Category: sports_sub

2023 ලංකා ප්‍රිමියර් ලීග් ක්‍රිකට් තරගාවලියේ Colombo Strikers කණ්ඩායම හා Jaffna Kings අතර පැවති තරගයෙන් ලකුණු 21 ක ජයක් වාර්තා කිරීමට Jaffna Kings කණ්ඩායම සමත් වුණා.

අනුව තරගයේ කාසියේ වාසිය දිනාගත් Colombo Strikers කණ්ඩායම පළමුවෙන් පන්දුවට පහරදීමට Jaffna Kings කණ්ඩායමට ආරාධනා කළ අතර ඔවුන් සිය පන්දුවාර 20 තුළ කඩුලු 5 ක් දැවී ලකුණු 173 ක් ලබා ගත්තා.

පන්දුවට පහරදීමේදී Jaffna Kings කණ්ඩායම වෙනුවෙන් Towhid Hridoy ලකුණු 54 ක්, දුනිත් වෙල්ලාලගේ ලකුණු 25 ක්, ප්‍රියමාල් පෙරේරා ලකුණු 22 ක් හා Rahmanullah Gurbaz ලකුණු 21 ක් ලබා ගැනීමට සමත් වුණා.

පන්දු යැවීමේදී Colombo Strikers කණ්ඩායම වෙනුවෙන් ලක්ෂාන් සඳකැන්, චාමික කරුණාරත්න, මතීෂ පතිරණ සහ Naseem Shah එක් කඩුල්ල බැඟින් බිඳ හෙළීමට සමත් වුණා.

ඒ අනුව පිළිතුරු ඉනිම ක්‍රීඩා කළ Colombo Strikers කණ්ඩායමට පන්දුවාර 19.4 ක් අවසානයේ සියලු දෙනා දැවී ලබා ගත හැකි වූයේ ලකුණු 152 ක් පමණයි.

Colombo Strikers කණ්ඩායම වෙනුවෙන් වේගවත් ඉනිමක් ක්‍රීඩා කළ නිරෝෂන් දික්වැල්ල පන්දු 34 කින් ලකුණු 58 ක් රැස් කළ අතර Babar Azam ලකුණු 7 ක්, නුවනිඳු ප්‍රනාන්දු ලකුණු 17 ක්, චාමික කරුණාරත්න ලකුණු 23 ක් ලබා ගත්තා.

පන්දු යැවීමේදී Jaffna Kings කණ්ඩායම වෙනුවෙන් Hardus Viljoen කඩුලු 3 ක්, දිල්ෂාන් මදුෂංක හා විජයකාන්ත් වියස්කාන්ත් කඩුලු 2 බැඟින් බිඳ හෙළීමට සමත් වුණා.

2023 ලංකා ප්‍රිමියර් ලීග් ක්‍රිකට් තරගාවලිය අද (30) ආරම්භ වනවා.
ඒ අනුව අද රාත්‍රී 5.30 ට කොළඹ ආර්. ප්‍රේමදාස ක්‍රීඩාංගනයේදී මෙය උත්කර්ශවත්ව ආරම්භ වීමට නියමිතව තිබෙනවා.
මූලික වටයේ තරග 20 න් තරග 12 ක් කොළඹ ආර්. ප්‍රේමදාස ක්‍රීඩාංගනයේ දී ද, තරග 8 ක් මහනුවර පල්ලේකැලේ ක්‍රීඩාංගනයේ දී ද පැවැත්වීමට නියමිතයි.
අද සිට අගෝස්තු 20 වැනිදා දක්වා තරගාවලිය පැවැත්වීමට නියමිත අතර, තරගාවලියේ සමාරම්භක තරගය මෙතෙක් පැවැති තරගාවලි ත්‍රිත්වයේම ශූරතාවය දිනූ ජැෆ්නා කිංග්ස් කණ්ඩායම හා කලම්බු ස්ට්‍රයිකර්ස් කණ්ඩායම අතර පැවැත්වීමට නියමිතයි.
තරගාවලිය පුරා තරගයෙන් තරගයේ විශේෂ තොරතුරු එසැණ හරහා සජීවීව තොරතුරු ගෙන ඒමට සියලු කටයුතු සූදානම් කර තිබෙනවා.

ශ්‍රී ලංකාව හා පාකිස්තානය අතර දෙවැනි ටෙස්ට් තරගයේ සිව්වන දිනය අදයි (27).

ඒ අනුව සිය පළමු ඉනිම සඳහා පන්දුවට පහරදෙමින් සිටි පාකිස්තාන කණ්ඩායම කඩුලු 5කට ලකුණු 576ක් ලබා තිබියදී ඉනිම අත්හිටුවීමට තීරණය කළා.

පන්දුවට පහරදීමේදී පාකිස්ථාන කණ්ඩායම වෙනුවෙන් Abdullah Shafique ලකුණු 201 ක් හා Agha Salman නොදැවී ලකුණු 132 ක් ලබා ගත්තා.

පන්දු යැවීමේදී ශ්‍රී ලංකා කණ්ඩායම වෙනුවෙන් අසිත ප්‍රනාන්දු කඩුලු 3 ක් හා ප්‍රභාත් ජයසූරිය කඩුලු 2 ක් බිඳ හෙළිමට සමත් වුනා.

තරගයේ කාසියේ වාසිය දිනා පළමුව පන්දුවට පහර දීමට තීරණය කළ ශ්‍රී ලංකා කණ්ඩායමට පන්දුවාර 48.4 කදී සියලු දෙනා දැවී ලබා ගත හැකි වූයේ ලකුණු 166 ක් පමණයි.

ඒ අනුව ඉනිමක පරාජයෙන් ගැලවීම සඳහා ශ්‍රී ලංකා කණ්ඩායම ලකුණු 410 ක් ලබාගත යුතු වනවා.

ශ්‍රී ලංකාව හා පාකිස්තානය අතර දෙවැනි ටෙස්ට් තරගයේ සිව්වන දිනය අදයි (27).

ඒ අනුව ඊයේ (26) දිනය සඳහා තරගය නතර කරන විට සිය පළමු ඉනිම සඳහා පන්දුවට පහරදෙමින් සිටි පාකිස්තාන කණ්ඩායම කඩුලු 5 ක් දැවී ලකුණු 563 ක් ලබා සිටියා.

පන්දුවට පහර දෙමින් සිටින අගා සල්මන් සිය දෙවැනි ටෙස්ට් ශතකය වාර්තා කරමින් ලකුණු 132 ක් ද, මොහමඩ් රිස්වාන් ලකුණු 37 ක් ද ලබා නොදැවී කඩුල්ලේ රැදී සිටිනවා.

තරගයේ කාසියේ වාසිය දිනා පළමුව පන්දුවට පහර දීමට තීරණය කළ ශ්‍රී ලංකා කණ්ඩායමට පන්දුවාර 48.4 කදී සියලු දෙනා දැවී ලබා ගත හැකි වූයේ ලකුණු 166 ක් පමණයි.

ඒ අනුව පාකිස්තානය මේ වන විට පළමු ඉනිමේ දී ඉදිරියෙන් පසුවන ලකුණු සංඛ්‍යාව 397 ක්.

ලෝක කුසලාන පාපන්දු තරගාවලියට අදාළ ආසියානු කලාපයේ සුදුසුකම් ලැබීමේ තරග සඳහා ශ්‍රී ලංකා පාපන්දු කණ්ඩායමට ක්‍රීඩා කිරීමට අවසර ලබාදීමට ජාත්‍යන්තර පාපන්දු සම්මේලනය තීරණය කර තිබෙනවා.

ඒ අනුව කොන්දේසි සහිතව ජාත්‍යන්තර පාපන්දු සම්මේලනය සහ ආසියානු පාපන්දු සම්මේලනය විසින් මෙම අවසරය ලබාදී ඇති බවයි සඳහන් වන්නේ.

ශ්‍රී ලංකා පාපන්දු සම්මේලනය මෙම ලෝක කුසලාන තරගයට අවම වශයෙන් දින 10කට පෙර සිය නිලවරණය පැවැත්වීම අත්‍යවශ්‍ය වන අතර එසේ නොවුවහොත් ශ්‍රී ලංකාවට සුදුසුකම් ලැබීමේ තරග සඳහා ක්‍රීඩා කිරීමට ඉඩ ලබා නොදෙන බවයි වැඩිදුරටත් සඳහන් වන්නේ.

FIFA ලෝක කුසලාන සුදුසුකම් ලැබීමේ තරග 2023 ඔක්තෝම්බර් 12 සහ 17 යන දිනවල පැවැත්වීමට නියමිතයි.

ශ්‍රී ලංකාව හා පාකිස්තානය අතර දෙවැනි ටෙස්ට් තරගයේ තෙවන දිනය අදයි (25).

ඊයේ (25) දිනයේ වර්ෂාව හේතුවෙන් තරගය පන්දුවාර 10 කට පමණක් සීමා කිරීමට සිදුවූ අතර දිනය නිමා වන විට පාකිස්තානය කඩුලු 2 ක් දැවී ලකුණු 178 ක් ලබා සිටියා.

නොදැවී පන්දුවට පහර දෙමින් සිටින අබ්දුල්ලාහ් ශෆික් ලකුණු 87 ක් ද, බාබර් අසාම් ලකුණු 28 ක් ද ලබා කඩුල්ලේ රැදී සිටිනවා.

ඒ අනුව ශ්‍රී ලංකා පළමු ඉනිමට වඩා පාකිස්තානය මේ වන විට ලකුණු 12 ක් ඉදිරියෙන් පසුවනවා.

ශ්‍රී ලංකාව හා පාකිස්තානය අතර දෙවැනි ටෙස්ට් තරගය මේ වන විට කොළඹ SSC පිටියේදී පැවැත්වෙනවා.

තරගයේ කාසියේ වාසිය දිනාගත් ශ්‍රී ලංකා කණ්ඩායමට පළමුවෙන් පන්දුවට පහරදීමට තීරණය කළා.

ඒ අනුව ශ්‍රී ලංකා කණ්ඩායම සිය පළමු ඉනිම සඳහා සියලු දෙනා දැවී ලබා ගත්තේ ලකුණු 166 ක් පමණයි.

පන්දුවට පහරදීමේදී ශ්‍රී ලංකා කණ්ඩායම වෙනුවෙන් ධනංජය ද සිල්වා ලකුණු 57 ක්, දිනේෂ් චන්දිමාල් ලකුණු 34 ක්, රමේෂ් මෙන්ඩිස් ලකුණු 27 ක් හා දිමුත් කරුණාරත්න ලකුණු 17 ක් ලබා ගත්තා.

පන්දු යැවීමේදී පාකිස්තාන කණ්ඩායම වෙනුවෙන් Abrar Ahmed කඩුලු 4 ක් හා Naseem Shah කඩුලු 3 ක් බිඳ හෙළීමට සමත් වුණා.

මේවන විට පකිස්ථාන කණ්ඩායම සිය පළමු ඉණිම සඳහා පන්දුවට පහරදෙමින් සිටිනවා.

ලකුණු පුවරුව පහතින්.

ශ්‍රී ලංකාව හා පාකිස්තානය අතර දෙවැනි ටෙස්ට් තරගය අද (24) පැවැත්වෙනවා.

ඒ අනුව තරගයේ කාසියේ වාසිය දිනා ගැනීමට ශ්‍රී ලංකා කණ්ඩායම සමත් වූ අතර ඔවුන් පළමුවෙන් පන්දුවට පහරදීමට තීරණය කළා.

අසිත ප්‍රනාන්දු සහ දිල්ෂාන් මදුෂංක දෙවන ටෙස්ට් තරගය සඳහා ක්‍රීඩා කිරීමට නියමිතයි.

ශ්‍රී ලංකාව හා පාකිස්තානය අතර දෙවැනි ටෙස්ට් තරගය අද (24) ආරම්භ වනවා.

ඒ අනුව තරගය අද පෙරවරු 9.30 ට කොළඹ SSC ක්‍රීඩාංගනයේ දී ආරම්භ වීමට නියමිතයි.

අද තරගය සඳහා ශ්‍රී ලංකා කණ්ඩායමේ වෙනසක් සිදු කිරීමට නියමිත බවයි වැඩි දුරටත් සඳහන් වන්නේ.

ශ්‍රී ලංකා ක්‍රිකට් ක්‍රීඩක ලහිරු තිරිමාන්න ජාත්‍යන්තර ක්‍රිකට් පිටියෙන් සමු ගැනීමට තීරණය කර තිබෙනවා.

ශ්‍රී ලංකාව වෙනුවෙන් ටෙස්ට් තරග 44 ක්, එක්දින තරග 127 ක් හා T20 තරග 26 ක් ක්‍රිඩා කර ඇති තිරිමාන්න එහිදී පිළිවෙලින් ලකුණු 2,088 ක්, 3,194 හා 291 ක් රැස් කර තිබෙනවා.

එහිදී ඔහු ටෙස්ට් ශතක 3 ක්, අර්ධ ශතක 10 ක් මෙන්ම එක්දින ශතක 4 ක් හා අර්ධ ශතක 21 ක් වාර්තා කිරීමටද සමත් වුණා.