Gossip News
දක්ෂීණ අධිවේගී මාර්ගයේ කොට්ටාව සිට ධාවනය වූ ලොරියක් කුරුඳුගහහැතැක්ම ප්රදේශයේදී ආරක්ෂිත වැටක ගැටී අනතුරකට ලක්ව තිබේ.
අනතුරින් ලොරි රථයක ගිනි ගැනීමට ලක්ව ඇති බවද වාර්තා වේ.
තවද අනතුරින් තිදෙනෙකු තුවාල ලබා ඇතැයිද ඔවුන් ඇල්පිටිය මූලික රෝහලට ඇතුළත් කිරීමටත් පියවර ගෙන තිබේ.
රෝගී තත්ත්වයක් උත්සන්න වීමෙන් මීට සතියකට පෙර රෝහල් ගත කෙරුණු හිටපු රාජ්ය අමාත්ය ලොහාන් රත්වත්තේ මහතා ශ්වසන පද්ධතිය තුළ හට ගත් දැඩි සංකූලතාවයක් හේතුවෙන් මේ වන විට කොළඹ එම පෞද්ගලික රෝහලක දැඩි සත්කාර ඒකකයේ ප්රතිකාර ලබයි.
ලොහාන් රත්වත්තේ මහතා මීට පෙරද මෙලෙසම රෝගී වී රෝහල් ගත කෙරුණු අතර එම රෝගී තත්ත්වය යළිත් උත්සන්න වීම හේතුවෙන් මෙසේ රෝහල් ගත කෙරුණු බව ඔහුගේ පවුලේ සමීපතම ආරංචි මාර්ග පැවසීය.
ලොහාන් රත්වත්තේ මහතාගේ රෝගී තත්ත්වය දැන ගත් විගස හිටපු ජනාධිපති වරුන් වන මහින්ද රාජපක්ෂ රනිල් වික්රමසිංහ මහත්වරුන් ඇතුළු ඔහුගේ දේශපාලන සමීපතමයන් හා හිතවතුන් පවුලේ ඥාතීන් සුවදුක් විමසීමට රෝහලට පැමිණෙන බව එම ආරංචි මාර්ග පැවසීය.
ලොහාන් රත්වත්තේ මහතාගේ තත්ත්වය යහපත් නොවන බවද ඔහු කෘත්රිම ශ්වසන පද්ධතියක ආධාරයෙන් විශේෂඥ වෛද්යවරුන්ගේ දැඩි නිරීක්ෂණය මත ප්රතිකාර ලබන බව රෝහල් ආරංචි මාර්ග පැවසීය .
Kandy Prime News
විල්පත්තුව ජාතික වනෝද්යානය මායිමේ නීතිවිරෝධීව පවත්වාගෙන ගිය ඉල්මනයිට් සේදීමේ මහා පරිමාණ ජාවාරමක් වලාන දූෂණ මර්දන ප්රහාරක ඒකකය විසින් අද වටලනු ලැබීය.
ඒ වැඩබලන පොලිස්පති ප්රියන්ත වීරසූරිය මහතාගේ සෘජු අධීක්ෂණයෙනි.
පසුගිය ආණ්ඩු සමයේ ප්රබල දේශපාලනඥයින් පිරිසක් මේ ජාවාරම පිටුපස සිටියේදැයි සොයා පොලිසිය විමර්ශන ආරම්භ කර තිබේ.
විල්පත්තුව ජාතික වනෝද්යානය මායිමේ අරුවක්කාඩුව අධිසංවේදි පරිසර පද්ධතිය තුළ නිසි අවසරයකින් තොරව ඉල්මනයිට් සේදීමේ කටයුතු පවත්වාගෙන ගිය ස්ථානයක් වැටලූ වලාන දූෂණ මර්දන ප්රහාරක ඒකකය එම භූමිය සිය භාරයට ගත්තේය.
මෙහිදී එම කටයුතුවලට භාවිත කළ යන්ත්ර සූත්ර තොගයක් පොලිස් භාරයට ගැනුණු අතර, එහි වටිනාකම රුපියල් කෝටි 200කට අධිකය.
වැඩබලන පොලිස්පති ප්රියන්ත වීරසූරිය මහතාගේ ඍජු අධීකරණය යටතේ මෙම වැටලීම ක්රියාත්මක කෙරිණි.
මේ වන විට අනාවරණ වී ඇත්තේ, අක්කර 20ක භූමි ප්රදේශයක් පුරා ක්රියාත්මක කර තිබූ මෙම නීතිවිරෝධී ජාවාරමේදී වසර සිය ගණනක් පැරණි කළුවර, බුරුත, වීර ඇතුළු දැවැන්ත වෘක්ෂයන් කපා දමා ඇති බවය.
මෙය විල්පත්තුව ජාතික වනෝද්යානයේ ප්රේරක කලාපයට මිටර් 500ක දුරකින් පිහිටා ඇති අතර, එම ස්ථානයට ජලය සපයාගෙන ඇත්තේ විල්පත්තුව ප්රේරක කලාපයට අයත් සීමාවේ පිහිටි ලුණු ඔයෙනි.
මෙම ස්ථානයේ ජලාශයක් ඉදිකිරීමට පුරාවිද්යා දෙපාර්තමේන්තුව මගින් අවසර ගෙන තිබුණ ද, කැණීම් කිරීමට අවසර ලබා දී නොමැත.
නමුත් පුරාවිද්යා නිර්දේශ නොතකමින් මෙහි අක්කර දෙකකට වැඩි භුමියක අඩි 20කට වැඩි ගැඹුරට ජලාශයක් ඉදිකර ඇති බවද හෙළි වී තිබේ.
මෙම ජාවාරම පිටුපස හිටපු මැති ඇමතිවරුන් සිට ඇද්දැයි මේ වන විට පොලිසිය විමර්ශන ආරම්භ කර ඇත.
මෙහිදී මෙම ස්ථානය සිය භාරයට ගත් වලාන දූෂණ මර්දන ප්රහාරක ඒකකයේ නිලධාරීන් වැඩබලන පොලිස්පතිවරයාගේ උපදෙස් මත එම ස්ථානයේ ආරක්ෂාවට වනාතවිල්ලුව පොලිසියේ නිලධාරීන් පිරිසක් රැඳවීමටද පියවර ගත්තේය.
වලාන දූෂණ මර්දන ප්රහාරක ඒකකය පැවසුවේ, මෙම ව්යාපෘතිය සම්බන්ධයෙන් හෙට පුත්තලම අධිකරණයට කරුණු වාර්තා කරන බවය.
නුවරඑළිය නගරයට පැමිණෙන දෙස් විදෙස් සංචාරකයින්ට මෙන්ම වාහනවලට අවහිර ලෙස අයාලේ සැරිසරන පෝනියන් අල්ලා ගාල් කිරීමට පියවර ගන්නා බව නුවරඑළිය නගරාධිපති උපාලි වනිගසේකර මහතා පැවසීය.
ඔහු වැඩිදුරටත් සඳහන් කළේ පෝනියන්ගේ අයිතිකරුවන්, පෝනියන්ගෙන් ආදායමක් ලබාගැනීම පමණක් සිදුකර සතුන් රැකබලා ගැනීමක් සිදු නොකරන බවය.
මෙම සතුන් නගරය පුරා සැරිසරමින් ආපනශාලාවලින් හා සංචාරකයින් ලබාදෙන ආහාර ගන්නා බවත්, ඇතැම් පෝනියන් රෝගාතුරව සිටින බවත්, එම සතුන් සුවපත් කිරීමට අයිතිකරුවන් කටයුතු නොකරන බවද නගරාධිපතිවරයා පැවසීය.
අයාලේ සැරිසරන පෝනියන්ගෙන් සිදුවන හිරිහැර සම්බන්ධයෙන් පොලීසියට ලැබුණු පැමිණිලි කිහිපයක් මත මෙම තීරණය ගෙන තිබේ.
මෙම පෝනියන් නගරසභාව විසින් ගාල් කර ඇති බවත් නැවත අයිතිකරුවන් භාරයට ගන්නේ නම් දඩ මුදලක් ගෙවිය යුතු බවත්, භාර නොගන්නේ නම් නගර සභාව විසින් වෙන්දේසි කිරීමට කටයුතු කරන බවද නගරාධිපතිවරයා වැඩිදුරත් පැවසීය.
අභියාචනාධිකරණ නඩු ගොනුවක පිටු අනීතික ලෙස ඉරා ඉවත්කිරීම තුළින් නීතීඥ ආචාරධර්ම උල්ලංඝනය කිරීමේ චෝදනාවට වරදකරු කෙරුණු ඩබ්. ඩී. ධර්මසිරි කරුණාරත්න නමැති නීතිඥවරයෙකුගේ නීතිඥභාවය අහෝසිකිරීමට ශ්රේෂ්ඨාධිකරණය තීන්දු කර තිබේ.
අභියාචනාධිකරණයේ ලේඛකාධිකාරී විසින් අදාළ නීතිඥවරයාට එරෙහිව සිදුකළ පැමිණිල්ලක් විභාග කිරීමෙන් අනතුරුව කුමුදුනි වික්රමසිංහ, අචල වෙංගප්පුලි යන ශ්රේෂ්ඨාධිකරණ විනිසුරුවරුන්ගේ එකඟත්වය ඇතිව අගවිනිසුරු ප්රීති පද්මන් සූරසේන මහතා මෙම තීන්දුව ප්රකාශයට පත් කළේය.
අභියාචනාධිකරණයේ ලේඛනාගාරයට පිවිස නඩු ගොනුවක් ලබාගෙන අනීතික ලෙස එහි පිටු දෙකක් ඉරා ඉවත් කර ඇති බවට මෙම වගඋත්තරකාර නීතිඥවරයාට එරෙහිව චෝදනා ගොනු කර තිබේ.
ඉන් අනතුරුව අභියාචනාධිකරණයේ ලේඛකාධිකාරී ඩබ්ලිව්.එස්.බී.එස්. ප්රනාන්දු විසින් මරදාන පොලීසියට කරන ලද පැමිණිල්ලකට අනුව අදාළ නීතිඥවරයා මාළිගාකන්ද මාහෙස්ත්රාත් අධිකරණයට ඉදිරිපත් කර 2023 වසරේ ජනවාරි මස 25 වනදා රුපියල් ලක්ෂ 5 බැගින් වූ ශරීර ඇප දෙකක් මත මුදා හැරුණු බවත් නඩු තීන්දුවේ සඳහන් වෙයි.
ඉන් අනතුරුව නීතිඥභාවය ඉවත් නොකිරීම සඳහා නිදහසට කරුණු දක්වන ලෙස දන්වා අධිකරණ සංවිධාන පනතේ 42(3) යටතේ චෝදනා පත්රයක් නිකුත් කළ අතර, ඔහු එම චෝදනාවලට නිවැරදිකරු බව අධිකරණය හමුවේ ප්රකාශ කර තිබිණි.
මෙම චෝදනා සම්බන්ධයෙන් සාක්ෂි විභාගයක් පැවති අතර එහිදී වගඋත්තරකාර නීතිඥවරයාද සාක්ෂි ලබා දී ඇත.
ඉදිරිපත් වූ කරුණු මත තීන්දුව ප්රකාශයට පත් කළ අගවිනිසුරු ප්රීති පද්මන් සූරසේන මහතා අධිකරණ සංවිධාන පනතේ 40 වන වගන්තියට අනුව ශ්රේෂ්ඨාධිකරණය විසින් නීතිඥවරු ලෙස පිළිගෙන බඳවා ගනු ලබන්නේ හොඳ කීර්තියක් ඇති සහ දක්ෂ දැනුමක් සහ හැකියාවක් ඇති පුද්ගලයින් පමණක් බව මතක තබා ගත යුතු යැයි සඳහන් කළේය.
එවැනි නීතිඥවරුන්ට ලියාපදිංචි වූ පසු කිසිදු වංචාවක්, අක්රමිකතාවක්, අපරාධයක් හෝ වරදක් කළ නොහැකි අතර එය මහජනතාවගේ සහ රටේ යුක්තිය පසිඳලීමේ කටයුතුවලට සම්බන්ධ වූවන්ගේ සාධාරණ අපේක්ෂාවක් බවත් තීන්දුවේ සඳහන් විය.
නීතිඥවරයෙකුට අපේක්ෂිත ප්රමිතිය පවත්වා ගැනීමට නොහැකි නම්, එවැනි නීතිඥවරයෙකුට තවදුරටත් එම තනතුරේ කටයුතු කිරීමට අවසර දිය නොහැකි අතර යහපත් කීර්තියක්, දැනුමක් සහ හැකියාවක් ඇති පුද්ගලයින් පමණක් නීතිඥවරු ලෙස කටයුතු කරන බවට මහජනතාව තුළ පවතින අභිලාෂය ද සැලකිල්ලට ගැනීම තම අධිකරණයේ යුතුකමක් බවත් අගවිනිසුරුවරයා එහිදී පැවසීය.
මෙම වතාවරණය මත වගඋත්තරකාර නීතිඥවරයාගේ ක්රියා කලාපය සමස්තයක් ලෙස මේ රටේ නීති වෘත්තියේ කීර්ති නාමයට කැළලක් ඇති කර ඇති ආකාරය පෙන්වීමට තවදුරටත් හේතු දැක්වීම අවශ්ය යැයි තමා නොසිතන බවත් අගවිනිසුරුවරයා සිය තීන්දුවේ ප්රකාශ කළේය.
ඉදිරිපත් වූ සියලු කරුණු සලකා බැලීමෙන් අනතුරුව වගඋත්තරකාර නීතිඥවරයා අධිකරණ සංවිධාන පනතේ 42 වන වගන්තිය ප්රකාරව ඔහු වහාම නීතිඥ භාවයෙන් ඉවත් කිරීමට නියෝග කරන බවත් අගවිනිසුරු ප්රීති පද්මන් සූරසේන මහතා සිය තීන්දුවේ දී සඳහන් කළේය.
ඒ අනුව මෙම නියෝගය අනුව කටයුතු කර අවශ්ය ඉදිරි පියවර ගන්නා ලෙසත් ත්රිපුද්ගල ශ්රේෂ්ඨාධිකරණ විනිසුරු මඩුල්ල විසින් එහි රෙජිස්ටර්වරයාට කළ නියෝගය වැඩිදුරටත් සඳහන් විය.
අල්ලස් කොමිසමේ නිලධාරීන්ට මරණීය තර්ජන එල්ල කළේ යැයි කියන සිද්ධිය සම්බන්ධයෙන් කොන්දේසි විරහිතව සමාව ඉල්ලා සිටීමට සූදානම් බව පසුගියදා අල්ලස් සිද්ධියක් සම්බන්ධයෙන් අත්අඩංගුවට ගෙන ඇප මත මුදාහැරි ශ්රී ජයවර්ධනපුර රෝහලේ විශේෂඥ වෛද්ය මහේෂි විජේරත්නගේ දියණිය වන හේමාලි විජේරත්න විසින් කොළඹ මහේස්ත්රාත් අධිකරණයට දැනුම්දී තිබේ.
සමාව ඉල්ලා සිටීමෙන් නොනැවතී එසේ සමාව ගත් බවට දැන්වීම් පළ කිරීමට සූදානම් බව එම සැකකාරිය විසින් සිය නීතිඥවරයා මාර්ගයෙන් අධිකරණයට දැනුම් දුන් අතර තමන්ට එරෙහිව පවතින විමර්ශනය සමථයට පත් කොට සිය අනාගතය සකස් කරගැනීමට ඉඩ දෙන ලෙසත් අධිකරණයෙන් ඉල්ලා ඇත.
අල්ලස් කොමිසමේ නිලධාරීන්ට මරණීය තර්ජන එල්ල කළේ යැයි කියන සිද්ධියක් සම්බන්ධයෙන් ඇප මත මුදාහැර සිටින සැකකාර හේමාලී විජේරත්න තමන් වෙනුවෙන් පෙනී සිටින ජනාධිපති නීතිඥ උපුල් කුමරප්පෙරුම මහතා මාර්ගයෙන් මෙම කරුණු අධිකරණයට ඉදිරිපත් කළා තිබුණි.
සැකකාරිය වෙනුවෙන් පෙනී සිටි ජනාධිපති නීතිඥවරයා අධිකරණය හමුවේ කරුණු දක්වමින් මෙම සිද්ධිය සම්බන්ධයෙන් කොන්දේසි විරහිතව සමාව ඉල්ලා සිටීමට තම සේවාදායිකාව සූදානම් වුවද ඇයට අදාළ චෝදනාවලට වරද පිළිගැනීමට හැකියාවක් නොමැති බවත් දන්වා සිටියාය.
අදාළ නඩුකරය මෝසමක් මාර්ගයෙන් කැඳවූ අවස්ථාවේදී කරුණු දැක්වූ ජනාධිපති නීතිඥවරයා සිය සේවාදායිකාව වැඩිදුර අධ්යාපනය සඳහා බ්රිතාන්ය විශ්වවිද්යාලයකට යාමට නියමිතව ඇති බවත් ඊට පෙර මෙම සිද්ධිය සමථයට පත් කරගැනීමට අවස්ථාව ඉල්ලා සිටින බවත් සඳහන් කළේය.
මෙම සැකකාරිය 21 වන වියේ පසුවන අතර ඇය ලබන 13 වනදා බ්රිතාන්ය බලා යාමට නියමිතව තිබෙන බවත් එසේ නොගියහොත් ඇයගේ අනාගතය අඳුරු විය හැකි බවත් ජනාධිපති නීතිඥවරයා සඳහන් කර සිටියේය.
මෙම නඩුව ලබන 27 වනදා කැඳවීමට නියමිතව තිබෙන අතර 13 වනදාට පෙර අල්ලස් කොමිසමේ ස්ථාවරය අධිකරණයට දැනුම් දීම වැදගත් බවත් ජනාධිපති නීතිඥවරයා පැවසීය.
අල්ලස් කොමිසමේ නිලධාරීන් අධිකරණය හමුවේ කරුණු දක්වමින් මෙම සැකකාරියට චෝදනා ගොනු කරනවාද? එසේත් නැත්නම් පරීක්ෂණය සමථයට පත් කරනවාද? යන කාරණය පිළිබඳව අල්ලස් කොමිසමේ අධ්යක්ෂ ජනරාල්වරයා ගෙන් උපදෙස් ලබාගෙන ඉදිරි දිනයක අධිකරණයට කරුණු දක්වන බව සඳහන් කර තිබේ.
ඉදිරිපත් වූ කරුණු සලකාබැලූ ප්රධාන මහේස්ත්රාත්වරිය සැකකාරියට එරෙහිව චෝදනා පත්රය ගොනු කරනවාද? නැත්නම් සැකකාර පාර්ශ්වය ඉල්ලා සිටින කොන්දේසි මත නඩුව සමථයකට පත් කරනවාද ? යන ස්ථාවරය ලබන 07 වනදා අධිකරණයට ඉදිරිපත් කරන ලෙස අල්ලස් කොමිසමට නියම කළාය.
ඉන්දීය රංගන ශිල්පිනී නන්දිනි කාශ්යප් ගුවහාටි පොලිසිය විසින් අද (30) අත්අඩංගුවට ගෙන තිබේ.
ඒ ඇය පැදවූ බව කියන මෝටර් රථයක ගැටීමෙන් 21 හැවිරිදි සිසුවෙක් මියයාමේ සිදුවීමට සම්බන්ධවයි.
පසුගිය 25 වැනිදා දින අලුයම 3.00ට පමණ ගුවහාටිහි දඛින්ගාඕන් ප්රදේශයේදී මෙම අනතුර සිදුව ඇත.
රංගන ශිල්පිනිය මෙම අනතුර සිදු කර පලා යන ආකාරය ඒ ආසන්නයේ තිබූ CCTV කැමරාවක ද සටහන්ව තිබුණි.
අනතුරෙන් පසු, සිසුවා බරපතල තුවාල ලබා රෝහල් ගත කර ඇති අතර ප්රතිකාර ලබමින් සිටිය දී ඔහු මෙසේ මියගොස් තිබේ.
මියගිය සිසුවාගේ පවුලේ ඥාතීන් සදහන් කළේ මෙම අනතුර හේතුවෙන් ඔහුගේ හිසට දරුණු ලෙස තුවාල සිදුවී ඇති බවත් ඔහුගේ කකුල් දෙකෙහිම අස්ථි බිඳීම් සිදුවී තිබූ බවත් ය
රක්ෂිත බන්ධනාගාරගත කළ හිටපු සෞඛ්ය අමාත්ය කෙහෙළිය රඹුක්වැල්ල ව
බන්ධනාගාර රෝහලට ඇතුළත් කර ඇති බව වාර්තා වෙයි.
අපරාධ පරීක්ෂණ දෙපාර්තමේන්තුව (CID) මගින් පෙබරවාරි 2 වනදා අත්අඩංගුවට ගත් හිටපු සෞඛ්ය අමාත්ය කෙහෙළිය රඹුක්වැල්ල පෙබරවාරි මස 15 වෙනිදා දක්වා රක්ෂිත බන්ධනාගාර ගත කිරීමට මාලිගාකන්ද මහේස්ත්රාත් අධිකරණය අද (පෙබරවාරි මස 03) නියෝග කරන ලදී.
ඒ අනුව, බන්ධනාගාරයට ඔහුව රැගෙන යාමත් සමඟ හදිසියේම අසනීප තත්ත්වයක් ඇතිවීම හේතුවෙන් ඔහුව ප්රතිකාර සඳහා බන්ධනාගාර රෝහලට මේ වන විට ඇතුලත්කර ඇති බව බන්ධනාගාර තොරතුරු අනාවරණය කළේය.
හිටපු සෞඛ්ය අමාත්ය සහ වත්මන් පරිසර අමාත්ය කෙහෙළිය රඹුක්වැල්ල අපරාධ පරීක්ෂණ දෙපාර්තමේන්තුව විසින් අත්අඩංගුවට ගනු ලැබුවේ ප්රශ්නගත ප්රතිදේහ එන්නත් සිද්ධිය සම්බන්ධයෙන් ප්රකාශයක් ලබා දීමට ඊයේ (පෙබරවාරි 02 වෙනිදා) පැමිණි අවස්ථාවේදීයි.
ඉන්පසුව අද පෙරවරුවේ අපරාධ පරීක්ෂණ දෙපාර්තමේන්තුවේ (CID) නිලධාරීන් විසින් හෙතෙම මාලිගාකන්ද මහෙස්ත්රාත් අධිකරණයට ඉදිරිපත් කළේය.
මානව ඉමියුනෝග්ලොබියුලීන් ප්රතිදේහ ඖෂධ සිදුවීම සම්බන්ධයෙන් මේ වන විට හිටපු සෞඛ්ය අමාත්යංශයේ හිටපු ලේකම් ජනක ශ්රී චන්ද්රගුප්ත ඇතුළු සැකකරුවන් 6 දෙනෙකු පෙබරවාරි 15 වැනිදා දක්වා රක්ෂිත බන්ධනාගාර ගත කර සිටියි.
සිද්ධාර්ථ චරිතයට අපහාසයක් වන අයුරින් ප්රකාශයක් කලායැයි කියන දෙරණ මාධ්ය ජාලයේ සභාපති දිලිත් ජයවීර මහතාට එරෙහිව නීතිය ක්රියාත්මක නොවන්නේ මන්දැයි විමසමින් බත්තරමුල්ලේ සීලරතන හිමියන් ඇතුළු ජනසෙත පෙරමුණ අපරාධ පරීක්ෂණ දෙපාර්තමේන්තුව ඉදිරියේදී විරෝධතාවයකට සැරසෙන බවට පක්ෂයේ අභ්යන්තර ආරංචි මාර්ග සදහන් කරයි…
රවීණ සිනමා නළු රවීන්ද්ර රන්දෙණිය මහතා-
කලාව ගරුබුහුමන් ලැබෙන ආකාරයට රැුකගත යුතුයි. කලාකරුවෙකු එම වගකීම පැහැර හැරීම තුළින් කලාකරුවා තුළ වැරදි ආකල්ප ඇති වෙනවා. එම නිසා ඔහු කලාව රැුකගෙන කි්රයා කළ යුතුයි. කලාව ගරු බුහුමුන් ලැබෙන උසස් මට්ටමක පවතින බව සිහි තබා ගැනීම වැදගත්.
ජාතික රූපවාහිනියේ හිටපු සභාපතිනි ඉනෝකා සත්යාංගනී –
අහක යන කුණු කතාවක් වගේම මේක අහක යන කුණු ගොඩක්. මේ ගැන ප්රකාශ නිකුත් කිරීමට මගේ අදහසක් නැහැ.
චිත්රපට සහ ටෙලි නාට්ය අධ්යක්ෂවරයකු වන ඩොනල්ඞ් ජයන්ත-
රන්ජන්ගේ හඬ පට පිළිබඳ කෙරෙන කතාබහ ගැන තමා නිහඬ වන බව කීවේය.
වේදිකා නාට්ය අධ්යක්ෂක සිසිල් ගුණසේකර මහතා-
රන්ජන් රාමනායක ඉතා හොඳ රංගන ශිල්පියෙක්. ඔහු දේශපාලනයෙන් බැහැරව සිනමාව පමණක් කළේ නම් ඉතා හොඳ ගමනක් ඔහුට යාමට හැකිව තිබුණා.
ප්රවීණ රංගන ශිල්පී ක්ලීටස් මෙන්ඩිස් මහතා-
රන්ජන්ගේ ප්රශ්නය තුළින් අනවශ්ය ප්රශ්න ඉදිරිපත් කිරීමට මගේ අදහසක් නැහැ.
උපේක්ෂා ස්වර්ණමාලි (පබා) – රන්ජන් රාමනායකට තිබෙන්නේ මාධ්ය සාකච්ඡාවලදී තිබෙන ප්රතිරූපය නොවෙයි. ඔහු කාන්තාවන් දෙස බලන ආකාරය දැන් හොඳට තහවුරු වෙලා තිබෙනවා. රන්ජන්ගේ දුරකථන කතා බහ හරියට ළිඳ ළඟ සංගමය වගෙයි. රන්ජන් කවුද කියලා සැබෑ තත්ත්වය හෙළිවුණා. රන්ජන් සමග යම්කිසි කෙනෙකු දුරකථනයෙන් කතා කරන්නේ යම්කිසි විශ්වාසයක් මතයි. ඔහු ඔවුන්ගේ විශ්වාසය කඩා බිඳ දැම්මා. රන්ජන් සමග දුරකථනයෙන් මා කතා කරන්නේ නැහැ. හේතුව ඔහු ඒවා පටිගත කරන බව මට විශ්වාසයක් තිබුණා. රන්ජන් දිහා කොළ පාට කණ්ණාඩියෙන් බලන අයට ඔහු හොඳ වෙන්න පුළුවන්.
ජනපි්රය චිත්රපට, ටෙලි නාට්ය අධ්යක්ෂක උදයකාන්ත වර්ණසූරිය මහතා-
ඇතැම් දේශපාලනඥයන්ගේ කි්රයා කලාප අනුව රන්ජන් ගැන කියන්න දෙයක් නැහැ.
