තෙල්දෙණිය කෙන්ගල්ල ප්රදේශයේ වාහන අංගනයකින් කොල්ලකන ලද ජීප් රථ 03 ක් සමඟ සැකකරුවන් තිදෙනෙකු පොලීසිය විසින් අත්අඩංගුවට ගෙන තිබෙනවා.
ඊයේ (29) අලුයම කැබ් රථයකින් පැමිණි පිරිසක් විසින් මෙම කොල්ලය සිදුකර ඇති බවයි පොලීසිය සඳහන් කළේ.
එහිදී අදාළ වාහන අංගනයේ සිටි සේවකයින් දෙදෙනෙකු බියවද්දා බැඳ දමා සැකකරුවන් වාහන 04 ක් කොල්ලකා පළාගොස් ඇති අතර ඩිෆෙන්ඩර් වර්ගයේ ජිප් රථ 03 ක් සහ වෑන් රථයක් මෙලෙස කොල්ලකා රැගෙනගොස් තිබෙනවා.
අත්අඩංගුවට ගත් සැකකරුවන් අවුරුදු 27, 32 සහ 34 යන වයස්වල පසුවන ගුන්නෑපාන, දොරගමුව සහ රජවැල්ල යන ප්රදේශවල පදිංචිකරුවන් බවට අනාවරණය වී තිබෙනවා.
