පොදු ව්යාපාර පිළිබඳ කාරක සභාව හෙවත් කෝප් කමිටුවේ සාමාජිකත්වයෙන් තමා ඉල්ලා අස්වන බව සමගි ජන බලවේගය පක්ෂයේ පාර්ලිමේන්තු මන්ත්රී එරාන් වික්රමරත්න පවසනවා.
ඒ පිළිබඳ ලිපිය කතානායකවරයා වෙත භාරදුන් බවයි අද (18) මාධ්ය වෙත අදහස් දක්වමින් ඔහු සඳහන් කළේ.
Author: Supun
ශ්රී ලංකාවට ඩොලර් මිලියන 100ක ණයක් අනුමත වෙයි
ශ්රී ලංකාවට ඩොලර් මිලියන 100ක ණයක් ආසියානු සංවර්ධන බැංකුව විසින් අනුමත කර තිබෙනවා.
මෙරට කුඩා සහ මධ්ය පරිමාණ ව්යාවසායකයින්ට මූල්ය පහසුකම් සඳහා වැඩි ප්රවේශයක් ලබාදීම අරමුණු කර ගනිමින් මෙය අනුමත කර ඇති බවයි සඳහන් වෙන්නේ.
ඉංගිරිය බෝධිනාගල තානායමක් තුළදී සිය අනියම් බිරිඳව තියුණු ආයුධයකින් කපා බරපතල තුවාල සිදුකිරීමෙන් අනතුරුව ගෙල කපාගෙන සිය දිවි හානි කර ගැනීමට උත්සාහ දැරූ පුද්ගලයෙකු ප්රදේශවාසීන්ගෙන් සහයෙන් රෝහල්ගත කළ බව ඉංගිරිය පොලිසිය කියයි
ගල්පාත චන්දන පෙරේරා
ඉංගිරිය බෝධිනාගල තානායමක් තුළදී සිය අනියම් බිරිඳව තියුණු ආයුධයකින් කපා බරපතල තුවාල සිදුකිරීමෙන් අනතුරුව ගෙල කපාගෙන සිය දිවි හානි කර ගැනීමට උත්සාහ දැරූ පුද්ගලයෙකු ප්රදේශවාසීන්ගෙන් සහයෙන් රෝහල්ගත කළ බව ඉංගිරිය පොලිසිය කියයි
මෙලෙස රෝහල් ගත කර ඇත්තේ ඉංගිරිය පෝරුව දණ්ඩ පැල්පිටිගොඩ පදිංචිව ඩි එම් මදුකා (40) හා ඇයගේ අනියම් සැමියා බව කියන පිළියන්දල ප්රදේශයේ පදිංචි ප්රේමසිරි (49) නැමැත්තෙකි
අද පෙරවරු 10ට පමණ පිරිමි පුද්ගලයා තානායමට තනිවම පැමිණ කාමර අංක එක වෙන්කරවාගෙන ඇති අතර ඊට විනාඩි 20 කට පමණ පසු
කාන්තාව ස්කූටි වර්ගයේ යතුරුපැදියකින් තානායම කරා පැමිණ තිබූ බව පොලිස් විමර්ශනවලදී අනාවරණය වී ඇත
පැයකට පමණ පසු කාන්තාව පැමිණි ස්කූටි වර්ගයේ යතුරුපැදියෙන් පිරිමි පුද්ගලයා තානායම් භූමියෙන් වේගයෙන් පිටව යන අයුරු කළමනාකරුගේ නෙත ගැටී මද වේලාවකදී දරුණු කැපුම් තුවාල සහිතව කාන්තාව තානායමේ පිළිගැනීමේ කවුන්ටරය අසලට මේ වැගිරෙන තුවාල සහිතව පැමිණ පුටුවක වාඩි වී ඇතැයි පොලිසිය කියයි
අනතුරුව කළමනාකරු ඒ සම්බන්ධයෙන් පොලිසියට කරන ලද දැනුම් දීමක් අනුව
පොලිස් නිලධාරීන් පැමිණ 1990 සුව සැරිය ගිලන් රථයෙන් කාන්තාව හොරණ මූලික රෝහල වෙත ඇතුළත් කිරීමට පියවර ගෙන ඇත
එම සිද්ධිය වී පැයක් යාමට මත්තෙන් ඉංගිරිය බවුන්ඩර් පාර වන රොදක පිහිටි ඇලක් අසල ගෙලෙහි කැපුම් තුවාල සහිත
පුද්ගලයකු වැටී සිටින බවට ඉංගිරිය පොලිසියේ ස්ථානාධිපති ප්රධාන පොලිස් පරිසක වසන්ත චන්ද්රලාල් මහතාට ලද තොරතුරකට අනුව එහි ගිය පොලිස් නිලධාරීන් ප්රදේශවාසීන්ගේ සහයෙන්
එම පුද්ගලයා ද 1990 සුවසැරිය ගිලන් රථයෙන් කරන මූලික රෝහල වෙත ඇතුළත් කිරීමට පියවර ගෙන ඇත
එලෙස ගෙල කපාගෙන තිබූ පුද්ගලයා තානායමට පැමිණ කාන්තාවගේ යතුරුපැදිය රැගෙන ගිය පුද්ගලයා බවට හඳුනාගත් බව පොලිසිය කියයි
බරපතළ තුවාල ලද ඔවුන් දෙදෙනාම බිරිඳගෙන් සහ ස්වාමිපුරුෂයාගෙන් වෙන්ව ජීවත් වන බව පොලිස් විමර්ශනවලදී අනාවරණය වී ඇත
බරපතළ තුවාල ලද පුද්ගලයා සිය අනියම් බිරිඳ මිය යන්නට ඇති බව සිතා ඔහුද ගෙල කපාගෙන සියදිවි නසා ගැනීමට උත්සාහ දරා තිබූ බව පොලිසිය කියයි
පානදුර කොට්ඨාස භාර ජ්යෙෂ්ඨ පොලිස් අධිකාරී වෙනුවට වැඩ බලන සහකාර පොලිස් අධිකාරි නිශාන්ත සේනාරත්න
සහකාර පොලිස් අධිකාරි සම්පත් බණ්ඩාර මහත්වරුන්ගේ උපදෙස් මත ඉංගිරිය පොලිසියේ ස්ථානාධිපති ප්රධාන පොලිස් පරීක්ෂක වසන්ත චන්ද්රලාල් මහතා පරීක්ෂණ පවත්වයි
ඉපලෝගම හිටපු මංත්රීවරයෙක් සිදුකළ පහරදීමකින් තිදරු පියෙක් රෝහලේ
24-03-18
කැකිරාව කුෂාන් ජයවර්ධන
ඉපලෝගම හිටපු මංත්රීවරයෙක් සිදුකළ පහරදීමකින් තිදරු පියෙක් රෝහලේ
============
ඉපලෝගම ප්රාදේශීය සභාවේ හිටපු මංත්රීවරයකු ඊයේ(17) රාත්රියේ සිදු කළ පහර දීමක් හේතුවෙන් තුවාල ලැබූ ඉපලෝගම ඉහළකාගම ප්රෙද්ශයේ පුද්ගලයකු ප්රතිකාර සදහා රෝහල් ගතකර ඇතැයි ඉපලෝගම පොලිසිය කියයි.
පහර කෑමට ලක්වූ පුද්ගලයාගේ පාර්ශවයෙන් අද (18) ඉපලෝගම පොලිස් ස්ථානය වෙත මේ සම්බන්ධයෙන් පැමිනිලි කර ඇති අතර මේ වනවිට එම පැමිණීල්ලට අනුව ඉපලෝගම පොලිස් ස්ථානය මගින් මේ වනවිට සිද්දිය සම්බන්ධයෙන් විමර්ශණ ආරම්භ කර තිබේ. අදාළ පහරදීම සිදුකර ඇත්තේ ඉපලෝගම ප්රාදේශීය සභාවේ හිටපු පොදුජන එක්සත් පෙරමුණු මංත්රීවරයකු විසින් බවට පොලිසිය අනාවරණය කරගෙන තිබේ.
ඉපලෝගම ඉහළකාගම ප්රෙද්ශයේ දී ඊයේ (17) රාත්රියේ පැවැති ජාතික ජනබලවේගයේ කොට්ඨාස සභා රැස්වීමට සහභාගී වී ආපසු නිවස බලා යමින් සිටි පුද්ගලයකුට සැකකාර මංත්රීවරයා මෙලෙස පහර දී ඇති බව මූලික විමර්ශණවලදී අනාවරණය වූ බව පොලිසිය කියයි.
මෙම පහරදීම සිදු කිරීමට පෙර සැකකාර හිටපු ප්රාදේශීය සභා මංත්රීවරයා ජාතික ජනබල වේගයේ ඉහළකාගම කොට්ඨාස සභා රැස්වීම පැවැති ස්ථානය වෙත ගොස් එහි සිටි පිරිසට බැණ තර්ජනය කර ඇති බව ද එම රැස්වීමේ සංවිධායකයින් විසින් පොලිසියට පැමිණීලි කර තිබේ. අදාළ රැස්වීම නිමවීමෙන් පසු සිය නිවස බලා යමින් සිටි අයෙකුට සැකකාර හිටපු ප්රාදේශීය සභා මංත්රීවරයා මග රැක සිට මෙලෙස පහරදීමට කටයුතු කර ඇති බව පොලිසිය කියයි.
සැකකාර ප්රාදේශීය සභා හිටපු මංත්රීවරයා මුගුරකින් අදාළ පුද්ගලයාට පහර දීම සිදුකර ඇති අතර, එම පහරකෑමෙන් තුවාල ලත් පුද්ගලයා ප්රතිකාර සදහා කඩිනම් කැකිරාව මූලික රෝහල වෙත ඇතුළත් කිරීමට ප්රදේශවාසීන් පියවර ගෙන තිබූ බව පොලිසිය පවසයි. මෙලෙස සැකකාර ප්රාදේශීය සභා මංත්රීවරයාගේ පහර කෑමට ලක්ව ඇත්තේ ඉපලෝගම ඉහළකාගම ප්රදේශයේ පදිංචි රාජකරුණා මුදියන්සේලාගේ විජයානන්ද රාජකරුණා නමැති 49 හැවිරිදි තිදරු පියෙකි. ඔහු දෛනික කුලි කටයුතුවල නිරත වෙමින් සිය ජීවිකාව ගෙන යන්නෙකි.
හිටපු ප්රාදේශීය සභා මංත්රීවරයකු විසින් සිදුකර ඇති මෙම පුද්ගල පහරදීම සම්බන්ධයෙන් ඉපලෝගම පොලිස් ස්ථානය මගින් මේ වනවිට වැඩිදුර විමර්ශණ ආරම්භ කර තිබේ.
දොඩංගොඩ සපුගාවස්ත 800/B ප්රදේශයේ අක්කර 3.5 පමණ ප්රදේශයක් කිසියම් පුද්ගලයකු විසින් ගිනි තබා ඇත
දොඩංගොඩ සපුගාවස්ත 800/B ප්රදේශයේ අක්කර 3.5 පමණ ප්රදේශයක් කිසියම් පුද්ගලයකු විසින් ගිනි තබා ඇති අතර යටදොල යුද්ධ හමුදා කඳවුරේ නිලධාරීන් එකසිය විසි පහක් පමණ පිරිසක් පැමිණ ගින්න නිවා දැමීමට කටයුතු කළ අතර අසල පිහිටි නිවාස කිහිපයකට ගින්න පැතිරීමේ අවදානම් තත්ත්වයක පැවතුණු අතර යුද හමුදා නිලධාරීන් වහාම ගින්න නිවීම හේතුවෙන් එම අවදානම පහව යන ලදී
දොඩංගොඩ ප්රාදේශීය ලේකම්තුමියත් එම ස්ථානයට පැමිණ පරීක්ෂා කළ අතර දොඩංගොඩ පොලිසිය මේ පිළිබඳ වැඩිදුර පරීක්ෂණ මෙහෙයවයි.
චන්දන පෙරේරා
ක්රිකට් ලෝක කුසලානය දිනා අදට වසර 28 ක් සපිරෙයි
ශ්රී ලංකා ක්රිකට් කණ්ඩායම ලබාගත් ඉහළම ජයග්රහණය වන 1996 ක්රිකට් ලෝක කුසලානය දිනාගෙන අදට (17) වසර 28 ක් සපිරෙනවා.
1996 වසරේ මාර්තු මස 17 වනදා පාකිස්තානයේ ලාහෝර් නුවර ගඩාෆි ක්රීඩාංගණයේදී පැවැති අවසන් මහා තරගයට ශ්රී ලංකාව සහ ඔස්ට්රේලියාව සුදුසුකම් ලබාගත්තා.
ශ්රී ලංකා ආරාධනයෙන් පළමුව පන්දුවට පහරදුන් ඔස්ට්රේලියානු කණ්ඩායම නියමිත පන්දුවාර 50 අවසානයේදී කඩුලු 7ක් දැවී රැස් කළ ලකුණු සංඛ්යාව 241 ක්.
ලකුණු 242ක ජයග්රහී ඉලක්කය හඹායාම සඳහා පිටියට පිවිසි ශ්රී ලංකා කණ්ඩායම පන්දුවාර 46යි පන්දු 2කදී කඩුලු 3ක් පමණක් දැවී එම ඉලක්කය පසුකර ගියේ පළමු වරට ලෝක කුසලාන කිරුළ ශ්රී ලංකාවට උරුමකර දෙමින්.
ශ්රී ලංකාව වෙනුවෙන් අගනා ඉනිමක් ක්රීඩා කරමින් අරවින්ද ද සිල්වා නොදැවී ලකුණු 107ක් රැස් කළ අතර නායක අර්ජුන රණතුංග නොදැවී ලකුණු 47 ක් ලබා ගත්තා.
ඩිල්ෂාන් මධුශංකට හෙට තරගය අහිමි වෙයි
බංග්ලාදේශයට එරෙහිව හෙට (18) ආරම්භ වීමට නියමිත අවසන් එක්දින තරගයට වේග පන්දු යවන ක්රීඩක ඩිල්ෂාන් මධුශංක ක්රීඩා නොකරන බව ශ්රී ලංකා ක්රිකට් ආයතනය නිවේදනය කර තිබෙනවා.
ඒ අනුව ප්රතිකාර සඳහා ඔහු නැවත ශ්රී ලංකාවට පැමිණෙන බවයි එම ආයතනය නිවේදනය කළේ.
දෙවැනි එක්දින තරගයේදී පන්දු යවමින් සිටියදී පිටියෙන් ඉවත් වූ මධුශංකගේ වම් කකුලේ ආබාධයකට ලක්ව ඇති බව MRI ස්කෑන් පරීක්ෂණයෙන් තහවුරු වූ බවයි වැඩිදුරටත් සඳහන් වෙන්නේ.
69 ලක්ෂයේ අභිලාෂ ඉටුකළ හැකි නායකයෙක් ජනාධිපතිවරණයට ඉදිරිපත් කරනවා – ගම්මන්පිල
69 ලක්ෂයේ අභිලාෂ ඉටුකළ හැකි නායකයෙක් එළඹෙන ජනාධිපතිවරණයට ඉදිරිපත් කරන බව පාර්ලිමේන්තු මන්ත්රී උදය ගම්මන්පිල පවසනවා.
ඒ අනුව 69 ලක්ෂයක් ඡන්දය ලබාදුන්නේ රනිල් වික්රමසිංහ එළවීමට හා සජිත් ප්රේමදාස, අනුර කුමාර දිසානායකද එම ජනාධිපතිවරණයට ඉදිරිපත්වී සිටියදී බවයි මාධ්ය වෙත අදහස් දක්වමින් මන්ත්රීවරයා සඳහන් කළේ.
ගෝඨාභය රාජපක්ෂ 69 ලක්ෂයේ අභිලාෂ ඉටු කිරීමකින් තොරව පළා ගියද එම අභිලාෂ ඉටුකළ හැකි නායකයෙක් මෙවර ඉදිරිපත් කරන බවයි ඔහු වැඩිදුරටත් සඳහන් කළේ.
ජාතික ජන බලවේගයේ තරුණ රැලිය අද මාතරදී
ජාතික ජන බලවේගය සංවිධානය කරන “තරුණ රැලිය” එහි නායක අනුර කුමාර දිසානායකගේ ප්රධානත්වයෙන් අද (17) පැවැත්වීමට නියමිතව තිබෙනවා.
ඒ අනුව අද සවස 3.30 ට මාතරදී මෙම රැලිය ආරම්භ වීමට නියමිත බවයි එම පක්ෂය සඳහන් කළේ.
පාසල් නිවාසාන්තර ක්රීඩා තරග අලුත් අවුරුද්දෙන් පසුව පැවැත්වීමට උපදෙස්
පාසල් නිවාසාන්තර ක්රීඩා උළෙල අලුත් අවුරුදු නිවාඩුවෙන් පසුව සංවිධානය කරන ලෙස විදුහල්පතිවරුන්ට චක්රලේඛයක් මගීන් දැනුම්දෙන බව අධ්යාපන අමාත්ය ආචාර්ය සුසිල් ප්රේමජයන්ත පවසනවා.
උෂ්ණාධික කාලගුණ තත්ත්වය නොසළකමින් පාසල් රැසක් නිවාසාන්තර ක්රීඩා උළෙල සංවිධානය කර ඇති බව නිරීක්ෂණය වී ඇති බවයි අමාත්යවරයා පෙන්වාදෙන්නේ.
පළමු පාසල්වාරය අලුත් අවුරුදු නිවාඩුවෙන් පසුව ද ක්රියාත්මක වන බැවින් එම කාලයේ දී ක්රීඩා තරග පැවැත්වීමේ හැකියාව පවතින බවයි අමාත්යවරයා වැඩිදුරටත් සඳහන් කළා.