Breaking News
මැතිවරණයක් සඳහා අවශ්ය වන නොමැකෙන තීන්ත ඇතුළු ලිපි ද්රව්ය කඩිනමින් මිලදී ගැනීමට මැතිවරණ කොමිෂන් සභාව ලංසු කැඳවා තිබෙනවා.
ඒ අනුව ජාතික තරගකාරී ක්රමයට කැඳවා ඇති එම ලංසු එළඹෙන අගෝස්තු 02 වැනි දා විවෘත කිරීමට නියමිත බවයි සඳහන් වෙන්නේ.
මේ අතර ජාතික මැතිවරණ කොමිෂන් සභාවේ සාමාජිකයින් අතර හමුවක් ලබන හෙට (24) සහ අනිද්දා (25) පැවැත්වෙනු ඇති බවයි වැඩිදුරටත් සඳහන් වෙන්නේ.
මහනුවර යාපනය ඒ – නවය මාර්ගයේ, තිරප්පනය පොලිස් වසමේ ගල්කුලම ප්රදේශයේ කි.මී. 122 සහ 123ත් අතර ප්රදේශයේ මාර්ගයේ තිබු බරපතල තුවාල ලබා ජීවිතක්ෂයට පත්වූ පුද්ගලයෙකුගේ මළ සිරුරක් අද (23) සොයා ගත් බව තිරප්පනය පොලිසිය පවසයි.
මෙලෙස ජීවිතක්ෂයට පත්ව ඇත්තේ අනුරාධපුර, මිහින්තලේ, කෑදෑව ප්රදේශයේ පදිංචි බමුණු රත්න මුදියන්සේලාගේ සුරවීර නමැති 38 හැවිරිදි දෙදරු පියෙකු බවට හඳුනා ගෙන ඇති බව පොලිසිය කියයි.
මරණකරු මැල්සිරිපුර ප්රදේශයේ හෝටලයක සේවය කරන පුද්ගලයෙකු බවත්, ඔහු රාත්රියේ තම රැකියාව නිමවී නිවස බලා ගමන් කරමින් සිටියදී මෙම මෙම අනතුර සිදුවී ඇති බවට සැක කරන බව පොලිසිය කියයි.
මරණකරු, මාර්ගයේ ගමන් ගත් වාහනයක නැග ගමන් කිරීමේදී ඉන් ඇද වැටී ජීවිතක්ෂයට පත් වූයේද, නැති නම් පාරේ ගමන් වාහනයක ගැටී ජීවිතක්ෂයට පත් වූයේද යන්න දැන ගැනීම සඳහා වැඩිදුර විමර්ශන ක්රියාත්මක බව පොලිසිය කියයි.
පෞද්ගලික ඖෂධ සමාගමක උතුරු මැද පළාත භාර අලෙවි නිලධාරියෙකු ලබා දෙන තහනම් ඖෂධ, තොග වශයෙන් අනුරාධපුර නගරය තුල සහ ඒ අවට බෙදා හැරී ප්රධාන ජාවාරම්කරු ලක්ෂ 3කට ආසන්න ඖෂධ කරල් 2400ක් සමග අත්අඩංගුවට ගත් බව අනුරාධපුර මූලස්ථාන පොලිසියේ දූෂණ මර්දන අංශය පවසයි.
එමෙන්ම එම ඖෂධ මත්ද්රව්ය වලට ඇබ්බැහි වූවන් හට සිල්ලරට විකුණූ පුද්ගලයන් 5ක් ඇතුළු හය දෙනෙකු ද අත්අඩංගුවට ගෙන තිබේ.
මෙලෙස අත්අඩංගුවට පත්වූ ප්රධාන සැකකරු අනුරාධපුර , මස්මඩුව පාර කාර්මික ප්රදේශයේ පදිංචි 34 හැවිරිදි පුද්ගලයෙකු බවත් අත්අඩංගුවට ගත් සෙසු සැකකරුවන් , අනුරාධපුර විජයපුර , ජයසිරිපුර , දහයියාගම සහ නොච්චියාගම ප්රදේශවල පදිංචි 21 සිට 37 දක්වා වයස් කාණ්ඩ වල පුද්ගලයන් බව පොලිසිය කියයි.
වෛද්ය නිර්දේශයක් ඇතිව රෝගීන් හට ලබා දෙන වේදනා නාශකයක් වන මෙම ඖෂධ කිසිදු අවසරයකින් තොරව ඖෂධ අලෙවි නිලධාරියා විසින් ප්රධාන සැකකරු හට තොග වශයෙන් ලබා දී ඇති බව පොලිසිය කියයි.
ගලෙන්බිදුණුවැව ප්රදේශයේ පදිංචිකරුවකු වන එම ඖෂධ නිලධාරියා අත්අඩංගුවට ගැනීම සඳහා පොලිස් කණ්ඩායමක් කිහිපයක් යොදවා ඇති බවද පොලිසිය වැඩි දුරටත් සඳහන් කළේය.
24-07-22
කැකිරාව කුෂාන් ජයවර්ධන
කැකිරාව ප්රාදේශීය ලේකම් කාර්යාලයේ ඉඩම් නිලධාරියකු අල්ලස් දැලේ
=========
ඉඩම් ඔප්පුවක් පිළීයෙල කිරීමට ව්යාපාරිකයකුගෙන් රැපියල් ලක්ෂ 02ක අල්ලසක් ලබා ගත් කැකිරාව ප්රාදේශී්ය ලේකම් කාර්යාලයේ ඉඩම් නිලධාරියකු අල්ලස් නිලධාරීන් අද (22) පස්වරුවේ සමත්ව තිබිණ.
කැකිරාව ප්රෙද්ශයේ ව්යාපාරියකයකු විසින් අල්ලස් නිලධාරීන්ට කර තිබූ පැමිණීල්ලකට අනුව සිදුකළ වැටලීමකදී සැකකාර ඉඩම් නිලධාරීයා අත්අඩංගුවට ගැනීමට අල්ලස් නිලධාරීන් සමත්ව තිබේ.
ඉඩම් ඔප්පුවක් සැකසීම සඳහා සැකකාර ඉඩම් නිලධාරියා විසින් කැකිරාව ප්රෙද්ශයේ ව්යාපාරිකාගෙන් රැපියල් ලක්ෂ 05ක අල්ලස් මුදලක් ඉල්ලා තිබූ අතර එයින් රැපියල් ලක්ෂ දෙකක මුදලක් අද දිනයේ අදාළ ඉඩම් නිලධාරියා විසින් ලබා ගත් අවස්ථාවේ දී ඔහු අත්අඩංගුවට ගැනීඹට අල්ලස් නිලධාරීන් සමත්ව තිබිණ. අද පස්වරුවේ කැකිරාව ප්රාදේශීය ලේකම් කාර්යාල භූමියේදී එම ඉඩම් නිලධාරීය මෙම අල්ලස් මුදල ලබා ගෙන තිබින.
අල්ලස් ලබා ගැනීමේදී අත්අඩංගුවට ගෙන ඇති එම ඉඩම් නිලධාරියා 33 හැවිරිදි වියේ පසුවන්නෙකි. පොලොන්නරුව දිවුලන්කඩවල කුසුම්පොකුණ ප්රෙද්ශයේ ස්ථීර පදිංචිකරුවකු වන ඔහු හබරණ පලුගස්වැව ගල්කඩවල පාර ප්රෙද්ශයේ තාවකාලිකව පදිංචිව සිට ඇති අයෙකි.
අල්ලස් ලබා ගැනීමේදී අත්අඩංගුවට ගන්නා ලද සැකකාර ඉඩම් නිලධාරියා අද පස්වරුවේ කැකිරාව මහේස්ත්රාත් අධීකරණයට ඉදිරිපත් කිරීමට අල්ලස් නිලධාරීන් කටයුත කරනු ලැබීය. එහිදී සැකකාර නිලධාරියා ලබන අගොස්තු මස 02 වනදා දක්වා රක්ෂීත බන්ධනා ගාර ගත කිරීමට කැකිරාව මහේස්ත්රාත් ඩී.පී.එම්.එස්. කරුණාරත්න මහත්මිය විසින් නියෝග කරනු ලැබූ අතර එදිනට සැකකාර නිලධාරියා අලුත්කඩේ මහේස්ත්රාත් අධීකරනය හමුවට ඉදිරිපත් කිරීමට කටයුතු කරන ලෙස මහේස්ත්රාත්වරිය මෙහිදී බන්ධනාගාර අධීකාරීවරයාට නියෝග කරනු ලැබීය.
කරන්දෙනිය ප්රදේශයේ කුරුඳු ඉඩමක තිබී අභිරහස් ලෙස මියගිය පුද්ගලයෙකුගේ සිරුරක් හමු වූ බව කරන්න පොලිසිය කියයි.
කරන්දෙනිය උණ ගස්වල ප්රදේශයේ කුරුඳු ඉඩමක තිබී අබිරහස් අයුරින් මියගිය පුද්ගලයෙකුගේ මළ සිරුරක් ලද තොරතුරක් මත සොයා ගැනීමට කරන්දෙණිය පොලිසියට හැකි විය.මියගිය පුද්ගලයා ඉකුත් 21 දින උණ ගස් වල ප්රදේශයේ කුරුඳු ඉඩමක කුලියට එම ඉඩම උදුලු ගෑම සඳහා පැමිණි අයෙක් බව එම ඉඩම හිමි තුසය හකුරු ෂරෝකා නමැති අය හඳුනාගෙන ඇත.ඉන්පසු මිය ගිය අයගේ ඥාතීන් පැමිණ මියගිය අය හඳුනාගෙන ඇති අතර ඔහු කරන්දෙනිය අනුරුද්දගම පදිංචි අයෙකු බව තහවුරු විය. ස්ථානීය මරණ පරීක්ෂණය කරන්දෙනිය හදිසි මරණ පරීක්ෂක පී සොමිරත්න මහතා විසින් සිදුකළ අතර එහිදී මියගිය අයගේ හිසෙහි සහ අත්වල තුවාල ඇති බව හඳුනාගෙන ඇති අතර පශ්චාත් මරණ පරීක්ෂණය සඳහා මිය ගිය අයගේ සිරුර බලපිටිය මූලික රෝහල වෙත රැගෙන යන ලදී.කරන්දෙනිය පොලිසිය මේ පිළිබඳව පරීක්ෂණ පවත්වයි
දිඹුලාගල අධ්යාපන කලාපයට අයත් සිරිපුර ප්රදේශයේ ප්රධාන පාසලක ගැබිණි ගුරුවරියකට ලිංගික අතවරයක් කළැයි කියන
සිද්ධියකට සම්බන්ධ එම ගුරුවරිය සිදුකළ පැමිණිල්ලකට අනුව එම විද්යාලයේ නියෝජ්ය විදුහල්පතිවරයා 21 වෙනිදා දහවල් අත්අඩංගුවට ගත් බව සිරිපුර පොලිසිය කියයි.
අත්අඩංගුවට ගත් නියෝජ්ය විදුහල්පතිවරයා 56 හැවිරිදි අයෙකු වන අතර අතවරයට ලක්වුනේ යැයි කියන ගුරුවරිය අවුරුදු 30 පමණ වයසති ගුරුවරියක් බවත්, ඇය මේ වන විට දෙහිඅත්තකණ්ඩිය රෝහලට ඇතුළත් කර තිබෙන බව ඒ පිළිබඳ පරීක්ෂණ සිදුකරන සිරිපුර පොලිස් ස්ථානාධිපති පොලිස් පරීක්ෂක ජී.ආර්.ජී. නෙත්තසූරිය මහතා අප කළ විමසීමකදී සඳහන් කළේය.
පසුගිය18 වෙනිදා විද්යාලයේදී මෙම සිද්ධිය සිදු වී ඇති අතර, සිද්ධිය සම්බන්ධව විද්යාලයේ ආරක්ෂිත කැමරා පරීක්ෂා අවට ලක්කරූ බවත්, ඒ පිළිබඳව අනෙකුත් පරීක්ෂණ කටයුතු කර සියලු වාර්තාවන් දෙහිඅත්තකන්ඩිය මහේස්ත්රාත් අධිකරණයට ඉදිරිපත් කිරීමට කටයුතු කර ඇති බවද පොලිසිය කියයි.
මේ පිළිබඳව අදාළ ගුරුවරිය විසින් 18 වෙනිදා පොලිසියට පැමිණිල්ලක් යොමු කර ඇති බවද සිරිපුර පොලිසිය සඳහන් කරයි.
අත්අඩංගුවට ගත් නියෝජ්ය විදුහල්පතිවරයා 22 වෙනිදා දෙහිඅත්තකන්ඩිය මහේස්ත්රාත් අධිකරණයට ඉදිරිපත් කිරීමට කටයුතු කර ඇති බව ඒ පිළිබඳ පරීක්ෂණ සිදු කරන සිරිපුර පොලිස් ස්ථානාධිපති පොලිස් පරීක්ෂක ජී.ආර්.ජී. නෙත්තසුරිය මහතා වැඩිදුරටත් කීවේය.
පොළොන්නරුව ජ්යෙෂ්ඨ පොලිස් අධිකාරි නිශාන් ද සිල්වා මහතාගේ උපදෙස් මත සිරිපුර පොලිස් ස්ථානාධිපති පොලිස් පරීක්ෂක ජී.ආර්.ජී නෙත්සූරිය මහතා ඇතුළු පොලිස් නිලධාරී කණ්ඩායමක් මේ පිළිබඳ වැඩිදුර පරීක්ෂණ සිදු කරයි.
(බිමල් ශ්යාමන් ජයසිංහ)
දක්ෂිණ අධිවේගී මාර්ගයේ බද්දේගම සහ පින්න දුව අතර කිලෝමීටර් 92 ප්රදේශයේදී මෝටර් රථ දෙකක් එකිනෙක ගැටීමෙන් පුද්ගලයන් 5 කු තුවාල ලබා රෝහල් ගත කර ඇතැයි අධිවේගී රථවාහන පොලිසිය කියයි.
මාතර සිට කොළඹ දෙසට ගමන් කරමින් තිබූ මෝටර් රථයේ රියදුරුට නින්ද යාමත් සමගම මැද ආරක්ෂිත යකඩ වැටේ මෝටර් රථය ගැටී එම දිසාවටම පිටුපසින් පැමිණි මෝටර් රථය හා ගැටී මෙම අනතුර වී ඇති බව පොලිසිය සඳහන් කරයි.
එම අනතුරක් සමගම මාර්ගය සම්පූර්ණයෙන්ම වැසී ගොස් ඇති අතර කොළඹ දෙසට ගමන් ගන්නා වාහන මාර්ගය මගහැර එයින් පිටතින් ධාවනය කර නැවත මාර්ගයට ප්රවිෂ්ට කර වාහන ධාවනය කරන්නටවු බව පොලිසිය කියයි.
අස්වැසුම සුබසාධක ප්රතිලාභ යෝජනා ක්රමය සඳහා නව අයදුම්කරුවන් 450,000 පමණ අයදුම්කර ඇති බව සුබසාධක ප්රතිලාභ මණ්ඩලය පවසනවා.
ඒ අනුව එහි සංගණන කටයුතු සිදුකිරීමෙන් පසු කමිටුවක් විසින් අස්වැසුම ලබාගත හැකි අයදුම්කරුවන් තෝරා ගැනීමට නියමිත බවයි සඳහන් වෙන්නේ.
ඉන් අනතුරුව තෝරාගත් ප්රතිලාභීන් සඳහා පවතින විරෝධතා සැලකිල්ලට ගැනීමෙන් පසු ඒ සඳහා යම් ඉවත් කිරීමක් ඇත්නම් ඒවා ද සිදුකර අස්වැසුම ලබාගන්නා ප්රතිලාභීන් තෝරාගැනීම සිදු කෙරෙන බවයි සඳහන් වෙන්නේ.
මේ වනවිට ප්රතිලාභීන් ලක්ෂ 18ක් පමණ ප්රමාණයක් සඳහා අස්වැසුම පළමු අදියර යටතේ දීමනා ලබාදෙනවා.
ඊයේ (18) රාත්රී හඟුරන්කෙත, මතුරට හරහා හමා ගිය දැඩි සුළඟ හේතුවෙන් ගසක අත්තක් කඩා වැටී මතුරට, අම්පිටිගොඩ පදිංචි අවුරුදු (45) හතළිස් පහක් වයසැති අයෙක් ජීවිතක්ෂයට පත් වී ඇත.
මොහු දෛනික රාජකාරී අවසන් කොට නිවස බලා පැමිණ සිටියදී එම අවස්ථාවේ පැවති දැඩි සුළඟට තම නිවස ආසන්නයේම තිබූ ගසක අත්තත් කඩාවැටි මෙම අනතුර සිදුවී ඇත.
එදින රාත්රී නිවසට නොපැමිණි බැවින් මොහු පිළිබඳව සොයා බැලීමේදී පසුදින උදේ (19) ඔහු නිවස ආසන්නයේ වැටී සිටි අතර, ඔහුගේ සිරුර මතට ගසක අත්තක් වැටී ඇති බව තම පුතාට දැකගන්නට ලැබුණු බවයි පවසන්නේ.
මේ වන විට මළසිරුර පශ්චාත් මරණ පරීක්ෂණය සඳහා නුවරඑළිය දිස්ත්රික් මහ රෝහල වෙත රැගෙන ගිය බවත්, මතුරට පොලිස් ස්ථානාධිපති ප්රධාන පොලිස් පරීක්ෂක එච්. ඒ. එල්. කේ. හෙට්ටිආරච්චි මහතාගේ මූලිකත්වයෙන් වැඩිදුර පරීක්ෂණ සිදු කරන බවයි මතුරට පොලිසිය සඳහන් කරන්නේ.
සම්පත් විජේරත්න, රිකිල්ලගස්කඩ
දර්ශාන් ප්රනාන්දු
මොරටුව
19.07.2024
දුර්ලභ තාරකා විද්යාත්මක සිදුවීමක් වන සෙනසුරු චන්ද්රයාගෙන් මුවාවීමේ සංසිද්ධිය 2024 ජූලි 24 මධ්යම රාත්රියෙන් පසුව( 2024 පූලි 25 වැනි දින පෙ.ව. 00:50 ට) පමණ ආරම්භ වී ශ්රී ලාංකිකයන්ට දර්ශනය වනු ඇතැයි නවීන තාක්ෂණ පිළිබඳ ආතර් සී ක්ලාක් ආයතනය සඳහන් කරයි.
ජූලි (25 වැනිදා) පෙරවරු 00.40ට පමණ සඳ දෙස බැලීමෙන් මෙම සංසිද්ධිය නිරීක්ෂණය කළ හැකිය.
දුරේක්ෂයක් හෝ දුරදක්නයක් තිබේ නම්, මෙම සංසිද්ධිය වඩාත් හොඳින් නිරීක්ෂණය කිරීමට හැකිවනු ඇතැයි ආතර් සී ක්ලාක් ආයතනයේ තාරකා විද්යා සහ අභ්යවකාශ යෙදවුම් අංශය සඳහන් කරයි.
එක් ආකාශ වස්තුවක් තවත් ආකාශ වස්තුවක් ඉදිරියෙන් ගමන් කිරීම නිසා එහිදර්ශනය අවහිර වීමෙන් මෙවන සංසිද්ධියක් සිදුවේ. චන්ද්රයා සෙනසුරු ග්රහලෝකය ඉදිරියෙන් ගමන් කරන විට එය පෘථිවියට නොපෙනී ගොස්, ආසන්න වශයෙන් පැය එකයි මිනින්තු විස්සක් පමණ චන්ද්රයාගෙන් වැසී පවතින අතර මෙම සංසිද්ධිය පෘථිවියේ ඇතැම් ප්රදේශවලට පමණක් දැකගත හැකිය. ශ්රී ලංකා විවිධ ප්රදේශවලට මෙම සිදුවීම දර්ශනය වන වේලාවන් සුළු වශයෙන් වෙනස් වේ.
සෙනසුරු චන්ද්රයාගෙන් කොළඹ, යාපනය , වව්නියාව , අම්පාර , ත්රිකුණාමලය, අනුරාධපුර , පුත්තලම , මහනුවර , බදුල්ල , බලංගොඩ , මාතර යන ප්රදේශයන්හි සෙනසුරු චන්ද්රයාගෙන් ආවරණය වීම සහ නිවාරණය වීම දැකගැනීමට හැකි වේ.
නැවත වරක් මෙම සංසිද්ධිය ශ්රී ලංකාවාසීන්ට දර්ශනය වන්නේ 2037 අප්රේල් 24 වැනිදා බව ආතර් සී ක්ලාක් ආයතනය නිවේදනය කරයි.
