ලංකා විදුලිබල මණ්ඩලය ලාභ ලබන තත්ත්වයකට පත්ව ඇති බැවින් දෙසැම්බර් 10 වනදාට පෙර සේවක ප්රසාද දීමනාව ලබාදීමට පියවර ගන්නා ලෙස ලංකා විදුලි සේවක සංගමය ඉල්ලා සිටිනවා.
ඒ අනුව ලංකා විදුලි සේවක සංගමයේ ප්රධාන ලේකම් රන්ජන් ජයලාල් ලිපියක් යොමු කරමින් විදුලිබල මණ්ඩලයේ සභාපතිවරයාගෙන් මෙම ඉල්ලීම සිදුකර ඇති බවයි සඳහන් වෙන්නේ.
විදුලි බල මණ්ඩලය පාඩු ලබන බව පවසමින් හිටපු පාලනාධිකාරිය සේවකයන්ට වසර දෙකක සිට ප්රසාද දීමනාව ලබාදීමට කටයුුතු නොකළ බවයි ලිපියක් යොමු කරමින් එම සංගමය පෙන්වා දෙන්නේ.
රුහුණු විශ්වවිද්යාලයේ පරිපාලන කටයුතු අධීක්ෂණය කිරීම සඳහා එම විශ්වවිද්යාලයේ උපකුලපති වෙනුවට නිසි බලධාරියා ලෙස ජ්යෙෂ්ඨ මහාචාර්ය R.M.U.S.K රත්නායක පත් කර තිබෙනවා.
ඒ අනුව අධ්යාපන අමාත්ය, අග්රමාත්ය හරිනි අමරසූරිය ඊට අදාළ ගැසට් නිවේදනය අද (24) නිකුත් කර තිබෙනවා.
රුහුණු විශ්වවිද්යාලයේ උපකුලපතිවරයාට එරෙහිව පසුගියදා සිට දැඩි විරෝධයක් එල්ලවී තිබුණා.
අදාළ ගැසට් නිවේදනය පහතින්.
E8 වීසා ක්රමය ඔස්සේ දකුණු කොරියාවට යාමට ඇති අවස්ථාව ශ්රී ලංකා විදේශසේවා නියුක්ති කාර්යංශයේ නිලධාරීන් විසින් වැළැක්වීමට කටයුතු කරමින් සිටින බව රැකියා අපේක්ෂිත තරුණයින් පවසනවා.
ඒ අනුව ඔවුන් අද (23) කොළඹ විදේශ සේවා නියුක්ති කාර්යාංශය ඉදිරිපිට මීට එරෙහිව විරෝධතාවයක්ද ආරම්භ කර ඇති බවයි සඳහන් වෙන්නේ.
E8 ක්රමය යටතේ දකුණු කොරියාවට 107 ක් සඳහා වීසා ලැබී ඇති බවත් විදේශ සේවා නියුක්ති කාර්යංශයේ ක්රියා කලාපය හරහා එම වීසා අත්හිටුවීමේ අවධානමක් තිබෙන බවද ඔවුන් චෝදනා කර සිටිනවා.
ජාත්යන්තර මූල්ය අරමුදල මගින් ශ්රී ලංකාවට ලබාදුන් විස්තීර්ණ ණය පහසුකම සම්බන්ධ වැඩසටහනේ 03 වෙනි සමාලෝචනයට එහි නියෝජිතයින් සහ ශ්රී ලංකා බලධාරීන් කාර්ය මණ්ඩල මට්ටමේ එකඟතාවයකට එළැඹි බව ජාත්යන්තර මූල්ය අරමුදල අද (23) නිවේදනය කළා.
ජාත්යන්තර මූල්ය අරමුදලේ කළමනාකාරීත්වය සහ එහි විධායක මණ්ඩලය ඒ සඳහා අනුමැතිය ලබාදීමෙන් පසු ශ්රී ලංකාවට ඇමෙරිකානු ඩොලර් මිලියන 330 ක IMF සිව්වැනි ණය වාරිකය ලබාගැනීමට අවස්ථාව හිමිවෙන බවයි සඳහන් වන්නේ.
ඒ සමඟ IMF වැඩසටහන යටතේ මෙරටට ලබාදී ඇති මුළු ණය මුදල ඇමෙරිකානු ඩොලර් බිලියන 1.2 ක් දක්වා ඉහළ යන බවයි IMF මෙරට දූත මණ්ඩල ප්රධානී පීටර් බෘවර් සඳහන් කරන්නේ.
මෙරට ආර්ථිකය ප්රකෘතිමත් කිරීම වෙනුවෙන් 2023 මාර්තු මාසයේදී IMF වැඩසටහන යටතේ ඇමෙරිකානු ඩොලර් බිලියන 2.9 ක විස්තීරණ ණය මුදලක් අනුමත වූ අතර එහිදී පලමු වාරිකය ලෙස 2023 මාර්තු මාසයේදී ඩොලර් මිලියන 333 ක්ද දෙවන වාරිකය ලෙස 2023 දෙසැම්බර් මාසයේදී ඩොලර් මිලියන 337 ක්ද තෙවැනි වාරිකය ලෙස 2024 ජුනි මාසයේදී ඩොලර් මිලියන 336 ක්ද මෙරටට ලැබුණා.
පසුගිය වසරේදී පාර්ලිමේන්තුව අසල පැවැත්වූ සාමකාමී කාන්තා විරෝධතාවකට පහර දීමෙන් තම මූලික අයිතිවාසිකම් උල්ලංඝනය කළේ යැයි කියමින් අග්රාමාත්ය, ආචාර්ය හරිනි අමරසූරිය ඇතුළු පිරිසක් ගොනු කළ මූලික අයිතිවාසිකම් පෙත්සම ජනවාරි 30 වැනි දා කැඳවීමට ශ්රේෂ්ඨාධිකරණය ඊයේ (22) දින නියම කර තිබෙනවා.
ත්රි පුද්ගල ශ්රේෂ්ඨාධිකරණ විනිසුරු මඩුල්ල හමුවේ පෙත්සම සලකා බැලුණු අවස්ථාවේ පෙත්සම්කාරියන් වෙනුවෙන් පෙනී සිටි ජනාධිපති නීතීඥ සාලිය පීරිස් කියා සිටියේ සිද්ධියේදී අත්අඩංගුවට ගත් පිරිසකට එරෙහිව මහේස්ත්රාත් අධිකරණයේ නඩුවක් පැවැත්වෙන බවත්, එම නඩුව ඉල්ලා අස්කර ගන්නේ නම් මෙම පෙත්සම තවදුරටත් පවත්වාගෙන යන්නේද, නැද්ද යන්න සම්බන්ධයෙන් තීරණයක් ගැනීමට හැකියාව ඇති බවයි.
අග්රාමාත්ය ආචාර්ය හරිනි අමරසූරිය, පාර්ලිමේන්තු මන්ත්රීනි නීතීඥ නිලන්ති කොට්ටහච්චි ඇතුළු ජාතික ජන බලවේගයේ කාන්තා ක්රියාකාරිනියන් පිරිසක් විසින් මෙම පෙත්සම ගොනු කර ඇති අතර, එවක වැඩබලන පොලිස්පතිවරයා වූ දේශබන්දු තෙන්නකෝන්, වැලිකඩ, තලංගම, මිරිහාන පොලිස්ථානාධිපතිවරු හා නුගේගොඩ ජ්යේෂ්ඨ පොලිස් අධිකාරිවරයා ඇතුළු පිරිසක් එම පෙත්සමේ වගඋත්තරකරුවන් ලෙස නම්කර තිබෙනවා.
https://www.youtube.com/embed/fNaiIwKU-iE?si=cLqDuJu2boil3nJG” title=
https://www.youtube.com/embed/RxORCQI7rEY?si=VRFge87cXAvgnpxv” title=
https://www.youtube.com/embed/hfnHME9aZmU?si=CBNc1Hnc-yooORsZ” title=
https://www.youtube.com/embed/jcDY17jsVds?si=9H2F_TMbuTnQB94B” title=
යාපනය දිස්ත්රික්කයෙන් ස්වාධීන කණ්ඩායම අංක 17 නියෝජනය කරමින් පාර්ලිමේන්තුවට තේරී පත්වූ නවක පාර්ලිමේන්තු මන්ත්රී අර්චුනා රාමනාදන්ට එරෙහිව සිවිල් ක්රියාකාරීන් පිරිසක් විසින් අපරාධ පරීක්ෂණ දෙපාර්තමේන්තුවට පැමිණිල්ලක් ඉදිරිපත් කර තිබෙනවා.
ඔහු ෆේස්බුක් සමාජ මාධ්ය ජාලය ඔස්සේ දෙමළ ඊළම පිළිබඳව සිදුකර ඇති ප්රකාශයක් සම්බන්ධයෙන් විමර්ශනය කිරීම සඳහා එම පැමිණිල්ල ඉදිරිපත් කර ඇති බව සඳහන්.
එම මන්ත්රීවරයා ආණ්ඩු ක්රම ව්යවස්ථාවට එරෙහිව, දේශද්රෝහී වීමේ අපරාධය සිදුකළ බව පවසමින් මෙම පැමිණිල්ල ගොනුකළ බවයි නීතිඥ ලලිත් විජේසුරේන්ද්ර මාධ්යයට අදහස් දක්වමින් ප්රකාශ කර සිටියේ.
නව පාර්ලිමේන්තුවේ ආරම්භක සැසියේදී මන්ත්රීවරුන්ගේ ජ්යෙෂ්ඨත්වයට අනුව අසුන් වෙන් කර නොතිබූ නිසා මන්ත්රීවරුන්ට ඕනෑම අසුනක අසුන් ගැනීමට අවස්ථාව සලසා දී තිබුණු අතර එහිදී යාපනය දිස්ත්රික් ස්වාධීන මන්ත්රී වෛද්ය අර්චුනා රාමනාදන් විපක්ෂ නායකවරයාට හිමි අසුනේ වාඩි වී, එය වීඩියෝගත කරමින්, ආන්දෝලනාත්මක ලෙස හැසිරී තිබුණා.
