එක්සත් රාජධානිය විසින් මෙරට හිටපු හමුදා ප්රධානීන් තිදෙනෙකු ඇතුළු සිව්දෙනෙකුට සම්බාධක පැනවීම සම්බන්ධයෙන් රජයේ ස්ථාවරය අද ප්රකාශයට පත් කර තිබෙනවා.
වගවීම සහ සංහිඳියාව පිළිබඳ දේශීය යාන්ත්රණ ශක්තිමත් කිරීමේ ක්රියාවලියේ රජය නිරත වී සිටින අතර, අතීතයේදී සිදුවූ යම් මානව හිමිකම් උල්ලංඝණය කිරීම් ඇතහොත් ඒවා පිළිබඳ දේශීය වගවීම් යාන්ත්රණය හරහා කටයුතු කළ යුතු බවයි විදේශ කටයුතු, විදේශ රැකියා හා සංචාරක අමාත්යාංශය විසින් නිකුත් කළ නිවේදනයේ දැක්වෙන්නේ.
අදාල පුද්ගලයන් සතුව එරට ඇති වත්කම් අත්හිටුවීම සහ ඔවුන්ට එරටට ඇතුළුවීම තහනම් කිරීම ඇතුළත් මෙම සම්බාධක එක්සත් රාජධානියේ රජය විසින් ගන්නා ලද ඒකපාර්ශ්වික පියවරක් බව විදේශ කටයුතු, විදේශ රැකියා සහ සංචාරක අමාත්යාංශය අවධාරණය කර සිටිනවා.
එසේම, රටවල් විසින් ගනු ලබන එවැනි ඒකපාර්ශ්වික පියවර, ශ්රී ලංකාවේ දේශීය සංහිඳියා ක්රියාදාමයට කිසිදු සහයක් නොදක්වන අතර, තත්ත්වය තවදුරටත් ව්යාකූල කිරීමට ඉවහල් වන බව නිරීක්ෂණය වන බවයි තවදුරටත් දැක්වෙන්නේ.
ශ්රී ලංකා රජයේ මෙම ස්ථාවරය විදේශ කටයුතු අමාත්ය විජිත හේරත් විසින් ශ්රී ලංකාවේ බ්රිතාන්ය මහ කොමසාරිස් ඇන්ඩෲ පැට්රික් වෙත අද දින (26) විදේශ කටයුතු, විදේශ රැකියා සහ සංචාරක අමාත්යාංශයේදී දැනුම් දුන් බව වැඩිදුරටත් සඳහන් වෙනවා.
අදාල නිවේදනය පහතින්.
