Latest News
2024 මාර්තු මස 8, 9 හා 10 දිනවල යෙදෙන දීර්ඝ සති අන්තය වෙනුවෙන් දුම්රිය දෙපාර්තමේන්තුව විසින් උඩරට දුම්රිය මාර්ගයේ හා උතුරු මාර්ගයේ විශේෂ දුම්රිය ගමන් වාර කිහිපයක් ධාවනයට එක්කර තිබෙනවා.
ඒ අනුව එම දුම්රිය ධාවනය වන කාලසටහන මේ වන විට දුම්රිය දෙපාර්තමේන්තුව විසින් නිකුත් කර තිබෙනවා.
අදාළ කාලසටහන පහතින්.
මෙම වසරේ මුල් මාස දෙක තුළ රිය අනතුරුවලින් පුද්ගලයින් 341 දෙනෙකු මිය ගොස් ඇති බව පොලිස් මාධ්ය ප්රකාශක නියෝජ්ය පොලිස්පති නිහාල් තල්දුව පවසනවා.
ඒ අනුව මෙම වසරේ ජනවාරි 01 වනදා සිට මාර්තු මස 01 වනදා දක්වා කාලය තුළ මාරක රිය අනතුරු 324 ක් වාර්තා වී ඇති බවයි මාධ්ය වෙත අදහස් දක්වමින් ඔහු සඳහන් කළේ.
එම අනතුරුවලින් පුද්ගලයින් 641 ක් බරපතල තුවාල ලබා ඇති බවත් පුද්ගලයින් 341 දෙනෙකු මිය ගොස් ඇති බවද පොලිස් මාධ්ය ප්රකාශකවරයා සඳහන් කළා.
යතුරුපැදි ත්රීරෝද රථ ධාවනය කිරීමේදී විශේෂ අවධානයකින් කටයුතු කරන ලෙසත්, පදික මාරුවේදී ද පදිකයින් මාරුවන අවස්ථාවේදී වාහන හිමියන් කල්පනාකාරී විය යුතු බවයි පොලිස් මාධ්ය ප්රකාශක නියෝජ්ය පොලිස්පති නිහාල් තල්දුව වැඩිදුරටත් ප්රකාශ කළේ.
තාවකාලිකව අත්හිටුවා තිබූ බස්නාහිර පළාතේ පාසල්වල 10 සහ 11 ශ්රේණිවල අවසාන වාර පරීක්ෂණ කටයුතු අද (06) දිනයේ සිට යළි පැවැත්වීමට නියමිතව තිබෙනවා.
වාර විභාගයේ මෙතෙක් නොපැවැත්වූ විෂයන් සඳහා විභාග කටයුතු පැවැත්වීමට නියමිතව ඇති බවයි බස්නාහිර පළාත් අධ්යාපන දෙපාර්ලමේන්තුව ප්රකාශ කළේ.
විභාගය පැවැත්වීමට පෙර විද්යාව, ඉංග්රීසි සහ ගණිතය යන ප්රශ්න පත්ර සමාජ මාධ්ය වෙත නිකුත් වීම හේතුවෙන් 10,11 ශ්රේණිවල විභාග කටයුතු තාවකාලිකව අත්හිටුවීමට පියවර ගෙන තිබුණා.
රටවල් කීපයක Facebook, Instagram සහ Messenger ගිණුම් එක වරම Logout වී ඇති බව විදෙස් මාධ්ය වාර්තා කර තිබෙනවා.
අද රාත්රී 9.11 ට මෙම සිදුවීම වාර්තා වී ඇති බවයි සඳහන් වෙන්නේ.
මෙසේ Logout වූ ඇතැම් පරිශීලකයින්ට නැවත තම ගිණුම් වෙත පිවිසීමට නොහැකි වී ඇති බවයි වැඩිදුරටත් වාර්තා වන්නේ.
දේශපාලනික කටයුතු සඳහා පාසල් සහ පාසල් පරිශ්ර යොදාගැනීම අත්හිටුවීමේ බලය පළාත් ආණ්ඩුකාරවරුන්ට ලබාදීම සඳහා ගෙන ආ කැබිනට් යෝජනාවකට අනුමැතිය හිමිව තිබෙනවා.
ඒ අනුව ජනාධිපති රනිල් වික්රමසිංහ විසින් අදාළ යෝජනාව කැබිනට් මණ්ඩලයට ඉදිරිපත් කළ බවයි කැබිනට් ප්රකාශක අමාත්ය අචාර්ය බන්දුල ගුණවර්ධන සඳහන් කළේ.
විවිධ දානපතියන් හා පරිත්යාගශීලීන් විසින් විශාල පරිත්යාගයන් ලංකාවේ පාසල් පද්ධතියට සිදුකර ඇති බවත්, විවිධ ආධාර සිදුකරන මුවාවෙන් දේශපාලන රැස්වීම් පැවැත්වීම සම්බන්ධයෙන් විවිධ පාර්ශවවලින් ඉදිරිපත් වූ යෝජනා සැලකිල්ලට ගෙන මෙම තීරණය ගෙන ඇති බවයි අමාත්යවරයා වැඩිදුරටත් සඳහන් කළේ.
අද (4) මධ්යම රාත්රියේ සිට ක්රියාත්මක වන පරිදි විදුලි ගාස්තු 21.9%කින් අඩු කිරීමට තීරණය කර ඇති බව මහජන උපයෝගීතා කොමිසම පවසනවා.
ඒ අනුව අද රැස්වූ මහජන උපයෝගීතා කොමිසම මෙම තීරණය ගත් බවයි එම කොමිසමේ සභාපතිවරයා සඳහන් කළේ.
ගාස්තු අඩුවන ආකාරය පහතින්.
විදුලි ගාස්තු අඩුකිරීම පිළිබඳව අද (04) පස්වරුවේ රැස්වී වැඩිදුරටත් සාකච්ඡා කරන බව මහජන උපයෝගීතා කොමිෂන් සභාව පවසනවා.
විදුලි ගාස්තු සංශෝධනයට අදාළව ලංකා විදුලිබල මණ්ඩලය විසින් මෙතෙක් නිවැරදි ලෙස දත්ත ලබානොදීම නිසා ඒ සම්බන්ධයෙන් තීන්දුවක් ගැනීමට මහජන උපයෝගීතා කොමිසමට මෙතෙක් හැකිවී ඇති බවයි වාර්තා වෙන්නේ.
කෘෂිකර්මාන්තය නවීකරණ කිරීමේ ප්රයත්නයන් සාර්ථක කර ගැනීම අරමුණු කරගත් පුළුල් ජාතික වැඩසටහනක් සකස් කිරීම සඳහා රාජ්ය හා පෞද්ගලික අංශ අතර සහයෝගයෙන් කටයුතු කරන ලෙස ජනාධිපති රනිල් වික්රමසිංහ අදාළ නිලධාරීන්ට උපදෙස් ලබාදී තිබෙනවා.
අයවැය මඟින් ජාතික, පළාත් සහ ප්රාදේශීය මට්ටමින් වාර්ෂිකව ප්රතිපාදන වෙන් කළද රාජ්ය හා පෞද්ගලික ආයතන වෙන් වෙන් වශයෙන් කටයුතු කිරීම හේතුවෙන් අපේක්ෂිත ප්රතිඵල ලබා ගැනීම ප්රමාද වී ඇති බව පෙන්වා දුන් ජනාධිපතිවරයා මෙම වැඩසටහන ක්රියාත්මක කිරීමේදී මුහුණ දෙන අභියෝග ජයගැනීම සඳහා රාජ්ය හා පෞද්ගලික කෘෂි පර්යේෂණ ආයතන මෙන්ම විශ්වවිද්යාල පද්ධතියේද සහාය ලබා ගැනීමේ වැදගත්කම අවධාරණය කර තිබෙනවා.
රාජ්ය ප්රතිපත්තිවලට ගැළපෙන ලෙස බිම් මට්ටමින් ක්රියාත්මක කිරීමට හැකිවන පරිදි මෙම ජාතික වැඩසටහන සකස් කිරීමේ අවශ්යතාවද මෙහිදී ජනාධිපති රනිල් වික්රමසිංහ පෙන්වාදී තිබෙනවා.
මේ සම්බන්ධයෙන් නිකුත් කළ නිවේදනය පහතින්.
ප්රශ්නගත ප්රතිදේහ එන්නත් වංචාව සම්බන්ධයෙන් මහෙස්ත්රාත්වරිය ඉදිරියේ පාපොච්චාරණයකට තමන් සුදානම් බව සෞඛ්ය අමාත්යාංශයේ අතිරේක ලේකම් වෛද්ය සමන් රත්නායක අධිකරණය හමුවේ ප්රකාශ කර තිබෙනවා.
අපරාධ පරීක්ෂණ දෙපාර්තමේන්තුවේ අත්අඩංගුවට පත්වීමෙන් පසු මාලිගාකන්ද මහෙස්ත්රාත් අධිකරණයට ඉදිරිපත් කළ අවස්ථාවේදී ඔහු මේ බව සඳහන් කර ඇති බවයි වාර්තා වෙන්නේ.
ඒ අනුව දීර්ඝ ලෙස කරුණු විභාග කිරීමෙන් අනතුරුව සැකකරු සම්බන්ධයෙන් පෙනී සිටි නීතිඥ කාංචන රත්වත්තේ සුවිශේෂි කරුණු කිහිපයක් දක්වමින් සිට සේවාදායකයා ඇප මත මුදා හරින්නැයි ඉල්ලා තිබෙනවා.
මහේස්ත්රාත්වරිය විසින් එම ඇප ඉල්ලීම ප්රතික්ෂේප කර සැකකරු දින 14ක කාලයක් සඳහා රක්ෂිත බන්ධනාගාර ගත කිරීමට සූදානම්වනවාත් සමඟම විත්තිකූඩුවේ සිටි සැකකරු තමන්ට අධිකරණය ඉදිරියේ ප්රකාශයක් සිදුකළ යුතු බව සඳහන් කර තිබෙනවා.
අධිකරණය ඉදිරියේ ප්රකාශයක් සිදුකිරීමට අවැසි නම් ඊට නෛතික ප්රතිපාදන තිබෙන අතර මහෙස්ත්රාත්වරිය ඉදිරියේ ප්රකාශ කළ යුතු දේ රහසිගතව සිදු කිරීමට හැකි බවත් එසේ සිදුකරන ප්රකාශය අධිකරණය ඉදිරියේ සැකකරුට එරෙහිව භාවිතා වීමට හැකිි බවද, එම ප්රකාශය මත ඔහුව තවදුරටත් සැකකරුවෙකු ලෙස සැලකීම හෝ නඩුවේ සාක්ෂිකරුවෙකු කරගැනීම සිදු වන බැවින් හොඳින් සිිතා ඒ පිළිබඳ තීරණයක් ගන්නා ලෙස මහෙස්ත්රාත්වරිය සැකකරුට ප්රතිචාර දක්වමින් සඳහන් කර තිබෙනවා.
අනතුරුව සැකකාර සමන් රත්නායක තමන් ඉදිරියේ ප්රකාශයක් කිරීමට සූදානම් බවත් හෙට (04) දිනයේ ඒ සඳහා අවස්ථාව ලබාදෙන බවත්, එතෙක් සැකකරුව සෙසු සැකකරුවන්ගෙන් වෙන්ව තබන ලෙසද මහෙස්ත්රාත්වරිය නියෝග කර තිබෙනවා.
ජනවරමක් නොමැති ආණ්ඩුවකට රජයේ වැදගත් ආයතන විකුණා දැමීම සම්බන්ධයෙන් තීරණ ගත නොහැකි බව පාර්ලිමේන්තු මන්ත්රීනී හරිනි අමරසූරිය පැවසුවා.
බැංකු සේවක සංගමය, ජාතික විදුලි බල මණ්ඩලය, ශ්රී ලංකා ටෙලිකොම් ආයතනය සහ රක්ෂණ සංස්ථාව නියෝජනය කරන ජාතික සම්පත් සුරැකීමේ ව්යාපාරයේ නියෝජිතයන් සමඟ ඊයේ (01) පැවති සාකච්ඡාවකින් පසු මාධ්ය වෙත අදහස් දක්වමින් ඇය මේ බව සඳහන් කළා.
මෙම හමුව ජනතා විමුක්ති පෙරමුණු පක්ෂ කාර්යාලයේදී පැවත්වුනු අතර අදාල ආයතන වර්තමානයේ මුහුණ දී තිබෙන ගැටළු සම්බන්ධයෙන් එහිදී සාකච්ඡා කර තිබෙන බවයි වාර්තා වන්නේ.
