Latest News
මහ මැතිවරණය සම්බන්ධයෙන් ගතවූ පැය 24 ක කාලය තුළ මැතිවරණ පැමිණිලි 33 ක් වාර්තා වී ඇති බව මැතිවරණ කොමිෂන් සභාව පවසනවා.
ඒ අනුව මහ මැතිවරණය සම්බන්ධයෙන් මෙතෙක් වාර්තා වී ඇති පැමිණිලි සංඛ්යාව 290 ක් දක්වා ඉහළ ගොස් තිබෙනවා.
ලැබුණු පැමිණිලි අතර 211 ක් විසඳීමට කටයුතු කර ඇති අතර තවත් පැමිණිලි 79 ක් විසඳීමට ක්රියාකරමින් ඇති බවයි වැඩිදුරටත් සඳහන් වෙන්නේ.
පාර්ලිමේන්තු මැතිවණයේදී එක් අපේක්ෂකයෙකුට කළ හැකි වියදම් සීමාව ඇතුළත් නිවේදනය මැතිවරණ කොමිසම විසින් නිකුත් කර තිබෙනවා.
ඒ අනුව මැතිවරණ කොට්ඨාස 22 සඳහා වෙන වෙනම අදාළ මුදල් සීමා ප්රකාශයට පත් කර තිබෙනවා.
මැතිවරණ ප්රචාරක වියදම් ඇතුළත් වාර්තාව ප්රතිඵල ප්රකාශයට පත් කර දින 21 ක් ඇතුළත භාරදිය යුතු බවයි අදාළ නිවේදනයේ වැඩිදුරටත් සඳහන් වෙන්නේ.
අදාළ නිවේදනය පහතින්.
ශ්රී ලංකාවේ අමෙරිකානු තානාපති ජූලි චන්ග් මහත්මිය, ආරක්ෂක ලේකම් එයාර් වයිස් මාර්ෂල් සම්පත් තුයියකොන්තා මහතා හමු වී තිබෙනවා.
ඒ අනුව ආරක්ෂක අමාත්යංශයේදී අදාළ හමුව සිදුව ඇති බවයි සඳහන් වෙන්නේ.
දෙරට අතර ද්විපාර්ශවික සබඳතා වර්ධනය කරගැනීම පිළිබඳ කරුණු රැසක් පිළිබඳව එහි දී සාකච්ඡා වී ඇති බවයි ආරක්ෂක අමාත්යංශය සඳහන් කළේ.
ශ්රී ලංකා ගුවන් හමුදාවට නව ගුවන් යානයක් පරිත්යාග කිරීම වෙනුවෙන්, ආරක්ෂක ලේකම්වරයා අමෙරිකාවට සිය කෘතඥතාව ද පළකර තිබෙනවා.
ශ්රී ලංකන් ගුවන් සේවය විකිණීම සඳහා පෙර තිබූ සැලසුම නව රජය විසින් ක්රියාත්මක නොකිරීමට තීරණය කර ඇති බව එම සමාගමේ නව සභාපති සරත් ගනේගොඩ පවසනවා.
ඒ අනුව ආයතනය වඩා ලාභ ලබන ගුවන් සේවයක් බවට පත්කිරීම සඳහා අවශ්ය ප්රතිව්යුහගත කිරීම් සිදුකරන බවයි TTG Asia වෙබ් අඩවිය සමඟ අදහස් දක්වමින් සභාපතිවරයා සඳහන් කර ඇත්තේ.
ශ්රී ලංකන් ගුවන් සේවය මෙරට සංචාරක කර්මාන්තය වර්ධනය කිරීම සඳහා වැදගත්ම සාධකයක් බවත් එම ගුවන් සේවය සියලු ශ්රී ලාංකිකයන්ට ආඩම්බර විය හැකි ජාතික ආයතනයක් බවට පත් කළ යුතු බවට ජනාධිපතිවරයා විසින් උපදෙස් ලබාදී ඇති බවයි ඔහු වැඩිදුරටත් සඳහන් තිබෙන්නේ.
වර්ෂ ගණනාවක් පුරා ශ්රී ලංකන් ගුවන්සේවය පාඩු ලැබීම හේතුවෙන් පසුගිය රජය විසින් එහි කොටස් මිලදී ගැනීම සහ කළමනාකරණය සඳහා ලංසු කැඳවා තිබූ අතර ගුවන් සේවයේ කොටස් 51% රජය යටතේ තබාගෙන ඉතිරි කොටස් 49% ආයෝජකයින්ට විකිණීමට නියමිතව තිබුණා.
රජයට අයවිය යුතු රුපියල් බිලියන 3.5ක වැට් බදු ගෙවීම පැහැරහැරීමේ සිද්ධියක් සම්බන්ධයෙන් මාස හයක සිර දඬුවම් ලබා සිටින ඩබ්ලිව්. එම්. මෙන්ඩිස් සමාගමේ අධ්යක්ෂ අර්ජුන් ඇලෝෂියස් ඇතුළු දෙදෙනෙකු ඇප මත මුදාහරින ලෙස කළ ඉල්ලීම කොළඹ මහෙස්ත්රාත් අධිකරණය ප්රතික්ෂේප කර තිබෙනවා.
අදාළ නඩුව අද (16) කැඳවූ අවස්ථාවේදී මෙම විත්තිකරුවන්ට එරෙහි නඩුකරය මේ වනවිට අපරාධමය නඩුකරයක් බවට පත්වී ඇති නිසා ඔවුන් ඇපමත මුදාහරින ලෙස වගඋත්තරකරුවන් වෙනුවෙන් පෙනී සිටි ජනාධිපති නීතිඥ රසික් සරුක් අධිකරණය හමුවේ කරුණු දක්වමින් ඉල්ලා සිට තිබෙනවා.
කෙසේවෙතත් තීන්දුව ප්රකාශයට පත්කරමින් අතිරේක මහේස්ත්රාත් බණ්ඩාර ඉලංගසිංහ සඳහන් කළේ, මෙය දේශීය ආදායම් දෙපාර්තමේන්තුව විසින් සහතිකයක් මත ඉදිරිපත් කළ නඩුවක් බවයි.
ඒ අනුව විකල්ප දඬුවමක් වන හෙයින් එය අපරාධමය නඩුකරයක් බවට පත් නොවන නිසා ඇප ඉල්ලීම ප්රතික්ෂේප කරන බවයි මහෙස්ත්රාත්වරයා වැඩිදුරටත් නියෝග කර තිබෙන්නේ.
මාතර කැකණදුර ප්රදේශයේදී අද (15) පස්වරුවේ සිදුකළ වෙඩිතැබීමකින් පුද්ගලයෙකු මියගොස් තිබෙනවා.
ත්රිරෝද රථයකින් ගමන් කරමින් සිටි පුද්ගලයෙකුට මෝටර් රථයකින් පැමිණි පුද්ගලයෙකු විසින් මෙම වෙඩිතැබීම සිදුකර ඇති බවයි පොලීසිය සඳහන් කළේ.
විශ්රාමිකයන්ට රුපියල් 3000ක දීමනාවක් ලබාදීමට රජය තීරණය කර තිබෙනවා.
ඒ අනුව මේ මාසයට අදාළ විශ්රම වැටුප ගෙවා තිබීම හේතුවෙන් රුපියල් 3000 ක අමතර දීමනාවක් ලෙස මේ මාසය සඳහා ලබාදීමට තීරණය කර ඇති බවයි කැබිනට් ප්රකාශක, අමාත්ය විජිත හේරත් සඳහන් කළේ.
ලබන මාසයේ සිට රුපියල් 3000 දීමනාව විශ්රාම වැටුපට එකතු කර ලබාදෙන බවයි අමාත්යවරයා වැඩිදුරටත් ප්රකාශ කළේ.
දිවයිනට බලපා ඇති අයහපත් කාලගුණික තත්ත්වය මත ගංවතුර සහ වෙනත් ආපදාවලට ලක්ව ඇති පාසල්වලට නිවාඩු ලබාදීම සම්බන්ධයෙන් අධ්යාපන අමාත්යාංශය දැනුම්දීමක් සිදුකර තිබෙනවා.
ඒ අනුව පාසල්වලට නිවාඩු ලබාදීමේදී පළාත් ප්රධාන ලේකම්, පළාත් අධ්යාපන ලේකම් හෝ පළාත් අධ්යාපන අධ්යක්ෂ විසින් සුදුසු පරිදි අවශ්ය පියවර ගන්නා ලෙසට අධ්යාපන අමාත්යාංශය උපදෙස් ලබාදී ඇති බවයි වාර්තා වන්නේ.
තමන්ට නියම කළ මාස 06ක සිරදඬුවම් නියෝගය නිෂ්ප්රභ කරන ලෙස ඉල්ලා ඩබ්ලිව්. එම්. මැන්ඩිස් සමාගමේ අධ්යක්ෂ අර්ජුන් ඇලෝෂියස් ඇතුළු දෙදෙනෙකු විසින් කොළඹ මහාධිකරණයට යොමු කිරීම සඳහා භාරදුන් අභියාචනය කොළඹ මහෙස්ත්රාත් අධිකරණය විසින් ප්රතික්ෂේප කර තිබෙනවා.
ගෙවීමට නියමිත බදු මුදල් කොටස් වශයෙන් ගෙවීමට අවසර දෙන ලෙසත් තමන්ට නියම කළ නියම කළ මාස 06ක සිරදඬුවම් නියෝගය නිෂ්ප්රභ කරන ලෙසත් ඔවුන් සිය අභියාචනය මඟින් ඉල්ලා සිටි බවයි වාර්තා වන්නේ.
කෙසේවෙතත් එම අභියාචනය කැඳවූ අවස්ථාවේදී කොළඹ මහෙස්ත්රාත් අධිකරණය විසින් එය ප්රතික්ෂේප කර ඇති බවයි වැඩිදුරටත් සඳහන් වෙන්නේ.
කාලගුණ විද්යා දෙපාර්තමේන්තුව විසින් ඉදිරි පැය 24 සඳහා බලපැවැත්වෙන පරිදි දකුණු බෙංගාල බොක්ක මුහුදු ප්රදේශ සඳහා තද වැසි, තද සුළං සහ මුහුද රළුවීම පිළිබඳ අවවාදාත්මක නිවේදනයක් කාලගුණ විද්යා දෙපාර්තමේන්තුව නිකුත් කර තිබෙනවා.
අද (14) දිනයේ ගිනිකොණ දිග බෙංගාල බොක්ක ආශ්රිතව අඩු පීඩන කලාපයක් නිර්මාණය වී ඇති බවයි එම දෙපාර්තමේන්තුව සඳහන් කළේ.
ඒ අනුව, එය ඉදිරි දින 2 තුළ හොඳින් සලකුණු වූ අඩු පීඩන කලාපයක් බවට පත්වීමට ඉඩ ඇති අතර බටහිර-වයඹ දෙසට ගමන් කරමින් උතුරු තමිල්නාඩුව, පුදුචේරි සහ යාබද දකුණු ආන්ද්රා ප්රදේශ වෙරළ තීරය දෙසට ගමන් කරන බවයි සඳහන් වෙන්නේ.
මුහුදු ප්රදේශවල ඉතා තද සුළං (පැ.කි.මී. 60-70) සමගින් තද වැසි පැවතිය හැකි අතර මුහුදු ප්රදේශ ඉතා රළු විය හැකි අතර කාලගුණ විද්යා දෙපාර්තමේන්තුව මඟින් මේ සම්බන්ධව නිකුත් කරන ඉදිරි නිවේදන පිළිබඳ සිය අවධානය යොමු කරන ලෙස ද ධීවර හා නාවික ප්රජාවට දැනුම්දී තිබෙනවා.
මේ සම්බන්ධයෙන් නිකුත් කළ නිවේදනය පහතින්.
