Breaking News
ග්රෑන්ඩ්පාස් – මාදම්පිටිය කනත්ත ආසන්නයේදී සිදුවූ වෙඩි තැබීමකින් පුද්ගලයෙකු මියගොස් ඇති බව පොලීසිය පවසනවා.
ඒ අනුව මෝටර් රථයකින් පැමිණි පිරිසක් විසින් මෙම වෙඩි ප්රහාරය එල්ල කර ඇති බවයි සඳහන් වෙන්නේ.
මෙලෙස ජීවිතක්ෂයට පත්ව ඇත්තේ ත්රිරෝද රථයක සිටි අවුරුදු 35ක පුද්ගලයෙක් වන අතර සිදුවීම පිළිබඳව ග්රෑන්ඩ්පාස් පොලිසිය වැඩිදුර විමර්ශන සිදුකරනවා.
ශ්රී ලංකන් ගුවන් සේවය විකිණීම සඳහා පෙර තිබූ සැලසුම නව රජය විසින් ක්රියාත්මක නොකිරීමට තීරණය කර ඇති බව එම සමාගමේ නව සභාපති සරත් ගනේගොඩ පවසනවා.
ඒ අනුව ආයතනය වඩා ලාභ ලබන ගුවන් සේවයක් බවට පත්කිරීම සඳහා අවශ්ය ප්රතිව්යුහගත කිරීම් සිදුකරන බවයි TTG Asia වෙබ් අඩවිය සමඟ අදහස් දක්වමින් සභාපතිවරයා සඳහන් කර ඇත්තේ.
ශ්රී ලංකන් ගුවන් සේවය මෙරට සංචාරක කර්මාන්තය වර්ධනය කිරීම සඳහා වැදගත්ම සාධකයක් බවත් එම ගුවන් සේවය සියලු ශ්රී ලාංකිකයන්ට ආඩම්බර විය හැකි ජාතික ආයතනයක් බවට පත් කළ යුතු බවට ජනාධිපතිවරයා විසින් උපදෙස් ලබාදී ඇති බවයි ඔහු වැඩිදුරටත් සඳහන් තිබෙන්නේ.
වර්ෂ ගණනාවක් පුරා ශ්රී ලංකන් ගුවන්සේවය පාඩු ලැබීම හේතුවෙන් පසුගිය රජය විසින් එහි කොටස් මිලදී ගැනීම සහ කළමනාකරණය සඳහා ලංසු කැඳවා තිබූ අතර ගුවන් සේවයේ කොටස් 51% රජය යටතේ තබාගෙන ඉතිරි කොටස් 49% ආයෝජකයින්ට විකිණීමට නියමිතව තිබුණා.
රජයට අයවිය යුතු රුපියල් බිලියන 3.5ක වැට් බදු ගෙවීම පැහැරහැරීමේ සිද්ධියක් සම්බන්ධයෙන් මාස හයක සිර දඬුවම් ලබා සිටින ඩබ්ලිව්. එම්. මෙන්ඩිස් සමාගමේ අධ්යක්ෂ අර්ජුන් ඇලෝෂියස් ඇතුළු දෙදෙනෙකු ඇප මත මුදාහරින ලෙස කළ ඉල්ලීම කොළඹ මහෙස්ත්රාත් අධිකරණය ප්රතික්ෂේප කර තිබෙනවා.
අදාළ නඩුව අද (16) කැඳවූ අවස්ථාවේදී මෙම විත්තිකරුවන්ට එරෙහි නඩුකරය මේ වනවිට අපරාධමය නඩුකරයක් බවට පත්වී ඇති නිසා ඔවුන් ඇපමත මුදාහරින ලෙස වගඋත්තරකරුවන් වෙනුවෙන් පෙනී සිටි ජනාධිපති නීතිඥ රසික් සරුක් අධිකරණය හමුවේ කරුණු දක්වමින් ඉල්ලා සිට තිබෙනවා.
කෙසේවෙතත් තීන්දුව ප්රකාශයට පත්කරමින් අතිරේක මහේස්ත්රාත් බණ්ඩාර ඉලංගසිංහ සඳහන් කළේ, මෙය දේශීය ආදායම් දෙපාර්තමේන්තුව විසින් සහතිකයක් මත ඉදිරිපත් කළ නඩුවක් බවයි.
ඒ අනුව විකල්ප දඬුවමක් වන හෙයින් එය අපරාධමය නඩුකරයක් බවට පත් නොවන නිසා ඇප ඉල්ලීම ප්රතික්ෂේප කරන බවයි මහෙස්ත්රාත්වරයා වැඩිදුරටත් නියෝග කර තිබෙන්නේ.
අබේපුස්ස සහ මීරිගම අතර දුම්රියක් කාර්මික දෝෂයකට ලක්ව ඇති බව දුම්රිය දෙපාර්තමේන්තුව පවසනවා.
ඒ අනුව ප්රධාන මාර්ගයේ දුම්රිය ප්රමාදයක් සිදුවිය හැකි බවයි දුම්රිය දෙපාර්තමේන්තුව වැඩිදුරටත් ප්රකාශ කළේ.
මාතර කැකණදුර ප්රදේශයේදී අද (15) පස්වරුවේ සිදුකළ වෙඩිතැබීමකින් පුද්ගලයෙකු මියගොස් තිබෙනවා.
ත්රිරෝද රථයකින් ගමන් කරමින් සිටි පුද්ගලයෙකුට මෝටර් රථයකින් පැමිණි පුද්ගලයෙකු විසින් මෙම වෙඩිතැබීම සිදුකර ඇති බවයි පොලීසිය සඳහන් කළේ.
අධික වැසි සමග ඇති වූ ආපදා වලින් දිස්ත්රික්ක 13 කට බලපෑම් එල්ල වී ඇති බව ආපදා කළමනාකරණ මධ්යස්ථානය පවසනවා.
ඒ අනුව පවුල් 40,758 කට අයත් පුද්ගලයින් 159,511ක් අවතැන්ව ඇති බවයි ආපදා කළමනාකරණ මධ්යස්ථානය සඳහන් කළේ.
සුරක්ෂිතතා මධ්යස්ථාන 80 ක් මේ වනවිට ක්රියාත්මක අතර ඒවායේ පවුල් 2,433 කට අයත් පුද්ගලයින් 10,361 දෙනෙකු රඳවා සිටින බවයි සඳහන් වෙන්නේ.
ඇති වූ ආපදා තත්ත්වයන් හමුවේ, මේ වනවිට පුද්ගලයින් තුන්දෙනෙකු මියගොස් ඇතැයි, ආපදා කළමනාකරණ මධ්යස්ථානය වැඩිදුරටත් සඳහන් කළා.
කළුතර සිට මරදාන බලා ධාවනය වන දුම්රිය එන්ජිමේ ගින්නක් හටගෙන තිබෙනවා.
මේ හේතුවෙන් මුහුදුබඩ මාර්ගයේ දුම්රිය ධාවනය ප්රමාද විය හැකි බවයි දුම්රිය දෙපාර්තමේන්තුව සඳහන් කළේ.
දිවයිනට බලපා ඇති අයහපත් කාලගුණික තත්ත්වය මත ගංවතුර සහ වෙනත් ආපදාවලට ලක්ව ඇති පාසල්වලට නිවාඩු ලබාදීම සම්බන්ධයෙන් අධ්යාපන අමාත්යාංශය දැනුම්දීමක් සිදුකර තිබෙනවා.
ඒ අනුව පාසල්වලට නිවාඩු ලබාදීමේදී පළාත් ප්රධාන ලේකම්, පළාත් අධ්යාපන ලේකම් හෝ පළාත් අධ්යාපන අධ්යක්ෂ විසින් සුදුසු පරිදි අවශ්ය පියවර ගන්නා ලෙසට අධ්යාපන අමාත්යාංශය උපදෙස් ලබාදී ඇති බවයි වාර්තා වන්නේ.
කාලගුණ විද්යා දෙපාර්තමේන්තුව විසින් ඉදිරි පැය 24 සඳහා බලපැවැත්වෙන පරිදි දකුණු බෙංගාල බොක්ක මුහුදු ප්රදේශ සඳහා තද වැසි, තද සුළං සහ මුහුද රළුවීම පිළිබඳ අවවාදාත්මක නිවේදනයක් කාලගුණ විද්යා දෙපාර්තමේන්තුව නිකුත් කර තිබෙනවා.
අද (14) දිනයේ ගිනිකොණ දිග බෙංගාල බොක්ක ආශ්රිතව අඩු පීඩන කලාපයක් නිර්මාණය වී ඇති බවයි එම දෙපාර්තමේන්තුව සඳහන් කළේ.
ඒ අනුව, එය ඉදිරි දින 2 තුළ හොඳින් සලකුණු වූ අඩු පීඩන කලාපයක් බවට පත්වීමට ඉඩ ඇති අතර බටහිර-වයඹ දෙසට ගමන් කරමින් උතුරු තමිල්නාඩුව, පුදුචේරි සහ යාබද දකුණු ආන්ද්රා ප්රදේශ වෙරළ තීරය දෙසට ගමන් කරන බවයි සඳහන් වෙන්නේ.
මුහුදු ප්රදේශවල ඉතා තද සුළං (පැ.කි.මී. 60-70) සමගින් තද වැසි පැවතිය හැකි අතර මුහුදු ප්රදේශ ඉතා රළු විය හැකි අතර කාලගුණ විද්යා දෙපාර්තමේන්තුව මඟින් මේ සම්බන්ධව නිකුත් කරන ඉදිරි නිවේදන පිළිබඳ සිය අවධානය යොමු කරන ලෙස ද ධීවර හා නාවික ප්රජාවට දැනුම්දී තිබෙනවා.
මේ සම්බන්ධයෙන් නිකුත් කළ නිවේදනය පහතින්.
2024 පස්වැනි ශ්රේණිය ශිෂ්යත්ව විභාගය යළි නොපවත්වන බව විභාග කොමසාරිස් ජනරාල් අමිත් ජයසුන්දර පවසනවා.
පිටවී ඇති බවට තහවුරු වූ ප්රශ්න තුන සඳහා සියළුම ශිෂ්යයින්ට නිදහස් ලකුණු ලබා දීමට තීරණයක් කර ඇති බවයි විභාග කොමසාරිස් ජනරාල්වරයා අද (14) පැවති මාධ්ය හමුවකට එක්වෙමින් වැඩිදුරටත් සඳහන් කළේ.
