වාර්ථාවන අන්දමට හිටපු අගමැති මහින්ද රාජපක්ෂ මැයි 09 සංසිද්ධියෙන් පසු
නැගෙනහිර පළාතේ නාවික කඳවුරක හා ඊට යාබද නිකේතනයක ආරක්ෂිතව කාලය ගත ඇති අතර ඔහු ඊට සතියකට පසු පාර්ලිමේන්තු රැස්වීමටද පැමිණි නමුත් දැනට ප්‍රසිද්ධ මහජන හමුවීම් අත්හිටුවා ඇති අතර ගමන් බිමන් අවම කර තවමත් ආරක්ෂිතව වාසය කරයි.
මෙම පසුබිම යටතේ හිටපු අගමැතිවරයා මාලදිවයිනේ විලා එකක් ලෙස සැකසූ වටිනා නිවාසයක ආරක්ෂා සහිතව වාසය කිරීමට සූදානමක් පවතින බවට එරට ප්‍රවෘත්ති සේවාවක් වන මාලදිවයින් ජර්නලය (TMJ) වාර්තා කර තිබුණි.
මාලදිවයින් පාර්ලිමේන්තුවේ කථානායක හිටපු ජනපති මොහොමඩ් නෂීඩ් රාජපක්ෂ පවුලේ සමීපයෙකු වන අතර මේ වන විට හිටපු අග්‍රාමාත්‍ය මහින්ද රාජපක්ෂ මහතාට සහ ඔහුගේ පවුලේ අයට ආරක්ෂිත මාර්ගයක් ලබා දෙමින් සිටින බව මාලදිවයින් ජර්නලයේ (TMJ) විස්තර කර තිබේ.
වාර්තාවට අනුව මාලදිවයින් රජයේ ජ්‍යෙෂ්ඨ නිලධාරියෙකු ප්‍රකාශ කර ඇත්තේ
ඔහු ඉල්ලා අස්වීමෙන් පසු මහින්ද රාජපක්ෂ නෂීඩ්ට කතා කර ශ්‍රී ලංකාවේ
තත්ත්වය සමනය වන තුරු ඔහුගේ පවුලේ අයට මාලදිවයිනේ රැඳී සිටීමට කටයුතු කරන ලෙස ඉල්ලා සිටි බවයි.
නෂීඩ්ගේ සමීපතමයෙකු වන ඉන්දියාවේ සෝනු ශිව්දාසානිට අයත් සොනෙවා ෆුෂි හි පෞද්ගලික විලා නිවසක් රාජපක්ෂවරුන්ට මිලදී ගැනීමට නෂීඩ් යෝජනා කර ඇති බව වාර්තා විය.
TMJ වාර්තාව තවදුරටත් කියා සිටියේ සෝනු ශිව්දාසනි රාජපක්ෂ පවුලට ඇමරිකානු ඩොලර් මිලියන 12 ක වියදමකට පෞද්ගලික විලා එකක් විකිණීමට එකඟ වූ බවයි.
පවුලේ කාර්ය මණ්ඩලය සහ ආරක්ෂාව සඳහා නිවාස ලෙස භාවිතා කිරීම සඳහා ඩොලර් මිලියන 3 ක අතිරේක විලා එකක් ද මෙම ගනුදෙනුවට ඇතුළත් කර ඇති බව පැවසේ.
කෙස් වෙතත් නාමල් රාජපක්ෂ මෙම වාර්ථා සියල්ලම ප්‍රතික්ෂේප කර තිබෙන අතර තම පියා ලංකාව හැර දාමා යාමට කිසිම අදහසක් නැතිබවද සදහන් කර ඇත.
