Latest News
ජනප්රිය ටෙලිනාට්ය නිළි සහ ස්වර්ණවාහිනී ප්රවෘත්ති නිවේදිකා මහේෂි මධුසංකා අධිකරණ වෛද්ය හමුවට..
හිරු නාලිකාවෙන් සහ විවිධ පුද්ගලයින් සමාජ මාධ්ය යොදා ගනිමින් සිදුකරන පදනම් විරහිත ප්රකාශ නිසා සිත් තැවුලට පත් මහේෂි මදි සංකා මහත්මිය කොළඹ කාන්තා හා ළමා කාර්යාංශය හරහා අද දින අධිකරණ වෛද්ය නිලධාරීවරයා වෙත යොමු කරනු ලැබුවා.
ශ්රී ලංකන් ගුවන් සේවයේ මෙහෙයුම් සහ මූල්ය ප්රගතිය ඉදිරි මාස 06ක කාලය තුළදී පෙන්විය යුතු බව අමාත්ය නිමල් සිරිපාල ද සිල්වා විසින් එහි පාලනාධිකාරියට සහ වෘත්තීය සමිති වෙත දැනුම්දී තිබෙනවා.
එසේ නොවුණහොත් 6000ක පමණ සේවකයින්ගේ රැකියාවල අස්ථාවරභාවයක් ඇතිවන බවයි අද (11) පෙරවරුවේ වරාය නාවික හා ගුවන්සේවා අමාත්යාංශයේ පැවති විශේෂ සාකච්ඡාවකදී අමාත්යවරයා සඳහන් කළේ.
ජනාධිපතිවරයාගේ යෝජනාවකට අනුව ශ්රී ලංකන් ගුවන් සේවය බැංකු සහ ආයතන කිහිපයකට ගෙවීමට තිබූ අමෙරිකානු ඩොලර් බිලියන 1.2ක පමණ ණය ප්රමාණයෙන් අමෙරිකානු ඩොලර් මිලියන 510ක් පමණ රජය විසින් ගෙවා දැමීමට තීරණය කර තිබෙනවා.
එබැවින් එම මාස 06 තුළ ශ්රී ලංකන් ගුවන් සමාගමේ අනවශ්ය වියදම් කපා හැර මනා මූල්ය විනයක් සමාගම තුළ ඇති කරගත යුතු බවත්, ඒ සඳහා පරිපාලනය සහ වෘත්තීය සමිති ඒකාබද්ධව කටයුතු කළයුතු බවයි අමාත්යවරයා වැඩිදුරටත් සඳහන් කළේ.
ශ්රී ලංකා මහ බැංකුවේ සේවක වැටුප් වැඩි කිරීමට එරෙහිව සිවිල් සංවිධාන කිහිපයක් අද (11) විරෝධතාවයක නිරත වුණා.
ඒ අනුව ඔවුන් බැංකු පරිශ්රය ඉදිරිපිට දී මෙලෙස විරෝධතාවයේ නිරත වී ඇති බවයි වාර්තා වෙන්නේ.
වැඩි කරගත් වැටුප් පහළ දැමීමට නොහැකි නම් මහ බැංකු අධිපතිවරයා ඇතුළු පිරිස සිය තනතුරුවලින් ඉවත් විය යුතු බවයි ඔවුන් පෙන්වා දෙන්නේ.
ගම්මිරිස්, ඉඟුරු, කහ ඇතුළු කුළුබඩු වර්ග ප්රතිඅපනයනය කිරීම සඳහා ආනයනයට අවසර ලබාදීමට රජය පියවර ගෙන තිබෙනවා.
ඒ අනුව, ගම්මිරිස්, සාදික්කා, වසාවාසි, කරඳමුංගු, ඉඟුරු, කහ සහ අනෙකුත් කුළුබඩු වර්ග ආනයන හා අපනයන පාලන ජනරාල්වරයාගේ අනුමැතියට යටත්ව ආනයනය කිරීමට අවසර හිමිව තිබෙනවා.
එලෙස ආනයනය කරනු ලබන ද්රව්ය සඳහා දේශීයව 35% ක අවම අගයක් එකතු කිරීමෙන් අනතුරුව ප්රතිඅපනයනය කිරීම සඳහා අවසර හිමිවන බවයි මුදල් අමාත්යංශය සඳහන් කළේ.
අදාළ ගැසට් නිවේදනය පහතින්.
මෙවර ලෝක රූ රැජින කිරුළ චෙක් ජනරජයේ Krystyna Pyszková විසින් හිමිකරගෙන තිබෙනවා.
71 වෙනි ලෝක රූ රැජින කිරුළ ඉන්දියාවේ මුම්බායිහිදී ඊයේ (09) රාත්රී අතිඋත්කර්ෂවත් අයුරින් පවත්වා ඇති බවයි විදෙස් මාධ්ය වාර්තා කරන්නේ.
එම තරගාවලිය සඳහා රටවල් 115ක තරගකාරිනියන් සහභාගී වූ අතර චෙක් ජනරජයේ Krystyna Pyszková ලෝක රූ රැජින කිරුළ හිමිකරගෙන ඇති අතර අනුශූරිය ලෙස ලෙබනනයේ Yasmina Zeytoun තේරී පත්ව තිබෙනවා.
113 වැනි ජාත්යන්තර කාන්තා දිනය නිමිත්තෙන් ඊයේ (08) ජාතික ජන බලවේගයේ කාන්තාවෝ සංවිධානය මගින් රට පුරා උද්ඝෝෂණ මාලාවක් සංවිධානය කර තිබුනා.
“බදු බරින් බඩු මිලෙන් ජනතාව පෙළන ආණ්ඩුව පළවා හරිමු” යන මැයෙන් රටේ ප්රධාන නගර වල පැවැත්වූ මෙම උද්ඝෝෂණ මාලාව සඳහා කාන්තාවන් විශාල ප්රමාණයක් සහභාගී වී ඇති බවයි වාර්තා වන්නේ.
අධ්යාපන ප්රතිසංස්කරණ සම්බන්ධයෙන් රජය විශේෂ අවධානයක් යොමු කර තිබෙන බව අධ්යාපන රාජ්ය අමාත්ය අරවින්ද් කුමාර් පවසනවා.
දැනට 13 වසරේදී පැවැත්වෙන උසස් පෙළ විභාගය ඉදිරියේදී 12 වසරේදී පැවැත්වීමට බලාපොරොත්තු වන බවත්, 11 වසරේදී පැවැත්වෙන අපොස සාමාන්ය පෙළ විභාගය ඉදිරියේදී 10 වසරේදී පැවැත්වීමට අපේක්ෂා කරන බවයි මාධ්ය සාකච්ඡාවකට එක්වෙමින් අමාත්යවරයා සඳහන් කලේ.
වර්තමානයේ කුඩා දරුවන් හට ඕනෑම දෙයක් ඉතා ඉක්මනින් අවබෝධ කර ගැනීමේ ශක්තිය ඇති බවත්, එම නිසා කුඩා දරුවන් සඳහා පළමු ශ්රේණියට පෙර “පූර්ව ශ්රේණිය” (Pre-Grade) ආරම්භ කිරීමට සූදානමින් සිටින බවද එහිදී හෙළි කෙරුණා.
නව අධ්යාපන ප්රතිසංස්කරණය සමඟ අධ්යාපන ක්ෂේත්රය තවදුරටත් ශක්තිමත් කිරීම සඳහා දැනට තිබෙන කලාප අධ්යාපන කාර්යාල 100ක සංඛ්යාව 120 දක්වා වැඩි කිරීමට බලාපොරොත්තු වන බවයි අමාත්යවරයා වැඩිදුරටත් පැවසුවේ.
ස්ත්රී පුරුෂ සමාජභාවීය සමානාත්මතාව සහ කාන්තාවන් සවිබල ගැන්වීම සඳහා වන පනත් කෙටුම්පත් දෙක ලබන මැයි මාසයේ දී පාර්ලිමේන්තුවට ඉදිරිපත් කරන බව ජනාධිපති රනිල් වික්රමසිංහ පවසනවා.
කාන්තාවන් සවිබල ගැන්වීම සඳහා වන පනතට අනුව වෙනම කොමිෂන් සභාවක් ස්ථාපිත කිරිමට අපේක්ෂා කරන බවත්, ආණ්ඩුක්රම ව්යවස්ථාවේ විධිවිධානවලට යටත්ව කාන්තා අයිතිවාසිකම් ආරක්ෂා කිරීමේ යාන්ත්රණය හඳුන්වා දීම මඟින් කාන්තාවන්ගේ අභිවෘද්ධිය සහ සවිබල ගැන්වීම සඳහා විධිවිධාන සැලැස්වීම එහි අරමුණ බවත් ජනාධිපතිවරයා සඳහන් කළා.
මීට අමතරව ස්ත්රී පුරුෂ සමාජභාවය පදනම් කර ගත් අයවැයකරණය ද ඉදිරියේදී ගෙන ඒමට කටයුතු කරන බවත්, එය ආසියාවේ පළමු වරට සිදු කෙරෙන බවයි අද (08) පෙරවරුවේ බත්තරමුල්ල වෝටර්ස් ඒජ් හෝටලයේ පැවති ජාත්යන්තර කාන්තා දින ජාතික සැමරුම් උත්සවය අමතමින් ජනාධිපතිවරයා වැඩිදුරටත් සඳහන් කළේ.
මේ සම්බන්ධයෙන් නිකුත් කළ නවේදනය පහතින්.
පොලිස් විශේෂ කාර්ය බළකාය විසින් නැගෙනහිර පළාතේ සිදුකළ සෝදිසි මෙහෙයුම්වලට අදාළව වාලච්චේන සෙම්මන්නෝඩේ ගම්මානයේදී මත්ද්රව්ය වැටලීමක් සිදුකර තිබෙනවා.
එහිදී අයිස් මත්ද්රව්ය සමග 23 හැවිරිදි කාන්තාවක් අත්අඩංගුවට ගෙන ඇති බවයි වාර්තා වෙන්නේ.
ඒ අනුව අදාළ ගම්මානයේ නිවසක් පරීක්ෂා කිරීමේදී අයිස් මත්ද්රව්ය ග්රෑම් 53යි මිලිග්රෑම් 240ක්, කේරළ ගංජා ග්රෑම් 24යි මිලිග්රෑම් 30ක්, මත්පෙති 2,950ක් සහ රුපියල් 86,000ක මුදලක් නිලධාරීන් භාරයට ගෙන තිබෙනවා.
පසුව අදාළ සැකකාරිය සහ මත්ද්රව්ය ඉදිරි පරීක්ෂණ කටයුතු සඳහා වාලච්චේන පොලීසියට භාරදී තිබෙනවා.
පාර්ලිමේන්තු මන්ත්රී රෝහිත අබේගුණවර්ධන පොදු ව්යාපාර පිළිබඳ කාරක සභාවේ (කෝප් කමිටුවේ) සභාපති ධුරයට තේරී පත්ව තිබෙනවා.
ඒ අනුව අද (07) රැස්වූ පොදු ව්යාපාර පිළිබඳ කාරක සභාවේදී මෙම පත්වීම සිදුව ඇති බවයි වාර්තා වෙන්නේ.
