මියන්මාරයේ ත්රස්තවාදීන් යටතේ පාලනය වන සයිබර් අපරාධ කඳවුරේ සිටි ශ්රී ලාංකිකයින් පිරිසක් මුදාගත් බව එරට ශ්රී ලංකා තානාපති කාර්යාලය පවසනවා.
ඒ අනුව සයිබර් අපරාධ කඳවුරේ සිටි ශ්රී ලාංකිකයින් 08 දෙනෙකුගෙන් යුතු පිරිසක් මෙලෙස මුදාගෙන ඇති බවයි වැඩිදුරටත් තොරතුරු වාර්තා වෙන්නේ.
හංවැල්ල, නිරිපොළ ප්රදේශයේ අද (04) දහවල් යතුරු පැදියකින් පැමිණි නාඳුනන තුවක්කුකරුවෙකු සිදුකළ වෙඩි තැබීමකින් පුද්ගලයෙකු ජීවිතක්ෂයට පත්ව තිබෙනවා.
සංවිධානාත්මක අපරාධකරුවෙක් වන මන්නා රොෂාන් නැමැත්තාගේ සහෝදරයා සහ ඔහුගේ ගෝලයෙකු ගමන් කරමින් සිටි කැබ් රථයකට එලෙස වෙඩි ප්රහාරයක් එල්ල වී ඇති බවයි වාර්තා වෙන්නේ.
වෙඩි වැදීමෙන් කැබ් රථයේ ගමන්ගත් පුද්ගලයින් දෙදෙනා රෝහල්ගත කර ඇති අතර, එහිදී එක් අයෙක් මියගොස් ඇති බවත්, එලෙස මියගොස් ඇත්තේ, 31 හැවිරිදි නිරිපොළ ප්රදේශයේ පදිංචිකරුවෙක් වන මන්නා රොෂාන්ගේ සහෝදරයා බවයි වැඩිදුරටත් වාර්තා වෙන්නේ.
ලෝක ස්ථුලතා දිනය අද (04) දිනට යෙදී තිබෙනවා.
තරබාරුබව විශාල ප්රශ්නයක් ලෙස මතුවෙමින් පවතින බවත්, මේ නිසා ඇතිවෙන ලෙඩ රෝග ප්රමාණය ද වැඩිවී ඇති බවයි මේ සම්බන්ධයෙන් අදහස් දක්වමින් ප්රජා වෛද්ය විශේෂඥ ශාන්ති ගුණවර්ධන අදහස් පළ කළේ.
ලෝක ජනගහනයෙන් බිලියන 1.9 ක් බර වැඩි පුද්ගලයින් බවත්, ඉන් මිලියන 650 ක් තරබාරු බැවින් පෙළෙන බවත් වෛද්යතුමිය පෙන්වා දෙනවා.
බර වැඩි සහ තරබාරු පුරුෂ සංඛ්යාව 2021 වසරේදී 30% ක් දක්වා ඉහළ ගොස් තිබුණු බවත්, කාන්තා තරබාරුව 46.7%ක් දක්වා වැඩිවී ඇති බවත්, තරබාරුව වැඩිවීම මගින් බෝ නොවන රෝග ඇති වීමේ අවධානම වැඩි කරන බවයි ඇය වැඩිදුරටත් සඳහන් කළේ.
සෑම වසරකම මාර්තු මස 04 වන දිනය ලෝක ස්ථුලතා දිනය සඳහා වෙන් කර තිබෙනවා.
මහ බැංකුවේ ජ්යෙෂ්ඨ නිලධාරීන් අද (04) අමාත්ය මණ්ඩලය හමුවට කැඳවා තිබෙනවා.
මහ බැංකු සේවකයින් විසින් පසුගියදා වැටුප් වැඩි කර ගැනීමට කටයුතු කර තිබූ අතර ඒ සම්බන්ධයෙන් බොහෝ පාර්ශවවල විවේචන එල්ල වී තිබුණා.
පවතින ආර්ථික අර්බුදකාරී තත්ත්වය හමුවේ මහ බැංකු නිලධාරීන් විසින් එවැනි ආකාරයෙන් වැටුප් ඉහළ නංවා ගැනීම කිසිසේත් අනුමත කළ නොහැකි බව පක්ෂ විපක්ෂ මන්ත්රීවරුන් ජනාධිපතිවරයා වෙත පෙන්වා දී ඇති අතර මේ සම්බන්ධයෙන් ප්රශ්න කිරීම සඳහා මහ බැංකු ප්රධානීන් අද පස්වරුවේ පැවැත්වෙන අමාත්ය මණ්ඩල රැස්වීමට කැඳවා ඇති බවයි වැඩිදුරටත් වාර්තා වෙන්නේ.
*** 04.03.2024 ආර්.එෆ්.එම්.සුහෙල් – නුවරඑළිය
නුවරඑළිය සතොසෙන් පෝෂන මල්ලේ බඩු ගන්නවනම් සතොසෙන් දෙන කුණු ගොඩකුත් ගන්න එක අනිවාර්යයි .
රජයෙන් ගර්භනී මව්වරුන්ට හා අඩු ආදායම් ලාභී කිරි දෙන මව්වරුන් සඳහා ප්රාදේශීය ලේකම් කාර්යාලය හරහා රජයෙන් ලබාදෙන පෝෂන මල්ල සදහා භාණ්ඩ ලබා ගැනීමට නුවරඑළිය සතොට ශාඛාවට යන මව්වරුන්ට තැලී පොඩිවී භාවිතයට නොසුදුසු රුපියල් පන්සියයක් වටිනා බිස්කට් පැකට් අනිවාර්යෙන් මිලදී ගත යුතු බව පවසා බලහත්කාරයෙන් බිලට එකතු කරන බව ගර්භනී මව්වරුන් හා ඔහු නියෝජනය කරමින් භාණ්ඩ ලබා ගැනීමට යන අයවලුන් චෝදනා නගති ,
මෙම චෝදනාව පිළිබඳ නුවරඑළිය ප්රාදේශීය ලේකම් ප්රගීත් ධනංසූරිය මහතාගෙන් අප කළ විමසමකට ඒ මහතා කියා සිටියේ මේ පිළිබඳ සොයා බලා වගකිවයුතු ආයතන ප්රධානීන් දැනුවත් කිරීමට කටයුතු කරන බවයි ,
වැඩිදුර අදහස් දැක්වූ ප්රාදේශීය ලේකම්වරයා මෙසේද කීය ,
ගර්භනී මව්වරුන්ට සහ අඩු ආදායම්ලාභී කිරිදෙන මවුවරුන් සඳහා රජයෙන් පෝෂණ මල්ලක් ලබාදෙන්නේ ඔවුන්ගේ පෝෂණ ඕනතාවයන් සපුරන්න එම වව්චරයින් ලබා ගන්න පුළුවන් වන්නේ පෝෂණයට අවශ්ය කරන බඩු බාහිරාදිය පමණයි ,
මහජනතාව චෝදනා නගන ආකාරයට සතොසින් බිස්කට් ලබාදීම සපුරා වැරදියි එහෙම තිබියදී බලහත්කාරයෙන් මේ ගන්නම ඕන කියලා ලබා දෙනවා නම් එය ව්යාපෘතියයේ නීතියට පටහැනි කරුණක් මේ ගැන කඩිනමින් සොයා බලලා ඩිසි ක්රියාමාර්ග ගැනීමට අප කටයුතු කරනවා යනුවෙන් එතම පැවසීය.
කෘෂිකර්මාන්තය නවීකරණ කිරීමේ ප්රයත්නයන් සාර්ථක කර ගැනීම අරමුණු කරගත් පුළුල් ජාතික වැඩසටහනක් සකස් කිරීම සඳහා රාජ්ය හා පෞද්ගලික අංශ අතර සහයෝගයෙන් කටයුතු කරන ලෙස ජනාධිපති රනිල් වික්රමසිංහ අදාළ නිලධාරීන්ට උපදෙස් ලබාදී තිබෙනවා.
අයවැය මඟින් ජාතික, පළාත් සහ ප්රාදේශීය මට්ටමින් වාර්ෂිකව ප්රතිපාදන වෙන් කළද රාජ්ය හා පෞද්ගලික ආයතන වෙන් වෙන් වශයෙන් කටයුතු කිරීම හේතුවෙන් අපේක්ෂිත ප්රතිඵල ලබා ගැනීම ප්රමාද වී ඇති බව පෙන්වා දුන් ජනාධිපතිවරයා මෙම වැඩසටහන ක්රියාත්මක කිරීමේදී මුහුණ දෙන අභියෝග ජයගැනීම සඳහා රාජ්ය හා පෞද්ගලික කෘෂි පර්යේෂණ ආයතන මෙන්ම විශ්වවිද්යාල පද්ධතියේද සහාය ලබා ගැනීමේ වැදගත්කම අවධාරණය කර තිබෙනවා.
රාජ්ය ප්රතිපත්තිවලට ගැළපෙන ලෙස බිම් මට්ටමින් ක්රියාත්මක කිරීමට හැකිවන පරිදි මෙම ජාතික වැඩසටහන සකස් කිරීමේ අවශ්යතාවද මෙහිදී ජනාධිපති රනිල් වික්රමසිංහ පෙන්වාදී තිබෙනවා.
මේ සම්බන්ධයෙන් නිකුත් කළ නිවේදනය පහතින්.
ප්රශ්නගත ප්රතිදේහ එන්නත් වංචාව සම්බන්ධයෙන් මහෙස්ත්රාත්වරිය ඉදිරියේ පාපොච්චාරණයකට තමන් සුදානම් බව සෞඛ්ය අමාත්යාංශයේ අතිරේක ලේකම් වෛද්ය සමන් රත්නායක අධිකරණය හමුවේ ප්රකාශ කර තිබෙනවා.
අපරාධ පරීක්ෂණ දෙපාර්තමේන්තුවේ අත්අඩංගුවට පත්වීමෙන් පසු මාලිගාකන්ද මහෙස්ත්රාත් අධිකරණයට ඉදිරිපත් කළ අවස්ථාවේදී ඔහු මේ බව සඳහන් කර ඇති බවයි වාර්තා වෙන්නේ.
ඒ අනුව දීර්ඝ ලෙස කරුණු විභාග කිරීමෙන් අනතුරුව සැකකරු සම්බන්ධයෙන් පෙනී සිටි නීතිඥ කාංචන රත්වත්තේ සුවිශේෂි කරුණු කිහිපයක් දක්වමින් සිට සේවාදායකයා ඇප මත මුදා හරින්නැයි ඉල්ලා තිබෙනවා.
මහේස්ත්රාත්වරිය විසින් එම ඇප ඉල්ලීම ප්රතික්ෂේප කර සැකකරු දින 14ක කාලයක් සඳහා රක්ෂිත බන්ධනාගාර ගත කිරීමට සූදානම්වනවාත් සමඟම විත්තිකූඩුවේ සිටි සැකකරු තමන්ට අධිකරණය ඉදිරියේ ප්රකාශයක් සිදුකළ යුතු බව සඳහන් කර තිබෙනවා.
අධිකරණය ඉදිරියේ ප්රකාශයක් සිදුකිරීමට අවැසි නම් ඊට නෛතික ප්රතිපාදන තිබෙන අතර මහෙස්ත්රාත්වරිය ඉදිරියේ ප්රකාශ කළ යුතු දේ රහසිගතව සිදු කිරීමට හැකි බවත් එසේ සිදුකරන ප්රකාශය අධිකරණය ඉදිරියේ සැකකරුට එරෙහිව භාවිතා වීමට හැකිි බවද, එම ප්රකාශය මත ඔහුව තවදුරටත් සැකකරුවෙකු ලෙස සැලකීම හෝ නඩුවේ සාක්ෂිකරුවෙකු කරගැනීම සිදු වන බැවින් හොඳින් සිිතා ඒ පිළිබඳ තීරණයක් ගන්නා ලෙස මහෙස්ත්රාත්වරිය සැකකරුට ප්රතිචාර දක්වමින් සඳහන් කර තිබෙනවා.
අනතුරුව සැකකාර සමන් රත්නායක තමන් ඉදිරියේ ප්රකාශයක් කිරීමට සූදානම් බවත් හෙට (04) දිනයේ ඒ සඳහා අවස්ථාව ලබාදෙන බවත්, එතෙක් සැකකරුව සෙසු සැකකරුවන්ගෙන් වෙන්ව තබන ලෙසද මහෙස්ත්රාත්වරිය නියෝග කර තිබෙනවා.
ශ්රී ලංකා වෛද්ය සභාව (SLMC) යටතේ ලියාපදිංචි වූ නවක වෛද්යවරුන් 1400 ක් දිවුරුම් දීමේ උත්සවය (Sri Lanka Medical Council Ceremonial Administration of the Medical Practitioners’ Oath) කොළඹ විශ්ව විද්යාලයේ වෛද්යපීඨ ප්රධාන ශ්රවණාගාරයේ දී ඊයේ (02) පෙරවරුවේ පවත්වා තිබෙනවා.
ශ්රී ලංකාව තුල වෛද්යවරයෙක් ලෙස නීත්යානුකූලව කටයුතු කිරීමට නම් ශ්රී ලංකා වෛද්ය සභාවේ ලියාපදිංචිය අත්යවශ්ය වන අතර, මෙහිදී මෙම වෛද්යවරුන්ට සිය ලියාපදිංචි සහතිකය නිල වශයෙන් බාරදීම ද සිදූ කෙරුණු බවයි සඳහන් වෙන්නේ.
මෙම උත්සවය සෞඛ්ය අමාත්යාංශයේ ලේකම් විශේෂඥ වෛද්ය පාලිත මහීපාලගේ ප්රධානත්වයෙන් සහ ශ්රී ලංකා වෛද්ය සභාවේ සභාපති මහාචාර්ය වජිර දිසානායකගේ සහභාගීත්වයෙන් සිදුවී තිබෙනවා.
ආපනශාලා ආහාරපානවල මිල ගණන් අද (03) සිට ඉහළ දමන බව සමස්ත ලංකා ආපනශාලා සහ අවන්හල් හිමියන්ගේ සංගමය පවසනවා.
ඒ අනුව ප්ලේන්ටී එකක මිල රුපියල් 5කින්, කිරි තේ එකක මිල රුපියල් 10කින්, කෑම පැකට්ටුවක මිල 25 කින්, ෆ්රයිඩ් රයිස් සහ කොත්තු එකක මිල රුපියල් 50 කින් ආදී වශයෙන් මිල ගණන් ඉහළ දැමීමට තීරණය කර තිබෙනවා.
ආහාරවල නිෂ්පාදන වියදම අධික ලෙස ඉහළයෑම නිසා සියලුම ආහාරපානවල මිල ගණන් මෙලෙස වැඩි කිරීමට තීරණය කර ඇති බවයි එහි සභාපති හර්ෂණ රුක්ෂාන් වැඩිදුරටත් සඳහන් කළේ.
24-03-03
කැකිරාව කුෂාන් ජයවර්ධන
ඊයේ මධ්යම රාත්රිෙය් සිට කොත්තු හා රයිස් ඇතුළු ආහාර මිළ ඉහළ දැමීමට ආපනශාලා හිමියන්ගේ සංගමය ගෙන ඇති තීන්දුව සම්බන්ධයෙන් නීති මය ක්රියා මාර්ග ගන්නා බව ජාතික පාරිභෝගික පෙරමුනේ නායක අසේල සම්පත් පවසයි.
අමුදුව්ය වල මිල නොවෙනස්වව තිබියදී මෙලෙස ආහාර මිළ වැඩි කිීඹට ආපනාශාලා හිමියන්ගේ සංගමය තීරණය කර ඇති බවට ඊයේ එම සංගමයේ නියෝජිතයින් මාධ්ය නිවේදනයක් ද නිකුත් කර ඇති අතර ආහාර මිළ මෙලෙස අත්තනෝමතික ලෙසවැඩි කිරීමට ජාතික පාරිභෝගික පෙරමුණ දැඩි ලෙස විරුද්ධ වන බවද කිසියම් අදිසි හස්ථයක් මේ පසුපස ඇති බවත් ආපනාශාලි හිමියන්ගේ මෙම ආහාර මිල වැඩි කිරීමේ තීන්දුව සම්බන්ධයෙන් හා ඒ පසුපස ඇති අදිසි හස්ථයන් පිළිබදව අපරාධ පරීක්ෂණ දෙපාර්තමේන්තුවට පැමිණිල්ලක් කරන බවද ජාතික පාරිභෝගික පෙරමුණේ නායක අසේල සම්පත් පවසයි.
මේ සම්බන්ධයෙන් අසේල සම්පත් දැක්වූ අදහ්ස් එවා ඇති
