Category: sports_sub

අන්තර් පාසල් ලීග් රග්බි තරගාවලියේ ශූරතාව දිනාගැනීමට මහනුවර ත්‍රිත්ව විදුහල අද (02) සමත්විය.

ඒ අවසන් මහා තරගයේදී කොළඹ වෙස්ලි විදුහලට එරෙහිව ලකුණු 23 -21ක් ලෙස තියුණු ජයක් ලබමින්ය.

ත්‍රිත්ව විදුහල උත්සාහක දිණුම් 3ක්, එක් ප්‍රවර්ථනයක්, දඬුවම් පහරක් හා ඩ්‍රොප් ගෝලයක් වාර්තා කරමින් ලකුණු රැස්කළේය.

එමෙන්ම තියුණු සටනක් දුන් වෙස්ලි විදුහලද උත්සාහක දිණුම් 3ක් හා ප්‍රවර්ථන 3ක් සාර්ථක කරගැනීමට සමත් විය.

ත්‍රිත්ව විදුහල මෙලෙස අන්තර් පාසල් ලීග් රග්බි තරගාවලියක ශූරතාව දිනාගත්තේ වසර 38කට පසුව වීම විශේෂත්වයක්ය.

මෙවර ඔවුන් අපරාජිතවම මෙම ජයග්‍රහණය අත්කර ගැනීමද සුවිශේෂය.

අවසන් මහා තරගය පල්ලෙකැලේ ත්‍රිත්ව විදුහල් රග්බි ක්‍රීඩාංගණයේදී පැවැත්විණි.

ශ්‍රී ලංකාව හා බංග්ලාදේශය අතර පැවැත්වෙන තරග දෙකකින් සමන්විත ටෙස්ට් ක්‍රිකට් තරගාවලියේ පළමු ටෙස්ට් තරගයේ දෙවන දිනය අද (18) අවසන් වුණා.

තරගයේ කාසියේ වාසිය දිනා සිය පළමු ඉනිම සඳහා පන්දුවට පහරදෙමින් සිටින බංග්ලාදේශ කණ්ඩායම දිනය නිමා වන විට කඩුලු 09 ක් දැවී ලකුණු 484 ක් ලබා සිටිනවා.

පන්දුවට පහරදීමේදී  බංග්ලාදේශ කණ්ඩායම වෙනුවෙන් පන්දුවට පහරදෙමින් සිටින නායක Najmul Hossain Shanto ලකුණු 148 ක්, Mushfiqur Rahim ලකුණු 163 ක් හා Litton Das ලකුණු 90 ක් ලබා ගත්තා.

පන්දු යැවීමේදී ශ්‍රී ලංකා කණ්ඩායම වෙනුවෙන් අසිත ප්‍රනාන්දු, මිලාන් රත්නායක හා තරිඳු රත්නායක කඩුලු 03 බැඟින් බිඳ හෙළීමට සමත් වුණා.

ලකුණු පුවරුව පහතින්.

ශ්‍රී ලංකාව හා බංග්ලාදේශය අතර පැවැත්වෙන තරග දෙකකින් සමන්විත ටෙස්ට් ක්‍රිකට් තරගාවලියේ පළමු ටෙස්ට් තරගයේ පළමු දිනය අද (17) අවසන් වුණා.

තරගයේ කාසියේ වාසිය දිනා සිය පළමු ඉනිම සඳහා පන්දුවට පහරදෙමින් සිටින බංග්ලාදේශ කණ්ඩායම දිනය නිමා වන විට කඩුලු 3 ක් දැවී ලකුණු 292 ක් ලබා සිටිනවා.

පන්දුවට පහරදීමේදී බංග්ලාදේශ කණ්ඩායම වෙනුවෙන් පන්දුවට පහරදෙමින් සිටින නායක Najmul Hossain Shanto නොදැවී ලකුණු 136 ක් හා Mushfiqur Rahim නොදැවී ලකුණු 105 ක් ලබාගෙන සිටිනවා.

පන්දු යැවීමේදී ශ්‍රී ලංකා කණ්ඩායම වෙනුවෙන් තරිඳු රත්නායක කඩුලු 02 ක් හා අසිත ප්‍රනාන්දු එක් කඩුල්ලක් බිඳ හෙළීමට සමත් වුණා.

ලකුණු පුවරුව පහතින්.

බංග්ලාදේශය සමග පැවැත්වීමට නියමිත තරග දෙකකින් යුත් ටෙස්ට් ක්‍රිකට් තරගාවලියේ පළමු තරගය සදහා වන ශ්‍රී ලංකා සංචිතය නම් කර තිබෙනවා.

ඒ අනුව ධනංජය ද සිල්වාගේ නායකත්වයෙන් යුත් සංචිතයට ක්‍රීඩකයින් 18 දෙනෙකු ඇතුළත් කර ඇති අතර මෙතෙක් ටෙස්ට් වරම් දිනා නොමැති ක්‍රීඩකයින් 6 දෙනෙකු සංචිතයට නම් කර තිබීම විශේෂත්වයක්.

ලහිරු උදාර, පසිඳු සූරියබණ්ඩාර, සොනාල් දිනූෂ, පවන් රත්නායක, තරිඳු රත්නායක සහ ඉසිත විජේසුන්දර මෙම නවක ක්‍රීඩකයින් වනවා.

ලහිරු කුමාර මෙම සංචිතයට පළමුව නම් කර ඇතත්, ඔහු පුහුණුවීම් අතරතුර ආබාධයකට ලක් වීම හේතුවෙන් පළමු තරගයට ක්‍රීඩා නොකරන බවයි ශ්‍රී ලංකා ක්‍රිකට් ආයතනය සදහන් කළේ.

දෙරට අතර පැවැත්වෙන පළමු ටෙස්ට් තරගය එළඹෙන 17 වැනිදා ගාල්ලේ දී ආරම්භ වීමට නියමිතයි.

මෙම තරගාවලිය ශ්‍රී ලංකා කණ්ඩායමේ 2025-2027 ටෙස්ට් ලෝක ශූරතාවලියේ පළමු තරගාවලිය වනවා.

අදාළ සංචිතය පහතින්.

ආසියානු රග්බි සංගමය සංවිධානය කරන 2025 ආසියානු රග්බි ශූරතාවලියේ ශ්‍රී ලංකාව සහ දකුණු කොරියාව අතර තරගය අද (13) කොළඹ තුරඟ තරග පිටියේදී පැවැත්වුණා.

තියුණු තරගයකින් අනතුරුව මෙම තරගය ජය ගැනීමට සමත්වූයේ දකුණු කොරියාවයි.

එහිදී දකුණු කොරියාව ලකුණු 38 ක් වාර්තා කිරීමට සමත් වූ අතර ශ්‍රී ලංකාව ලකුණු 34 ක් වාර්තා කළා.

එම තරගාවලිය තුළ හොංකොං රාජ්‍යය සහ ශ්‍රී ලංකා කණ්ඩායම අතර පැවැත්වෙන තරගය මෙම මස 22 වැනිදා පැවැත්වීමට නියමිතයි.

2027 රග්බි ලෝක කුසලානයට සුදුසුකම් ලැබීමට නම් ශ්‍රී ලංකාව මෙම තරගාවලියේ අනු ශූරයන් හෝ විය යුතු වනවා.

දකුණු අප්‍රිකානු ක්‍රිකට් ක්‍රීඩක Heinrich Klaasen ජාත්‍යන්තර ක්‍රිකට් පිටියට සමුදීමට තීරණය කර තිබෙනවා.

මෙය ඉතා අපහසු තීරණයක් බවත්, තමාට මෙම තීරණය ගැනීමට බොහෝ කාලයක් ගතවූ බවයි සිය සමුගැනීම නිවේදනය කරමින් ඔහු සඳහන් කරන්නේ.

තවමත් 33 වන වියේ පසුවන ඔහු එක්දින තරග 60 කට ක්‍රීඩා කර, ලකුණු 2141 ක් ලබාගෙන ඇති අතර, එයට ශතක 04 ක් හා අර්ධ ශතක 11 ක් ඇතුළත් වෙනවා.

T20 පිටියේදී ඔහු තරග 58 කට ක්‍රීඩා කර, ලකුණු 1000 ක් රැස් කර තිබෙනවා.

ඔස්ට්‍රේලියානු සුපිරි ක්‍රීඩක Glenn Maxwell එක්දින ක්‍රිකට් පිටියෙන් විශ්‍රාම ගැනීමට තීරණය කර තිබෙනවා.

36 හැවිරිදි ඔහු 2012 වර්ෂයේ එක්දින පිටියට පිවිසීමෙන් අනතුරුව මේ දක්වා එක්දින තරග 149 කට ක්‍රීඩා කර ඇති අතර, එහිදී ඔහු ලකුණු 3990 ක් ලබාගෙන, කඩුලු 77 ක් බිඳ හෙළිමට සමත් වී තිබෙනවා.

කෙසේ නමුත් ඔහු ලබන වසරේ පැවැත්වෙන T20 ලෝක කුසලානය තෙක් විස්සයි විස්ස ක්‍රීඩා පිටියේ තවදුරටත් ක්‍රීඩා කිරීමට නියමිත බවයි වැඩිදුරටත් සඳහන් වෙන්නේ.

බටහිර ඉන්දීය කොදෙව් කණ්ඩායමට එරෙහිව මේ වන විට පැවැත්වෙන පළමු එක්දින තරගයේදී වාර්තාවක් පිහිටුවීමට සත්කාරක එංගලන්ත කණ්ඩායම සමත් වුණා.

ඒ අනුව තරගයේ කාසියේ වාසිය දිනාගත් බටහිර ඉන්දීය කොදෙව් කණ්ඩායම පළමුවෙන් පන්දුවට පහරදීමට එංගලන්ත කණ්ඩායමට ආරාධනා කළ අතර ඔවුන් සිය පන්දුවාර 50 තුළ කඩුලු 8 ක් දැවී ලකුණු 400 ක් ලබාගත්තා.

එම ලකුණු 400 වාර්තා අතරට එක් වුණේ කණ්ඩායමේ කිසිඳු ක්‍රීඩකයෙක් ශතකයක් වාර්තා කිරීමකින් තොරව කණ්ඩායමක් එක්දින තරගයකදී ලබාගත් වැඩිම ලකුණු සංඛ්‍යාව ලෙසටයි.

මීට පෙර එම වාර්තාව පිහිටුවා තිබුණේ දකුණු අප්‍රිකාව වන අතර එහිදී 2007 වසරේ පාකිස්ථානයට එරෙහිව දකුණු අප්‍රිකාව ලකුණු 392 ක් රැස් කර තිබුණා.

මෙරට බිහිවූ විශිෂ්ට ක්‍රිකට් ක්‍රීඩකයෙක් වන ඇන්ජලෝ මැතිච්ස් ටෙස්ට් ක්‍රිකට් පිටියෙන් සමු ගැනීමට තීරණය කර තිබෙනවා.

ඒ අනුව එළඹෙන ජුනි මස පැවැත්වෙන බංග්ලාදේශ සංචාරයෙන් අනතුරුව තමන් ටෙස්ට් පිටියෙන් සමුගන්නා බවයි ඔහු නිවේදනය කර තිබෙන්නේ.

වසර 17 ක ඔහුගේ ටෙස්ට් දිවිය තුළ තරග 118 කට ක්‍රීඩා කර ඇති ඔහු, එහිදී ඉනිම 210 ක් තුළ ලකුණු 8167 ක් ලබාගෙන, ශතක 16 ක් හා අර්ධ ශතක 45 ක් වාර්තා කර තිබෙනවා.

එසේම ඔහු ටෙස්ට් කඩුලු 33 ක් දවා ගැනීමට සමත් වී තිබෙනවා.

අදාළ නිවේදනය පහතින්.

අන්තර් පාසල් ජනාධිපති කුසලාන පිළිමළුන් පිටුදැකීමේ රග්බි තරගාවලියේ ශූරතාව දිනාගැනීමට කොළඹ ඉසිපතන විද්‍යාලය සමත්වී තිබෙනවා.

කොළඹ රාජකීය විදුහල් ක්‍රීඩා සංකීර්ණයේ අද (18) පැවති අවසන් මහා තරගයේදී කොළඹ ඉසිපතන විද්‍යාලය විසින් මහනුවර ත්‍රිත්ව විද්‍යාලය ලකුණු 12 – 9 ක් ලෙස පරාජය කිරීමට සමත් වුණා.

පළමු අර්ධයේදී ද ලකුණු 7-6 ක් ලෙස ඉසිපතන විද්‍යාලය පෙරමුණ ගෙන සිටි අතර දෙවන අර්ධයේදී තවත් ලකුණු පහක් එකතු කරගැනීමට ඔවුන් සමත්වුණා.

ඉසිපතන විදුහල උත්සාහක දිනුම් 2 ක් හා එක් ප්‍රවර්තනයක් සාර්ථක කරගනිමින් ජයග්‍රහණය වාර්තා කිරීමට සමත් වුණා.