විශ්ව විද්යාල සඳහා නව ආචාර්යවරුන් බඳවා ගැනීමට අවසර ලබාදුන් බව විශ්ව විද්යාල ප්රතිපාදන කොමිෂන් සභාව පවසනවා.
බොහෝ විශ්ව විද්යාල ආචාර්යවරුන් මෙරට හැර විදේශගත වී ඇති බවත්, ඒ හේතුවෙන් සියළුම විශ්ව විද්යාලවල බොහෝ පුරප්පාඩු පවතින බවයි විශ්ව විද්යාල ප්රතිපාදන කොමිෂන් සභාවේ සභාපති මහාචාර්ය සම්පත් අමරතුංග සඳහන් කළේ.
එම නිසා කරුණු සලකා බලා අළුතෙන් විශ්ව විද්යාල ආචාර්යවරුන් බඳවා ගැනීමට අවස්ථාව ලබාදුන් බව සභාපතිවරයා පවසා සිටිනවා.
මහව සිට අනුරාධපුරය දක්වා ඉදිකෙරෙන නව දුම්රිය මාර්ගය සඳහා නව සංඥා පද්ධතියක් ලබාදීමට ඉන්දීය රජය එකඟතාව පළ කර තිබෙන බව දුම්රිය සාමාන්යාධිකාරි එච්.එම්.කේ.ඩබ්ලිව්. බණ්ඩාර පවසනවා.
පරිගණකගත ක්රමයට ක්රියාත්මක වන එම සංඥා පද්ධතිය සඳහා වන වියදම අමෙරිකානු ඩොලර් මිලියන 15 ක් බවයි සඳහන් වන්නේ.
පසුගියදා ඉන්දීය නියෝජිතයින් සමග තමා ඉන්දියාවේදී ඒ පිළිබද සාකච්ඡා කළ බවත්, ඒ අනුව ඉන්දියානු ණය ආධාර අනුව අදාළ සංඥා පද්ධතිය මෙරටට ලැබෙනු ඇති බවයි දුම්රිය සාමාන්යාධිකාරිවරයා වැඩිදුරටත් පවසන්නේ.
බරපතළ වැඩ සහිත වසර හතරක සිර දඬුවම් නියම වී සිටින පූජ්ය ගලගොඩඅත්තේ ඥානසාර හිමියන් ඇප මත මුදාහරින ලෙස කර තිබූ ඉල්ලීම කොළඹ මහාධිකරණය විසින් ප්රතික්ෂේප කර තිබෙනවා.
2016 වසරේ කොළඹදී පැවැති ප්රසිද්ධ මාධ්ය හමුවකදී කූරගල විහාරස්ථානය සම්බන්ධයෙන් සිදුකළ ප්රකාශය මගින් ජාතික හා ආගමික සංහිඳියාවට හානියක් සිදුකිරීම සම්බන්ධයෙන් එම හිමියන් වැරදිකරු කරමින් පසුගියදා දඬුවම් නියම කර තිබුණා.
දර්ශාන් ප්රනාන්දු – මොරටුව
01/04/2024
මොරටුව රාවතාවත්ත අසරණ සරණ සමිතිය 93 වැනි සංවස්තරය නිමිත්තෙන් මොරටුව ප්රදේශයේ තෝරා ගත් පාසල් දරුවන් කිහිප දෙනෙකු වෙත අභ්යාස පොත් සහ උපකරණ බෙදා දීමක් (31වැනිදා) සිදු විය .
හිටපු පළාත් සභා මන්ත්රී කෝපි කඩේ ටෙලි නාට්යයේ ගජං ලෙස රගපෑ රොඩ්නි ෆ්රෙෂර් ප්රාධාන අරාධිත ලෙස සහභාගිවු අතර අසරණ සරණ සමිතියේ ලක්දාස භූපාල් ප්රනාන්දු ඇතුළු ෆාම්ස් ලංකා ආයතනයේ නිලධාරින්, අසරණ සරණ සමිතියේ නිලධාරීන් සහ සංඝරත්නය සහ ගැලවීමේ හමුදා දේවස්ථානයේ නායකයන් කිහිපදෙනෙක්ද මේ සඳහා සහභාගි වූහ. දරුවන් මෙන්ම දෙමව්පියන් මෙම අවස්ථාවට සහභාගි වූහ
එම අවස්ථාවේදී ලක්දාස ප්රනාන්දු මහතා විසින් දුම්බීමෙන් මෙන්ම මත්පැන් වලට ඇබ්බැහි වීමෙන් සිදුවන ජීවතවලට සිදුවන හානිය පිළිබඳව කෙටි දේශනයක් ද පැවැත්විය .
රජය පිළිගත් පුණ්ය ආයතනයක් වන මෙම ‘අසරණ සරණ සමිතිය වර්ෂ 1931 දී ආරම්භ කර ඇත.
සෞඛ්ය වෘත්තීය සමිති හෙට දින ක්රියාත්මක කිරීමට නියමිතව තිබූ අඛණ්ඩ වර්ජනය පැය 24 කින් කල්දමයි. රෝහල් 10 ක හෙට උදෑසන 6.30 සිට සේවාවෙන් ඉවත්වීමේ වැඩ වර්ජනයක් ක්රියාත්මක කිරීමට තීරණය කරයි
අද දවසේ පැවැත්වීමට නියමිතව තිබූ ජනාධිපති කාර්යාලයේ සාකච්ඡාව හදිසි කාරණාවක් නිසා හෙට සවස දක්වා කල් තැබූ බව සෞඛ්ය ලේකම්වරයා විසින් දැනුවත් කොට ඇත.
මේ හේතුව නිසා හෙට දිනට ක්රියාත්මක කිරීමට නියමිතව තිබූ අඛණ්ඩ වෘත්තීය ක්රියාමාර්ගය පැය 24කින් කල් තැබීමට සෞඛ්ය වෘත්තීය සබඳි සන්ධානය තීරණය කරන ලදී. එසේම හෙට උදෑසන 6.30 සිට රෝහල් 10 ක පැය හතරක සේවාවෙන් ඉවත් වීමේ වාදන ක්රියාමාර්ගයක් ක්රියාත්මක කිරීමට තීරණය කර ඇත.
1. ශ්රී ලංකා ජාතික රෝහල
2. කරාපිටිය ශික්ෂණ රෝහල
3. යාපනය ශික්ෂණ රෝහල
4. මඩකලපුව ශික්ෂණ රෝහල
5. පේරාදෙණිය ශික්ෂණ රෝහල
6. කෑගල්ල මහ රෝහල
7. පොළොන්නරුව මහ රෝහල
8. ත්රිකුණාමලය මහ රෝහල
9. වව්නියාව මහ රෝහල
10. මන්නාරම මූලික රෝහල
ඉදිරි පැය කීපය අතුලත මෙම ගැටලුව විසදුමක් නොලැබේ නම් අඛණ්ඩ වෘත්තීය ක්රියාමාර්ගය ක්රියාත්මක කරනවා හැර වෙනත් විකල්පයක් නොමැති බව සන්ධානය දන්වා සිටී.
01/04/2024
සෞඛ්ය වෘත්තීය සමිති සන්ධානය
පිටි බෙදාහරින ආයතනයක බැංකු ගත කිරීමට ගණන් කරමින් තිබූ ලක්ෂ 39.1/2 මුදලක් කොල්ලකා පලායයි.
ගල්පාත චන්දන පෙරේරා
හොරණ සව්ගස් හන්දියේ දී ආයුධ සමග පුද්ගලයන් දෙදෙනෙකු අද (01)සවස පිටි බෙදා හරින ආයතනයක කඩා වැදී රුපියල් ලක්ෂ 39 1/2 ක මුදලක් කොල්ලකා පලා ගොස් ඇතැයි හොරණ පොලිසිය පවසයි.
අදාළ පිටි බෙදා හරින ආයතනය විසින් සිකුරාදා දින සිට පිටි බෙදා හැර ලබාගත් මුදල් සේප්පුවේ තබා බැංකු ගත කිරීමට සූදානම් වන අවස්ථාවේ කොල්ලකරුවන් දෙදෙනා පැමිණ කාර්යාලයේ දොර විවෘත කරන ලෙස දන්වා සිටියත් ඔවුන් දොර විවෘත නොකිරීම හේතුවෙන් රැගෙන ආ මන්නා පිහියෙන් වීදුරුව බිද පසුව මන්නා පිහිය පෙන්වා මුදල් අයකැමිගේ අත් දෙක පිටුපසට ගැටගසා ලක්ෂ 39.1/2 මුදලද සේවකයින් දෙදෙනා අත තිබූ රුපියල් ලක්ෂයක් පමන වටිකා ජංගම දුරකථන දෙකද කොල්ලකා පලා ගොස් ඇත.
කොල්ලයෙන් පසු කොල්ලකරුවන්
මොරගහහේන දෙසට පලා ගොස් ඇති අතර
සීසීටීවී දර්ශන ඔස්සේ කොල්ලකරුවට ඇත්තඩංගුවට ගැනීම සඳහා විමර්ශන ආරම්භ කර ඇත.
පානදුර කොට්ඨාස භාර ජ්යෙෂ්ඨ පොලිස් අධිකාරී චමිල් රත්නායක සහකාර පොලිස් අධිකාරී උදය කුමාර මහත්වරුන්ගේ උපදෙස් මත හොරණ මූලස්ථාන ප්රධාන පොලිස් පරීක්ෂක පි එස් පනාවල මහතාගේ මෙහෙයවීමෙන් අපරාධ විමර්ශන අංශයේ ස්ථානාධිපති ප්රධාන පොලිස් පරීක්ෂක ලක්ෂ්මන්ද සිල්වා පොලිස් සැරයන් 45477 ලලිත් කොස්තාපල් 69128 ප්රභාත් මහත්වරුන් ඇතුළු කණ්ඩායමක් පරීක්ෂණ පවත්වයි
ශ්රී ලංකා නිදහස් පක්ෂයේ කෘත්යාධිකාරී මණ්ඩලයේ ධූරවලින් දුමින්ද දිසානායක, ලසන්ත අලගියවන්න සහ මහින්ද අමරවීර
ඉවත් කිරීම වළක්වාලමින් කොළඹ දිසා විනිසුරු සඳුන් විතාන අතුරු තහනම් නියෝගයක් අද (01) නිකුත් කළේය.
ස්වාභාවික යුක්ති මූල ධර්ම උල්ලංඝණය කරමින් නිසි විනය පරීක්ෂණයක් හෝ පැවැත්වීමකින් තොරව පක්ෂ ව්යවස්ථාවට පටහැනිව තමන් තනතුරු වලින් ඉවත් කිරීමට ශ්රී ලංකා නිදහස් පක්ෂය අනීතික සහ අත්තනෝමතික ක්රියා කර ඇතැයි පෙන්වා දෙමින් පෙත්සම්කරුවන් කළ ඉල්ලීම් සළකා බැලීමෙන් අනතුරුව අප්රේල් 08 දක්වා බලපැවැත්වෙන අන්දමට අදාළ අතුරු තහනම් නියෝගය නිකුත් කළේය.
අතුරු තහනම් නියෝගය සම්බන්ධයෙන් විරෝධතා ඇත්නම් පෙත්සම් යළි කැඳවන අප්රේල් 08 වැනිදා විරෝධතා දැක්වීමට වගඋත්තරකරුවන්ට නියම කළ දිසා විනිසුරුවරයා අතුරු තහනම් දැන්වීම් හා නොතීසි ද වගඋත්තරකරුවන් වෙත යැවීමටද නියම කළේය.
දුමින්ද දිසානයාක, ලසන්ත අලගියවන්න, මහින්ද අමරවීර විසින් ගොනු කර ඇති පෙත්සම් වල වගඋත්තරකරුවන් වශයෙන් ශ්රී ලංකා නිදහස් පක්ෂයේ සභාපති මෛත්රීපාල සිරිසේන, වැඩ බලන ලේකම් සාරතී දුෂ්මන්ත මිත්රපාල, ජ්යෙෂ්ඨ උප සභාපති නිමල් සිරිපාල ද සිල්වා, ජනාධිපති නීතීඥ ෆයිසර් මුස්තාපා, මහියංගන ආසන සංවිධායක කේ.පී. ගුණවර්ධන නමැත්තන් කර ඇත.
ශ්රී ලංකා නිදහස් පක්ෂ මූලස්ථානයේදී පසුගිය මාර්තු 30 වැනිදා පක්ෂයේ විධායක සභාව රැස්වී තමන් පක්ෂයේ දැරූ තනතුරු වලින් ඉවත් කිරීමට තීරණය කර ඇතැයි සඳහන් කරන එම පක්ෂයේ ජාතික සංවිධායක දුමින්ද දිසානායක, භාණ්ඩාගාරික ලසන්ත අලගියවන්න සහ ජ්යෙෂ්ඨ උප සභාපති මහින්ද අමරවීර පක්ෂයේ විධායක සභාව ගත් එම තීරණය පක්ෂ ව්යවස්ථාවට පටහැනි බව පෙත්සම්කරුවෝ සිය පෙත්සම් වලින් පෙන්වා දෙති.
තමන්ට එරෙහිව විනය පරීක්ෂණයක් හෝ පැවැත්වීමකින් තොරව ස්වාභාවික යුක්ති මූල ධර්ම උල්ලංඝණය කරමින් තමන් තනතුරු වලින් ඉවත් කිරීමට පක්ෂය කටයුතු කිරීම හේතූවෙන් තමන්ගේ කීර්ති නාමයන්ට හානි කර ඇතැයි සඳහන් කරන පෙත්සම්කරුවෝ අනීතික සහ අත්තනෝමතික ආකාරයෙන් තමන් පක්ෂයෙන් ඉවත් කිරීමට ගත් තීරණය වළකාලන නියෝගයක් නිකුත් කරන්නැයිද ඉල්ලා සිටිති.
ඉදිරිපත් වු කරුණු සළකා බැලීමෙන් අනතුරුව අදාළ නියෝග නිකුත් කළ විනිසුරුවරයා මෙමම පෙත්සම ලබන 08 වැනිදා යළි කැඳවීමටද නියම කළේය.
පෙත්සම්කරුවන් වෙනුවෙන් ජනාධිපති නීතිඥවරුන් වන කුවේරා ද සොයිසා, චන්දක ජයසුන්දර පෙනී සිටියහ.
නඩු තීන්දුවෙන් පසු ශ්රීලනිප පක්ෂ මුලස්ථානයට වෙත ගිය දුමින්ද දිසානායක සහ ලසන්ත අලගියවන්න විශේෂ මාධ්ය හමුවක් කැඳවා කරුණු පැහැදිලි කිරීමක් කළේය.
ජනප්රිය රංගන ශිල්පි, හිටපු පාර්ලිමේන්තු මන්ත්රි උද්දික ප්රේමරත්න සහ ඔහුගේ පවුලේ සාමාජිකයින් අද (28) උදැසන Emiretes ගුවන් සමගමට අයත්
ගුවන් යානයකින් දිවයිනට පැමිණ ඇත.
ඔහු මීට සති කිහිපයකට පෙර පාර්ලිමේන්තු මන්ත්රි ධූරයෙන් ඉල්ලා අස්වී කැනඩාව බලා පිටවගොස් තිබීම බරපතල ලෙස ආන්දෝලනයට ලක්වූ කාරණයකි.
ඔහු කැනඩාවේ දේශපාලන සරණාගතභාවය සඳහා ඉල්ලීම් කර ඇතැයි ඒ දිනවල පළවූ ඇතැම් මාධ්ය වාර්තාවල සඳහන් වුවද ඔහු විසින් එය තරයේ ප්රතික්ෂේප කර තිබිණ.
යළි දිවයිනට පැමිණි රංගන ශිල්පි උද්දික ප්රේමරත්න, අද දිනයේ පැවැත්වෙන සරසවි සම්මාන උලෙලට සහභාගී විමට නියමිත බව වාර්තාවේ.
https://www.youtube.com/embed/X1Gaeyg_WZ0?si=SaRR6WWqfjHdNsT_” title=
https://www.youtube.com/embed/31BEmoNytIc?si=MfFu7Ec88o1AcZec” title=
