Breaking News
ඉන්ධන මිල අඩු වුවත් ත්රීරෝද රථ ගාස්තු අඩුවීමක් සිදු නොවන බව සමස්ත ලංකා ත්රීරෝද රථ රියදුරන්ගේ වෘත්තීය සමිතිය පවසනවා.
මාසයෙන් මාසය මිල අඩු වන විට ත්රීරෝද රථ ගාස්තු සංශෝධනය කිරීමට හැකියාවක් නොමැති බවයි එහි සභාපති ලලිත් ධර්මසේකර සඳහන් කළේ.
ඒ අනුව ගාස්තු සංශෝධනයක් සිදු නොවන බවත්, අඩු කිරීමක් හෝ වැඩි කිරීමක් සිදු නොවන බවයි ඔහු වැඩිදුරටත් සඳහන් කළේ.
මෙම වසර සඳහා විදෙස් සංචාරකයින් මිලියනයක් පැමිණිමේ ඉලක්කය 2024 ජුනි මාසයේ 29 වන දා වන විට සපුරාගැනීමට හැකි වූ බව ශ්රී ලංකා සංචාරක සංවර්ධන අධිකාරිය පවසනවා.
ඒ අනුව මෙරටට පැමිණි මිලියනය වැනි සංචාරකයා වූයේ යර්ලන්තයේ පෝල් සහ පැට්රීෂියා රෝයි යන සංචාරක යුවල බවයි එම අධිකාරිය සඳහන් කළේ.
මේ සම්බන්ධයෙන් විශේෂ සැමරුම් උත්සවයක් සංවිධානය කර තිබූ අතර, ශ්රී ලංකා සංචාරක ප්රවර්ධන කාර්යාංශය, ගුවන් තොටුපළ හා ගුවන් සේවා සමාගම සහ ශ්රී ලංකන් ගුවන් සේවය එක්ව පසුගිය දා ඔවුන්ව පිළිගැනීමට කටයුතු කර තිබුණා.
එක්සත් ජාතික පක්ෂ මහලේකම් පාලිත රංගේ බණ්ඩාරගේ පුත්රයා වන යශෝධ රංගේ බණ්ඩාර රිය අනතුරක් සම්බන්ධයෙන් අත්අඩංගුවට ගෙන තිබෙනවා.
අද (29) අලුයම 4.30 පමණ කරුවලගස්වැව, 07 කණුව, මී ඔය ආසන්නයේ අලිමංකඩ ප්රදේශයේදී ඔහු ගමන්ගත් මෝටර් රථය මාර්ගයෙන් ඉවතට පැන ත්රීවිල් රථයක ගැටීමෙන් මෙම අනතුර සිදුවී ඇති බවයි වාර්තා වෙන්නේ.
මෙම අනතුරෙන් ත්රීවිල් රථ රියදුරු බරපතළ තුවාල ලබා පුත්තලම මූලික රෝහලට ඇතුළත් කර ඇති අතර, අනතුර සම්බන්ධයෙන් තවදුරටත් පරීක්ෂණ සිදුකරමින් පවතින බව කරුවලගස්වැව පොලීසිය සඳහන් කළා.
ජූලි 1 වනදා සිට බස් ගාස්තු 5% කින් පහළ දැමීමට තීරණය කර තීරණය කර තිබෙනවා.
ඒ අනුව අවම බස් ගාස්තුව රුපියල් 2කින් පහළ යන අතර එහි නව ගාස්තුව රුපියල් 28 ක් බවයි සඳහන් වෙන්නේ.
වාර්ෂික බස් ගාස්තු සංශෝධනයට අදාළව බස් සංගම් සහ අමාත්ය බන්දුල ගුණවර්ධන සමඟ පැවති සාකච්ඡාවකදී මෙම තීරණය ගෙන තිබෙනවා.
හිටපු පාර්ලිමේන්තු මන්ත්රිනී හිරුණිකා ප්රේමචන්ද්රට කොළඹ මහාධිකරණ විසින් බරපතළ වැඩ සහිත වසර තුනක සිර දඬුවම් නියම කර තිබෙනවා.
දෙමටගොඩ ප්රදේශයේ වෙළෙඳසැලක සේවය කළ තරුණයකු පැහැරගෙන ගොස් අයුතු ලෙස සිරකර තැබීමේ චෝදනාව සම්බන්ධයෙන් ඇය වැරදිකරු බවට තීන්දු කරමින් මෙම නියෝගය නිකුත් කර ඇති බවයි වැඩිදුරටත් සඳහන් වෙන්නේ.
අ.පො.ස සාමාන්ය පෙළ විභාගයේ පිළිතුරු පත්ර ඇගයීමේ දෙවැනි අදියර අද (28) ආරම්භ වනවා.
ඒ අනුව අද සිට දින 10 ක් එම අදියරේ ඇගයීම් සිදුකෙරෙන බවයි විභාග දෙපාර්තමේන්තුව සඳහන් කළේ.
සාමාන්ය පෙළ විභාගයේ පිළිතුරුපත්ර වලින් 80% ක් පමණ මේ වනවිට පරීක්ෂා කර අවසන්ව ඇති බවයි එම දෙපාර්තමේන්තුව වැඩිදුරටත් සඳහන් කළේ.
මෙරට ජාතික විදුලි පද්ධතියට සම්බන්ධ සමස්ත සූර්ය බලයෙන් විදුලිය උත්පාදනය කිරීම මෙගාවොට් 1000 ඉක්මවීමට හැකිවී ඇති බව බලශක්ති අමාත්යංශය පවසනවා.
වහළය මත සූර්ය පැනල මගින් මෙගාවොට් 944ක් සහ බිම්ගත සූර්ය පැනල මගින් මෙගාවොට් 156ක් ජාතික පද්ධතියට එකතු කර ඇති බවයි එම අමාත්යංශය සඳහන් කළේ.
මෙම වර්ෂය අවසන් වනවිට වහළය මත සූර්ය පැනල මගින් පමණක් මෙගාවොට් 1000 ඉක්මවූ විදුලි උත්පාදනයක් ජාතික පද්ධතියට එකතු කිරීමට නියමිතව තිබෙනවා.
මෙම වසරේ පළමු මාස 5 තුළ පමණක් වහළය මත සූර්ය පැනල මගින් මෙගාවොට් 132ක් ජාතික පද්ධතියට එකතු කිරීමට හැකිවී ඇති බවයි වැඩිදුරටත් සඳහන් වෙන්නේ.
මගෙන් රටට ව්යාපාරයේ සංජය මහවත්ත මහතාව ඊයේ (27) රාත්රියේ දී අත්අඩංගුවට ගෙන තිබෙනවා.
ත්රස්ත විමර්ශන කොට්ඨාසය මඟින් ඔහු මෙලෙස අත්අඩංගුවට ගෙන තිබෙන බවට වාර්තා වනවා.
ජ්යේෂඨ පොලිස් නිලධාරීන්ට අසත්ය චෝදනා එල්ල කිරීමේ සිද්ධියක් සම්බන්ධයෙන් සංජය මහවත්ත අත්අඩංගුවට ගෙන ඇති බව වාර්තා වනවා.
සංජය මහවත්ත මහතා විසින් හිටපු ජනාධිපති ගෝඨාභය රාජපක්ෂ භාවිත කළ රේන්ජ් රෝවර් රථය නිරූපිකාවක් වන පියුමි හංසමාලි භාවිත කිරීම සම්බන්ධයෙන් පරීක්ෂණයක් පවත්වන ලෙස ඉල්ලමින් නීතිවිරෝධී වත්කම් විමර්ශන කොට්ඨාසයට පැමිණිල්ලක්ද මේ වන විට ඉදිරිපත් කර තිබෙනවා
ජනාධිපති රනිල් වික්රමසිංහ විසින් ජාතිය අමතා සිදුකරන විශේෂ ප්රකාශය මේ වන විට ආරම්භ වී තිබෙනවා.
එහි සජීවී යාවත්කාලීන කිරීම් පහතින්.
* පසුබිමක මම ඔබෙන් මෙන්න මේ ප්රශ්නය අහන්න කැමතියි.
* මුලදීම ප්රශ්නය තේරුම්ගෙන ඊට ප්රායෝගික විසඳුම් ලබා දී ප්රතිඵල පෙන්වූ මා සමග එක්වී රට ඉදිරියට ගෙනයනවාද? එහෙමත් නැත්නම්, තවමත් ප්රශ්නය තේරුම් ගෙන නැති, අඳුරේ අතපත ගාමින් බලය වෙනුවෙන් වෙහෙසෙන කණ්ඩායම් සමඟ එක් වෙනවාද?
* මෙතෙක් පැමිණි නිවැරදි මාර්ගයේම ඉදිරියට ගොස් ඔබේත්, රටේත් අනාගතය යහපත් කරගන්නවාද? නැතිනම් මාර්ගය වෙනස් කරනවාද? වැරදි පාරකට හැරුණොත් නැත්නම් පාර වරද්දා ගත්තොත් එහි භයානකකම අප සියලුදෙනා දන්නවා. ඒ නිසා නිවැරදි තීරණය ගන්න. ඒ තීරණය ගැනීමේ පූර්ණ අයිතිය සහ නිදහස ඔබට තිබෙනවා. ඔබ ගන්නා තීරණයෙන් තීන්දු වෙන්නේ රනිල් වික්රමසිංහගේ අනාගතය නෙවෙයි. රටේ අනාගතයයි. ඔබේ අනාගතයයි. ඔබේ දුවා දරුවන්ගේ අනාගතයයි.
* මම එදා ඔබට පොරොන්දු වුණා වගේම ලංකා මාතාව කියන දරුවා අනතුරුදායක වැල්පාලමේ මෙතෙක් ආරක්ෂිතව ඉදිරියට ගෙන එන්නට මට පුළුවන් වෙලා තිබෙනවා. දැන් වෙලා තියෙන්නෙ මොකද්ද? හුණුවටයේ කතාව නාට්යයේ වගේම අසීරු අවස්ථාවේ දරුවා රැක ගන්න බය වුණු කණ්ඩායම්, දරුවා රැක ගන්න කිසිදු සහයෝගයක් නොදුන් කණ්ඩායම් දැන් මේ දරුවාගේ අයිතිය ගන්න සටන් කරනවා. වැල් පාලමෙන් එගොඩ වෙන්න කලින්ම දරුවාව අයිති කරගන්න වෙහෙසෙනවා. දරුවාව දෙපැත්තට විතරක් නෙවෙයි, හැම පැත්තටම අදින්න හදනවා.
ඩොලර් බිලියන 4.2 ක ණය ප්රතිව්යුහගත කිරීමක් සඳහා චීන එක්සිම් බැංකුව සහ ශ්රී ලංකාව අතර ගිවිසුම් අත්සන් තැබීම මීට සුළු මොහොතකට පෙර සිදුකර තිබෙනවා.
මෙම ප්රතිව්යුහගත කිරීම මගින් අත්යාවශ්ය පොදු සේවාවන් සඳහා වැඩි අරමුදල් ප්රමාණයක් වෙන් කිරීමට මෙන්ම යටිතල පහසුකම් සංවර්ධනය සඳහා සහනදායී මූල්ය පහසුකම් සලසා ගැනීම නැවත ආරම්භ කිරීමට ද අවස්ථාව හිමිවන බවයි වැඩිදුරටත් සඳහන් වෙන්නේ.
