Latest News
අලුත් අවුරුද්දට ගම්බිම් බලා යන ජනතාවට විශේෂ දුරගමන් ප්රවාහන සේවා මේ වනවිට ආරම්භ කර ඇති බව ප්රවාහන බලධාරින් පවසනවා.
ලංකා ගමනාගමන මණ්ඩලය උත්සවය සමය වෙනුවෙන් බස් රථ 1,400ක් ධාවනයට එක්කිරීමට නියමිතව ඇති බවයි වාර්තා වෙන්නේ.
උත්සවය සමය වෙනුවෙන් ගම්බිම් බලා යන ජනතාවට විශේෂ දුම්රිය 12ක් ධාවනය කිරීමට දුම්රිය දෙපාර්තමේන්තුව සැලසුම් කර ඇති බවයි ශ්රී ලංකා දුම්රිය දෙපාර්තමේන්තුවේ, නියෝජ්ය සාමාන්යාධිකාරී (ගමනාගමන), නන්දන ඉඳිපොලගේ සඳහන් කළේ.
ජෙනරාල් ශ්රීමත් ජෝන් කොතලාවල ආරක්ෂක විශ්වවිද්යාලයේ වෛද්ය විද්යා උපාධිය සඳහා ගෙවීමේ පදනම මත දේශීය සිසුන් ඇතුළත් කර ගැනීමට කැබිනට් අනුමැතිය හිමිව තිබෙනවා.
අනුව මේ වසරේ සිට එම වෛද්ය උපාධි වැඩසටහන සඳහා දේශීය සිසුන් ගෙවීම් පදනමින් සහ උසස් පෙළ Z අගය සහ අනෙකුත් සුදුසුකම් මත පදනම්ව ඇතුළත් කර ගැනීමට අනුමැතිය හිමිව ඇති බවයි වාර්තා වෙන්නේ.
අදාළ කැබිනට් තීරණය පහතින්.
ගම්පහ කටුගස්තර ප්රදේශයේ අද (08) සවස සිදුවූ වෙඩිතැබීමකින් පුද්ගලයෙකු මියගොස් තිබෙනවා.
අද පස්වරු 4.00 ට පමණ නාඳුනන පුද්ගලයෙකු විසින් මෙම වෙඩිතැබීම සිදුකර ඇති බවයි වාර්තා වෙන්නේ.
වෙඩි ප්රහාරයෙන් බරපතළ තුවාල ලැබූ පුද්ගලයෙකු ප්රතිකාර සඳහා ගම්පහ රෝහල වෙත ඇතුළත් කිරීමෙන් අනතුරුව ඔහු මියගොස් තිබෙනවා.
කොම්පඤ්ඤවීදිය, විනිසුරු අක්බාර් මාවත හා උත්තරානන්ද මාවත සම්බන්ධ කරමින් දුම්රිය මාර්ගයට ඉහළින් ඉදිකරන ලද ද්විත්ව ගුවන් පාලම ජනාධිපති රනිල් වික්රමසිංහ විසින් අද (08) ජනතා අයිතියට පත්කර තිබෙනවා.
රජයේ කාර්යාල, රෝහල්, ආගමික ස්ථාන, ආපනශාලා, චිත්රපට ශාලා ඇතුළු විවිධ ආයතනයන්ගෙන් සමන්විත ඉතා කාර්යබහුල වාණිජ නගරයක් වන කොම්පඤ්ඤවීදිය ප්රදේශයේ පිහිටි දුම්රිය හරස් මාර්ගය හේතුවෙන් දෛනිකව පැය 3කට ආසන්න කාලයක් අපතේ යන බවට නිරීක්ෂණය වී ඇති බවයි වාර්තා වෙන්නේ.
එම ප්රමාදය මඟහරවා ගැනීම ඉලක්ක කර මාර්ග සංවර්ධන අධිකාරිය විසින් සිදු කරන මෙම ව්යාපෘතිය සිදුකර ඇති බවයි වැඩිදුරටත් සඳහන් වෙන්නේ.
මේ සම්බන්ධයෙන් නිකුත් කළ නිවේදනය පහතින්.
අඩු ආදායම්ලාභී පවුල් සඳහා සහල් බෙදාදීමේ කටයුතු කඩිනමින් සිදුකරන ලෙස රාජ්ය පරිපාලන, ස්වදේශ කටයුතු, පළාත් සභා සහ පළාත් පාලන අමාත්යංශය විසින් සියලු දිස්ත්රික් ලේකම්වරුන් වෙත දැනුම්දී තිබෙනවා.
ජනාධිපති රනිල් වික්රමසිංහ විසින් ඉදිරිපත් කළ යෝජනාවකට අනුව අඩු ආදායම්ලාභී පවුල්වලට මාස දෙකක් සඳහා එක් පවුලකට සහල් කිලෝග්රෑම් 20ක් ලබා දීමට පසුගියදා කැබිනට් අනුමැතිය හිමිව තිබුණා.
අස්වැසුම ප්රතිලාභීන්, අභියාචනා ඉදිරිපත් කර ඇති පුද්ගලයින් අතරින් සුබසාධන ප්රතිලාභ මණ්ඩලය විසින් අස්වැසුම වැඩසටහන සඳහා තෝරාගන්නා පුද්ගලයින්, අස්වැසුම වැඩසටහන හරහා ප්රතිලාභ නොලැබෙන සමෘද්ධි ප්රතිලාභීන්, අස්වැසුම හෝ සමෘද්ධි ප්රතිලාභ නොලබන අමතර මූල්යාධාර ලබන වැඩිහිටි පුද්ගලයින්, ආබාධිත පුද්ගලයින් සහ නිදන්ගත රෝගී පුද්ගලයින් සඳහා මෙම සහල් මලු බෙදාදීමට නියමිතයි.
එළැඹෙන 11 වනදා සිට 14 වනදා දක්වා වූ දීර්ඝ නිවාඩුවට අදාළව රාජකාරී ඉටුකිරීම සම්බන්ධයෙන් රාජ්ය පරිපාලන ස්වදේශ කටයුතු, පළාත් සභා හා පළාත් පාලන අමාත්යාංශය විසින් දැනුම්දීමක් සිදුකර තිබෙනවා.
එම කාලසීමාව තුළදී සියලුම ප්රාදේශීය ලේකම්වරු ඇතුළු දිස්ත්රික්කයේ සියලුම රාජ්ය නිලධාරීන්, රාජ්ය ආයතන සමග සම්බන්ධීකරණය කරමින් අවශ්ය කටයුතු සිදුකරන ලෙස සියලුම දිස්ත්රික් ලේකම්වරු, ප්රාදේශීය ලේකම්වරු ඇතුළු ප්රාදේශීය පාලනයේ සේවයේ නියුතු සියලුම නිලධාරීන් වෙත දැනුම්දී තිබෙනවා.
එසේම මෙම කාලසීමාව තුළදී ආපදා සහ හදිසි අත්යාවශ්ය කාර්යයන් සම්බන්ධයෙන් අවධානයෙන් කටයුතු කරන ලෙසද දැනුම්දී ඇති බවයි වාර්තා වෙන්නේ.
එසේම මේ වනවිට රජයේ සංවර්ධන කටයුතුවලට අදාළව ක්රියාත්මක වන සංවර්ධන ව්යාපෘති, වැඩසටහන් මෙම නිවාඩු කාලසීමාව තුළදී බාධාවකින් තොරව පවත්වාගෙන යාම සඳහා අවශ්ය වැඩපිළිවෙල යෙදීමට කටයුතු කරන ලෙසද රාජ්ය පරිපාලන අමාත්යංශය දැනුම්දී තිබෙනවා.
දකුණු රුසියාවේ ගුවන් කඳවුරකට යුක්රේනය ඩ්රෝන ප්රහාරයක් එල්ල කර ඇති බව විදෙස් මාධ්ය වාර්තා කරනවා.
ප්රහාරයෙන් රුසියාවේ රොස්තොව් ප්රදේශයේ ගුවන් කඳවුරක තිබූ රුසියානු ගුවන් යානා 6ක් විනාශ වී ඇති බවත්, තවත් ගුවන් යානා 8කට දැඩි ලෙස හානි සිදුවී ඇති බවයි වාර්තා වන්නේ.
රුසියානු නිලධාරීන් 20 දෙනෙකු පමණ මෙම ප්රහාරයෙන් ජීවිතක්ෂයට පත්ව ඇති අතර ඩ්රෝන යානා 40කට වැඩි ප්රමාණයකින් ප්රහාරය එල්ල කර ඇති බවයි විදෙස් මාධ්ය වාර්තා කළේ.
නැකැත් හරි හෝ වැරදි විය හැකි බවත් තමන්ගේ ආත්ම විශ්වාසය සමඟ වැඩකටයුතු සිදු කරන ලෙස බුද්ධශාසන ආගමික සහ සංස්කෘතික කටයුතු අමාත්ය විදුර වික්රමනායක පවසනවා.
නැකැත් කමිටුව පත්වන ආකාරය තමන් නොදන්නා අතර 1992 වසරේ වී.ජේ.මූ. ලොකුබණ්ඩාර විසින් නැකැත් කමිටුවක් සකස් කර ඇති බවත් එදා සිට වර්ථමානය දක්වාම කිසිඳු සංශෝධනයක් නොමැතිව එම කමිටුව පැමිණ ඇති බවයි අමාත්යවරයා සඳහන් කළේ.
රටේ ජනාධිපතිවරු අගමැතිවරුන් මන්ත්රීවරුන් පළවෙනි අඩිය තැබීම්, අත්සන් කිරීම්, දිවුරුම් දීම් වැනි සියලුදේ නැකතට සිදු කළත්, වසර 75 කට පසු රට බංකොලොත්වී ඇති බව ඔහු පෙන්වා දෙනවා.
ලෝකයේ රටවල් අතරින් සියලු දෙනා එකට හැලි වලං ලිපේ තබා කිරි උතුරවා කිරිබත් සාදා එකම අවස්ථාවේ ආහාර ගන්නා ලෝකයේ එකම රට ශ්රී ලංකාව බවත්, මෙම නැකැත් අර්බුදය හරහා සිදුව ඇත්තේ රටේ සංස්කෘතියට පහර ගැසීමක් බවයිි ඔහු වැඩිදුරටත් ප්රකාශ කළේ.
මේ වර්ෂයට මුදල් වෙන් වී ජනාධිපතිවරණයක් පැවැත්වීමට පමණක් බව අමාත්ය ආචාර්ය සුසිල් ප්රේමජයන්ත පවසනවා.
ජාතික විද්යා පදනම විසින් සංවිධානය කරන ලද උත්සවයකට සහභාගි වෙමින් අධ්යාපන අමාත්යවරයා වැඩිදුරටත් සඳහන් කළේ, නීත්යනුකූලව පැවැත් වීමට නියමිතව ඇත්තේ, මහමැතිවරණයක් නොව ජනාධිපතිවරණයක් බවයි.
මහජන අරගලයෙන් පසුව ස්ථාන මාරු ලබා දුන් පොලිස් ස්ථානාධිපතිවරුන් පස් දෙනෙකුට ඔවුන් පෙර සිටි පොලිස් ස්ථානවලට සමාන්තර පොලිස් ස්ථාන ලබාදීමට කටයුතු කරන බව පොලිස්පතිවරයා අද (05) ශ්රේෂ්ඨාධිකරණයට දැනුම්දී තිබෙනවා.
අදාළ පෙත්සම් අද අගවිනිසුරු ජයන්ත ජයසූරිය රමුඛ ත්රිපුද්ගල විනිසුරු මඩුල්ලක් ඉදිරියේ කැඳවනු ලැබූ අවස්ථාවේදී පොලිස්පති දේශබන්දු තෙන්නකෝන් ද්ගලිකවම අධිකරණයේ පෙනී සිට තිබෙනවා.
එහිදී පොලිස්පතිවරයා විසින් අතිරේක සොලිසිටර් ජනරාල්වරයා මාර්ගයෙන් අධිකරණයට මේ බව දැනුම්දී ඇති බවයි වාර්තා වෙන්නේ.
