Breaking News
ලංකා ඛනිජ තෙල් නීතිගත සංස්ථාවට අයත් ඉන්ධනවල මිල අද (31) මධ්යම රාත්රියේ සිට ක්රියාත්මක වන පරිදි අඩු කර තිබෙනවා.
ඒ අනුව අඩු වූ මිල සහ නව මිල පහතින්.
* පෙට්රල් 92 – රු. 12 කින් (නව මිල රු.332)
* පෙට්රල් 95 – රු. 02 කින් (නව මිල රු.377)
* ඔටෝ ඩීසල් – රු. 10 කින් (නව මිල රු.307)
* සුපර් ඩීසල් – රු. 03 කින් (නව මිල රු.352)
මිල නොවෙනස් වන ඉන්ධන වර්ග:
* භූමිතෙල් – (නව මිල රු.202)
මහ බැංකු අධිපති ආචාර්ය නන්දලාල් වීරසිංහ විසින් මැතිවරණයක් අභියසදී යම් අපේක්ෂකයෙකුගේ ප්රතිපත්ති අගතියට පත්වන ආකාරයේ ප්රකාශයක් සිදුකිරීම තදබල වරදක් බව හිටපු මැතිවරණ කොමසාරිස් මහින්ද දේශප්රිය පවසනවා.
මෙයට කලකට පෙර ආරක්ෂක හමුදා ප්රධානීන් සහ ලේකම්වරුන් විසින්ද, වෙනත් ආකාරයකට රට වෙනස් වුනොත් නැවතත් ත්රස්ථවාදය පැමිණේයැයි මෙලෙසම කියූ බවද, එයට විරුද්ධව ඒ දිනවල තදින් කරුණු දැක්වූ පිරිස් මෙම ප්රකාශය ගැන කිසිවක් නොකියන බවද ඔහු පෙන්වා දෙනවා.
තමන් එය එදත් වැරදි බව ප්රකාශ කළ බවද, අදත් මෙය වැරදි බව ප්රකාශ කරන බවද, කුමන පක්ෂයකින් සිදුකළත් වරද වරදම බවද ඔහු සඳහන් කළා.
මැතිවරණයක් කැඳවා ඇති අවස්ථාවක රාජ්ය නිලධාරීන් යම් පක්ෂයක අපේක්ෂයෙකුගේ ප්රතිපත්ති අගතියට පත්වන ආකාරයේ ප්රකාශ කිරීම මැතිවරණ නීති තදබල ලෙස උල්ලංඝනය කිරීමක් බවයි ඔහු අවධාරණය කළේ.
ජනාධිපතිවරණ අපේක්ෂකයින්ට තමන්ගේ ප්රතිපත්ති ප්රකාශයන් තැපැල් මාර්ගයෙන් ඡන්ද දායකයින් වෙත බෙදා හැරීමට පහසුකම් සලසා ඇති බව ජාතික මැතිවරණ කොමිෂන් සභාව පවසනවා.
ප්රතිපත්ති ප්රකාශ මෙන්ම අවශ්ය ලිපිලේඛණ ද තැපෑල හරහා නොමිලයේ ජනතාව වෙත බෙදා හැරීමට හැකියාව ඇති බවයි එම කොමිසමේ සභාපති ආර්.එල්.ඒ.එම්. රත්නායක මහතා පැවසුවේ.
මැතිවරණ කොමිෂන් සභාව වෙත ජනාධිපතිවරණයට අදාළව ලැබී ඇති පැමිණිලි සංඛ්යාව තවදුරටත් ඉහළ ගොස් තිබෙනවා.
ඒ අනුව පසුගිය ජූලි මස 31 වැනිදා සිට අගෝස්තු 29 වන දින දක්වා ලැබී තිබුණු මුළු මැතිවරණ පැමිණිලි සංඛ්යාව 1482ක් දක්වා ඉහළ ගොස් ඇති බවයි එම කොමිෂන් සභාව පවසන්නේ.
මැතිවරණ නීති උල්ලංඝනය කිරීම සම්බන්ධයෙන් වන පැමිණිලි සංඛ්යාව 1419 ක් වන අතර, ප්රචණ්ඩ ක්රියා සම්බන්ධව පැමිණිලි 07 ක්ද, වෙනත් පැමිණිලි 56 ක්ද ලැබී ඇති බව මැතිවරණ කොමිෂන් සභාව වැඩිදුරටත් සඳහන් කර සිටිනවා.
හම්බන්තොට පොලිස් වසමේ දිමුතුගම ප්රදේශයේ ඊයේ (29) දහවල් කාලයේ සිදුවූ වන අලි පහරදීමකින් පුද්ගලයෙකු මිය ගොස් තිබෙනවා.
මරණකරු වයස අවුරුදු 27ක් වූ කොග්ගල, හබරාදුව ප්රදේශයේ පදිංචිකරුවෙක් බවයි සඳහන් වෙන්නේ.
මරණකරු දිමුතුගම ප්රදේශයේ තාවකාලිකව පදිංචිව සිටිමින් ගව පාලනයේ යෙදෙමින් සිටියදී මෙම වන අලි ප්රහාරයට ලක්ව ඇති බවයි පොලීසිය වැඩිදුරටත් සඳහන් කරන්නේ.
පොලීසියේ 54,000 ක් ජනාධිපතිවරණයේ රාජකාරි සඳහා යොදවන බව ජ්යෙෂ්ඨ නියෝජ්ය පොලිස්පති අසංක කරවිට පවසනවා.
ඒ අනුව දීප ව්යාප්තව නීති විරෝධී මැතිවරණ ප්රචාරක කටයුතු පාලනයට අවශ්ය පියවර ගනිමින් සිටින බවයි ඔහු වැඩිදුරටත් සඳහන් කළේ.
24-08-30
කැකිරාව කුෂාන් ජයවර්ධන
ඉපලෝගම යතුරුපැදි අනතුරකින් යුද හමුදා ලාන්ස්කෝප්රල්වරයකු මරුට
අද (30) සවස ඉපලෝගම ප්රදේශයේදී සිදුවූ යතුරුපැදි අනතුරකින් යුධ හමුදා ලාන්ස්කෝප්රල්වරයකු ජීවිතක්ෂයට පත්ව තිබේ.
කැකිරාව එප්පාවල මාර්ගයේ මහ මීගස්සෑගම ප්රෙද්ශයේදී අද (30) පසවස 4.30ට පමණ මෙම මාරක රිය අනතුර සිදුව ඇති බව අනතුර සම්බන්ධයෙන් විමර්ශණ සිදුකරන ඉපලෝගම පොලිසිය පවසයි..
අනතුරටපත් ලාන්ස් කෝප්රල්වරයා ගමන්ගත් බව කියන ස්කූටි වර්ගයේ යතුරුපැදිය පාලනය කර ගැනීමට නොහැකිව මාර්ගයෙන් ඉවතට පැන මාර්ගය අසළ වූ දුරකතන රැහැන් කණුවක ගැටීමෙන් මෙම අනතුර සිදුව ඇති බව පොලිසිය කියයි.
අනතුරින් මිය ගොස් ඇත්තේ 522 පාබල බලසේනා මූලස්ථානයට අනියුක්තව යාපනය ප්රදේශයේ සේවයේ නියතු ලාන්ස් කෝප්රල්වරයෙකු බව පොලිසිය කියයි
මිය ගිය ලාන්ස් කෝප්රල්වරයා මහඉලුප්පල්ලම, කැලේදිවුල්වැව, ප්රෙද්ශයේ පදිංචි ඊරියගම වඩුගෙදර තිළිණ මධුසංඛ දිසානායක නමැති 31 හැවිරිදි විවාහක එක් දරු පියෙකු බව පොලිසිය කියයි.
මිය ගිය ලාන්ස් කෝප්රල්වරයා මෙම අවාසනාවන්ත රිය අනතුරට ලක්ව ඇත්තේ ඊයේ (29) දින විශේෂ නිවාඩු ලබා සිය නිවසට පැමිණ සිටි අවස්ථාවේදී බවත්, එම නිවාඩුව අවසන්ව හෙට (31) දිනයේ ඔහු යළී සේවයට වාර්ථා කිරීමට නියමිතව තිබී ඇති බවත් පොලිසිය කියයි..
අනතුරින් බරපතළ තුවාල ලබා සිට ඇති ලාන්ස් කෝප්රල්වරයා ප්රතිකාර සඳහා කඩිනමින් එප්පාවල ප්රාදේශීය රෝහලට ඇතුළත් කිරීමට එම ප්රෙද්ශවාසීන් කටයුතු කර ඇතත්, අනතුරින් බරපතල තුවාල ලබා සිටි ලාන්කෝප්රල්වරයා රෝහල් ගතකරන අවස්ථාවේදී මිය ගොස් ඇති බව පොලිසිය කියයි.
සිදුව ඇති අනතුරින් ලාන්ස්කෝප්රල්වරයාගේ හිසට බරපතල තුවාල සිදුව ඇති බව පොලිසිය කියයි. අදාළ මළ සිුරර මේ වනවිට එප්පාවල ප්රාදේශීය රෝහලේ තැන්පත් කර තිබේ.
මෙම මාරක රිය අනතුර සම්බන්ධයෙන් ඉපලෝගම පොලීස් රථවාහන අංශයේ නිලධාරීහු වැඩිදුර පරීක්ෂණ පවත්වයි.
විදෙස් ගමන් බලපත්ර නිකුත් කිරීම සම්බන්ධයෙන් මේ වන විට මතුව ඇති අර්බුදය ඔක්තොබර් 16 වනදායින් පසුව අවසන් වන බව විදේශ කටයුතු අමාත්ය අලි සබ්රි පවසනවා.
ඒ අනුව විදෙස් ගමන් බලපත්ර ගැටලුව හේතුවෙන් ජනතාව පීඩාවට පත්වීම සම්බන්ධයෙන් තමන් කණගාටුව ප්රකාශ කරන බවයි අමාත්යවරයා සඳහන් කළේ.
විදෙස් ගමන් බලපත්ර නිකුත් කිරීමේදී දෛනිකව නිකුත් කරන සංඛ්යාව දහසකට සීමා කර ඇති බව ආගමන හා විගමන දෙපාර්තමේන්තුව සඳහන් කළා.
යුරෝපා මැතිවරණ නිරීක්ෂකයින් දිවයින පුරා මැතිවරණ නිරීක්ෂණ කටයුතු සඳහා පිටත්ව ගොස් තිබෙනවා.
ජනාධිපතිවරණයේ නිරීක්ෂණ කටයුතු සඳහා යුරෝපා සංගම් මැතිවරණ නිරීක්ෂකයින්ගේ පළමු කණ්ඩායම පසුගියදා දිවයිනට පැමිණ තිබුණා.
තවත් පිරිසක් ඉදිරි සති කිහිපය ඇතුළත දිවයිනට පැමිණිමට නියමිත බවයි වැඩිදුරටත් සඳහන් වෙන්නේ.
ගතවූ මාස 8ක කාලය තුළදී පමණක් ශ්රී ලාංකිකයින් 5,499 දෙනෙකු දකුණු කොරියාවේ රැකියා සඳහා පිටව ගොස් ඇති බව විදේශ සේවා නියුක්ති කාර්යංශය පවසනවා.
දකුණු කොරියාවේ රැකියා හිමිවූ 350 වන කණ්ඩායමට අයත් ශ්රී ලාංකිකයින් 55 දෙනෙකු ඊයේ (28) පිටත්ව ගොස් තිබුණා.
ශ්රී ලංකා විදේශ සේවා නියුක්ති කාර්යාංශය හා දකුණු කොරියානු මානව සම්පත් සංවර්ධන සේවා ආයතනය අතර ඇති කර ගත් අවබෝධතා ගිවිසුම ප්රකාරව ශ්රී ලාංකිකයින්ට දකුණු කොරියාවේ රැකියා අවස්ථා හිමි වන බවයි විදේශ සේවා නියුක්ති කාර්යංශය වැඩිදුරටත් සඳහන් කළේ.
