Gossip News
මැල්සිරිපුර නාබැට ප්රදේශයේ සිදුවු රිය අනතුරකින් පුද්ගලයෙකු මියගොස් තිබේ.
යතුරුපැදියක් ඉදිරියෙන් ධාවනය වූ ලොරි රථයක පිටුපස ගැටී පසුව ඊට ප්රථිවිරුද්ධ දෙසින් පැමිණි තවත් ලොරි රථයක ද ගැටීමෙන් මෙම අනතුර සිදුව ඇති වාර්තා වේ.
අනතුරින් බරපතළ තුවාල ලැබු යතුරුපැදිකරු රෝහලට ඇතුළත් කිරීමේදී මියගොස් ඇත.
මෙලෙස මියගොස් ඇත්තේ 51 හැවිරිදි මැල්සිරිපුර ප්රදේශයේ පදිංචිව සිටි පුද්ගලයෙකි.
අනතුර සම්බන්ධයෙන් ලොරි රථවල රියදුරන් දෙදෙනා අත්අඩංගුවට ගෙන ඇති අතර මැල්සිරිපුර පොලීසිය වැඩිදුර විමර්ශන සිදු කරයි.
දෙහිවල මුහුදු මාවත ප්රදේශයේ හෝටලයක් තුළ සිදූවූ වෙඩි තැබීමකින් බරපතළ තුවාල ලබා රෝහල් ගත කර සිටි එහි හිමිකරු ජීවිතක්ෂයට පත්ව තිබේ.
දෙහිවල මුහුදු මාවත ප්රදේශයේ හෝටලයක් තුළ වෙඩි තැබීමක් සිදුව තිබුණේ අද රාත්රි 7.54ට පමණය.
හෝටලයට පැමිණ මත්පැන් පානය කරමින් සිටි දෙදෙනෙකු එම හෝටලයේ හිමිකරු ඉලක්ක කර මෙම වෙඩි තැබීම සිදුකර පලාගොස් තිබුණි.
එහිදි එම හිමිකරුගේ හිසට වෙඩි වැදී ඇති අතර වෙඩි තැබීමෙන් බරපතළ තුවාල ලැබූ එහි හිමිකරු කළුබෝවිල ශික්ෂණ රෝහලට ඇතුළත් කෙරුණි.
වෙඩිතැබීම සිදුකළ සැකකරුවන් යතුරුපැදියකින් පලාගොස් ඇති බවට පොලීසිය සැක පළ කරයි.
මෙම වෙඩිතැබීම මේ වසරේ දෙවැනි වෙඩිතැබීම වන අතර, මේ වනවිට වෙඩිතැබීම්වලින් පුද්ගලයින් දෙදෙනෙකු මියගොස් තවත් දෙදෙනෙකු තුවාල ලබා ඇතැයි පොලීසිය පැවසීය.
වත්තල ප්රාදේශීය සභාවේ වැලිසර උපකාර්යාලයේ තාක්ෂණික නිලධාරියෙකු ජනවාරි 23 දක්වා රක්ෂිත බන්ධනාගාරගත කිරීමට කොළඹ ප්රධාන මහේස්ත්රාත් අසංග එස්. බෝදරගම අද (08) නියෝග කර තිබේ.
ඒ ගොඩනැගිලි සැලැස්මක් අනුමත කර ගැනීම සඳහා ඉදිරිපත් කරන ලද සැලසුමේ අඩුපාඩු නොසලකා හැර එය අනුමත කර දීමට අවශ්ය කටයුතු සිදු කරදීමට අල්ලස් වශයෙන් රුපියල් 50,000ක මුදලක් ඉල්ලා ලබාගත් බව කියන සිද්ධියකට අදාළව ය.
අල්ලස් කොමිසම විසින් සිද්ධියට අදාළ සැකකරු අධිකරණයට ඉදිරිපත් කළ අවස්ථාවේදී මෙම නියෝගය ලබා දී ඇත.
රාගම ප්රදේශයේ පුද්ගලයකු කරන ලද පැමිණිල්ලකට අනුව වැටලීමක් සිදු කර සැකකරු අත්අඩංගුවට ගත් බව අල්ලස් කොමිසම සඳහන් කළේය.
පැමිණිලිකරුට අයත් වැලිසර පිහිටි ගොඩනැගිල්ලක සැලැස්මේ අඩුපාඩු පෙන්වා ඇති සැකකරු එම අඩුපාඩු නොසලකා සැලැස්ම අනුමත කරදීම සඳහා පැමිණිලිකරුගෙන් මෙම මුදල ඉල්ලා ලබා ගනිද්දි ඊයේ (07) පස්වරු 3.50ට පමණ වත්තල ප්රාදේශීය සභාවේ වැලිසර උප කාර්යාලයේ දී මෙසේ අත්අඩංගුවට ගෙන තිබේ.
සිද්ධිය සම්බන්ධයෙන් වැඩිදුරටත් විමර්ශන කටයුතු සිදු කරන බැවින් සැකකරු තවදුරටත් රක්ෂිත බන්ධනාගාරගත කරන ලෙස විමර්ශන නිලධාරීන් අධිකරණයෙන් ඉල්ලා සිටියේය.
ඒ අනුව ඉදිරිපත් වූ කරුණු සලකා බැලූ මහේස්ත්රාත්වරයා සැකකරු ලබන 23 දක්වා රක්ෂිත බන්ධනාගාරගත කරන ලෙස නියෝග කර ඇත.
2025 වර්ෂය තුළ විදේශ රැකියා වංචනික ක්රියාවල නිරත වූ පුද්ගලයින් හා බලපත්ර රහිත රැකියා නියෝජිත ආයතනවලට එරෙහිව නඩු පවරන ලද වින්දිතයින්ට රුපියල් ලක්ෂ 3,743කට අධික මුදලක් යළි අයකරදීමට කටයුතු කළ බව ශ්රී ලංකා විදේශ සේවා නියුක්ති කාර්යාංශය පවසයි.
කාර්යාංශයේ නියෝජ්ය සාමාන්යාධිකාරී නීතීඥ නෙළුම් සමරසේකර මහත්මියගේ උපදෙස් පරිදි ක්රියාත්මක කරන ලද විශේෂ වැටලීම් හා කාර්යාංශයට ලැබුණු පැමිණිලි මත මෙම නඩු පැවරීම් සිදුකර තිබේ.
මේ අනුව පසුගිය වසර තුළ විදේශ රැකියා වංචාකරුවන්ට එරෙහිව අධිකරණයේ පවරා ඇති නඩු ප්රමාණය 791ක් වන අතර, එම කාලය තුළ විවිධ පැමිණිලි 4,734ක් කාර්යාංශයට ලැබී ඇත.
තවද මෙම කාලය තුළ කාර්යාංශයේ විශේෂ විමර්ශන අංශය මගින් සිදුකරන ලද වැටලීම් ප්රමාණය 20ක් බව විදේශ සේවා නියුක්ති කාර්යාංශය පවසයි.
එම වැටලීම් අතරට නීතිවිරෝධි ක්රියාවල යෙදුණු බලපත්රලාභී විදේශ රැකියා නියෝජිත ආයතන 2ක් අයත්ය.
එමෙන්ම මෙම කාලය තුළදී වංචනිකයින් 121 දෙනෙකු අත්අඩංගුවට ගෙන ඇති අතර, ඒ අතරට බලපත්රලාභී රැකියා නියෝජිත ආයතනවල පුද්ගලයින් 15ක්ද අයත් වන බව සඳහන්.
මේ අතර විදේශ රැකියා වංචා වැළැක්වීම සඳහා විශේෂ පුහුණුව ලත් පොලිස් නිලධාරීන්ගෙන් සමන්විත විශේෂ පොලිස් ඒකකයක්ද පසුගිය වසරේදී කාර්යාංශය තුළ ස්ථාපනය කිරීමට පියවර ගෙන ඇති අතර, එමගින් විනිවිදභාවයකින් යුතුව පැමිණිලි කඩිනමින් විසඳීමට හා වංචාකරුවන්ට දඬුවම් ලබාදීමට අවශ්ය පියවර ගැනීමට කටයුතු කර තිබේ.
වර්තමානයේදී සමාජ මාධ්ය ජාලා උපයෝගි කරගනිමින් විදේශ රටවල රැකියා ලබාදෙන බව පවසා මුදල් වංචාකිරීම් ඉහළ යමින් පවතින බැවින්, එවැනි පුද්ගලයින්ට මුදල් හෝ ගමන් බලපත්ර ලබාදීමට පෙර 1989 ක්ෂණික ඇමතුම් අංකය ඔස්සේ කාර්යාංශය ඇමතීමෙන් තොරතුරු ලබාගන්නා ලෙස කාර්යාංශය විදේශ රැකියා අපේක්ෂිතයින්ගෙන් ඉල්ලා සිටියි.
ගලෙන්බිඳුනුවැව, පඩිකාරමඩුව ප්රදේශයේ පවුල් ආරවුලක් දුරදිග යාමෙන් සැමියා විසින් නිවසට පෙට්රල් දමා ගිනි තැබීමේ අවාසනාවන්ත සිද්ධියෙන් පසු අද අලුයම අනුරාධපුර ශික්ෂණ රෝහලේ දැඩි සත්කාර ඒකකයේ ප්රතිකාර ලබමින් සිටි 36 හැවිරිදි මව (ප්රභාෂා සදමාලී ජයවර්ධන) මියගොස් තිබේ
ඒ අනුව මෙම සිද්ධියෙන් මියගිය මුළු සංඛ්යාව මේ වන විට හතරක් (03) දක්වා ඉහළ ගොස් ඇත.
පසුගියදා ඇති වූ මෙම ආරවුල අතරතුර සැමියා විසින් නිවසට පෙට්රල් දමා ගිනි තැබීමෙන් ඔහුගේ 14 හැවිරිදි බාල දියණිය එම ස්ථානයේදීම මියගිය අතර, සිරුරට ගිනි ඇවිලීමෙන් බරපතල තුවාල ලැබූ සැමියා ද රෝහල් ගත කිරීමෙන් පසුව මියගොස් තිබුණි.
ගින්න නිවීමට උත්සාහ කිරීමේදී තුවාල ලැබූ මියගිය කාන්තාවගේ 61 හැවිරිදි මව සහ 20 හැවිරිදි පුත්රයා හා වැඩිමහල් තවදුරටත් අනුරාධපුර ශික්ෂණ රෝහලේ ප්රතිකාර ලබති. ඔවුන් මුලින්ම යකල්ල හුරුලුවැව ප්රාදේශීය රෝහලට ඇතුළත් කිරීමෙන් අනතුරුව වැඩිදුර ප්රතිකාර සඳහා අනුරාධපුර ශික්ෂණ රෝහල වෙත මාරු කර යවා තිබුණි.
අනුරාධපුර ශික්ෂණ රෝහලේ අධිකරණ වෛද්ය නිලධාරීවරයා සහ එම්.ඒ. චමින්ද ගුණතිලක මහතා සිද්ධිය වූ ස්ථානය වෙත පැමිණ පරීක්ෂණ සිදු කළහ. හොරොව්පතාන සහකාර පොලිස් අධිකාරී (2) එදිරිසිංහ මහතා ද ස්ථානීය පරීක්ෂණ සඳහා එක්වූ අතර, ගලෙන්බිඳුනුවැව පොලිස් ස්ථානාධිපතිවරයා ඇතුළු නිලධාරීන් කණ්ඩායමක් සිද්ධිය සම්බන්ධයෙන් වැඩිදුර විමර්ශන මෙහෙයවනු ලබයි.
ගලෙන්බිඳුණුවැව – චින්තක බාලසූරිය
නුවරඑළිය සහකාර පොලිස් අධිකාරී කාර්යාලයේ සහකාර පොලිස් අධිකාරීවරයෙකු සහ කල්මුණේ සහකාර පොලිස් අධිකාරී කාර්යාලයේ කාන්තා පොලිස් සැරයන්වරියෙකු අත්අඩංගුවට ගෙන තිබේ.
කොමිෂන් සභාවට ලද තොරතුරක් මත සිදුකරනු ලැබු විමර්ශනයකට අදාළව මෙම අත්අඩංගුවට ගැනීම සිදුකර ඇත.
වෙල්ලාවේලි පොලීසියට අනුයුක්තව රාජකාරි කරන ලද අවිවාහක පොලිස් කොස්තාපල්වරයෙකුට නිවසේ සිට රාජකාරී පැමිණීමට මඩකලපුව කොට්ඨාස භාර පොලිස් අධිකාරීවරයාගේ අවසරය ලබාගැනීම සඳහා වු නිර්දේශ ලබාදීමට අදාළ කටයුතු සිදුකරදීමට අවස්ථා කිහිපයකදී ජංගම දුරකථනයක් ඇතුළු ද්රව්ය රු 72,000ක මුදලක් අල්ලස් වශයෙන් ඉල්ලා ලබාගැනීමේ චෝදනාව මත නුවරඑළිය සහකාර පොලිස් අධිකාරී කාර්යාලයේ සේවය කරනු ලබන සහකාර පොලිස් අධිකාරීවරයෙකු අද (05) උදේ 10.50ට පමණ අත්අඩංගුවට ගෙන ඇත.
මේ අතර ඉහත විමර්ශනයට අදාළව අවස්ථා කිහිපයක දී ජංගම දුරකථනයක් ඇතුළු ද්රව්ය අල්ලස් වශයෙන් ලබාගැනීමේ චෝදනාව මත කල්මුණේ සහකාර පොලිස් අධිකාරී කාර්යාලයේ සේවය කරනු ලබන කාන්තා පොලිස් සැරයන්වරියෙකු අද සවස 3ට පමණ කල්මුණේ සහකාර පොලිස් අධිකාරී කාර්යාලය තුළ දී අල්ලස් හෝ දුෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගෙන තිබේ.
සැකකරුවන් නුවරඑළිය හා කල්මුණේ මහෙස්ත්රාත් අධිකරණ වෙත ඉදිරිපත් කිරීමට නියමිතය.
රුපියල් කෝටි 04කට අධික වටිනාකමින් යුත් ස්වර්ණාභරණ සහ රන් බිස්කට් තොගයක් නිතීවිරෝධි ලෙස මෙරටට රැගෙන ආ පෞද්ගලික ගුවන් සමාගමක සේවිකාවක් රේගු නිලධාරීන් විසින් අත්අඩංගුවට ගෙන තිබේ.
ඇය අදාළ රන් භාණ්ඩ තොගය සිය ගමන් මල්ලේ සඟවා මෙරටට රැගෙන විත් ඇති අතර ගුවන් යානා කාර්යය මණ්ඩල සදහා පිටතට පැමිණීමේ දොරටුවෙන් ඇය පිටව යාමට තැත් කිරීමේ දී රේගු නිලධාරීන් මෙසේ අත්අඩංගුවට ගෙන ඇති බව වාර්තා වේ.
ඇයගේ ගමන් මල්ලේ තිබී කිලෝ ග්රෑම් 01යි ග්රෑම් 163ක් බරැති ස්වර්ණාභරණ සහ රන් බිස්කට් සොයා ගෙන ඇති බව ද ගුවන් තොටුපල රේගුව සදහන් කළේය.
අත්අඩංගුවට ගත් සැකකරි 27 හැවිරිදි කොළඹ ප්රදේශයේ පදිංචි තරුණියක් බව වාර්තා වේ.
කටුනායක ගුවන් තොටුපොළ රේගු නිලධාරීන් මේ සම්බන්ධව වැඩිදුර විමර්ශන ආරම්භ කර තිබේ.
අත්අඩංගුවට ගත් සමූපකාර තොග වෙළෙඳ සංස්ථාවේ හිටපු ප්රවාහන කළමණාකරුවෙකු වන ඉන්දික රත්නමලල මහතා ජනවාරි 09 දක්වා රක්ෂිත බන්ධනාගාර ගත කර තිබේ.
අද (04) ඔහු වත්තල මහෙස්ත්රාත් වෙත ඉදිරිපත් කිරීමෙන් අනතුරුව එම නියෝගය කළ බව “අද දෙරණ වාර්තාකරු” පැවසීය.
රාජ්ය දේපල අවභාවිතා කිරීමේ සිද්ධියකට අදාළව මූල්ය අපරාධ විමර්ශන කොට්ඨාසය මගින් ගාල්ල ප්රදේශයේ හෝටලයක සැඟව සිටියදී මෙම සැකකරු අත්අඩංගුවට ගෙන තිබුණි.
2011 වර්ෂයේ සිට 2021 වර්ෂය දක්වා කාලය තුළ ලංකා සතොස ආයතනයේ ප්රවාහන කලමනාකාරවරයා ලෙස කටයුතු කර ඇති අදාළ සැකකරු 2012 වර්ෂයේදී අදාල ආයතනය සතු ලොරි රථයක් පෞද්ගලික ආයතනයක පරිහරණයට ලබාදීමේ චෝදනා මත අත්අඩංගුවට ගෙන ඇති බව සඳහන්ය.
අදාළ ලොරි රථය අමාත්යංශයේ රාජකාරි සඳහා යොදවන බවට සටහන් තබමින් සැකකරු විසින් පෞද්ගලික ආයතනයකට ලබා දී ඇති අතර එහි සේවකයින්ට රජයෙන් වැටුප් ගෙවා ඇති බව ද පොලීසිය සිදුකළ විමර්ශනවලින් අනාවරණය වී තිබේ.
මෙම සිද්ධිය සම්බන්ධයෙන් මීට පෙර හිටපු අමාත්ය ජොන්ස්ටන් ප්රනාන්දු මහතාගේ පුත් ජොහාන් ප්රනාන්දු අත්අඩංගුවට ගත් අතර ඔහු ලබන 09වනදා දක්වා රක්ෂිත බන්ධනාගාර ගත කෙරුණි.
මේ සම්බන්ධයෙන් හිටපු අමාත්ය ජොන්ස්ටන් ප්රනාන්දු මහතා සහ ඔහුගේ බාල පුතු ද අත්අඩංගුවට ගැනීමට නියමිත අතර ඔවුන් දෙදෙනා මේ වන විට සැඟව සිටින බව පොලිසිය සඳහන් කළේය.
මාවනැල්ල දනාගමවත්ත ප්රදේශයේ දී සිදු වූ ත්රිපුද්ගල ඝාතනය සම්බන්ධයෙන් ස්ථානීය පරික්ෂණය මාවනැල්ල වැඩබලන මහේස්ත්රාත් නිසේදා කුමාරි කරුණාතිලක මහත්මිය විසින් අද (02) සිදුකරනු ලැබිය.
ඝාතනයට ලක් වූ මාවනැල්ල, දනාගමවත්ත පදිංචි 58 හැවිරිදි කාන්තාව සිය නිවසේ තනිවම සිටියදී පිහියකින් ඇන ඝාතනය කර ඇති අතර, එම ප්රදේශයේම පදිංචි 66 හැවිරිදි කාන්තාව ද සිය නිවසේ තනිව සිටියදි පිහියකින් ඇන ඝාතනය කර ඇති බවට එහිදී අනාවරණය වී තිබේ.
එමෙන්ම එහි පදිංචි 51 හැවිරිදි පස් දරු පියා ද ඔහුගේ නිවසේ නිදා සිටිය දී මෙලෙස පිහියකින් ඇන ඝාතනය කර ඇති බව හෙළි වී ඇත.
මාවනැල්ල මූලික රොහලේ තැම්පත් කර තිබු මළසිරුරු පරික්ෂා කිරිමෙන් පසු පශ්චාත් මරණ පරික්ෂණ කටයුතු සඳහා කෑගල්ල ශික්ෂණ රෝහල වෙත රැගෙන යාමට වැඩබලන මහේස්ත්රාත්වරිය පොලිසියට නියෝග කර තිබේ.
කොහුවල, සරණංකර පාර, බෝධියවත්ත ප්රදේශයේදී වෙඩිතැබීමක් සිදුකර තිබේ.
යතුරුපැදියකින් පැමිණි පුද්ගලයින් දෙදෙනෙකු විසින් බෝධියවත්ත ප්රදේශයේදී නිවසකට මෙම වෙඩිතැබීම සිදුකර තිබුණි.
අදාළ වෙඩිතැබීමෙන් 16 හැවිරිදි ගැහැණු ළමයෙකු තුවාල ලබා රෝහල් ගත කර ඇති බව වාර්තා වෙයි.
වෙඩිතැබීම සඳහා පැමිණි වෙඩික්කරුවන්ගේ ඉලක්කය වී තිබුණේ වෙඩිතැබීම සිදුකළ නිවසට යාබද නිවස බව වාර්තා වෙයි.
