හිටපු ඇමතිවරුන්ට යළිත් ඇමතිකම්

ඊයේ දිනයේ දිවුරුම් දෙන ලද රාජ්‍ය සහ කැබිනට් ඇමති වරුන්ට අමතරව තවත් ව්‍යාපෘති ඇමැතිවරුන් කිහිප දෙනෙකු පත් කිරීමට රජයේ අවධානය යොමු වී ඇති බව වාර්තා වේ.

දැනට එම පත්කිරීම් සම්බන්ධයෙන් දිනයක් මෙතෙක් තීරණය කර නැතැයි ද වාර්තා වේ. එසේ නම් කරව ව්‍යාප්ති ඇමතිධූර ලබා දීමට යෝජනා වී ඇත්තේ මෙවර ඇමති ධුර කිසිවක් නොලැබුණු හිටපු ඇමතිවරු පිරිසකට බව සදහන් වේ.

හිටපු ජනාධිපති මෛත්‍රීපාල සිරිසේන මහතාට නව ආණ්ඩුවේ යෝජනාව ඇමතිධූරය ඔහු විසින් ශ්‍රී ලංකා නිදහස් පක්ෂයේ වෙනත් අයෙකුට ලබා දෙන ලෙස ඉල්ලා ඇති බවත් ඒ අනුව ඔහුට ලැබීමට නියමිතව තිබූ ඇමැති ධුරය ශ්‍රී ලංකා නිදහස් පක්ෂයේ වෙනත් අයෙකුට ලබා දී ඇති බව ද පැවසේ.

මෛත්‍රිපාල සිරිසේන මහතාට ලබා දීමට යෝජනා වී ඇත්තේ පරිසර ඇමතිකම බවත් එය ඔහු ප්‍රතික්ෂේප කර ඇති බවත් කියවේ. ඒ අනුව පරිසර ඇමතිකම මේ වන විට මහින්ද අමරවීර මහතා වෙත ලබා දී තිබේ.

අශන්ති වරුනසුරිය