LPL සිව්වන අදියර අද ආරම්භ වෙයි

2023 ලංකා ප්‍රිමියර් ලීග් ක්‍රිකට් තරගාවලිය අද (30) ආරම්භ වනවා.
ඒ අනුව අද රාත්‍රී 5.30 ට කොළඹ ආර්. ප්‍රේමදාස ක්‍රීඩාංගනයේදී මෙය උත්කර්ශවත්ව ආරම්භ වීමට නියමිතව තිබෙනවා.
මූලික වටයේ තරග 20 න් තරග 12 ක් කොළඹ ආර්. ප්‍රේමදාස ක්‍රීඩාංගනයේ දී ද, තරග 8 ක් මහනුවර පල්ලේකැලේ ක්‍රීඩාංගනයේ දී ද පැවැත්වීමට නියමිතයි.
අද සිට අගෝස්තු 20 වැනිදා දක්වා තරගාවලිය පැවැත්වීමට නියමිත අතර, තරගාවලියේ සමාරම්භක තරගය මෙතෙක් පැවැති තරගාවලි ත්‍රිත්වයේම ශූරතාවය දිනූ ජැෆ්නා කිංග්ස් කණ්ඩායම හා කලම්බු ස්ට්‍රයිකර්ස් කණ්ඩායම අතර පැවැත්වීමට නියමිතයි.
තරගාවලිය පුරා තරගයෙන් තරගයේ විශේෂ තොරතුරු එසැණ හරහා සජීවීව තොරතුරු ගෙන ඒමට සියලු කටයුතු සූදානම් කර තිබෙනවා.