ජයවර්ධනපුර කෝට්ටේ පිහිටි සුන්දර වෝටර්ස් ඒජ් හෝටලය දේශීය සාම්ප්රදායික ආහාර සංස්කෘතිය හා දේශීය දේ නව ලොවට ගෙන යන අටවැනි ආපනශාලාව ලෙස තුනපහ ශ්රී ලංකන් අවහන්හල 08 වන දින දෙස් විදෙස් ජනතාවට නවමු අත්දැකීමක් සමග විවෘත වේ.
මෙම තුනපහ ශ්රී ලංකන් අවහන්ල විවෘත කිරීම ගරු අග්රාමාත්ය රනිල් වික්රමසිංහ හා මහානගර හා බස්නාහිර සංවර්ධන අමාත්ය පාඨලී චම්පික රණවක මැතිතුමාගේ ප්රධානත්වයෙන්, නියෝජ්ය අමාත්ය ලසන්ත අලගියවන්න මැතිතුමාගේ සහභාගීත්වයෙන් 2017 මාර්තු 08 වන දින පෙ.ව. 7.00 ට බත්තරමුල්ල වෝටර්ස් ඒජ් හෝටල් පරිශ්රයේදී සිදු කිරීමට නියමිතය.
ඒකාකාරි නාගරික රටාවෙන් මිදී මදකට හෝ ග්රාමීය පරිසරයක ඔබ රැුගෙන යන,දේශීය කෑම වේලක රස සුවඳ විඳ ගනිමින් තම මනස සන්තර්පනය කර ගැනීමට පාරිභෝගිකයාට මෙහිදී පහසුකම් සලසා ඇත.
තවත් අලූත් අත්දැකීමක් එකතු කරමින් අවන්හලට පැමිණෙන ඔබට දේශීය ආහාර ලබා ගන්නේ නම් එම ප්රනීත රස ගුණ පිරි ආහාර පොදු බුෆේ වෙතින් ලබාගත යුතු නැත. සෑම පාරිභෝගිකයෙකුගේම කෑම මේසය මත බුෆේ ක්රමයට ආහාර සූදානම් කොට තිබීම විශේෂත්වයකි. අනෙක් සුවිශේෂී කරුණ නම් මෙම අවන්හලෙන් ඔබට ලබාදෙන දේශීය අහාර, පළතුරුවල ගුණාත්මක බව, නිෂ්පාදනය කළ ප්රදේශය ආදී සියලූ විස්තර පාරිභෝගිකයා වෙත ලබාදීමට කටයුතු කිරීමයි.
දේශීය ආහාර සම්ප්රදාය පමණක්ම නොව අපගේ දේශීය කලා ශිල්පීන්ගේ අත්කම් භාණ්ඩ, දේශීයව නිෂ්පාදනය කළ රෙදිපිළි, විසිතුරු භාණ්ඩ රැගත් සම්ප්රදායික සල්පිලක් ද මෙහි ස්ථාපිත කොට ඇත. සම්ප්රදායික ගැමි බව ආරක්ෂා කොට ගනිමින් විදේශීය සංචාරකයන්ගේද ආකර්ෂණය දිනා ගනිමින් දේශීය ආහාර සංස්කෘතිය ගමේ නොවේ යැයි බැහැර නොකර, දේශීය දේවල් අපේ ජනතාව වෙත ද ළගා කරමින් උරුමය සොයා යාම වෙනුවෙන් ගන්නා වූ උත්සාහයකි.
