Category: breaking_news

2024.02.27 වන දින පැය 05:30 ට වැල්ලවත්ත පොලිස් වසමේ මුහුදු මාවත පිහිටි ශිරාන් බාෂික් යන අයට අයත් පර්ල් බීච් හෝටලය අසලට පුද්ගලයන් දෙදෙනෙකු යතුරු පැදියකින් පැමිණ ගිණි අවියකින් හෝටලය දෙසට වෙඩි උණ්ඩ 08 ක් පමණ තබා පිටව ගොස් ඇත. වෙඩි තැබීමෙන් ජීවිත හානි කිසිවක් නොමැති අතර හෝටලයේ තාප්පයට සහ සවි කර ඇති කැනපියකට වෙඩි උණ්ඩ 02 ක් වැදී ඇති බවට සලකුණු ඇත.

හොරණ දොඹගොඩ යුධහමුදා කදවුරේ පොකුණකට වෑටී

අභිරහස් ලෙස මියගොස් තිබියදී හමුවූ ක්‍රීඩා උපදේශකවරයෙකු ලෙස කටයුතු කළ යුධ හමුදා නිලධාරියාගේ මරණය සම්බන්ධයෙන් සැකපිට එම කඳවුරේම හමුදා නිළධාරීන් හතර දෙනකු (26) දා අත්අඩංගුවට ගත් බව අගුරුවාතොට පොලිසිය පවසයි.
මෙසේ අත්අඩංගුවට ගෙන ඇත්තේ එම කඳවුරේ සේවය කරන ඔහුගේ මිතුරන් සිව් දෙනෙකි.
ඔවුන් ද ක්‍රීඩා උපදේශවරු වශයෙන් එම කඳවුරේම සේවයේ යෙදී සිටිය අයවේ.

මෙසේ අත්අඩංගුවට ගෙන ඇත්තේ අවු (31) පාතමුල්ල බලපිටිය, අවු 29 අම්තිරිගල උතුර, අමිතිරිගල, අවු (33) දික්වැල්ල, අවු. (33) දිවිවිද්දාගම ,නවමැදගම, දෙහිඅත්තකන්ඩිය යන ප්‍රදේශවල පදිංචිකරුවන් වන අතර
මියගොස් ඇත්තේ තෙලුල්ල ජනපදය, ඇතිලි වැව පදිංචි තරිඳු ලක්ෂාන් නැමති (24) හැවිරිදි ශාරීරික අභ්‍යාස පුහුණුකරුවෙකු ලෙස කටයුතු කළ නිලධාරියෙකි.
මෙම සෙබලා පසුගියජනවාරි (27) දින රාත්‍රියේ ඔහුගේ මිතුරන් සිව්දෙනෙකු සමග රාත්‍රියේ වෙනත් සෙබලෙකු ගේ කාමරයක තුල මත්පැන් සාදයක් පවත්වා ඇති අතර එය අවසන් වීමෙන් පසු තරගකාරී ලෙස වැවේ එහා කෙළවරේ සිට මෙහා කෙලවරට පීනීමට මියගිය පුද්ගලයා යෝජනා කර ඇති අතර අනිත් පිරිස බලා සිටියදී ඔහු වැවට බැස පීනා ඇති බව අනාවරණය වී තිබේ.
ඉන්පසු ඔහු වැවේ එහා කෙළවර සිට පීනා ගෙන පැමිණ ඇති අතර ටික දුරක් එන විට ඔහු දියේ ගිලී අතුරුදන්ව ඇතැයි පොලිසිය පවසයි.
ඉන් පසු 28 වන දින උදැසන සෙබළුන්ට ශරීරික අභ්‍යාස පුහුණු කිරීමට ඔහු නොපැමිණි නිසා උසස් නිලධාරීන් විසින් සොයා බැලීමට කටයුතු කර තිබිණ.
එතැන් සිට ඔහු පිළිබඳ කිසිදු ආරංචියක් නොවුණු අතර මෙම සියළු දෙනා ඒ බව නොපවසා සිට ඇ. 29 වෙන දින වැවේ ඔහුගේ සිරුර තිබෙන බව දැක අඟුරුවාතොට පොලිසියට දැනුම් දී විමර්ශන ආරම්භ කර තිබේ.
ඔහු අතුරුදන් වූ දින රාත්‍රියේ ඔහුගේ පියාට ජංගම දුරකථනයෙන් කතාකර
කෙඳිරිගාමින් තාත්තේ තාත්තේ යැයි පවසා ඇති අතර ඉන්පසු සිට දුරකථනයෙන් ප්‍රතිචාරයක් නොවූ බව ඔවුන් පැවසූ අතර ඔහුගේ ජංගම දුරකථනය අස්ථාන වී තිබීම විශාල අභිරහසක් වී තිබිණ. පසුව
මෙම සෙබළුන් එය විසි කර ඇති බව අනාවරණය වී තිබේ.
ඔහු අතුරුදන් වූ දින රාත්‍රියේ
ඔහු සමග එකට සිටි, අත්අඩංගුවට ගත් සෙබළුන් සිව් දෙනාගෙන් මේ පිළිබඳව ප්‍රශ්න කර ඇතත් ඔවුන්
පවසා ඇත්තේ සත්‍ය තොරතුරු නොවන බව පොලිසිය පවසයි.
සෙබලාගේ මව ඇතුළු ඥාතීන් ඔහුගේ මරණය පිළිබඳව විශාල සැකයක් ඇති බව ප්‍රකාශ කර සිටි අතර හොරණ දිස්ත්‍රික් මහා රෝහලේ අධිකරණ වෛද්‍ය නිලධාරි විශේෂඥ වෛද්‍ය සඳකැන් වඩුගේ මහතා විවෘත තීන්දුවක් ලබා දී තිබූ අතර එය කොටස් රස පරීක්ෂක වෙත යවා ඇත.
මෙම සිව් දෙනා මෙතෙක් දිනක් යුද හමුදා පොලිසිය භාරයේ දොඹගොඩ යුද හමුදා කඳවුර තුළ රඳවා තබාගෙන සිට ඇත.
මෙම සෙබළුන් සිව් දෙනා යුධ හමුදා පොලිසියට හා මහේස්ත්‍රාත් පරීක්ෂණයේදී ලබාදුන් ප්‍රකාශ පරස්පර විරෝධී බැවින් ඒ පිළිබඳ අධිකරණයට කරුණු වාර්තා කිරීමෙන් පසු අඟුරුවාතොට
පොලිසිය විසින් මොවුන් අද(26) අත්අඩංගුවට ගෙන තිබේ.
මියගිය සෙබලාගේ ජංගම දුරකථනය මේ දක්වා සොයා ගෙන නැති අතර එය සොයා ගැනීමට දුරකථන කුළුණු වාර්තා ඔස්සේ ඉදිරි විමර්ශන සිදු කරන බව පොලිසිය පවසයි.
අඟුරුවාතොට පොලිස් ස්ථානාධිපති ප්‍රධාන පොලිස් පරීක්ෂක ප්‍රදීප් ආනන්ද සිල්වා, විවිධ පැමිණිලි අංශයේ ස්ථානාධිපති ඔබට පොලිස් පරීක්ෂක එස්. ඩී. ඒ. විමලසේන ඇතුළු නිලධාරීන්ගේගේ ප්‍රධානත්වයෙන් විමර්ශන සිදු කෙරින.

ගල්පාත චන්දන පෙරේරා

රැකියා විරහිත උපාධිධාරීන් පිරිසක් අනුරාධපුර පිහිටි උතුරු මැද පලාත් සභා කාර්යාලය ඉදිරිපිට දී මේ වන විට විරෝධතාවයක් ආරම්භ කර තිබේ.

අනුරාධපුර පිහිටි උතුරු මැද පලාත් සභා කාර්යාල සංකීර්ණය ඉදිරිපිටට රැස්වූ එම රැකියා විරහිත උපාධීධාරීහු අද දහවල් මෙම විරෝධතාවය ආරම්භ කලහ. මෙලෙස විරෝධතාවයේ නිරත වනුයේ වයස අවුරුදු 25-45ත් අතර පසුවන උපාධීධාරීන් පිරිසකි. අනුරාධපුර දිස්ත්‍රික්කයේ රැකියා විරහිත උපාධීධාරීන් 100ක පමණ පිරිසක් මේ වනවිට එම විරෝධතාවයට එක්ව සිටිති.
උපාධිය සම්පූර්ණකර වසර කිහිපයක් ගත වුවද තමන්ට මෙතෙක් නිසි රැකියාවක් ලබා දීමට රජය කටයුතු නොකළ බව පවසන ඔවුන්, රැකියා විරහිත උපාධීධාරීන් වන තමන්ට වහාම රැකියා ලබා දෙන ලෙස රජයෙන් ඉල්ලා මෙලෙස විරෝධතාවයේ නිරත වෙති.
ඡායාරූප
60 විරෝධතාවයේ අවස්ථා.

24-02-26
කැකිරාව කුෂාන් ජයවර්ධන

පරිගණක පණිවිඩ ක්‍රියාකරුවකු ලෙස අනුරාධපුර මූලස්ථාන පොලිසියට අනුයුක්තව රාජකාරී කල පොලිස් කොස්තාපල්වරයෙකු අයිස් මත්ද්‍රව්‍ය ද සමග අනුරාධපුර පොලිසිය මගින් අද (26) අත්අඩංගුවට ගෙන තිබේ.

පොලිස් අත්අඩංගුවට ගෙන ඇති එම පොලිස් කොස්තාපල්වරයා මිහින්තලය රුවන්ගම ප්‍රදේශයේ පදිංචිව සිටින 30 හැවිරිදි අයෙකි.
අයිස් මත්ද්‍රව්‍ය සමඟ පොලිස් අත්අඩංගුවට ගෙන ඇති පොලිස් කොස්තාපල්වරයා අනුරාධපුර මහේස්ත්‍රාත් අධිකරණයට ඉදිරිපත් කිරීමට නියමිතව තිබේ.

 

24-02-26
කැකිරාව කුෂාන් ජයවර්ධන

මිහින්තලය රජරට විශ්ව විද්‍යාලයේ සිසුන් ඉලක්ක කර ගනිමින් කාලාන්තරයක් තිස්සේ මත්පෙති අලෙවි කිරීමේ ජාවාරමක නිරත වූ බව කියන තරුණයින් දෙදෙනෙකු මත් පෙති තොගයක්ද සමඟ අත්අඩංගුවට ගැනීමට සුරාබදු නිලධාරීන් ඊයේ (24) රාත්‍රියේ සමත්ව තිබේ.

යුධ හමුදා බුද්ධි නිලධාරීන්ගේ තොරතුරකට අනුව සුුරාබදු නිලධාරීන් විසින් ඊයේ (24) රාත්‍රියේ මිහින්තලය ප්‍රදේශයේ දී සිදුකල විශේෂ මෙහෙයුමකදී මත්පෙති තොගයක්ද සමඟ එම සැකකරුවන් අත්අඩංගුවට ගැනීමට හැකිව තිබේ.

අදාළ සැකකාර තරුණයින් විශ්ව විද්‍යාල සිසුන්ට අලෙවි කිරීමට සූදානමි කල මත්පෙති තොගයක් ද රැගෙන මිහින්තලය රජරට විශ්ව විද්‍යාලය ආසන්නයේ වූ ලැගුම් හලක රාත්‍රි කාලයේ රැදී සිටියදී මෙලෙස සුරාබදු නිලධාරීන්ගේ අත්අඩංගුවට පත්ව තිබේ.

විශ්ව විද්‍යාල සිසුන්ට අලෙවි කිරීමට සුදානම් කර තිබූ මත් පෙති 700ක් ද එම සැකකරුවන් සන්තකයේ තිබී සොයාගැනීමට සුරා බදු නිලධාරීන් මෙහිදී සමත්ව තිබිණ.

මත්පෙති සමඟ මෙලෙස අත්අඩංගුවට පත් සැකකාර තරුණයින් මිහින්තලය මිස්සක පාර හා වෙදගෙදර මාාවත යන ප්‍රදේශවල පදිංචිකරුවෝ වෙති. රජරට විශ්ව විද්‍යාල සිසුන් ඉලක්ක කර ගනිමින් කාලාන්තරයක් තිස්සේ මත්පෙති අලෙවි කිරීමේ ජාවාරමේ නිරතව ඇති එම සැකකාර තරුණයින් අවුරුදු 28 හා 24 යන වයස්වල පසුවෙති.

මෙම මත් පෙති ජාවාරම සම්බන්ධයෙන් සුරාබදු නිලධාරීන් විසින් අත්අඩංගුවට ගෙන ඇති සැකකාර තරුණයින් අදාල මත්පෙති තොගය ද සමඟ අද (25) අනුරාධපුර මහේස්ත්‍රාත්වරයා හමුවට ඉදිරිපත් කිරීමට නියමිතව තිබේ.

24-02-25
කැකිරාව කුෂාන් ජයවර්ධන

ගංජා පානය කරමින් සිටියදී අත්අඩංගුවට පත්වූ පොලිස් කොස්තාපල්වරයෙකුගේ වැඩ තහනම් කිරීමට පුත්තලම නියෝජ්‍ය පොලිස්පතිවරයා කටයුතු කර තිබෙනවා.

මෙසේ වැඩ තහනමට ලක්ව ඇත්තේ, පුත්තලම පොලීසියේ සේවය කරමින් සිටි කල්පිටිය – ආන්දන්කන්නියේ පදිංචි වයස අවුරුදු 40 ක පොලිස් කොස්තාපල්වරයෙක් බව සඳහන්.

කිසියම් පිරිසක් ගංජා පානය කරමින් සිටින බවට ඉකුත් 22 වැනි දා සවස නොරොච්චෝලේ පොලීසියට ලැබුණු තොරතුරක් අනුව අදාළ ස්ථානය වටලා සැකකරුවන් 07 දෙනෙකු නොරොච්චෝලේ පොලීසියේ නිලධාරින් විසින් අත්අඩංගුවට ගෙන ඇති අතර ඉහත සඳහන් පොලිස් කොස්තාපල්වරයා ද එහි සිට ඇති බවයි සඳහන් වෙන්නේ.

එම කොස්තාපල්වරයා සතුව තිබුණු ගංජා මිලි ග්‍රෑම් 1,200ක් ද වැටලීම කළ නිලධාරින් විසින් සොයාගෙන තිබෙනවා.

සැකකාර පොලිස් කොස්තාපල්වරයා ඇතුළුව අත්අඩංගුවට පත් සැකකරුවන් 07 දෙනා 23 වැනි දා සවස කල්පිටිය වැඩ බලන මහෙස්ත්‍රාත්වරයා හමුවට ඉදිරිපත් කර ඇති බව වැඩිදුරටත් සඳහන්.

ඊයේ නවම් පෝය දින දෙහිඅත්තකණ්ඩිය කැකුළුවෙල
ප්‍රදේශයේ මිලෙච්ඡ ලෙස ඝාතන කරන ලද වන අලියෙක්