ඡන්ද දායකයින් විසින් සිය ඡන්දය ප්රකාශ කිරීමෙන් අනතුරුව ඡන්ද ගණන් කිරීමේ අවස්ථාව දක්වා නිවෙස්වල රැඳී සිටින ලෙස මැතිවරණ කොමිසමේ සභාපති ආර්.එම්.ඒ.එල්. රත්නායක දන්වා සිටිනවා.
ඡන්ද ගණන් කිරීම සිදුවන අවස්ථාවේ, රූපවාහිනී හෝ පුළුල් තිර යොදා කණ්ඩායම් වශයෙන් මහා මාර්ගය අසළ එය නැරඹීම නොකළ යුතු බව අද (19) පැවති විශේෂ මාධ්ය හමුවකට එක්වෙමින් සභාපතිවරයා සඳහන් කළේ.
මැතිවරණ ප්රතිඵල විකාශය වන අවස්ථාවේදී කණ්ඩායම් වශයෙන් රතිඤ්ඤා දල්වමින් පාරවල්වල විනෝද වීමද, ආලෝක බැලූන් ගුවනේ පා කර හැරීමද නීතියෙන් තහනම් බවයි ඔහු සඳහන් කළේ.
මෙලෙස එක්රැස්වීම් සියල්ල අයුතු ජන රාශිය යන වරදට යටත් වන බවත්, ඒවා විසුරුවා හැරීමට හෝ ඒවාට සම්බන්ධ වන පුද්ගලයින් ගැන ආරක්ෂක අංශ විසින් කටයුතු කරනු ඇති බවයි මැතිවරණ කොමිසමේ සභාපති ආර්.එම්.ඒ.එල්. රත්නායක වැඩිදුරටත් ප්රකාශ කළේ.
