Breaking News
අද (01) සිට ක්රියාත්මක වන පරිදි සිමෙන්ති මිල පහළ දැමීමට සිමෙන්ති සමාගම් තීරණය කර තිබෙනවා.
කිලෝග්රෑම් 50 සිමෙන්ති බෑගයක මිල රුපියල් 50කින් පහළ දැමීමට තීරණය කර ඇති බවයි වාර්තා වෙන්නේ.
ඒ අනුව සිමෙන්ති බෑගයක මිල රුපියල් 2,400 ක් බවයි වැඩිදුරටත් සඳහන් වෙන්නේ.
SINOPEC සමාගම ද සිය ඉන්ධන මිල ගණන් සංශෝධනය කර තිබෙනවා.
ඒ අනුව 92 පෙට්රල් හැර අනෙකුත් ඉන්ධන වර්ගවල මිල ලංකා ඛනිජ තෙල් නීතිගත සංස්ථාවේ ඉන්ධන මිල ගණන්වලට සමාන වන අයුරින් මිල සංශෝධනය කළ බවයි SINOPEC සමාගම නිවේදනය කළේ.
ඔක්ටේන් 92 පෙට්රල් ලීටරයක නව මිල රුපියල් 365ක් ලෙස සටහන් වන අතර එය අනිකුත් ඉන්ධන පිරවුම්හල්වල නව මිල සමඟ සසඳා බලන කළ රුපියල් තුනක අඩු වීමක් ලෙසයි සටහන්වන්නේ.
ඒ අනුව අඩු වූ මිල සහ නව මිල පහතින්.
* පෙට්රල් 92 – රු. 3 කින් (නව මිල රු.365)
* පෙට්රල් 95 – රු. 20 කින් (නව මිල රු.420)
* ඔටෝ ඩීසල් – රු. 27 කින් (නව මිල රු.333)
* සුපර් ඩීසල් – රු. 9 කින් (නව මිල රු.377)
ලංකා IOC සමාගම ද සිය ඉන්ධන මිල ගණන් සංශෝධනය කර තිබෙනවා.
ඒ අනුව ලංකා ඛනිජ තෙල් නීතිගත සංස්ථාවේ ඉන්ධන මිල ගණන්වලට සමාන වන අයුරින් මිල සංශෝධනය කළ බවයි ලංකා IOC සමාගම නිවේදනය කළේ.
ඒ අනුව අඩු වූ මිල සහ නව මිල පහතින්.
* පෙට්රල් 92 – රු. 3 කින් (නව මිල රු.368)
* පෙට්රල් 95 – රු. 20 කින් (නව මිල රු.420)
* ඔටෝ ඩීසල් – රු. 30 කින් (නව මිල රු.333)
* සුපර් ඩීසල් – රු. 9 කින් (නව මිල රු.377)
* භූමිතෙල් – රු. 30 කින් (නව මිල රු.215)
මෙරට නිෂ්පාදිත අත් බෝම්බයක් සහ කඩුවක් සමග රන්මාල කොල්ලකෑ සැකකරු අත්අඩංගුවට
මිල්ලනිය චන්දන පෙරේරා
දියණියකගේ සහ මවකගේ රන්මාල කොල්ලක් කෑ බැවට ලැබුණු පැමිණිල්ලක් මත සැකකරු අඩංගුවට ගත් බව අඟුරුවාතොට පොලිසිය පවසයි.
මෙසේ අත්අඩංගුවට ගෙන ඇත්තේ රෙමුණ අරඹකන්ද අක්කර 35 ප්රදේශයේ පදිංචි 45 හැවිරිදි පුද්ගලයෙකි.
(27) දින පොලිසිය විසින් බැල්ලපිටිය ප්රදේශයේ සකී නැමති පුද්ගලයෙකුට අයත් පාළු නිවසක් සිටියදී අත්අඩංගුවට ගෙන ඇත.ප්රධාන සැකකරු අත්අඩංගුවට ගන්නා අවස්ථාවේ කිසියම් අපරාධයකට සූදානම් වෙමින් සිට ඇති බව පොලිසිය පවසයි.
ප්රධාන සැකකරු සහ තවත් පුද්ගලයෙක් සමග රෙමුණ වැලිකැටැල්ල ප්රදේශයේ උදෑසන පාරේ ගමන් කරමින් සිටි මවකගේ (92) සහ (68) දියණියකට පහරදී ගෙලේ තිබූ රන් මාල කොල්ල කා පලායාමට උත්සාහ දැරීමේදී දියණිය කොල්ලකරුවන් දෙදෙනා සමග පොර බදින අවස්ථාවේ දියණියගේ ගෙල මිරිකාගෙන සිටි කොල්ලකරු මව තල්ලූ කර පැනයාමට උත්සහා දැරීමේදී මුහුණු වසාගෙන සිටි රෙදි කැබැල්ලි ගැලවී යාම හේතුවෙන් කොල්ලකරුවන් දෙදෙනා දියණිය විසින් හඳුනාගෙන ඇත.
දියණිය විසින් අඟුරුවාතොට පොලිසියට කරන ලද පැමිණිල්ලකට අනුව සැකකරුවන් අත්අඩංගුවට ගැනීමට පරීක්ෂණ ආරම්භ කල පොලිසිය
සැකකරුවන් දෙදෙනා බැල්ලපිටිය, අරඹකන්ද, අක්කර 35 ප්රදේශයේ පදිංචි පුද්ගලයන් බව හදුනාගෙන ඇත. මොවුන් තදින් මත්ද්රව්යවලට ඇබ්බැහි වී සිටින පුද්ගලයින් බවට තොරතුරු ලැබී තිබුනි.
මෙම ප්රධාන සැකකරු ප්රදේශයේ විවිධ අපරාධ රැසකට නායකත්වය දෙන පුද්ගලයා බව හදුනාගෙන ඇත.
අත්අඩංගුවට පත් අවස්ථාවේ දී සැකකරු සන්තකයේ තිබී අඩි 2.1/2 පමණ දිග කඩුවක්, මෙරට නිෂ්පාදිත අත් බෝම්බයක් හමුවී
සැකකරුගෙන් ප්රශ්න කිරීමේදී දිනකට රුපියල් 10000.00 පමණ මත්ද්රව්ය අවශ්ය බව ප්රකාශ කර ඇත. අනෙක් සැකකරු “චූටා “නමැති පුද්ගලයා අත්අඩංගුවට ගැනීමට නියමිතයි.
අඟුරුවාතොට පොලිසියේ පොලිස් ස්ථානාධිපති ප්රධාන පොලිස් පරීක්ෂක ප්රදීප් ආනන්ද මහතාගේ ප්රධානත්වය වැඩිදුර පරීක්ෂණ ආරම්භ කර ඇත.
සැකකරු අද හොරණ අධිකරණය වෙත ඉදිරිපත් කිරීමට නියමිතයි.
මැයි දිනය වෙනුවෙන් හෙට (01) දිවයිනේ මත්පැන් අලෙවිසැල් වසා තැබිය යුතු බව ශ්රී ලංකා සුරාබදු දෙපාර්තමේන්තුව නිවේදනය කරනවා.
ඒ අනුව, අද (30) දින මත්පැන් අලෙවිසැල් වසා දමන වේලාවේ සිට මැයි 02 වන දින විවෘත කරනු ලබන වේලාව දක්වා මත්පැන් අලෙවිසැල් වසා තැබිය යුතු බවයි එම දෙපාර්තමේන්තුව දන්වා සිටින්නේ.
ප්රවීණ සංගීතවේදී ආචාර්ය ප්රේමදාස මුදුන්කොටුව මහතා අභාවප්රාප්ත වී තිබෙනවා.
මියයන විට ඒ මහතා 91 හැවිරිදි වියේ පසුවුනා.
ප්රවීන ගායන ශිල්පිනී සමිතා මුදුන්කොටුව මහත්මියගේ පියා වන සංගීතවේදී මුදුන්කොටුව මහතා සංගීත උපදේශවරයෙක් සහ කථිකාචාර්යවරයෙක් ද ලෙස කටයුතු කරමින් සංගීත ක්ෂේත්රයට විශාල සේවාවක් ඉටුකලා.
ගල්පාත – චන්දන පෙරේරා
මෙසේ දින හතරකට පෙර මියගොස් ඇත්තේ දික්හේනගම මුණගම හොරණ (78) බාලගේ දොන් උබයසේන නැමැති විවාහක පුද්ගලයෙකි.
මොහු නිවසේ තනිව ජීවත් වී ඇති අතර දරුවන් විවාහ වී වෙනම ජීවත් වන බවත් බිරිඳ විදේශගත රැකියාවක් ද ගොස් ඇති බවද පරීක්ෂණවලදී අනාවරණය වී ඇත.අසල නිවැසියන් (25) දින සිට දින තුනක් තිස්සේ නිවසේ සිට නැති අතර ඔවුන් (28) රාත්රී නිවසට පැමිණ ඇත උදෑසන ජලය නැතිවීම හේතුවෙන් ඒ පිළිබඳව සොයා බැලීමේදී මියගිය පුද්ගලයාගේ නිවසට ජලයා ලබා දෙන බටය කැඩී තිබීම හේතුවෙන් ඒ පිළිබඳව සොයා බැලීමට අසල නිවසේ කාන්තාව ගොස් ඇති අතර මියගිය පුද්ගලයාගේ නිවසේ දෙසින් දුගදක් හැමීම හේතුවෙන් ඒ පිළිබඳව කාන්තාවගේ නිවසේ වැඩිහිටි පුද්ගලයන් වෙත දන්නවා මේ පිළිබඳව එම නිවසේ වා කවුළුවෙන් බැලීමේ දී පුද්ගලයා එල්ලී සිටිනු දැක අසල නිවැසියන් හොරණ පොලිසියට දන්වා ඇත.
හොරණ පොලිසියේ නිලධාරීන් පැමිණ දොර විවෘත කර බැලීමේදී අදාළ පුද්ගලයා නිවසේ කාමරයක් තුළ එල්ලී සිටුනු දැක ඇත. ඒ වන විටත් ඔහුගේ ශරීරයෙන් දැඩි දුකක්ද හමමින් තිබී ඇත.
ඔහු මිය යාමට පෙර දරුවන් පිළිබඳව කලකිරීමෙන් මත්පැන් පානය කරමින් කාලය ගතකර ඇති බව අසල්වාසීන් පවසයි. අලුත් අවුරුද්දට ඔහුව බැලීමට පුතා පමණක් පැමිණ ඇති අතර ඔහුට සරමක් තෑගි ලෙස ලබාදී පිටව ගොස් ඇත. මිය යන විට ඔහු ඇඳගෙන සිට ඇත්තේ එම සරම බව පොලීසිය පවසයි.
මේ පිළිබඳව
පානදුර අපරාධ පරීක්ෂණාගාර නිලධාරීන් උ.පො.පා.අබේකෝන් පො.සැ.21385 තිලකරත්න නිලධාරීන් පැමිණ පරීක්ෂණ ආරම්භක කර ඇත.
පශ්චාත් මරණ පරීක්ෂණය සදහා හොරණ රෝහලේ අධිකරණ වෛද්ය නිධාරියා වෙත යොමු කර ඇත. මේ පිළිබඳව වැඩිදුර පරීක්ෂණ
පො.සැ. 30787නෙළුම් බංඩාර පරීක්ෂණ මෙහෙයවයි.
පාඨලී සී.අයි.ඩීයට කැඳවයි
රත්නපුර ප්රදේශයේ පැවැති පක්ෂ රැස්වීමක දී සිදු කරන ලදැයි කියන කතාවක් සම්බන්ධයෙන් ප්රකාශයක් ලබාගැනීම සඳහා එක්සත් ජනරජ පෙරමුණේ නායක, පාර්ලිමේන්තු මන්ත්රී පාඨලී චම්පික රණවක මහතා හෙට (30) උදෑසන 10.00 ට අපරාධ පරීක්ෂණ දෙපාර්තමේන්තුව හමුවට කැඳවා තිබේ.
එක්සත් ජනරජ පෙරමුණේ නායක, පාර්ලිමේන්තු මන්ත්රී පාඨලී චම්පික රණවක හෙට (30) උදෑසන අපරාධ පරීක්ෂණ දෙපාර්තමේන්තුව හමුවට කැඳවා තිබෙනවා.
රත්නපුර ප්රදේශයේ පැවැති පක්ෂ රැස්වීමක දී සිදුකරන ලදැයි කියන කතාවක් සම්බන්ධයෙන් ප්රකාශයක් ලබාගැනීම සඳහා ඔහු මෙලෙස කැඳවා ඇති බවයි වාර්තා වෙන්නේ.
ඇල්ල – වැල්ලවාය මාර්ගයේ මලිත්තගොල්ල ප්රදේශයේ සක්රීය වෙමින් පවතින නායයෑම සම්බන්ධයෙන් සොයා බැලීමට ජාතික ගොඩනැගිලි පර්යේෂණ සංවිධානයේ විශේෂ කණ්ඩායමක් අද (29) එම ප්රදේශයට යාමට නියමිතව තිබෙනවා.
එම ස්ථානයේ පවතින අවධානම අවම කිරීම සඳහා ආයතන රැසක් එක්ව විශේෂ වැඩසටහන් කිහිපයක් අදාළ ප්රදේශය ආශ්රිතව සිදුකරන බවයි බදුල්ල දිස්ත්රික් ලේකම් ප්රභාත් අබේවර්ධන සඳහන් කළේ.
ඒ අනුව එම ස්ථානයේ ඇති මතුපිට ජලය ඉවත් කිරීම සඳහා අද කටයුතු කරන බවත්, අංශ කිහිපයක සහයෝගය මේ සඳහා ලබා ගැනීමට කටයුතු කරන බවයි ඔහු වැඩිදුරටත් සඳහන් කළේ.
