Breaking News
පිලි පැනීමට ලක්වූ දුම්රිය මැදිරිය මේ වන විට එම ස්ථානයේම පිලී ගත කිරීමේ කටයුතු සිදු කර තිබෙනවා.
කෙසේ නමුත් අදාළ අවහිර වූ මාර්ගය යළි යථා තත්ත්වයට පත් කිරිමට සවස 6.00 පමණ වනු ඇති බවයි වාර්තා වෙන්නේ.
මේ හේතුවෙන් අද දින සවස මුහුදුබඩ මාර්ගයේ ධාවනය වන කාර්යාල දුම්රිය ප්රමාද විය හැකි අතර ප්රධාන මාර්ගයේ හා පුත්තලම් මාර්ගයේ දුම්රිය ගමනාගමන කටයුතු වලටද මේ හේතුවෙන් බලපෑමක් සිදුව ඇති බවයි සඳහන් වෙන්නේ.
උදෑසන දුම්රිය ගමන් වාර 18 ක් අවලංගු කල අතර සවස දුම්රිය ගමන් වාර 04 ක් ද අවලංගු කිරීමට නියමිතයි.
විරෝධතාවක් සිරුවා හැරීම සඳහා පොලීසිය විසින් ජල හා කඳුළු ගෑස් ප්රහාරයක් එල්ල කර තිබෙනවා.
ඒ අනුව ජන අරගල ව්යාපාරය විසින් අදාළ විරෝධතාව කොළඹ කොටුව ප්රදේශයේදී පවත්වා ඇති බවයි වාර්තා වෙන්නේ.
24-03-20
කැකිරාව කුෂාන් ජයවර්ධන
තිරප්පනය – උලගල්ල වැවෙන් මලසිරුරක් සොයා ගැනේ.
============
තිරප්පනය උලගල්ල වැවේ තිබී අභිරහස් ලෙස ලෙස මිය ගිය පුද්ගලයකු ගේ මළ සිරුරක් අද (20)දහවල් සොයා ගත් බව පොලිසිය කියයි.
තිරප්පනය පොලිසියට ලද පැමිණිල්ලක් අනුව අනුරාධපුර කොට්ඨාස පොලිස් ජීවිතාරක්ෂක ඒකකයේ නිලධාරීන් හා ප්රදේශවාසීන් එක්ව එම වැව තුළ දී අද(20) සිදුකළ කළ සෝදිසි මෙහෙයුමකදී මෙම මළ සිරුර සොයා ගැනීමට හැකිව තිබිණ
මිය ගොස් ඇත්තේ තිරප්පනේ ඇතුන්ගම දකුණ ප්රෙද්ශයේ පදිංචිව සිටි ඉඳිප්පුලිහේවගේ සුජිත් නිශාන්ත නමැති 33 හැවිරිදි අවිවාහක පුද්ගලයකු බවට හඳුනාගෙන ඇතැයි පොලිසිය කියයි. පෙදරේරැවකු ලෙස වෘත්තීය කටයුතු වල නිරතව ඇති ඔහු සහෝදරයින් 07 දෙනෙකුගෙන් යුත් පවුලේ බාලයාය. පවුලේ බාලයා වූ ඔහු සිය මව රැක බලා ගනිමින් ජීවත් වූ ආයකු බවද පොලිසිය පවසයි. මිය ගිය පුද්ගලයා මසුන් ඇල්ලීම සදහා යන බව පවසා ඊයේ රාත්රී නිවසින් පිටව ගොස් ඇති බව සිදු කළ මූලික පොලිස් විමර්ශණවලදී අනාවරණය කර ගෙන තිබේ. ඒ අනුව අද පෙරවරුව වන තෙක් ඔහු යළි නිවසට නොපැමිණිම නිසා එම මව හා අසල්වාසී පිරිස් සිද්දිය සම්බන්ධයෙන් තිරප්පනය පොලිසියට දැනුම් දීමට පියවර ගෙන තිබිණ. ඒ අනුව අනුරාධපුර කොට්ඨාස ජීවිතාරක්ෂක ඒකයේ නිලධාරීන්ගේ සහය ලබා ගනිමින් තිරප්පනය පොලිසිය හා උලගල්ල ප්රෙද්ශවාසීන් එක්ව අද දහවල් උලගල්ල වැව තුළ සෝදිසි මෙහෙයුමක් දියත්ත කර තිබිණ. එම සෝදිසි මෙහෙයුමේ දී අදාළ පුද්ගල මළ සිරුර සොයා ගැනීමට හැකි වූ බව පොලිසිය කියයි. සිද්දිය සැලවිමත් සමග එම මල සිරුර දැක බලා ගැනීමට විශාල පිරිසක්ද එම ස්ථානයට එක්රොක්ව සිටියහ.
මසුන් ඇල්ලීම සදහා වැවට බැස ඇති ඔහු වැව් දියේ ගිලීමෙන් මරණයට පත්වන්නට ඇතැයි පොලිසිය අනුමාන කරයි.
එම සැකකටයුතු මරණය සම්බන්ධයෙන් වූ ඉදිරි වැඩි දුර විමර්ශණ ප්රෙද්ශයේ උසස් පොලිස් නිලධාරීන්ගේ නියෝග අනුව තිරප්පනය පොලිස් ස්ථානාධීපතිවරයාගේ මෙහෙයවීම මත ක්රියාත්මක පොලිස් නිලධාරීන් කණ්ඩායමක් විසින් මේ වනවිට ආරම්භ කර තිබේ. .
ශ්රී ලංකා මහ බැංකුව නිකුත් කරන දෛනික විනිමය අනුපාත අනුව අද (19) දිනයේ රුපියලට සාපේක්ෂව ඩොලරයේ අගය පහළ ගොස් තිබෙනවා.
ඒ අනුව, ඩොලරයේ ගැනුම් මිල රුපියල් 299.29 ක් ලෙස සහ විකුණුම් මිල රුපියල් 308.90 ක් ලෙසයි අද ශ්රී ලංකා මහ බැංකු වෙබ් අඩවියේ දැක්වෙන්නේ.
රේගු නිලධාරීන් අද (19) උදෑසන සිට අකුරට වැඩකිරීමේ වෘත්තීය සමිති ක්රියාමාර්ගයක් ආරම්භ කර තිබෙනවා.
රේගු අධ්යක්ෂ ජනරාල්වරයාගේ භාරයේ ඇති ගිණුමක් මුදල් අමාත්යංශයට පවරා ගැනීමට විරෝධය පළ කරමින් ඔවුන් මීට පෙර අතිකාල සේවාවලින් ඉවත්වීමේ වෘත්තීය සමිති ක්රියාමාර්ගයක් ආරම්භ කර තිබුණා.
දර්ශාන් ප්රනාන්දු
මොරටුව
0773710807
18.03.2024
මොරටුව ඉදිබැද්ද බැක්වත්ත ප්රදේශයේ කාන්තාවක් ගෙල කපා මරා දමා ඇති බව පොලීසිය (18 වැනිදා) පැවසීය.
මෙලෙස මිය ගොස් ඇත්තේ සූරියආරච්චිගේ ප්රජාපලි සූරියආරච්චි නමැති 51 හැවිරිදි කාන්තාවකි.
උදෑසන 10 ට පමණ මෙම සිදු වීම සිදු වී ඇති අතර අධිකරණ වෛද්ය නිලධාරී ප්රසාන් විජේතුංග අදාළ ස්ථානයට පැමිණි අතර අනතුරුව මොරටුව මහේස්ත්රාත් අධිකරණයේ වැඩබලන මහේස්ත්රාත් අසේල මොරගොල්ල ස්ථානීය පරීක්ෂාවක් සිදු කළේය.
මෙම කාන්තාවගේ ඥාතියෙකු උදෑසන වඩු උපකරණයක් ලබා ගැනීම සඳහා පැමිණ ඇති අතර ඒ අතරතුරදී මෙම සිදුවීම සිදුව ඇතැයි සැක කරන බව පොලිසීයේ උසස් නිලධාරියෙකු පැවසීය.
වයස අවුරුදු 60 ක පුද්ගලයෙකු පොලීසිය වෙත භාර වි ඇති අතර ඔහු මිය ගිය කාන්තාවගේ ඥාතියකු වන බවද පොලීසිය කියයි.
මෙම කාන්තාවගේ සැමියා බන්ධනාගාරගතව සිටියදී පහරදී මින් පෙර මිය ගොස් ඇතැයි පොලීසිය පවසයි.
සිද්ධිය සම්බන්ධයෙන් වැඩිදුර විමර්ශන ගල්කිස්ස 04 භාර සහකාර පොලිස් අධිකාරී දර්ශන කුලකුලසූරිය උපදෙස් මත , මොරටුමුල්ල පොලිසියේ වැඩබලන ස්ථානාධිපති පොලිස් පරීක්ෂක චමින්ද, අපරාධ අංශයේ ස්ථානාධිපති උප පොලිස් පරීක්ෂක උදයකුමාර ඇතුළු නිලධාරීන් සිදු කරනු ලබයි.
ගල්පාත චන්දන පෙරේරා
ඉංගිරිය බෝධිනාගල තානායමක් තුළදී සිය අනියම් බිරිඳව තියුණු ආයුධයකින් කපා බරපතල තුවාල සිදුකිරීමෙන් අනතුරුව ගෙල කපාගෙන සිය දිවි හානි කර ගැනීමට උත්සාහ දැරූ පුද්ගලයෙකු ප්රදේශවාසීන්ගෙන් සහයෙන් රෝහල්ගත කළ බව ඉංගිරිය පොලිසිය කියයි
මෙලෙස රෝහල් ගත කර ඇත්තේ ඉංගිරිය පෝරුව දණ්ඩ පැල්පිටිගොඩ පදිංචිව ඩි එම් මදුකා (40) හා ඇයගේ අනියම් සැමියා බව කියන පිළියන්දල ප්රදේශයේ පදිංචි ප්රේමසිරි (49) නැමැත්තෙකි
අද පෙරවරු 10ට පමණ පිරිමි පුද්ගලයා තානායමට තනිවම පැමිණ කාමර අංක එක වෙන්කරවාගෙන ඇති අතර ඊට විනාඩි 20 කට පමණ පසු
කාන්තාව ස්කූටි වර්ගයේ යතුරුපැදියකින් තානායම කරා පැමිණ තිබූ බව පොලිස් විමර්ශනවලදී අනාවරණය වී ඇත
පැයකට පමණ පසු කාන්තාව පැමිණි ස්කූටි වර්ගයේ යතුරුපැදියෙන් පිරිමි පුද්ගලයා තානායම් භූමියෙන් වේගයෙන් පිටව යන අයුරු කළමනාකරුගේ නෙත ගැටී මද වේලාවකදී දරුණු කැපුම් තුවාල සහිතව කාන්තාව තානායමේ පිළිගැනීමේ කවුන්ටරය අසලට මේ වැගිරෙන තුවාල සහිතව පැමිණ පුටුවක වාඩි වී ඇතැයි පොලිසිය කියයි
අනතුරුව කළමනාකරු ඒ සම්බන්ධයෙන් පොලිසියට කරන ලද දැනුම් දීමක් අනුව
පොලිස් නිලධාරීන් පැමිණ 1990 සුව සැරිය ගිලන් රථයෙන් කාන්තාව හොරණ මූලික රෝහල වෙත ඇතුළත් කිරීමට පියවර ගෙන ඇත
එම සිද්ධිය වී පැයක් යාමට මත්තෙන් ඉංගිරිය බවුන්ඩර් පාර වන රොදක පිහිටි ඇලක් අසල ගෙලෙහි කැපුම් තුවාල සහිත
පුද්ගලයකු වැටී සිටින බවට ඉංගිරිය පොලිසියේ ස්ථානාධිපති ප්රධාන පොලිස් පරිසක වසන්ත චන්ද්රලාල් මහතාට ලද තොරතුරකට අනුව එහි ගිය පොලිස් නිලධාරීන් ප්රදේශවාසීන්ගේ සහයෙන්
එම පුද්ගලයා ද 1990 සුවසැරිය ගිලන් රථයෙන් කරන මූලික රෝහල වෙත ඇතුළත් කිරීමට පියවර ගෙන ඇත
එලෙස ගෙල කපාගෙන තිබූ පුද්ගලයා තානායමට පැමිණ කාන්තාවගේ යතුරුපැදිය රැගෙන ගිය පුද්ගලයා බවට හඳුනාගත් බව පොලිසිය කියයි
බරපතළ තුවාල ලද ඔවුන් දෙදෙනාම බිරිඳගෙන් සහ ස්වාමිපුරුෂයාගෙන් වෙන්ව ජීවත් වන බව පොලිස් විමර්ශනවලදී අනාවරණය වී ඇත
බරපතළ තුවාල ලද පුද්ගලයා සිය අනියම් බිරිඳ මිය යන්නට ඇති බව සිතා ඔහුද ගෙල කපාගෙන සියදිවි නසා ගැනීමට උත්සාහ දරා තිබූ බව පොලිසිය කියයි
පානදුර කොට්ඨාස භාර ජ්යෙෂ්ඨ පොලිස් අධිකාරී වෙනුවට වැඩ බලන සහකාර පොලිස් අධිකාරි නිශාන්ත සේනාරත්න
සහකාර පොලිස් අධිකාරි සම්පත් බණ්ඩාර මහත්වරුන්ගේ උපදෙස් මත ඉංගිරිය පොලිසියේ ස්ථානාධිපති ප්රධාන පොලිස් පරීක්ෂක වසන්ත චන්ද්රලාල් මහතා පරීක්ෂණ පවත්වයි
24-03-18
කැකිරාව කුෂාන් ජයවර්ධන
ඉපලෝගම හිටපු මංත්රීවරයෙක් සිදුකළ පහරදීමකින් තිදරු පියෙක් රෝහලේ
============
ඉපලෝගම ප්රාදේශීය සභාවේ හිටපු මංත්රීවරයකු ඊයේ(17) රාත්රියේ සිදු කළ පහර දීමක් හේතුවෙන් තුවාල ලැබූ ඉපලෝගම ඉහළකාගම ප්රෙද්ශයේ පුද්ගලයකු ප්රතිකාර සදහා රෝහල් ගතකර ඇතැයි ඉපලෝගම පොලිසිය කියයි.
පහර කෑමට ලක්වූ පුද්ගලයාගේ පාර්ශවයෙන් අද (18) ඉපලෝගම පොලිස් ස්ථානය වෙත මේ සම්බන්ධයෙන් පැමිනිලි කර ඇති අතර මේ වනවිට එම පැමිණීල්ලට අනුව ඉපලෝගම පොලිස් ස්ථානය මගින් මේ වනවිට සිද්දිය සම්බන්ධයෙන් විමර්ශණ ආරම්භ කර තිබේ. අදාළ පහරදීම සිදුකර ඇත්තේ ඉපලෝගම ප්රාදේශීය සභාවේ හිටපු පොදුජන එක්සත් පෙරමුණු මංත්රීවරයකු විසින් බවට පොලිසිය අනාවරණය කරගෙන තිබේ.
ඉපලෝගම ඉහළකාගම ප්රෙද්ශයේ දී ඊයේ (17) රාත්රියේ පැවැති ජාතික ජනබලවේගයේ කොට්ඨාස සභා රැස්වීමට සහභාගී වී ආපසු නිවස බලා යමින් සිටි පුද්ගලයකුට සැකකාර මංත්රීවරයා මෙලෙස පහර දී ඇති බව මූලික විමර්ශණවලදී අනාවරණය වූ බව පොලිසිය කියයි.
මෙම පහරදීම සිදු කිරීමට පෙර සැකකාර හිටපු ප්රාදේශීය සභා මංත්රීවරයා ජාතික ජනබල වේගයේ ඉහළකාගම කොට්ඨාස සභා රැස්වීම පැවැති ස්ථානය වෙත ගොස් එහි සිටි පිරිසට බැණ තර්ජනය කර ඇති බව ද එම රැස්වීමේ සංවිධායකයින් විසින් පොලිසියට පැමිණීලි කර තිබේ. අදාළ රැස්වීම නිමවීමෙන් පසු සිය නිවස බලා යමින් සිටි අයෙකුට සැකකාර හිටපු ප්රාදේශීය සභා මංත්රීවරයා මග රැක සිට මෙලෙස පහරදීමට කටයුතු කර ඇති බව පොලිසිය කියයි.
සැකකාර ප්රාදේශීය සභා හිටපු මංත්රීවරයා මුගුරකින් අදාළ පුද්ගලයාට පහර දීම සිදුකර ඇති අතර, එම පහරකෑමෙන් තුවාල ලත් පුද්ගලයා ප්රතිකාර සදහා කඩිනම් කැකිරාව මූලික රෝහල වෙත ඇතුළත් කිරීමට ප්රදේශවාසීන් පියවර ගෙන තිබූ බව පොලිසිය පවසයි. මෙලෙස සැකකාර ප්රාදේශීය සභා මංත්රීවරයාගේ පහර කෑමට ලක්ව ඇත්තේ ඉපලෝගම ඉහළකාගම ප්රදේශයේ පදිංචි රාජකරුණා මුදියන්සේලාගේ විජයානන්ද රාජකරුණා නමැති 49 හැවිරිදි තිදරු පියෙකි. ඔහු දෛනික කුලි කටයුතුවල නිරත වෙමින් සිය ජීවිකාව ගෙන යන්නෙකි.
හිටපු ප්රාදේශීය සභා මංත්රීවරයකු විසින් සිදුකර ඇති මෙම පුද්ගල පහරදීම සම්බන්ධයෙන් ඉපලෝගම පොලිස් ස්ථානය මගින් මේ වනවිට වැඩිදුර විමර්ශණ ආරම්භ කර තිබේ.
දොඩංගොඩ සපුගාවස්ත 800/B ප්රදේශයේ අක්කර 3.5 පමණ ප්රදේශයක් කිසියම් පුද්ගලයකු විසින් ගිනි තබා ඇති අතර යටදොල යුද්ධ හමුදා කඳවුරේ නිලධාරීන් එකසිය විසි පහක් පමණ පිරිසක් පැමිණ ගින්න නිවා දැමීමට කටයුතු කළ අතර අසල පිහිටි නිවාස කිහිපයකට ගින්න පැතිරීමේ අවදානම් තත්ත්වයක පැවතුණු අතර යුද හමුදා නිලධාරීන් වහාම ගින්න නිවීම හේතුවෙන් එම අවදානම පහව යන ලදී
දොඩංගොඩ ප්රාදේශීය ලේකම්තුමියත් එම ස්ථානයට පැමිණ පරීක්ෂා කළ අතර දොඩංගොඩ පොලිසිය මේ පිළිබඳ වැඩිදුර පරීක්ෂණ මෙහෙයවයි.
චන්දන පෙරේරා
නෙල්ලිගල ජාත්යන්තර බෞද්ධ මධ්යස්ථානය වැඳ පුදා ගැනීමට පැමිණි බැතිමතුන් 38 දෙනෙකු රැගත් බස් රථයක් අනතුරට ලක්ව තිබෙනවා.
එම අනතුරින් රියදුරු ඇතුළු 37 දෙනෙකු තුවාල ලබා ඇති අතර තවත් අයෙක් මියගොස් ඇති බවයි වාර්තා වෙන්නේ.
බැතිමතුන් රැගත් බස් රථය නෙල්ලිගල සිට පූඩළුඔය දෙසට ගමන් කරමින් තිබියදී බස් රථයේ රියදුරුට රථය පාලනය කර ගැනීමට නොහැකිව මීටර් 15ක් පමණ බෑවුමකට ලිස්සා ගොස් බස් රථය ගසක ගැටී එම අනතුර සිදුව තිබෙනවා.
තුවාලකරුවන් අතරින් බරපතළ තත්ත්වයේ සිටින දෙදෙනෙකු මහනුවර රෝහල වෙත මාරුකරු යවා ඇති අතර සිද්ධිය සම්බන්ධයෙන් පේරාදෙණිය පොලීසිය වැඩිදුර විමර්ශන සිදු කරනවා.
