පරිගණක අපරාධ විමර්ශන වයඹ පළාත් ඒකකය විසින් මුදල් වංචාවකට සම්බන්ධ සැකකරුවෙකු අත්අඩංගුවට ගෙන තිබෙනවා.
අන්තර්ජාලය හරහා මුදල් උපයාගත හැකි බවට පවසා, සමාජ මාධ්ය ඔස්සේ සම්බන්ධ වූ පුද්ගලයෙකු රවටා මෙම මුදල් වංචාව සිදුකර ඇති බවයි පොලීසිය සඳහන් කළේ.
රුපියල් ලක්ෂ 05 කට අධික මුදලක් සැකකරු විසින් එලෙස ගිණුම්ගත කරවාගෙන වංචාව සිදුකර ඇති අතර අත්අඩංගුවට ගත් සැකකරු වයස අවුරුදු 22 ක් වන දිගන ප්රදේශයේ පදිංචිකරුවෙක් බවයි සඳහන් වෙන්නේ.
පරිගණක අපරාධ විමර්ශන වයඹ පළාත් ඒකකය වැඩිදුර විමර්ශන සිදුකරනවා.
https://www.youtube.com/embed/b4iPYjsLkTU?si=PXnwGYy8UrdftxWR” title=
අධික මාසික කුලියක් ගෙවමින් වෙනත් ගොඩනැගිලි තුළ පවත්වාගෙන යන රජයේ ආයතන, රජයට අයත් ගොඩනැගිලිවලට රැගෙන ඒමට තීරණය කර ඇති බව අමාත්ය සුනිල් හඳුන්නෙත්ති පවසනවා.
බොහෝ අමාත්යාංශවල ආයතන කුලී පදනම මත පවත්වා ගෙන යන බවද, මැණික් හා ස්වර්ණාභරණ අධිකාරියේ මාසික කුලිය මිලියන 05 ක් වන බවද, වෙළෙඳ අමාත්යංශයේ මාසික කුලිය ලක්ෂ 65 ක්ද වන බවයි අමාත්ය සුනිල් හඳුන්නෙත්ති අද (05) පාර්ලිමේන්තුවේදී සඳහන් කළේ.
අතුරු සම්මත ගිණුමෙන් වෙන්කරන මුදල් සියල්ලම වියදම් නොකරන බවත්, අවදානම වෙනුවෙන් එසේ වෙන්කර තබන බවත්, එසේම ඉතිරිවන සියලු මුදල් නැවත භාණ්ඩාගාරයට එවීමට කැබිනට් මණ්ඩලය ලෙස තීරණයක් ද ගෙන ඇති බවයි ඔහු වැඩිදුරටත් පවසා සිටියේ.
අද රට තුළ ඇති වී තිබෙන දේශපාලන ස්ථාවරත්වයත් සමඟ ආයෝජනයට සුදුසු පරිසරයක් නිර්මාණය වී තිබෙන බව ජනාධිපති අනුර කුමාර දිසානායක පවසනවා.
අද (05) ශ්රී ලංකා ආයෝජන මණ්ඩලයේ ඉහළ නිලධාරීන් සමඟ ජනාධිපති කාර්යාලයේ පැවති සාකච්ඡාවකදී ජනාධිපතිවරයා මේ බව සඳහන් කර සිටියා.
නව ආයෝජන අවස්ථා ලබා දීමේදී දේශපාලන හිතවත්කම් මත එම අවස්ථා ලබා දීම ආදී කිසිදු ආකාරයේ දේශපාලන බලපෑමක් මින් ඉදිරියට සිදු නොවන බවත්, රටට හිතකර පිරිසිදු ආයෝජන ගෙන්වා ගැනීමේ පූර්ණ නිදහස ශ්රී ලංකා ආයෝජන මණ්ඩලයට ලබාදෙන බවයි ජනාධිපතිවරයා එහිදී සඳහන් කළේ.
පාර්ලිමේන්තු මැතිවරණය සඳහා තරඟ කළ සියලුම අපේක්ෂකයින් හට තමන්ගේ ආදායම් සහ වියදම් වාර්තා ලබාදීමට ලබා දී තිබුණු අවසාන දිනය හෙට (06) මධ්යම රාත්රී 12න් අවසන් වීමට නියමිතව තිබෙනවා.
වාර්තා වී ඇති ආකාරයට දැනට 20% ආසන්න ප්රමාණයක් පමණක් මෙම ආදායම් සහ වියදම් දිස්ත්රික්ක මට්ටමෙන් භාර දී ඇති බවත්, මේ වාර්තා භාරදීමට අසමත් වුවොත් මැතිවරණ නීතිය ඉදිරියේ වරදකරුවෙක් වන බවත් පැෆ්රල් සංවිධානයේ විධායක අධ්යක්ෂ රෝහණ හෙට්ටිආරච්චි පවසා සිටියා.
මෙම වාර්තා භාරදීමට අපොහොසත් වන අපේක්ෂකයින්ට ඉදිරි පළාත් පාලන මැතිවරණයේදී ඡන්දය භාවිතා කිරීමේ හා තරග කිරීමේ අයිතිය අහිමි වීමට බොහෝ දුරට ඉඩකඩ ඇති බවත්, මේ සම්බන්ධයෙන් අධිකරණ ක්රියාමාර්ග ගතහොත්, ඒ අයගේ ඡන්දය භාවිතා කිරීමේ අයිතිය සහ ලියාපදිංචි අයිතිය අනිවාර්යයෙන්ම වසර තුනකට අහිමි වීමට ද පුළුවන්කම ඇති බවයි ඔහු මාධ්ය හමුවේ කියා සිටියේ.
හිටපු අමාත්ය ජොන්ස්ටන් ප්රනාන්දු සහ සතොස හිටපු සභාපති එරාජ් ප්රනාන්දු ඇතුළු විත්තිකරුවන් තිදෙනෙකුට එරෙහිව ගොනු කර ඇති නඩුවේ, පැමිණිල්ලේ සාක්ෂි විභාගය අද (05) කොළඹ ප්රධාන මහාධිකරණයේදී සිදුවුණා.
සතොස ආයතනයේ සේවකයින් පිරිසක් ඔවුන්ගේ නිල රාජකාරීවලින් ඉවත් කර දේශපාලන කටයුතුවල යෙදවීම තුළින් රජයට පාඩුවක් සිදු කළේ යැයි යන චෝදනා යටතේ අල්ලස් හෝ දූෂණ විමර්ශන කොමිෂන් සභාව විසින් මෙම නඩුව ගොනු කර තිබෙනවා.
ඒ අනුව, අද දිනයේදී නියෝජ්ය සොලිසිටර් ජනරාල් වසන්ත පෙරේරාගේ මෙහෙයවීම යටතේ පැමිණිල්ල වෙනුවෙන් සාක්ෂි සටහන් කර ගැනීම සිදු කළ අතර, නඩු විභාගය දෙසැම්බර් 13 යළි කැඳවීමට නියමිතව ඇති බවයි සඳහන් වන්නේ.
එළැඹෙන 09, 10, 11, 12 දිනයන් වල නැවත වරක් වැසි තත්ත්වයේ වර්ධනයක් ඇති විය හැකි බව කාලගුණ විද්යා දෙපාර්තමේන්තුවේ අධ්යක්ෂ ජනරාල් අතුල කරුණානායක මාධ්ය වෙත අදහස් දක්වමින් පවසා සිටියා.
නිරිතදිග බෙංගාල බොක්කේ, දකුණු අන්දමන් දූපත් අසල නැවත වරක් කැළඹෙන ස්වභාවයක් උද්ගත වී ඇති බවත්, දැනට එහි යම් වර්ධනයක් පෙන්නුම් කරන බවත් ඔහු සඳහන් කර සිටියා.
මෙහි වක්ර බලපෑමක් බොහෝවිට 9, 10, 11, 12 වැනි දිනයන් වලදී ඇතිවීමට හැකියාවක් ඇති බවත්, එම වක්ර බලපෑම හේතුකොට ගෙන උතුර, නැගෙනහිර, උතුරුමැද, සහ ඌව වැනි පළාත්වල වැසි තත්ත්වයේ වැඩිවීමක් 09 වනදා රාත්රී කාලයෙන් පසු ඇතිවීමේ ලකුණු දැනට පහළ වී ඇති බවයි අධ්යක්ෂ ජනරාල්වරයා පෙන්වා දෙන්නේ.
මෙය ඉදිරියේදී අඩු පීඩන කලාපයක් දක්වා වර්ධනය වෙනවාදැයි තහවුරු කර, ඉදිරියේදී පැහැදිලිව ජනතාවට දැන ගැනීමට සලස්වන බවද, ඉදිරියේදී දැනුම්දෙන කාලගුණ අනාවැකි සම්බන්ධයෙන් අවධානයෙන් සිටින ලෙසද ඔහු වැඩිදුරටත් ජනතාවගෙන් ඉල්ලා සිටිනවා.
බගවන්තලාව පොලිස් වසමට අයත් ටින්සින් තේ වතු යායේ අනවසර ලෙස මැණික් ගැරීම කළ පුද්ගලයෙක් අද (05) දින සැකපිට අත්අඩංගුවට ගත් බව බගවන්තලාව පොලිසිය පවසනවා.
එම පුද්ගලයා බගවන්තලාව ටින්සින් වතුයායට පිවිසෙන අඩි පාරක් ආසන්නයේ රාත්රි කාලයේදී කාලයක් තිස්සේ අඩි 60 ක් පමණ ගැඹුරට වලක් සාරා, එහි තිබෙන මැණික් ඉල්ලම් සහිත පස් නිවසට රැගෙන ගොස් ඉල්ලම් පස් සෝදා ඇති බවයි පොලිසිය පවසන්නේ.
අත්අඩංගුවට ගත් සැකකරු හැටන් මහෙස්ත්රාත් අධිකරණය වෙත ඉදිරිපත් කිරීමට නියමිතව ඇති බවයි පොලිසිය වැඩිදුරටත් සඳහන් කළේ.
https://www.youtube.com/embed/kVi2NTQCwhE?si=vCAY1XfuyyOR8PUy” title=
https://www.youtube.com/embed/zPOgyAFVU40?si=zNd6dxkMuMEljlHh” title=
