පාර්ලිමේන්තුවේ පක්ෂ නායක රැස්වීමක් එළඹෙන 20 වනදා පැවැත්වීමට නියමිතව ඇති බව පාර්ලිමේන්තු සන්නිවේදන දෙපාර්තමේන්තුව පවසනවා.
ඒ අනුව එදින පෙරවරු 11ට කතානායක මහින්ද යාපා අබේවර්ධනගේ ප්රධානත්වයෙන් මෙම රැස්වීම පැවැත්වෙන බවයි සඳහන් වන්නේ.
මෙම රැස්වීමට සහභාගීවන ලෙස සියලු පක්ෂ නායකයන්ට දැනුම් දී ඇති බවයි වැඩිදුරටත් සඳහන් වන්නේ.
ජාත්යන්තර මූල්ය අරමුදලේ විස්තීරණ අරමුදල් පහසුකම පිළිබඳ වැඩසටහන පාර්ලිමේන්තුවේදී අප්රේල් 25 වනදා සිට විවාදයට ගැනීමට නියමිත බව ජාතික ආරක්ෂාව පිළිබඳ ජනාධිපති ජ්යෙෂ්ඨ උපදේශක සහ ජනාධිපති කාර්ය මණ්ඩල ප්රධානි සාගල රත්නායක පවසනවා.
ජනාධිපති රනිල් වික්රමසිංහ විසින් ජාත්යන්තර මූල්ය අරමුදලේ විස්තීරණ අරමුදල් පහසුකම (IMF/EFF) පිළිබඳ වැඩසටහන පාර්ලිමේන්තුවට ඉදිරිපත් කර ඇති බවද එහිදී ඔහු සඳහන් කළා.
එහිදී දේශපාලන පක්ෂ තම රටට සහය දෙනවාද නැද්ද යන්න තීරණය කිරීමට අවස්ථාව සැලසෙන බවයි විදේශ තානාපතිවරු සහ මහ කොමසාරිස්වරු දැනුවත් කිරීමට පැවති හමුවකට එක්වෙමින් ඔහු සඳහන් කළේ.
අප්රේල් 25 වනදා පැවැත්වීමට නියමිතව තිබූ පළාත් පාලන මැතිවරණය දෙවන වතාවටද කල් දැමීමට සිදුවන බව මැතිවරණ කොමිසම පවසනවා.
ඒ අනුව මේ වන විට අධිකරණයේ විභාගය වන නඩුවේ තීන්දුව මත හෝ මුදල් ප්රතිපාදන ලබා ගැනීමේ නිශ්චිත දිනයක් තහවුරුවීමෙන් අනතුරුව මැතිවරණ දිනයක් තීරණය කරන බවයි මැතිවරණ කොමිෂන් සභාව වැඩිදුරටත් සඳහන් කරන්නේ.
අදාළ නිවේදනය පහතින්,
නව සීමානිර්ණ වාර්තාව අද (11) අග්රාමාත්ය දිනේෂ් ගුණවර්ධන වෙත භාරදිමට නියමිත බව අග්රමාත්ය කාර්යාලය පවසනවා.
ඒ අනුව සීමානිර්ණ කමිටුවේ සභාපති මහින්ද දේශප්රිය විසින් අදාළ වාර්තාව භාරදීමට නියමිතයි.
මැතිවරණ කොමිෂන් සභාව අද (11) රැස්වීමට නියමිතව තිබෙනවා.
ඒ අනුව අග්රාමාත්ය දිනේෂ් ගුණවර්ධන සමඟ ඊයේ (10) පැවති සාකච්ඡාවේදී සඳහන් කළ කරුණු පිළිබඳව අද දිනයේ අවධානය යොමු කිරීමට නියමිතයි.
ඉන් පසු පළාත් පාලන මැතිවරණය පැවැත්වීම සම්බන්ධයෙන් ඉදිරි කටයුතු තීරණය කිරීමට නියමිත බවයි මැතිවරණ කොමිෂන් සභාව වැඩිදුරටත් සඳහන් කළේ.
පළාත් පාලන මැතිවරණය එළැඹෙන 25 වනදාද නොපැවැත්වෙනු ඇති බව පළාත් සභා හා පළාත් පාලන රාජ්ය අමාත්ය ජානක වක්කුඹුර පවසනවා.
අග්රාමාත්යවරයා සහ මැතිවරණ කොමිසම අතර පැවති විශේෂ හමුවෙන් අනතුරුව මාධ්ය වෙත අදහස් දක්වමින් රාජ්ය අමාත්යවරයා සඳහන් කළේ, මැතිවරණ කොමිසම ඉදිරියේදී මුදල් අමාත්යාංශය සමඟ වෙනම සාකච්ඡාවක් පවත්වනු ඇති බවයි.
අප්රේල් මස 25 වනදා දක්වාත් ඉන් අනතුරුවත් මැතිවරණයට ඉදිරිපත් වූ රාජ්ය සේවකයින්ගේ වැටුප් ගෙවන ආකාරය සාකච්ඡා කළ බවත්, ඒ සඳහා මැතිවරණ කොමිසමෙන් නිර්දේශයක් එවීමට කටයුතු කරන බවට මැතිවරණ කොමිසමේ නිලධාරීන් එහිදී සඳහන් කළ බවයි රාජ්ය අමාත්යවරයා වැඩිදුරටත් සඳහන් කළේ.
මැතිවරණ කොමිෂන් සභාව හෙට (11) රැස්වීමට නියමිතව තිබෙනවා.
ඒ අනුව අග්රාමාත්ය දිනේෂ් ගුණවර්ධන සමඟ අද (10) පැවැත්වෙන සාකච්ඡාවේදී අවධානය යොමු කරන කරුණු සම්බන්ධයෙන් හෙට අවධානය යොමු කිරීමට නියමිතයි.
එහිදී පළාත් පාලන මැතිවරණය සම්බන්ධයෙන් ඉදිරි කටයුතු තීරණය කිරිමට නියමිතව ඇති බවයි වැඩිදුරටත් සඳහන් වන්නේ.
ණය තිරසාරභාවය සහතික කිරීම සඳහා මෙන්ම ශ්රී ලංකාවේ ආර්ථිකය ප්රකෘතිමත් කිරීම සඳහා ලබා ඇති ප්රගතිය තවදුරටත් ඉහළ නැංවීම සඳහා ශ්රී ලංකාවේ ජාත්යන්තර හවුල්කරුවන් සමග සහයෝගීතාව වැඩි දියුණු කිරීමට බලාපොරොත්තු වන බව රාජ්ය අමාත්ය ෂෙහාන් සේමසිංහ පවසනවා.
ඒ අනුව හෙට (10) වොෂින්ටන් හිදී පැවැත්වීමට නියමිත 2023 Spring Meeting හිදී එයට කදිම අවස්ථාවක් හිමිවෙනු ඇති බවයි සිය Twitter ගිණුමේ සටහනක් තබමින් රාජ්ය අමාත්යවරයා සඳහන් කරන්නේ.
මෙම සමුළුව සඳහා රාජ්ය අමාත්යවරයාට අමතරව මහ බැංකු අධිපති ආචාර්ය නන්දලාල් වීරසිංහ සහ භාණ්ඩාගාර ලේකම් මහින්ද සිරිවර්ධනද එක්වීමට නියමිතයි.
ප්රති ත්රස්ත පනත් කෙටුම්පත පාර්ලිමේන්තුවට ඉදිරිපත් කිරීම කල් දමන බව අධිකරණ අමාත්ය විජේදාස රාජපක්ෂ පවසනවා.
විපක්ෂයේ දේශපාලන පක්ෂ, සිවිල් සංවිධාන ඇතුළු පාර්ශව කිහිපයකින් ඉදිරිපත් වූ ඉල්ලීම් සලකා බලා මෙම තීරණය ගත් බවත් පනත අධ්යනය කොට අවශ්ය නම් ශ්රේෂ්ඨාධිකරණයට යාමට සුදුසු ප්රමාණවත් කාලයක් ලබාදෙන බවයි අමාත්යවරයා සඳහන් කළේ.
අප්රේල් අවසන් සතියේ හෝ මැයි මුල සතියේ එය පාර්ලිමේන්තුවට ඉදිරිපත් කිරීමට අපේක්ෂා කරන බවයි අධිකරණ අමාත්යවරයා වැඩිදුරටත් සඳහන් කළේ.
ජනතාවගෙන් එල්ල වන විරෝධතා වැළැක්වීමේ අරමුණින් ප්රතිත්රස්ත පනත් කෙටුම්පත ගෙන ඒමට ආණ්ඩුව උත්සහා දරමින් සිටින බව සමගි ජන බලවේගය පවසනවා.
පාර්ලිමේන්තුවට ඉදිරිපත් කිරීමට නියමිත එම පනත් කෙටුම්පත සම්බන්ධයෙන් අද (03) පස්වරුවේ විපක්ෂ නායක කාර්යාලයේදී විශේෂ රැස්වීමක් පවත්වන බවයි එහි මහලේකම් පාර්ලිමේන්තු මන්ත්රී රංජිත් මද්දුමබණ්ඩාර සඳහන් කළේ.
එහිදී මන්ත්රීවරුන්ගේ අදහස් විමසීමෙන් අනතුරුව ගතයුතු ඉදිරි පියවර සම්බන්ධයෙන් තීරණයට පැමිණෙන බවයි මන්ත්රීවරයා වැඩිදුරටත් සඳහන් කළේ.
