පාර්ලිමේන්තු මැති ඇමතිවරුන්ට මුදලට ගිනිඅවි දෙකක් ලබාගැනීමේ අයිතිය ලබාදීමට රජය තීරණය කර ඇති බව කැබිනට් ප්රකාශක අමාත්ය බන්දුල ගුණවර්ධන පවසනවා.
ඒ අනුව මන්ත්රී ධුරය අහිමිවීමෙන් පසු අයිති කරගැනීමට හැකිවන පරිදි එම ගිනිඅවි ලබාදීමට නියමිත බවයි අමාත්යවරයා සඳහන් කළේ.
ප්රචණ්ඩත්වය පසුගිය කාලය තුළ දිගින් දිගටම වැඩිවී තිබෙන බවත් එම නිසා මෙම තීරණය ගෙන ඇති බව අමාත්යවරයා වැඩිදුරටත් සඳහන් කළා.
පැමිණෙන පිළිවෙළ අනුව විදේශ ගමන් බලපත්ර නිකුත් කිරීමේ කටයුතු අද (28) සිට ආරම්භ කර තිබෙනවා.
ඒ අනුව විදේශ ගමන් බලපත්ර ලබාගැනීම සඳහා මෙතෙක් ක්රියාත්මක කළ මාර්ගගත ක්රමවේදයට දිනයක් සහ වේලාවක් වෙන් කරගැනීමේ ක්රමය මින් ඉදිරියට ක්රියාත්මක නොවන බවයි මහජන ආරක්ෂක අමාත්ය ටිරාන් අලස් සඳහන් කළේ.
විදේශ ගමන් බලපත්ර ලබාගැනීම සඳහා බත්තරමුල්ලේ පිහිටි ආගමන හා විගමන දෙපාර්තමේන්තුවේ ප්රධාන කාර්යාලයට පැමිණි ජනතාව මේ දිනවල දැඩි අපහසුතායකට පත්ව සිටින බවයි වාර්තාවන්නේ.
රබර් වගාකරුවන්ට රුපියල් 4000 ක පොහොර සහනාධාරයක් ලබා දීමට රජය තීරණය කළ බව කෘෂිකර්ම හා වැවිලි කර්මාන්ත අමාත්ය මහින්ද අමරවීර පවසනවා.
මෙරට රබර් වගාවට වසර ගණනාවක් තුළ පොහොර දැමීමක් සිදු කර නැති බවට ශ්රී ලංකා රබර් පර්යේෂණ ආයතනය විසින් කරුණු පෙන්වා දී ඇති බවත්, ඒ හේතුවෙන් වාර්ෂික රබර් කිරි අස්වැන්න මෙට්රික් ටොන් ලක්ෂයේ සිට මෙට්රික් ටොන් 65,000 දක්වා අඩු වී ඇති බවයි ඔහු සඳහන් කළේ.
මේ හේතුවෙන් රබර් වගාව සඳහා යොදන කිලෝ ග්රෑම් 50ක පොහොර මල්ලක් රුපියල් 9,500 සිට රුපියල් 5,500ක් දක්වා මිල අඩු කිරීමට පියවර ගන්නා ලෙස අමාත්යවරයා විසින් රාජ්ය පොහොර සමාගමේ සභාපතිවරයාට උපදෙස් ලබාදී තිබෙනවා.
අදාළ පොහොර සහනාධාරය මෙම සතියේ සිටම ලබා දීමට පියවර ගෙන ඇති බවයි වැඩිදුරටත් ඔහු සඳහන් කළේ.
ප්රබල මත්ද්රව්ය ජාවාරම්කරුවෙක් වන ශිරාන් බාෂික් නැමැත්තාගේ පුතා වන නදීන් බාෂික් නැමැත්තා කටුනායක ගුවන්තොටුපොළේ දී අත්අඩංගුවට ගෙන තිබෙනවා.
ඔහු ඊයේ (27) රාත්රියේ ඩුබායි රාජ්යයේ සිට මෙරටට පැමිණෙමින් සිටිය දී පොලිස් විශේෂ කාර්ය බළකාය විසින් අත්අඩංගුවට ගෙන ඇති බවයි සඳහන් වෙන්නේ.
රාන් බාෂික් නැමැත්තා ලංකාවට මත්ද්රව්ය බෙදාහරින ප්රධාන මත්ද්රව්ය ජාවාරම්කරුවෙක් ලෙසයි සැලකෙන්නේ.
https://www.youtube.com/embed/lBT8btdri1c?si=74uVRxZM09NVMohE” title=
https://www.youtube.com/embed/diuqe-p3oRs?si=fGk11EvapjBEp8QH” title=
https://www.youtube.com/embed/iD1jaQzs4fI?si=ggqXxxNK6ULNauDL” title=
https://www.youtube.com/embed/tXhl0T45cxE?si=u2fYnjeE6-hpXhio” title=
https://www.youtube.com/embed/V6CHaD2k5KI?si=ESiNfZlgBtfMZ0Za” title=
ගතවූ පැය 24 ක කාලය තුළ මැතිවරණ පැමිණිලි 95 ක් ලැබී ඇති බව මැතිවරණ කොමිෂන් සභාව පවසනවා.
ඒ් අනුව මේ වන විට ලැබී ඇති මැතිවරණ පැමිණිලි සංඛ්යාව 1155 ක් බවයි එම කොමිෂන් සභාව සඳහන් කරන්නේ.
මැතිවරණ නීති උල්ලංඝණය කිරීම සම්බන්ධයෙන් පැමිණිලි 1100 ක්, ප්රචණ්ඩ ක්රියා සම්බන්ධයෙන් පැමිණිලි 04 ක් හා වෙනත් පැමිණිලි 51 ක් ලැබී ඇති බවයි වැඩිදුරටත් සඳහන් වෙන්නේ.
අදාළ වාර්තාව පහතින්.
