරාධ පරීක්ෂණ දෙපාර්තමේන්තුව කොළඹ මහෙස්ත්රාත් අධිකරණයට කරුණු වාර්තා කර තිබෙනවා.
ඒ අනුව කොළඹ ප්රධාන මහෙස්ත්රාත් තිළිණ ගමගේගේ නිල මැදිරියේදී මෙම කරුණු වාර්තා කිරීම සිදුකර ඇති අතර අතිශය රහසිගත වාර්තාවක් පසුගිය 02 වනදා ඉදිරිපත් කර ඇති බවද වාර්තා වනවා.
නුවර ප්රදේශයේ පදිංචි හිටපු පොලිස් නිලධාරියකු විසින් ලබාදුන් තොරතුරක් මත මෙම විමර්ශන සිදු කරන අතර එම නිලධාරියාගෙන් ප්රකාශයක් සටහන් කරගෙන ඉදිරි විමර්ශන සිදු කරන බවයි පොලීසිය අධිකරණයට දැනුම්දී ඇත්තේ.
වැඩිදුර විමර්ශන සිදු කරන ලෙස පොලීසියට දැනුම්දී ඇති මහෙස්ත්රාත්වරයා සිද්ධියට අදාළ සැකකරුවන් ඇත්නම් අත්අඩංගුවට ගෙන ඉදිරිපත් කරන ලෙසද මහෙස්ත්රාත්වරයා පොලීසියට දැනුම්දී තිබෙනවා.
දේශබන්දු තෙන්නකෝන් පොලිස්පති ධුරයේ වගකීම් හා රාජකාරී ඉටු කිරීම වළක්වාලමින් පනවා ඇති අතුරු තහනම් නියෝගය ඉවත් කිරීමේ නියෝගයක් නිකුත් කරන මෙන් ඉල්ලා ගොනුකර තිබෙන අතරමැදි පෙත්සමේ කරුණු තහවුරු කිරීම සඳහා ලබන 13 වනදා කැඳවන ලෙස ශ්රේෂ්ඨාධිකරණය නියෝග කර තිබෙනවා.
මෙම අතරමැදි පෙත්සම අද (06) යසන්ත කෝදාගොඩ, ජනක් ද සිල්වා සහ අර්ජුන ඔබේසේකර යන සමන්විත ත්රිපුද්ගල ශ්රේෂ්ඨාධිකරණ විනිසුරු මඩුල්ල ඉදිරියේ කැඳවනු ලැබූ අවස්ථාවේදී මෙම නියෝගය ලබාදී ඇති බවයි සඳහන් වෙන්නේ.
පූජ්ය ආචාර්ය බෙල්ලන්විල ධම්මරතන හිමියන් ඇතුළු හිමිවරු තුන්දෙනෙකු විසින් විම අතරමැදි පෙත්සම ඉදිරිපත් කර තිබෙනවා.
මෙවර ජනාධිපතිවරණයට අදාළ තැපැල් ඡන්ද සලකුණු කිරීම තෙවන දිනය සඳහා අද (06) ආරම්භ වී තිබෙනවා.
ඒ අනුව අද පෙරවරු 9.00 සිට පස්වරු 4.00 දක්වා තැපැල් ඡන්ද සලකුණු කිරීමේ කටයුතු සිදු කිරීමට නියමිතයි.
අද දිනයේදී ත්රිවිධ හමුදා කඳවුරුවල සහ සෙසු සියලුම රාජ්ය ආයතනවල සිටින කාර්ය මණ්ඩලය සඳහා තැපැල් ඡන්ද සලකුණු කිරීමේ අවස්ථාව ලබාදී තිබෙනවා.
කොළඹ වරාය නගර පරිශ්රයේ අලුතින් ඉදිකරන ලද “The Mall” තීරු බදු රහිත සාප්පු සංකීර්ණය ජනාධිපති රනිල් වික්රමසිංහ විසින් විවෘත කර තිබෙනවා.
මෙම කලාපයේ ඉදිකරන ලද ප්රථම නාගරික තීරුබදු සාප්පු සංකීර්ණය මෙය වන අතර, භාණ්ඩ අලෙවිසැල්, ආපන ශාලා සහ අනෙකුත් වෙළෙඳසැල් වලින් එය සමන්විත වන බවයි වාර්තා වෙන්නේ.
මෙම සාප්පු සංකීර්ණයෙහි One World, China Duty Free Group (CDFG) සහ Flemingo යන ලොව ප්රකට තීරුබදු රහිත වෙළෙඳසැල් සිය මෙහෙයුම් කටයුතු ඇරඹීමට නියමිත අතර, ඒ සමඟ කොළඹ වරාය නගරය මෙම කලාපයේ සාප්පු සවාරි ගමනාන්තයක් ලෙස පිළිගැනීමට ලක්වන බවයි වැඩිදුරටත් සඳහන් වෙන්නේ.
බිබිල නාගල ප්රදේශයේදී බස් රථ දෙකක් ගැටී සිදුවූ අනතුරකින් පුද්ගලයන් 47 දෙනෙකු පමණ රෝහල්ගත කර තිබෙනවා.
බිබිල පොලිස් වසමේ බිබිල අම්පාර මාර්ගයේ නාගල ප්රදේශයේදී බිබිල දෙස සිට අම්පාර දෙසට ධාවනය වූ පුද්ගලික බස් රථයක එම දෙසටම ඊට පසුපසින් ධාවනය වූ ලංගම බස් රථයක් ගැටීමෙන් අනතුර සිදුවී ඇති බවයි පොලීසිය සඳහන් කළේ.
පෞද්ගලික බස් රථයේ ඇඟලුම් කර්මාන්ත ශාලාවක සේවය කරන පිරිසක් ගමන් කර ඇති අතර අනතුරින් බස් රථ දෙකෙහි ගමන් ගත් මගීන් 47 දෙනෙකු තුවාල ලබා ප්රතිකාර සඳහා බිබිල රෝහලට ඇතුළත් කර ඇති බවයි පොලීසිය වැඩිදුරටත් සඳහන් කළේ.
රජයේ වෛද්ය නිලධාරීන්ගේ සංගමයේ උද්ඝෝෂණ මාලාවක් අද (05) පැවැත්වීමට කටයුතු යොදා තිබෙනවා.
සිය වෘත්තීය සමිති නායකයින්ට එරෙහිව ගනු ලබන විනය පරීක්ෂණ ඇතුළු ක්රියාමාර්ගවලට එරෙහිව මෙම විරෝධතා මාලාව සංවිධානය කර තිබෙනවා.
ඒ අනුව අදාළ උද්ඝෝෂණය කොළඹ ජාතික රෝහල, ගම්පහ දිස්ත්රික් මහ රෝහල සහ පානදුර රෝහල ඉදිරිපිටදී දහවල් 12.00 සිට පස්වරු 2.00 දක්වා පැවැත්වීමට සැලසුම් කර ඇති බවයි වැඩිදුරටත් සඳහන් වෙන්නේ.
මෙවර ජනාධිපතිවරණයට අදාළ තැපැල් ඡන්ද සලකුණු කිරීම දෙවන දිනය සඳහා අද (05) ආරම්භ වී තිබෙනවා.
ඒ අනුව අද පෙරවරු 9.00 සිට පස්වරු 4.00 දක්වා තැපැල් ඡන්ද සලකුණු කිරීමේ කටයුතු සිදු කිරීමට නියමිතයි.
අද දිනයේදී ත්රිවිධ හමුදා කඳවුරුවල සහ සෙසු සියලුම රාජ්ය ආයතනවල සිටින කාර්ය මණ්ඩලය සඳහා තැපැල් ඡන්ද සලකුණු කිරීමේ අවස්ථාව ලබාදී තිබෙනවා.
ජනාධිපතිවරණයට අදාළව නීති උල්ලංඝණය කළ පුද්ගලයින් 22 දෙනෙකු අත්අඩංගුවට ගෙන ඇති බව පොලීසිය පවසනවා.
ඒ අනුව ජුලි 26 වැනිදා සිට මේ දක්වා කාලය තුළ ලැබුණු පැමිණිලිවලට අදාළව මෙම අත්අඩංගුවට ගැනීම් සිදුකර ඇති බවයි සඳහන් වෙන්නේ.
ජනාධිපතිවරණයට අදාළව මේ වන විට පොලීසියට පැමිණිලි 163 ක් ලැබී තිබෙන බවයි පොලිස් මාධ්ය ප්රකාශක නියෝජ්ය පොලිස්පති නීතීඥ නිහාල් තල්දුව වැඩිදුරටත් සඳහන් කළේ.
උප්පැන්න, විවාහ සහ මරණ සහතික මාර්ගගතව සත්යාපනය කිරීමේ නව ක්රමවේදයක් හඳුන්වාදීමට විදේශ කටයුතු අමාත්යාංශය පියවර ගෙන තිබෙනවා.
මෙම නව මාර්ගගත ක්රියාවලිය ඔස්සේ ශ්රී ලාංකික පුරවැසියන්ට කොන්සියුලර් කටයුතු අංශයේ මාර්ගගත සැලසුම හරහා ඔවුන්ගේ උප්පැන්න, විවාහ සහ මරණ සහතික සත්යාපනය කරගැනීම සඳහා ඉල්ලුම් කළ හැකි බවයි එම අමාත්යංශය සඳහන් කළේ.
ඒ අනුව, අමාත්යාංශයට පැමිණ අයදුම් කිරීමේ අවශ්යතාව හෝ සත්යාපනය කරන ලද ලේඛන ලබාගැනීමට පැමිණීමේ අවශ්යතාව ඉවත් කරමින් සත්යාපිත සහතික, අයදුම්කරු වෙත විද්යුත් තැපෑලෙන් යවන බවයි සඳහන් වෙන්නේ.
මේ සඳහා විදේශ කටයුතු අමාත්යාංශයේ නිල වෙබ් අඩවියට පිවිස මාර්ගගත අයදුම්පතක් ඉදිරිපත් කළ යුතු අතර විස්තර ඉදිරිපත් කළ පසු, අයදුම්කරුවන්ට අවශ්ය ගෙවීම් කිරීමට සබැඳියක් ලැබීමෙන් පසු සහතික උත්පාදනය සහ සත්යාපනය සඳහා ගාස්තු මෙම සබැඳිය හරහා මාර්ගගතව ගෙවිය යුතු බවයි සඳහන් වෙන්නේ.
ගනුදෙනුව සම්පූර්ණ කිරීමෙන් පසු, සත්යාපනය කරන ලද ලේඛනය (පාරිභෝගික පිටපත) අයදුම්කරු විසින් සපයන ලද විද්යුත් ලිපිනයට විද්යුත් තැපෑලෙන් එවන ලබන බවයි වැඩිදුරටත් සඳහන් වෙන්නේ.
