වැල්ලවාය පූනාගල කඳු රක්ෂිතයේ පහළ කොටසේ හටගත් ගින්නෙන් විශාල ප්රදේශයක් විනාශයට පත්ව තිබෙනවා.
කොස්ලන්ද පූනාගල කඳු පන්තියේ වැල්ලවායට ඉහළ කොටසේ ඊයේ පස්වරුවේ ගින්න හටගෙන ඇති බවයි සඳහන් වෙන්නේ.
ප්රදේශයේ පවතින වියළි කාලගුණයත් සමඟ ගින්න ශීඝ්රයෙන් පැතිර ගොස් ඇති අතර නිවා දැමීමට දැඩි පරිශ්රමයක් දැරීමට සිදුව ඇති බවයි වැඩිදුරටත් සඳහන් වෙන්නේ.
ඉන්දීය නාවික හමුදාවට අයත් INS මුම්බායි යුද නෞකාව තුන්දින සංචාරයක් සඳහා අද (26) මෙරටට පැමිණීමට නියමිතව තිබෙනවා.
INS මුම්බායි යුද නෞකාව ශ්රී ලංකා ගුවන් හමුදාව විසින් මෙහෙයවනු ලබන ඩෝනියර් සමුද්ර මුර සංචාර ගුවන් යානා සඳහා අත්යවශ්ය අමතර කොටස් රැගෙන එනු ඇති බව මෙරට ඉන්දියානු මහ කොමසාරිස් කාර්යාලය නිවේදනය කළේ.
දෙරටේ නාවික හමුදා අතර සුහදතාව වර්ධනය කරගැනීම ද, එම සංචාරයේ එක් අරමුණක් බවයි සඳහන් වෙන්නේ.
ජනාධිපතිවරණයට අදාළ තැපැල් ඡන්ද දායකයින් සඳහා යොමුකරන ලියාපදිංචි තැපැල් ඡන්ද පත්රිකා අඩංගු රක්ෂිත පැකැට්ටු භාර ගැනීමේ කටයුතු අද (26) ආරම්භ කරන බව තැපැල් දෙපාර්තමේන්තුව පවසනවා.
2024 ජනාධිපතිවරණයට අදාළ නිළ ඡන්ද දැන්වීම් පත්රිකා බෙදාහැරීමේ කටයුතු සැප්තැම්බර් මස 03වන දා සිට ආරම්භ කිරීමට නියමිත අතර සැප්තැම්බර් මස 08වනදා නිළ ඡන්ද දැන්වීම් පත්රිකා බෙදා හැරීමේ විශේෂ දිනයක් ලෙස ප්රකාශයට පත් කර තිබෙනවා.
එසේම ජනාධිපතිවරණය අවසන් වනතුරු තැපැල් දෙපාර්තමේන්තුවේ සියලුම සේවකයින්ගේ නිවාඩු වහාම ක්රියාත්මක වන පරිදි අවලංගු කිරීමට පියවර ගෙන ඇති බවයි වැඩිදුරටත් සඳහන් වෙන්නේ.
https://www.youtube.com/embed/BzV4ZKzmHTo?si=sd-Vg1IFBi49Fhlr” title=
https://www.youtube.com/embed/nEhfKzBLWCo?si=mTqQsyXxuc6l9fj3″ title=
https://www.youtube.com/embed/WChBTt20fc4?si=Qgn8R2M72s5kluf4″ title=
https://www.youtube.com/embed/i_tzz0Sy9l4?si=LDDr6gypliTiqlP_” title=
https://www.youtube.com/embed/aRPpZJze_A4?si=ZJ4cE5IBTddpGA4b” title=
නැගෙනහිර පළාතේ තරගය ඇත්තේ අපේක්ෂකයින් දෙදෙනෙක් අතර පමණක් බව සමීක්ෂණයකින් අනාවරණයවී ඇති බව අමාත්ය බන්දුල ගුණවර්ධන පවසනවා.
ඒ අනුව රනිල් වික්රමසිංහ හා සජිත් ප්රේමදාස අතර පමණක් තරගය ඇති බවත් අනුර කුමාර දිසානායකට නැගෙනහිර පළාතේ කිසිඳු බලාපොරොත්තුවක් නොමැති බවද ජන හමුවක් අමතමින් අමාත්යවරයා සඳහන් කළා.
ප්රජාතන්ත්රවාදය බේරා ගැනීමත්, මිනිසුන්ට හුස්ම ගැනීමට හැකි ආර්ථිකයක් නිර්මාණය කිරීමත්, අනාගතය ගොඩනැගීම සඳහා පැහැදිළි වැඩපිළිවෙළක් රනිල් වික්රමසිංහට ඇති නිසා ඔහු නැගෙනහිර පළාතෙන් 70% කට වඩා වැඩි ඡන්දයක් ලබාගන්නා බවයි අමාත්ය බන්දුල ගුණවර්ධන වැඩිදුරටත් සඳහන් කළේ.
ආර්ථික යුද්ධය ජය කණුව දක්වා රැගෙන යාමට ඉදිරි වසර තුනක කාලය තුළ හැකි බව රාජ්ය අමාත්ය දිලුම් අමුණුගම පවසනවා.
තමන් පොහොට්ටුව අතහැරීමට සූදානම් නොමැති නමුත්, ජය කණුව පෙනි පෙනී රටේ කටයුතුවලට බාධා කිරීමටද සූදානම් නොමැති බවයි ජන හමුවක් අමතමින් ඔහු සඳහන් කළේ.
රටේ සියලු දේශපාලන පක්ෂ එක ස්ථානයකට එකතු වූ පසු එම අපේක්ෂකයාගේ ජයග්රහණය සම්බන්ධයෙන් විවාදයක් නොමැති බවයි ඔහු වැඩිදුරටත් සඳහන් කළා.
