Breaking News
සෞඛ්ය අමාත්යාංශයේ අතිරේක ලේකම් සමන් රත්නායක මහතා ලබන 04 වැනිදා දක්වා රක්ෂිත බන්ධනාගාරගත කරන ලෙස අධිකරණය නියෝග නිකුත් කර ඇත .
අපරාධ පරීක්ෂණ දෙපාර්තමේන්තුව විසින් ඊයේ දිනයේ අත් අඩංගුවට ගත් ඔහු අද (02) මාලිගාකන්ද අධිකරණයට ඉදිරිපත් කළ අතර, එහි දී මෙම නියෝගය ලබා දී ඇත.
ආන්දෝලනාත්මක හියුමන් ඉමියුනෝග්ලොබියුලින් සිද්ධිය සම්බන්ධයෙන් ඔහුගෙන් පැය 09කට අධික කාලයක් ප්රශ්න කර තිබූ අතර අනතුරුව ඔහුව අත් අඩංගුවට ගෙන තිබුණි .
වෙඩි තබා මරා දළ ඇතෙකුගේ දළක් කපා සන්තකයේ තබාගෙන සිටි පුද්ගලයකු විශේෂ කර්ය බලකාය නිලධාරීන්ගේ අත්අඩංගුවට
විශේෂ කාර්ය බලකාය සියඹලාණ්ඩුව කඳවුරේ නිලධාරීන්ට ලද තොරතුරකට අනුව විශේෂ කාර්ය බලකාය අණදෙන නිලධාරී ජේෂ්ඨ නියෝජ්ය පොලිස්පති නීතීඥ වරුණ ජයසුන්දර මහතාගේ නියෝග හා උපදෙස් පරිදි අම්පාර කලාපය භාර කලාප අණදෙන නිලධාරී පොලිස් අධිකාරී ගුණසිරි මහතාගේ අධීක්ෂණය මත සහකාර පොලිස් අධිකාරී ගිහාන් ගුණරත්න මහතාගේ මගපෙන්වීමෙන් සියඹලාණ්ඩුව කඳවුරේ කඳවුරු අණදෙන නිලධාරී ප්රධාන පොලිස් පරීක්ෂක ඩබ්.එම්.ටී. රත්නායක ඇතුළු නිලධාරීන් කණ්ඩායමක් විසින් 2024.03.01 වන දින ඇතිමලේ පොලිස් වසමේ නරියාය, සම්පත්යාය වැව් ඉස්මත්ත ප්රදේශයේ දී වැටලීමක් සිදුකර ඇත.
එහි දී වෙඩි තබා මරණ ලද දළ ඇතෙකුගේ අඩි 04 ක් පමණ දිග දළ කොටසක් පොරවක් අධාරයෙන් කපා සඟවාගෙන සිටි මාමඩල, අම්බලන්තොට ප්රදේශයේ පදිංචි වයස අවුරුදු 29 ක පුද්ගලයකු වැඩිදුර විමර්ශන කටයුතු සඳහා කොටියාගල බීට්ටු වන කාර්යාලය වෙත භාර දී ඇත.
2024 ජනවාරි මස මෙරට සංචාරක ක්ෂේත්රයේ ඉපැයීම් අමෙරිකානු ඩොලර් මිලියන 342 ක් බව විදේශීය අංශයේ ක්රියාකාරීත්වය පිළිබඳ නවතම වාර්තාව ඉදිරිපත් කරමින් මහ බැංකුව පවසනවා.
එය 2023 දෙසැම්බරයේ වාර්තා වූ අමෙරිකානු ඩොලර් මිලියන 269ක සංචාරක ඉපැයීම් සහ 2023 ජනවාරි මාසයේ වාර්තා වූ අමෙරිකානු ඩොලර් මිලියන 154ට සාපේක්ෂව කැපී පෙනෙන ඉහළ යාමක් බවයි මහ බැංකුව පෙන්වා දෙන්නේ.
2020 ජනවාරි මාසයෙන් පසු සංචාරක ක්ෂේත්රය වාර්තා කළ ඉහළම ආදායම ද මෙය බව ශ්රී ලංකා මහ බැංකුව සිය වාර්තාව මඟින් වැඩිදුරටත් පෙන්වා දෙන්නේ.
2023.03.01 වන දින පැය 12.15ට පමණ අහුංගල්ල පොලිස් වසමේ රිච් හොටලය අසලදී අංක 4926 දරණ කළු සහ සුදු පැහැති ඩියෝ වර්ගයේ යතුරුපැදියකින් පැමිණි පුද්ගලයින් දෙදෙනෙකු විසින් පුද්ගලයෙකුට වෙඩි තබා ඝාතනය කර ඇති බවට අහුංගල්ල පොලිස් ස්ථානාධිපතිතුමා විසින් දන්වා ඇත. මෙම සිදු වීමෙන් මියගිය පුද්ගලයාගේ විස්තර පහත පරිදි වේ.
නම – ජෝතිමුණි නීල් කුසුම් කුමාර මෙන්ඩිස් නොහොත් මංජු
ලිපිනය – නො 07, පන්සල් මාවත, හිද්දරුව, කොස්ගොඩ
ජා.හැ. අංකය – 780954833 වී
මේ සම්බන්ධ වැඩිදුර තොරතුරු කඩිනමින් ලබා දීමට කටයුතු කරමි.
තවද වෙඩික්කරුවන් පැමිණි යතුරු පැදිය කළු සහ සුදු පැහැති ඩියෝ වර්ගයේ ස්කූටි යතුරුපැදියක් වන අතර එහි අංකය පමණක් අනාවරණය වී ඇති බැවින් අවට පොලිස් ස්ථානයන් සහ මාර්ගබාධක රාජකාරියේ යෙදී සිටින සියළු නිලධාරීන් මේ පිලිබඳව දැනුවත් කර මේ පිලිබඳ විශේෂ අවධානයක් යොමු කරන මෙන් දන්වා සිටිමි.
අංකය – 4926 (කළු සහ සුදු පැහැති ඩියෝ වර්ගයේ ස්කූටර් යතුරු පැදියක්)
අපරාධ පරීක්ෂණ දෙපාර්තමේන්තුව විසින් කිසිදු සාධාරණ හේතුවක් නොමැතිව තමන්ව අත්අඩංගුවට ගෙන රක්ෂිත බන්ධනාගාර ගත කිරීම තුළින් සිය මූලික මිනිස් අයිතිවාසිකම් උල්ලංඝනය වී ඇති බවට තීන්දුවක් ලබාදෙන ලෙසත් ඒ වෙනුවෙන් රුපියල් මිලියන 100 ක වන්දියක් අය කර දෙන නියෝගයක් නිකුත් කරන ලෙස ඉල්ලා හිටපු සෞඛ්ය අමාත්ය කෙහෙළිය රඹුක්වැල්ල විසින් සිය නීතිඥවරු මාර්ගයෙන් අද (29) ශ්රේෂ්ඨාධිකරණය හමුවේ මූලික අයිතිවාසිකම් පෙත්සමක් ගොනු කළේය.
නීතිඥ සනත් විජේවර්ධන මාර්ගයෙන් ගොණුකර තිබෙන එම පෙත්සමේ වගඋත්තරකරුවන් ලෙස පොලිස්පතිවරයා, අපරාධ පරීක්ෂණ දෙපාර්තමේන්තුවේ අධ්යක්ෂවරයා ඇතුළු පිරිසක් නම් කරනු ලැබ සිටිති.
පෙත්සම්කාර රඹුක්වැල්ල මහතා කියා සිටින්නේ ප්රමිතියෙන් තොර ප්රතිදේහ එන්නත් මිලදී ගැනීමේ සිද්ධියට අදාළව ප්රකාශයක් ලබාදීම සඳහා තමන් ඉකුත් පෙබරවාරි මස 02 වනදා අපරාධ පරීක්ෂණ දෙපාර්තමේන්තුව හමුවේ පෙනී සිටි බවයි.
එහිදී ප්රකාශයක් සටහන් කර ගැනීමෙන් පසුව අපරාධ පරීක්ෂණ දෙපාර්තමේන්තුවේ නිලධාරීන් තමන්ව අත්අඩංගුවට ගෙන මාළිගාකන්ද මහේස්ත්රාත් අධිකරණයට ඉදිරිපත් කොට රක්ෂිත බන්ධනාගාර ගත කිරීමට කටයුතු කළ බවත් පෙත්සම්කරු සඳහන් කළේය.
තමන්ව අත්අඩංගුවට ගෙන පොදු දේපළ පනත යටතේ රක්ෂිත බන්ධනාගාර ගත කිරීමට අපරාධ පරීක්ෂණ දෙපාර්තමේන්තුව ගත් තීරණය සම්පූර්ණයෙන්ම නීතියට පටහැනි බවත් ඒ තුළින් සිය මූලික මිනිස් අයිතිවාසිකම් උල්ලංඝනය වී ඇති බවට තීන්දුවක් ලබා දෙන ලෙසත් පෙත්සම්කරු අධිකරණයෙන් ඉල්ලා සිටී.
එමෙන්ම පොදු දේපළ පනත යටතේ තමන්ට එරෙහිව නීතිමය ක්රියාමාර්ග ගැනීම වැළැක්වීමේ අතුරු නියෝගයක් නිකුත් කරන ලෙසත් සිය මූලික මිනිස් අයිතිවාසිකම් උල්ලංඝනය වීම වෙනුවෙන් වග උත්තරකරුවන්ගෙන් රුපියල් මිලියන 100 ක වන්දියක් අයකර දෙන නියෝගයක් නිකුත් කරන ලෙසත් පෙත්සම්කාර රඹුක්වැල්ල ශ්රේෂ්ඨාධිකරණයෙන් වැඩිදුරටත් ඉල්ලා තිබේ. (aruna)
නීතිඥ නාගානන්ද කොඩිතුවක්කු මහතාට මින් ඉදිරියට නීති වෘත්තියේ යෙදීම වළක්වාලමින් ශ්රේෂ්ඨාධිකරණය අද (29) නියෝගයක් නිකුත් කර තිබෙනවා.
නාගානන්ද කොඩිතුවක්කු මහතාට ඉදිරිපත් වූ පැමිණිල්ලක් විභාග කිරීමෙන් අනතුරුව ප්රියන්ත ජයවර්ධන , ප්රීති පද්මන් සූරසේන සහ එස්. තුරයි රාජා යන මහත්වරුන්ගේ සමන්විත ත්රිපුද්ගල ශ්රේෂ්ඨාධිකරණ විනිසුරු මඩුල්ල විසින් එම තීන්දුව ලබා දී තිබුණා.
පවතින උණුසුම් කාලගුණ තත්ත්වය අඩුවැඩි වශයෙන් මැයි මාසය වන තෙක් බලාපොරොත්තු වන බව කාලගුණ විද්යා දෙපාර්තමේන්තුව පවසනවා.
ඒ අනුව මැයි මාසයේ නිරිත දිග සුළං ප්රවාහය දිවයින හරහා ස්ථාපිත වන තෙක් මෙම තත්ත්වය පවතිනු ඇති බවයි මාධ්ය වෙත අදහස් දක්වමින් එම දෙපාර්තමේන්තුවේ දේශගුණ විපර්යාස හා පර්යේෂණ අධ්යක්ෂිිිකා අනූෂා වර්ණකුලසූරිය සඳහන් කළේ.
මේ දිනවල පවතින සුළං ප්රවාහය අඩුවීම, මිනිස් සිරුරට උණුසුම දැනෙන මට්ටම ඉහළ යාමට හේතුවී ඇති බවයි ඇය වැඩිදුරටත් සඳහන් කළේ.
24-02-27
කැකිරාව කුෂාන් ජයවර්ධන
කැකිරාවේ රිය අනතුරකින් මහවැලි නිලධාරියකු මිය යයි
============
කැකිරාව මහ ඇලගමුව ප්රදේශයේදී පාපැදියක් හි මෝටර් රථයක් එකිනෙක ගැටීමෙන් සිදුවූ රිය අනතුරකින් 60 හැවිරිදි දෙදෙරු පියෙකු මිය ගොස් තිබේ.
මලස මිය ගොස් ඇත්තේ මඩාටුගම මහවැලි කොට්ඨාස කාර්යාලයට අනියුක්තව සේවය කළ ආයතන සංවර්ධන නිලධාරියකු වන අතර ඔහු කැකිරාව මහඇලගමුව ප්රෙද්ශයේ පදිංචිව සිටි අයෙකි. 60 හැවිරිදි ඔහු දෙදරු පියෙකු බව පොලිසිය කියයි.
මිය ගිය මහවැලි නිලධාරියා පාපැදියකින් ගමන්කරමින් සිටියදී මාර්ගයේ ඉදිරිපසින් පැමිණි මෝටර් රථයක් මාර්ගයෙන් ඉවතට පැණ ඔහු ගමන් ගත් පා පැදියේ මුහුණට මුහුණ ගැටීමෙන් මෙම අනතුර සිදුව ඇති බව පොලිසිය කියයි.
මෝටර් රථය ගැටීමෙන් පාපැදියේ ගමන්ගත් මහැවැලි නිලධාරියා අදාළ පාපැදිය සමග මීටර් කිහිපයක් දුරට විසිවී වැටී සිට ඇති බව පොලිසිය කියයි . අනතරෙන් එම මහවැලි නිලධාරිටා ගමන්ගත් පාපැදිය ද දෙකට කැඩි ඇති බව පොලිසිය කියයි.
පාපැදියේ ගැටුනු මෝටර් රථය ද අනතුරත් සමඟ මාර්ගයෙන් ඉවතට පැන අසල තිබූ ගෙවත්තකට කඩා වැදී තිබිණ. අනතුර සිදුවන අවස්ථාවේ මෝටර් රථයේ තිදෙනෙකු ගමන්කර ඇති අතර එම කිසිවකුටත් අනතුරින් හානි සිදුව නොමැති බව පොලිසිය කියයි.
අනතුරින් බරපතල තුවාල ලබා සිටි පා පැදිකරු ප්රතිකාර සදහා කඩිනමින් කැකිරාව දිසා රෝහල වෙත ඇතුලත් කිරීමට ප්රදේශවාසීන් පියවර ගෙන තිබූ බවත්, බරපතල තත්වයේ සිටි ඔහු රෝහල් ගත කිරීමේදී මිය ගොස් ඇති බවත් පොලිසිය කියයි.
මෙලස මියගොස් ඇත්තේ ඔහු මඩාටුගම කොට්ඨාස කාර්යාලයට අනියුක්තව ආයතන සංවර්ධන නිලධාරියකු ලෙස රාජකාරී කළ දිසානායක මුදියන්සේලාගේ ජයන්ත දිසානායක නමැති අයෙකි. මිය ගිය දිසානායක මහතා මහ ඇලගමුව ප්රදේශයේ පදිංචිව සිටි වයස අවුරුදු 60ක් වන දෙදරු පියෙකි. මිය දිසානායක මහතාගේ මහවැලි අධිකාරියේ කීර්තිමත් සේවකයකු වූ අතර ඔහුගේ සේවාව ඉකුත් දා හුරුළුවැව මහවැලි නේවාසික ව්යාපාර කළමනාකාරවරයාගේ ඇගයීමට ද ලක්ව තිබිණ.
මහවැලි නිලධාරියයකුට දිවි අහිමි කරමින් සිදුවූ මෙම අනතුර මෝටර් රථයේ රියදුරුට නින්ද යාම හේතුවෙන් සිදුවන්නට ඇති බව පොලිසිය අනුමාන කරයි. අනතුරින් එම මෝටර් රථයටද බරපතල හානි සිදුව ඇති අතර, ඉදිරි විමර්ශණ කටයුතු සදහා එම අනතුරට සම්බන්ධ මෝටර් රථය හා එහි රියදුරු ද , පා පැදිය ද කැකිරාව පොලිස් රථවාහන අංශය භාරයට ගෙන තිබේ. පොලිස් අත්අඩංගුවට පත් මෝටර් රථ රියදුරු ඇඹිලිපිටිය මුරුතවෙලගෙදර ප්රදේශයේ පදිංචි 42 හැවිරිදි පුද්ගලයෙකි.
කැකිරාව පොලිස් ස්ථානාධිපති ප්රධාන පොලිස් පරීක්ෂක සුමිත් මුණසිංහ මහතාගේ උපදෙස් අනුව කැකිරාව පොලිස් රථවාහන අංශයේ ස්ථානාධිපති උප පොලිස් පරීක්ෂක රාජපක්ෂ මහතාගේ මෙහෙයවීම යටතේ පොලිස් සැරයන්වරුන් වන 36918- බණ්ඩාරනායක, 57317- ෂර්ලි ඇතුළු නිලධාරීහු පිරිසක් එම අනතුර සම්බන්ධව වැඩිදුර විමර්ශණ සිදුකරති.
මිය ගිය මහවැලි නිලධාරීයාගේ මෘත දේශය කැකිරාව දිසා රෝහලේ තැන්පත් කර ඇති අතර, අනතුර සම්බන්ධයෙන් පොලිස් අත්අඩංගුවට ගෙන ඇති මෝටර් රථයේ රියදුරු කැකිරාව දිසා මහේස්ත්රාත් අධීකරණය වෙත අද ඉදිරිපත් කිරීමට නියමිත බව කැකිරාව පොලිසිය කියයි.
මහබාගේ ප්රදේශයේ මස් අලවි සැලකදී පුද්ගලයෙකුට වෙඩිතබා ඝාතනය කිරීම සදහා වෙඩික්කරු පැමිණි යතුරු පැදියේ යතුරු පැදිකරු ලෙස කටයුතු පුද්ගලයා අත්අඩංගුවට ගැනීමට යාමේ දී සූරිය වැව ප්රදේශයේ දී විශේෂ කාර්ය බලකා නිලධාරීන් සමග ඇති වූ වෙඩි හුවමාරුවකින් ජීවිතක්ෂයට.
පොලිස්පති තුමාගේ යුක්තිය මෙහෙයුම සංකල්පය මත මුළු දිවයිනම ආවරණය වන පරිදි විෂ මත්ද්රව්ය ජාවාරම් කරුවන් හා බෙදා හරින්නන්ගේ ජාලයන් මර්ධනය කර මනුෂ්ය ඝාතන හා සංවිධානාත්මක අපරාධ ක්රියාකාරකම් මැඩලීම සඳහා සිදු කරනු ලබන වැඩ සටහනට සමගාමීව විශේෂ කාර්ය බලකාය අණදෙන නිලධාරී ජේෂ්ඨ නියෝජ්ය පොලිස්පති නීතීඥ වරුණ ජයසුන්දර මහතාගේ නියෝග හා උපදෙස් පරිදි අධ්යක්ෂ බුද්ධි ජේෂ්ඨ පොලිස් අධිකාරී එම්.එම්.කේ. විජේසිංහ මහතාගේ මගපෙන්වීම පරිදි සහකාර පොලිස් අධිකාරී (බුද්ධි/විශේෂ මෙහෙයුම්/මත්ද්රව්ය නාශක හා සංවිධානාත්මක අපරාධ මර්ධන) සාගර කුලසේකර මහතාගේ අධීක්ෂණය මත විශේෂ කාර්ය බලකාය විශේෂ මෙහෙයුම් අංශය II හි නිලධාරීන් කණ්ඩායමක් විසින් 2024.02.28 වන දින සුරියවැව පොලිස් වසමේ ආඩිගම වැව අසල වාඩියක දී අත්අඩංගුවට ගැනීමට යාමේ දී වෙඩි හුවමාරුවක් සිදු වී ඇත.
එහි දී සංවිධානාත්මක අපරාධ කරුවෙකු හා මත්ද්රව්ය ජාවාරම් කරුවෙකු වන දැනට විදේශගතව සිටින ඩුබායි නිපුන නැමැත්තාගේ මෙහෙය විමෙන් 2024.02.21 වන දින මහාබගේ පොලිස් වසමේ ඇලපිටිවල ප්රදේශයේ මස් අලවි සැලකදී පුද්ගලයෙකුට වෙඩිතබා ඝාතනය කිරීම සදහා වෙඩික්කරු පැමිණි යතුරු පැදියේ යතුරු පැදිකරු ලෙස කටයුතු කල පුද්ගලයා සුරියවැව පොලිස් වසමේ ආඩිගම වැව අසල වාඩියක සැගවී සිටින බවට ලද විශ්වාසදායි බුද්ධි තොරතුරක් මත 2024.02.28 වන දින අලුයම් කාලයේ එම ස්ථානය ක්ෂණිකව වටලා එම පුද්ගලයා අත්අඩංගුවට ගැනීමට යාමේදී සැකකරු විසින් ක්ෂණිකව ගිණී අවියකින් නිලධාරීන් දෙසට වෙඩි ප්රහාරයක් එල්ල කර ඇති අතර නිළධාරින්ගේ පුද්ගලික ආරක්ෂාව වෙනුවෙන් ක්ෂණිකව ප්රතිවෙඩි ප්රහාර එල්ල කල අවස්ථාවේ එම වෙඩි ප්රහාරය හමුවේ වෙඩි වැදුණු තුවාලකරු සුරියවැව රෝහල වෙත ඇතුලත් කිරිමෙන් පසුව ජිවිතක්ෂයට පත් වී ඇත. විශේෂ කාර්ය බලකා නිලධාරියෙකුද තුවාල ලබා ඇති අතර නිලධාරියා සුරියවැව රෝහලට ඇතුලත් කර ඇත.
මෙම සැකකරු 2023.08.28 වන දින, වැල්ලම්පිටිය පොලිස් වසමේ කිත්තම්පහුව ප්රදේශයේ දී පුද්ගලයකුට වෙඩිතැබීම, 2023.06.17 වන මීටියාගොඩ පොලිස් වසමේ සීනිගම දේවාලය අසලදී විදුර නැමැති සංවිධානාත්මක අපරාධ කරුගේ මස්සිනා වන දුලාජ් යන අයට කොස්ගොඩ සුජී යන සංවිධානාත්මක අපරාධකරුගේ මෙහෙයවීමෙන් මරණකරු විසින් වෙඩි තබා ඝාතනය කිරීමට තැත් කිරිම, සහ ආසන්නම සිදුවීම වන මහාබගේ පොලිස් වසමේ ඇලපිටිවල ප්රදේශයේ මස් අලවි සැලකදී පුද්ගලයෙකුට වෙඩිතබා ඝාතනය කිරීම යන සිදුවිම් වලදී වෙඩික්කරු පැමිණි යතුරු පැදියේ යතුරු පැදිකරු ලෙස කටයුතු කර ඇති බවත්, ශ්රී ලංකා යුද්ධ හමුදාවේ ලාන්ස් කෝප්රල් රෙජිමේන්තු අංකය – සෙ/412530 ලෙස සේවය කර 2024/01/15 වන දින විශ්රාම ලබා ඇති බවට තොරතුරු අනාවරණය විය. වැඩිදුර විමර්ශන කටයුතු සුරියවැව පොලිස් ස්ථානය මගින් සිදු කරනු ලබයි.
තවද මෙම පුද්ගලයා දකුණු කනුමුල්දෙනිය, මීඇල්ල ප්රදේශයේ පදිංචි වයස අවුරුදු 45 වන පුද්ගලයකු බවත් මොහු සන්තකයේ තිබී රිවෝල්වර වර්ගයේ ගිණි අවියක් සහ යතුරු පැදියක් අත්අඩංගුවට ගෙන ඇත.
පාර්ලිමේන්තු මන්ත්රී උද්දික ප්රේමරත්න සිය මන්ත්රී ධුරයෙන් ඉල්ලා අස්වීමේ ලිපිය අද (27) කතානායකවරයා වෙත යොමුකර තිබෙනවා.
ජනප්රිය රංගන ශිල්පියකු වන ඔහු ජාතික නිදහස් පෙරමුණේ සාමාජිකයකු ලෙස පසුගිය මහ මැතිවරණයේදී අනුරාධපුරය දිස්ත්රීක්කයෙන් පොහොට්ටුව පක්ෂය යටතේ තරඟකර පාර්ලිමේන්තුවට තේරී පත්වුනා.
ඒ අවධියේ පැවති පාලනයෙන් රටේ යම් ධනාත්මක වෙනසක් සිදු කරනු ඇතැයි යන අපේක්ෂාව තුළ තමා පාර්ලිමේන්තුවට පැමිණියද, සියලු දෙනාගේ අපේක්ෂා භංගත්වයට පත්වන අයුරින් පසුගිය කාලයේ සිදුවූ සිදුවීම් සහ පවතින වාතාවරණය තුළ තම දේශපාලන සිතුම් පැතුම් යථාර්ථයක් නොවන බව පසක් වීම නිසා මෙම තීරණය ගත් බවයි ඔහු සිය ඉල්ලා අස්වීමේ ලිපියේ සඳහන් කර ඇත්තේ.
