ඉංග්රීසි මාධ්යයෙන් විෂයයන් උගන්වන ගුරුවරුන් 1000ක් බඳවා ගැනීමට කටයුතු කරන බව අධ්යාපන අමාත්ය ආචාර්ය සුසිල් ප්රේමජයන්ත පවසනවා.
ඒ පිළිබඳ කැබිනට් පත්රිකාව ලබන සඳුදා (08) කැබිනට් මණ්ඩලයට ඉදිරිපත් කරන බවයි අමාත්යවරයා සඳහන් කළේ.
එම ගුරුවරුන් කොන්ත්රාත් පදනමින් වසර 3ක් සඳහා බඳවා ගැනීමට නියමිත බවයි අමාත්යවරයා වැඩිදුරටත් ප්රකාශ කළේ.
උත්සව සමය වෙනුවෙන් හෙට (05) සිට විශේෂ බස් රථ සේවාවක් ක්රියාත්මක කරන බව ශ්රී ලංකා ගමනාගමන මණ්ඩලය පවසනවා.
උත්සව සමයේ ගම්බිම් බලා යන මගීන්ගේ පහසුව වෙනුවෙන් එම තීරණය ගත් බවයි ශ්රී ලංකා ගමනාගමන මණ්ඩලයේ නියෝජ්ය සාමාන්යාධිකාරී පණ්ඩුක ස්වර්ණහංස සඳහන් කළේ.
ඒ අනුව විශේෂ බස් රථ 200කට ආසන්න සංඛ්යාවක් ධාවනයට එක් කිරීමට නියමිත බවයි ඔහු වැඩිදුරටත් සඳහන් කළේ.
මේ අතර උත්සව සමය වෙනුවෙන් ලබන 10 වැනිදා සිට දෛනිකව විශේෂ දුම්රිය සේවා 12ක් යෙදවීමට තීරණය කර ඇති අතර එම දුම්රිය සේවා ලබන 15 වැනිදා දක්වා ක්රියාත්මක බවයි එහි නියෝජ්ය සාමාන්යාධිකාරී එන්.ජේ ඉඳිපොලගේ සඳහන් කළේ.
https://www.youtube.com/embed/y-FODVkp6oI?si=xlpV8CQO8-gNl4kI” title=
https://www.youtube.com/embed/BZjHQJpe_vQ?si=yx20zNB_Py0tGwA4″ title=
https://www.youtube.com/embed/BuR0wNq9fVQ?si=UC8y1ql1i_LtY1MU” title=
https://www.youtube.com/embed/PMswkDASuxc?si=Pm6UH9sDV5kJY13c” title=
”මොනරා TV” නමින් නවතම රූපවාහිනී නාලිකාවක් අද (03) එළිදක්වා තිබෙනවා.
VIS මාධ්ය ජාලයට අනුබද්ධ මෙම නාලිකාව අද සිට සිය විකාශන කටයුතු ආරම්භ කර ඇති අතර එහි නාලිකා ප්රධානීී වශයෙන් මාධ්යවේදී බුද්ධික වික්රමාදර කටයුතු කරන බවයි වාර්තා වෙන්නේ.
UHF 29 කොළඹ, UHF 56 ගොන්ගල, UHF 56 මඩොල්සිම, UHF 60 නුවරඑළිය, UHF 60 නුවර, UHF 49 රත්නපුර, UHF 56 ගම්මඩුව, නාලිකා අංක 104 PEO TV, නාලිකා අංක 28 FREESAT ඔස්සේ මෙම නාලිකාව නැරඹීමේ හැකියාව පවතිනවා.
මරදාන දුම්රිය ස්ථානයේ දුම්රිය පිලී පැනීමක් සිදුව ඇති බව දුම්රිය දෙපාර්තමේන්තුව පවසනවා.
ඒ අනුව කොළඹ කොටුව දුම්රිය ස්ථානයෙන් පස්වරු 06.05 ට මහව බලා ධාවනය වන සීඝ්රගාමී දුම්රිය අද දින සවස 06.15 ට පමණ මරදාන හා දෙමටගොඩ දුම්රිය ස්ථාන අතර මෙලෙස පීලි පැනීමට ලක්ව ඇති බවයි වාර්තා වෙන්නේ.
මේ හේතුවෙන් ප්රධාන මාර්ගයේ දුම්රිය ගමනාගමන කටයුතුවලට බාධා මතුව තිබෙනවා.
ශ්රී ජයවර්ධනපුර විශ්වවිද්යාලය අසල අද (03) පැවති විශ්වවිද්යාල සිසුන්ගේ විරෝධතාවක් පොලිසිය විසින් විසුරුවා හැරීමට කටයුතු කර තිබෙනවා.
ඒ අනුව එම විරෝධතාවට පොලීසිය විසින් ජල ප්රහාර සහ කඳුළු ගෑස් ප්රහාරයක් එල්ල කර ඇති බවයි වාර්තා වෙන්නේ.
දේවගැති ජෙරම් ප්රනාන්දුට පනවා තිබූ විදෙස් ගමන් තහනම තාවකාලිකව ඉවත් කිරීමට පියවර ගෙන තිබෙනවා.
ජෙරම් ප්රනාන්දුට එරෙහි නඩුව අද (03) කොටුව මහෙස්ත්රාත් අධිකරණය හමුවේ කැඳවූ අවස්ථාවේදී මෙම නියෝගය ලබාදී ඇති බවයි සඳහන් වෙන්නේ.
ඔහු විදෙස් රටවල් කිහිපයක් වෙත යාම සඳහා අවශ්ය බව සඳහන් කර ඇති අතර ඒ සම්බන්ධයෙන් සලකා බැලූ අධිකරණය පෙර ඇපවලට යටත්ව තාවකාලිකව විදෙස් ගමන් තහනම ඉවත්කර තිබෙනවා.
