දකුණු තුර්කිය ප්රදේශයේ සිදුවූ ප්රබල භූ කම්පනයෙන් මේ වනවිට පුද්ගලයින් 1,300 කට අධික පිරිසක් මියගොස් ඇති බව විදෙස් මාධ්ය වාර්තා කරනවා.
ඒ අනුව සිරියාවේ රජය විසින් පාලනය කරන ලද ප්රදේශවල අවම වශයෙන් පුද්ගලයින් 326 දෙනෙකු මියගොස් ඇති අතර තුර්කියේ අවම වශයෙන් පුද්ගලයින් 912 දෙනෙකු ද මිය ගිය බව තුර්කි ජනාධිපතිවරයා පවසනවා.
මේ වන විටත් සුන්බුන් අතර සිරවූ පිරිස් ගලවා ගැනීමේ මෙහෙයුම් ක්රියාත්මක අතර සිද්ධියෙන් තවත් විශාල පිරිසක් තුවාල ලබා ඇති බවයි සඳහන් වන්නේ.
එළඹෙන 08 වනදා පෞද්ගලික අංශයේ සිදුකරන ප්රතිකාර සේවාවලින් ඉවත්වීමට තීරණය කර ඇති බව වෛද්ය හරිත අලුත්ගේ පවසනවා.
ඒ අනුව පෞද්ගලික අංශයේ සිදුකරන එදිනෙදා සාමාන්ය සේවා 08 වනදා දිනය තුළ සිදු නොවන බවත් හදිසි ප්රතිකාර සේවා පමණක් සිදුකරන බවයි අද (06) පැවති මාධ්ය හමුවකට එක්වෙමින් ඔහු සඳහන් කළේ.
කෙසේ නමුත් හෙට (07) පැවැත්වෙන රජයේ වෛද්ය නිලධාරීන්ගේ සංගමයේ මධ්යම කාරක සභා රැස්වීමේදී මෙම වෘත්තීය ක්රියාමාර්ගය තවදුරටත් දැඩි කිරීම සම්බන්ධයෙන් තීරණයක් ගන්නා බවයි වෛද්ය හරිත අලුත්ගේ සඳහන් කළේ.
අසාධාරණ බදු සංශෝධනය සම්බන්ධයෙන් රජයේ පාර්ශවයෙන් තවමත් පිළිගත හැකි පිළිතුරක් ලැබී නොමැති බවයි වෛද්ය හරිත අලුත්ගේ වැඩිදුරටත් සඳහන් කළේ.
සමාජ මාධ්ය ක්රියාකාරිකයෙකු වන දර්ශන හඳුන්ගොඩට කොටුව මහේස්ත්රාත් අධිකරණය විසින් ඇප ලබා දී තිබෙනවා.
සමාජ මාධ්ය ක්රියාකාරී දර්ශන හඳුන්ගොඩ අද (06) පෙරවරුවේ කටුනායක බණ්ඩාරනායක ජාත්යන්තර ගුවන් තොටුපොළේ දී ආගමන විගමන නිලධාරීන් විසින් අත්අඩංගුවට ගෙන තිබුණා.
පසුව ඔහු අද කොළඹ කොටුව මහේස්ත්රාත් අධිකරණයට ඉදිරිපත් කිරීමෙන් අනතුරුව ඇප ලබාදීමට නියෝග කර ඇති බවයි සඳහන් වන්නේ.
ගෑස් මිල ඉහළ දැමුව ද ආපනශාලාවල ආහාර මිල ඉහළ දැමීමක් සිදු නොකිරීමට සමස්ත ලංකා ආපනශාලා හිමියන්ගේ සංගමය තීරණය කර තිබෙනවා.
ඒ අනුව එහි සභාපති අසේල සම්පත් සඳහන් කළේ, රුපියල් 334 කින් ගෑස් මිල වැඩි වුවද ආපනශාලා පද්ධතිය තුළ ආහාරපාන කිසිවක මිල ගණන් ඉහළ දැමීමට කටයුතු නොකරන බවයි.
කෙසේ නමුත්, විදුලි බිල වැඩිවීමක් සිදුවුවහොත් ආහාර පානවල මිල ගණන් ඉහළ දැමීමට සිදුවන බවයි ඔහු වැඩිදුරටත් සඳහන් කළේ.
දකුණු තුර්කිය ප්රදේශයේ රිච්ටර් මාපකයේ 7.8 ක ප්රබල භූ කම්පනයක් සිදුව ඇති බව විදෙස් මාධ්ය වාර්තා කරනවා.
Gaziantep පළාතේ ආණ්ඩුකාර Davut Gul Twitter පණිවිඩයක් නිකුත් කරමින් සඳහන් කළේ, භූ කම්පනය සිය නගරයට තදින්ම දැනුණු බවයි.
භූකම්පනය හේතුවෙන් ගොඩනැගිලි කිහිපයක් කඩා වැටී ඇති අතර තවත් පිරිසක් සිරවී සිටින බවයි විදෙස් මාධ්ය වැඩිදුරටත් සඳහන් කරන්නේ.
වී වගාවට අවශ්ය පෝෂක නිසි පරිදි නොලැබීම නිසා ගොයම් ගස් කහ පැහැගැන්වීමේ රෝගය මතුව ඇතැයි ක්ෂේත්ර පරීක්ෂාවේදී අනාවරණ වූ බව කෘෂිකර්ම දෙපාර්තමේන්තුව පවසනවා.
ගොයම් ගස් කහ පැහැ වන නෙමටෝඩා හෙවත් මූල ගැටිති වටපණු රෝගය පසුගිය කාලය පුරාම බොහෝ ප්රදේශවලින් වාර්තා වූ අතර සිදුකළ පරීක්ෂණවලින් අනතුරුව අනාවරණය වී ඇත්තේ, වී වගාවට අවශ්ය පෝෂක නිසි පරිදි නොලැබීම නිසා මෙම තත්ත්වය මතුව ඇති බවයි.
කෙසේ නමුත් මෙම තත්ත්වය හේතුවෙන් මෙම වසරේ හාල් හිඟයක් ඇති නොවන බවයි කෘෂිකර්ම දෙපාර්තමේන්තුවේ අධ්යක්ෂ ජනරාල්, පී. මාලතී සඳහන් කළේ.
සමාජ මාධ්ය ක්රියාකාරිකයෙකු වන දර්ශන හඳුන්ගොඩ කටුනායක ගුවන් තොටුපළේදී අත්අඩංගුවට ගෙන තිබෙනවා.
ඩුබායි සිට මෙරටට පැමිණෙමින් සිටියදී අපරාධ පරීක්ෂණ දෙපාර්තමේන්තුව විසින් ඔහුව අත්අඩංගුවට ගෙන ඇති බවයි වාර්තා වන්නේ.
මහජන උපයෝගිතා කොමිසමේ සාමාජිකයෙකු ලෙස ඩග්ලස් එන්. නානායක්කාර පත්කර තිබෙනවා.
එම කොමිෂන් සභාවේ සාමාජිකයින් ලෙස කටයුතු කළ මොහාන් සමරනායක සහ බී.කේ.යූ.ඒ. වික්රමසිංහ පසුගියදා එම තනතුරුවලින් ඉල්ලා අස්වීමට කටයුතු කර තිබුණා.
ඒ අනුව ඔවුන්ගේ ඉල්ලා අස්වීමෙන් පසු පුරප්පාඩු වූ තනතුරු වලින් එක් පුරප්පාඩුවක් සඳහා රාජ්ය පරිපාලන සේවයේ නිලධාරියෙක් වන ඩග්ලස් එන්. නානායක්කාර මුදල් අමාත්යාංශය විසින් පත් කර ඇති බවයි සඳහන් වන්නේ.
නවම් පුර පසළොස්වක පොහොය අද (05) ට යෙදී තිබෙනවා.
බුදුරජාණන් වහන්සේ රජගහ නුවර වේළුවනාරාමයේ දී සැරියුත් මුගලන් දෙනමට අග්රශ්රාවක තනතුරු පිරිනැමීම, තථාගතයන් වහන්සේ විසින් මහා සංඝයාට ඕවාද ප්රාතිමෝක්ෂය දේශනා කිරීම, බුදුන් වහන්සේ පිරිනිවනට මාස තුනකට ප්රථම ආයු සංස්කාරය අත්හැරීම ආදී කරුණු රැසක් නවම් පුර පසලොස්වක පොහොය දිනයේ සිදුවී ඇති බවයි ශාසන ඉතිහාසයේ දැක්වෙන්නේ.
ලොව්තුරා සම්මා සම්බුදු රජාණන් වහන්සේ සියලු භික්ෂූ වහන්සේලා රජගහ නුවර වේළුවනාරාමයට එක්රැස් කර පළමු වරට සංඝ සම්මේලනයක් පවත්වන ලද්දේ අද වැනි නවම් පොහොය දිනයක බවයි සඳහන් වන්නේ.
75 වන නිදහස් දින සැමරුමට විරෝධය පළ කරමින් අද (04) දිවයින පුරා ස්ථාන රැසක මහජන විරෝධතා පැවැත්වුණා.
අන්තර් විශ්වවිද්යාල ශිෂ්ය බලමණ්ඩලය විසින් ජ’පුර විශ්වවිද්යාල අසළින් විරෝධතා පාගමනක් සංවිධානය කර තිබූ අතර එහිදී ත්රස්තවාදය වැළැක්විමේ පනත අහෝසි කිරීම සහ ජීවන වියදම පහළ දමන ලෙස බල කරමින් එම විරෝධතාවය පැවැත්වුණා.
අන්තරේ විරෝධතා පාගමන වැළැක්වීම සඳහා පොලීසිය, කැරලි මර්දන අංශ සහ හමුදාව යොදවා තිබූ අතර පසුව විරෝධතාකරුවන් විසින් ජ’පුර විශ්වවිද්යාල ඉදිරිපිට සිය විරෝධතාවය පැවැත්වීමට කටයුතු කර තිබුණා.
‘නව නිදහස් අරගලයක්’ යන තේමාව යටතේ අලුත් පියාපත් සංවිධානය විසින් බත්තරමුල්ල දියත උයන පරිශ්රය ආසන්නයේ විරෝධතාවයක් සංවිධානය කර තිබූ අතර මරදාන ප්රදේශයේ දී කතෝලික පියතුමන්ලා ඇතුළු පිරිසක් විසින් තවත් විරෝධතාවයක් සංවිධානය කර තිබුණා.
පාර්ලිමේන්තු මන්ත්රීවරුන් වන ශානක්යයන් රාසමානික්කම්ගේ සහ එම්.ඒ සුමන්තිරන්ගේ ප්රධානත්වයෙන් මඩකලපුව, කල්ලඩි පාලම අසළ දී නිදහස් දින සැමරුම් උළෙලට විරෝධය පළ කරමින් විරෝධතාවයක් සංවිධානය කර තිබුණා.
‘නිදහස තව කළු දිනයක්’ යන තේමාව යටතේ යාපනය විශ්වවිද්යාල සිසුන් විසින්ද විරෝධතා පාගමනක් සංවිධානය කර තිබූ අතර එයට සහයෝගය පළ කරමින් යාපනයේ වෙළෙඳසැල් වසා දමමින් හර්තාල් ව්යාපාරයක් ද පවත්වා තිබුණා.
