2023 ආසියානු කුසලාන එක්දින ක්රිකට් තරගාවලියේ සුපිරි 4 දෙනාගේ වටයේ ශ්රී ලංකා කණ්ඩායම හා පාකිස්තාන කණ්ඩායම අතර තරගයට වර්ෂාවෙන් බාධා එල්ලවී තිබෙනවා.
තරගය පස්වරු 3.00 ට ආරම්භවීමට නියමිතව තිබුණද වර්ෂාව හේතුවෙන් කාසියේ වාසිය උරගා බැලීමද ප්රමාදවිය හැකි බවයි සඳහන් වන්නේ.
මේ වන විට ක්රීඩාංගණය සම්පූර්ණයෙන්ම ආවරණය කර ඇති බවයි වැඩිදුරටත් සඳහන් වන්නේ.
2023 ලෝක කුසලාන එක්දින ක්රිකට් තරගාවලියේ ශූරයින්ට පිරිනමන ශූරතා කුසලානය ලොව වටා රැගෙන යාමේ චාරිකාව යටතේ කුසලානය අද (14) ශ්රී ලංකාවේ ප්රදර්ශනය කිරීමට නියමිතව තිබෙනවා.
ඒ අනුව ශූරතා කුසලානය නැරඹීම සදහා ප්රේක්ෂකයින්ට ද අවස්ථාව ලබාදී ඇති බවයි ශ්රී ලංකා ක්රිකට් ආයතනය සඳහන් කළේ.
කොළඹ ලෝක වෙළද මධ්යස්ථානයේ දී ශූරතා කුසලානය නැරඹීම සදහා පෙරවරු 9.00 සිට පස්වරු 2.00 දක්වා අවස්ථාව හිමිවනවා.
එසේම පස්වරු 3.00 සිට රාත්රී 8.00 දක්වා One Galle Face හීදී එය ප්රදර්ශනය කිරීමට නියමිත බවයි ශ්රී ලංකා ක්රිකට් ආයතනය වැඩිදුරටත් සඳහන් කළේ.
2023 ආසියානු කුසලාන එක්දින ක්රිකට් තරගාවලියේ සුපිරි 4 දෙනාගේ වටයේ ශ්රී ලංකා කණ්ඩායම හා පාකිස්තාන කණ්ඩායම අතර තරගය අද (14) පැවැත්වෙනවා.
ඒ අනුව තරගය අද පස්වරු 3.00 ට ආර්. ප්රේමදාස ක්රීඩාංගනයේදී ආරම්භවීමට නියමිතයි.
දිවයින පුරා පිහිටි විශ්වවිද්යාලවල නවක වදය සම්බන්ධව තොරතුරු දැනුම්දීම සඳහා විශේෂ දුරකතන අංකයක් හඳුන්වා දී තිබෙනවා.
076 54 53 454 යන දුරකතන අංකයට WhatsApp පණිවුඩයක්, වීඩියෝ දර්ශන හෝ ඡායාරූප යොමු කළ හැකි අතර 1997 යන කෙටි දුරකතන අංකයටත් මේ සම්බන්ධව දැනුම් දීමේ හැකියාව පවතින බවයි පොලිස් මාධ්ය ප්රකාශක ජ්යෙෂ්ඨ පොලිස් අධිකාරි නීතිඥ නිහාල් තල්දූව සඳහන් කළේ.
පොලිස් මාධ්ය ප්රකාශක ජ්යෙෂ්ඨ පොලිස් අධිකාරි නීතිඥ නිහාල් තල්දූව මහතා සඳහන් කළේ, පැය 24 පුරා මෙම දුරකතන අංකය ක්රියාත්මක බවයි.
2023 උසස් පෙළ විභාගයේ කාලසටහන විභාග දෙපාර්තමේන්තුව විසින් නිකුත් කර තිබෙනවා.
ඒ අනුව මෙවර විභාගය 2023 නොවැම්බර් 27 වැනිදා සිට දෙසැම්බර් 21 වනදා දක්වා පැවැත්වෙන බවයි සඳහන් වන්නේ.
අදාළ කාලසටහන පහතින්.
2023 වසරේ මේ දක්වා කාලසීමාව තුළ මෙරටට පැමිණ ඇති සමස්ත විදෙස් සංචාරකයින් සංඛ්යාව 950,626 ක් බව ශ්රී ලංකා සංචාරක සංවර්ධන අධිකාරිය පවසනවා.
ඒ අනුව සැප්තැම්බර් මාසයේ මුල් දින 12 ක කාලය තුළ සංචාරකයින් 46,308 ක් පැමිණ ඇති බවද සඳහන්.
ඉන්දියාව, එක්සත් රාජධානිය, ජර්මනිය, රුසියාව සහ ඔස්ට්රේලියාවෙන් සැප්තැම්බර් මාසයේ මුල් දින කිහිපය තුළ වැඩිම සංචාරකයින් පිරිසක් පැමිණ ඇති බවයි වැඩිදුරටත් සඳහන් වන්නේ.
වසර 3 ක් තුළ අස්වැසුම ලබාදීම නවත්වන බව වැඩබලන කාන්තා ළමා කටයුතු හා සමාජ සවිබල ගැන්වීම් අමාත්ය අනුප පැස්කුවෙල් පවසනවා.
ඒ අනුව එම පුද්ගලයින් ශක්තිමත් කිරීම සඳහා ජනාධිපතිවරයාගේ උපදෙස් මත සැලැස්මක් සකස් කළ බවත් ඔවුන් විවිධ වෘත්තීන් සඳහා යෙදවීමට කටයුතු කරන බවයි වැඩබලන අමාත්යවරයා පෙන්වා දෙන්නේ.
මේ සම්බන්ධයෙන් සමෘද්ධි සංවර්ධන නිලධාරීන්ගෙන් සහ සමෘද්ධි කළමනාකරුවන්ගෙන් අදහස් ලබා ගැනීම ද මේ වනවිට ක්රියාත්මක බවයි ඔහු වැඩිදුරටත් සඳහන් කළේ.
ජාත්යන්තර මූල්ය අරමුදලේ පළමු සමාලෝචනය අද (14) පෙරවරුවේ ආරම්භ වීමට නියමිතව තිබෙනවා.
ඒ අනුව ඔවුන් අද සිට සැප්තැම්බර් 24 වැනිදා දක්වා පාර්ශ්ව රැසක් සමඟ සාකච්ඡා පැවැත්වීමට නියමිත බවයි සඳහන් වන්නේ.
ඒ අනුව ඔවුන් විස්තීරණ ණය වැඩසටහනේ මෙතෙක් ලබා ඇති ප්රගතිය මෙහිදී ඇගයීමට ලක් කිරීමට නියමිත අතර ඉන් අනතුරුව දෙවැනි වාරිකය නිදහස් කිරීම සම්බන්ධයෙන් තීරණයක් ගැනීමට නියමිතයි.
විශ්වවිද්යාල සඳහා අයදුම්පත් කැඳවීම අද (14) සිට සිදුකරන බව විශ්වවිද්යාල ප්රතිපාදන කොමිෂන් සභාව පවසනවා.
ඒ අනුව https://www.ugc.ac.lk/ යන වෙබ් අඩවියට පිවිසීමෙන් මාර්ගගත ක්රමය ඔස්සේ එම අයදුම්පත් ඔක්තෝබර් 5 වනදා දක්වා යොමුකිරීම සිදුකළ හැකි බවයි එහි සභාපති ජ්යෙෂ්ඨ මහාචාර්ය සම්පත් අමරතුංග සඳහන් කළේ.
2022 අධ්යයන පොදු සහතික පත්ර උසස් පෙළ විභාගයේ ප්රතිඵල පසුගිය 04 වන දින නිකුත් කෙරුණු අතර 166,938 දෙනෙකු විශ්වවිද්යාල ප්රවේශය සඳහා අයදුම් කිරීමට සුදුසුකම් ලබා ඇති බවයි වැඩිදුරටත් සඳහන් වන්නේ.
වහාම සේවයට වාර්තා කරන ලෙසත් එසේ නොකරන්නේ නම්, ඔවුන් සේවය හැර ගියා සේ සලකන බවත් වර්ජනයේ නිරත දුම්රිය ලොකෝමෝටිව් ඉංජිනේරුවරුන් සඳහා දුම්රිය දෙපාර්තමේන්තුව විසින් විශේෂ නිවේදනයක් නිකුත් කර තිබෙනවා.
ලොකෝමෝටිව් ඉංජිනේරුවන් 84 දෙනෙක් මේ වන විට වර්ජනයේ නිරත වී සිටින බවයි දුම්රිය දෙපාර්තමේන්තුව සඳහන් කළේ.
දුම්රිය සේවය අත්යවශ්ය සේවාවක් බවට පත් කරමින් මේ වන විට ගැසට් නිවේදනයක්ද නිකුත් කර තිබෙනවා.
