රජයේ අසාධාරණ බදු ප්රතිපත්තියට එරෙහිව රජයේ විධායක නිලධාරීන්ගේ ඒකාබද්ධ කමිටුවේ විරෝධතාවක් මේ වන විට පැවැත්වෙනවා.
මේ හේතුවෙන් කොළඹ කොටුවේ ලෝටස් මාර්ගය වාහන ගමනාගමනය සඳහා සීමා කර ඇති බවයි සඳහන් වන්නේ.
Category: news_sub
පොල්දූව මංසන්ධියේදී පොලීසිය හා භික්ෂූන් වහන්සේලා අතර උණුසුම් තත්ත්වයක්
13 වන ආණ්ඩුක්රම ව්යවස්ථා සංශෝධනය සම්පූර්ණයෙන් ක්රියාත්මක කිරීමට ගත් තීරණයට එරෙහිව මහා සංඝරත්නය විරෝධතා පා ගමනක් ආරම්භ කර තිබෙනවා. මෙම සමුළුව සඳහා 5,000 කට ආසන්න ස්වාමීන් වහන්සේලා පිරිසක් කොළඹ දියත උයන ඉදිරිපිට ඇති සිරි පැරකුම්බා පිරිවෙනට වැඩම කරන බවයි ත්රෛනිකායික භික්ෂු එකමුතුවේ කැඳවුම්කරු පූජ්ය පාහියන්ගල ආනන්ද සාගර හිමියන් සඳහන් කළේ. විරෝධතා පාගමන පාර්ලිමේන්තු පාරේ පොල්දූව මංසන්ධියට පැමිණි අවස්ථාවේදී භික්ෂූන් වහන්සේ ඇතුළු පිරිසට ඉදිරියට යාමට පොලිසිය විසින් බාධා කළ අතර එහිදී උණුසුම් තත්ත්වයක් ඇතිවී තිබෙන බවයි වාර්තා වන්නේ.
13 ට විරෝධය පා භික්ෂූන් වහන්සේ 5,000 ක් අද කොළඹට
13 වන ආණ්ඩුක්රම ව්යවස්ථා සංශෝධනයට විරෝධය පළ කරමින් සඟ සමුළුවක් පැවැත්වෙන බව ත්රෛනිකායික භික්ෂු එකමුතුවේ කැඳවුම්කරු පූජ්ය පාහියන්ගල ආනන්ද සාගර හිමියන් පවසනවා.
මෙම සමුළුව සඳහා 5,000 කට ආසන්න ස්වාමීන් වහන්සේලා පිරිසක් කොළඹ දියත උයන ඉදිරිපිට ඇති සිරි පැරකුම්බා පිරිවෙනට වැඩම කරන බවයි උන්වහන්සේ සඳහන් කළේ.
බෙදුම්වාදී රේඛාවකින් වෙන් කරන 13 වන ආණ්ඩුක්රම ව්යවස්ථා සංශෝධනය අහෝසි කරන ලෙස මෙහිදී ආණ්ඩුවට බල කර සිටින බවයි පූජ්ය පාහියන්ගල ආනන්ද සාගර හිමියන් වැඩිදුරටත් සඳහන් කළේ.
තුර්කියේ භූ කම්පනයෙන් මියගිය සංඛ්යාව 7,800 ඉක්මවයි
තුර්කියට සහ සිරියාවට බලපෑ විනාශකාරී භූමිකම්පාවෙන් මියගිය සංඛ්යාව 7,800 ඉක්මවා ඇති බව විදෙස් මාධ්ය වාර්තා කරනවා.
සුන්බුන් අතර සිරවූ පිරිස් සොයා තවදුරටත් මුදා ගැනීමේ මෙහෙයුම් ක්රියාත්මක බවයි සඳහන් වන්නේ.
රිච්ටර් මාපකයේ 7.8 ක ප්රබලත්වයක් පෙන්වූ මෙම භූ කම්පනය පසුගිය 06 වැනිදා එරට වේලාවෙන් අලුයම 4.00 ට පමණ සිදුව තිබූ අතර භූ කම්පනය සිදුවූ ප්රදේශය තුර්කි-සිරියා දේශසීමාවේ පිහිටා තිබෙනවා.
විදුලිබල මණ්ඩලයට එරෙහි මානව හිමිකම් කොමිසමේ පැමිණිල්ල කැඳවයි
ශ්රී ලංකා මානව හිමිකම් කොමිසමට අපහාස කළේ යැයි එම කොමිසම විසින් ලංකා විදුලිබල මණ්ඩලය ඇතුළු පාර්ශ්ව කිහිපයකට එරෙහිව ඉදිරිපත් කර තිබෙන පැමිණිල්ල අද (07) සලකා බලා තිබෙනවා.
ඒ අනුව එය විභාග කිරීම සඳහා නොතීසි නිකුත් කරන්නේද? නැද්ද? යන තීරණය ප්රකාශ කිරීම පසුවට කල් තැබීමට ත්රිපුද්ගල විනිසුරු මඬුල්ල තීරණය කර තිබෙනවා.
අ.පො.ස. උසස් පෙළ විභාගය පැවැත්වෙන සමයේ විදුලිය කප්පාදු නොකරන ලෙස ශ්රී ලංකා මානව හිමිකම් කොමිසම විසින් නිකුත් කළ විධානයක් උල්ලංඝනය කිරීම තුළින් අපහාසයක් සිදු කළේ යැයි චෝදනා කරමින් එම කොමිසම විසින් මෙම පැමිණිල්ල ඉදිරිපත් කර තිබෙනවා.
වසන්ත මුදලිගේගෙන් පොලිස් මූලස්ථානයට පැමිණිල්ලක්
බොරු සාක්ෂි නිර්මාණය කරමින් තමන්ව අත්අඩංගුවට ගත්තේ යැයි පවසමින් වසන්ත මුදලිගේ පොලිස් මූලස්ථානයට විරුද්ධව පැමිණිල්ලක් ඉදිරිපත් කර තිබෙනවා.
ඒ අනුව නිශ්චිත නිලධාරීන් පිරිසකට එරෙහිව මෙම පැමිණිල්ල ඉදිරිපත් කළ බවත්, මේ සම්බන්ධයෙන් නීතිපති දෙපාර්තමේන්තුවේ ක්රියාකලාපය සම්බන්ධයෙන් අවධානයෙන් පසුවන බවයි ඔහු සඳහන් කළේ.
හෙට වෛද්යවරුන් සංකේත වැඩ වර්ජනයක
හෙට (08) උදෑසන 8.00 සිට පැය 24ක සංකේත වැඩ වර්ජනයක් දියත් කිරීමට සැලසුම් කර ඇති බව රජයේ වෛද්ය නිලධාරීන්ගේ සංගමය පවසනවා.
ඒ අනුව රජයේ නව බදු ප්රතිපත්තියට එරෙහිව සහ රට තුළ පවතින ඖෂධ හිඟයට රජය නිසි ප්රතිචාර නොදැක්වීමට විරෝධය පළකරමින් මෙම සංකේත වැඩවර්ජනය ක්රියාත්මක කරන බවයි එම සංගමයේ මාධ්ය ලේකම් වෛද්ය චමිල් වීරසිංහ සඳහන් කළේ.
වර්ජන කාලසීමාව තුළදී හදිසි ප්රතිකාර සේවා සීමා කිරීමක් සිදු නොකරන අතර හදිසි සේවාවන් අඛණ්ඩව පවත්වා ගැනීමට අවශ්ය සියලු පියවර ගෙන ඇති බවයි රජයේ වෛද්ය නිලධාරීන්ගේ සංගමය වැඩිදුරටත් සඳහන් කළේ.
තුර්කියේ වෙසෙන ශ්රී ලාංකිකයින් ගැන හැකි ඉක්මනින් දැනුම්දෙන්න – තුර්කි තානාපතිනිය
දැනට තුර්කියේ වෙසෙන ශ්රී ලාංකිකයින් පිළිබඳ කිසියම් තොරතුරක් වෙතොත් දැනුම් දෙන ලෙස තුර්කියේ ශ්රී ලංකා තානාපතිනි හසන්ති දිසානායක ජනතාවගෙන් ඉල්ලා සිටිනවා .
ඒ අනුව ඔවුන් සොයා ගැනීම පහසු කිරීම සඳහා ශ්රී ලංකාවේ විදේශ අමාත්යංශයේ කන්සියුලර් අංශයට හෝ තානාපති කාර්යාලයට දැනුම් දෙන ලෙසයි ඇය වැඩිදුරටත් ඉල්ලා සිටින්නේ.
මේ අතර ශ්රී ලාංකිකයින් පිළිබඳ තොරතුරු වෙතොත් දැනුම්දීමට සහ ශ්රී ලාංකිකයින් පිළිබඳ විමසීම සඳහා පහත දුරකථන අංක හරහා තුර්කි තානාපති කාර්යාලය හා සම්බන්ධ කර ගැනීමේ හැකියාව පවතිනවා.
අදාළ දුරකථන අංක පහතින්,
* 00903124271032
* 00905344569498
තුර්කියේ භූ කම්පනයෙන් මියගිය සංඛ්යාව 3,800 ඉක්මවයි
දකුණු තුර්කිය ප්රදේශයේ සිදුවූ ප්රබල භූ කම්පනයෙන් මේ වනවිට පුද්ගලයින් 3,800 කට අධික සංඛ්යාවක් මියගොස් ඇති බව විදෙස් මාධ්ය වාර්තා කරනවා.
තුර්කියේ අවම වශයෙන් පුද්ගලයින් 2,379 ක් මිය ගොස් ඇති අතර තවත් විශාල පිරිසක් තුවාල ලබා ඇති බවයි තුර්කි ආපදා සහ හදිසි කළමනාකරණ ඒජන්සිය සඳහන් කළේ.
අසල්වැසි සිරියාවේ අවම වශයෙන් පුද්ගලයින් 1,136 දෙනෙකු මියගොස් ඇති අතර තවත් විශාල පිරිසක් තුවාල ලබා ඇත. මේ වන විටත් සුන්බුන් අතර සිරවූ පිරිස් ගලවා ගැනීමේ මෙහෙයුම් ක්රියාත්මකයි.
රිච්ටර් මාපකයේ 7.8 ක ප්රබලත්වයක් පෙන්වූ මෙම භූ කම්පනය එරට වේලාවෙන් ඊයේ (6) අලුයම 4.00 ට පමණ සිදුව තිබූ අතර භූ කම්පනය සිදුවූ ප්රදේශය තුර්කි-සිරියා දේශසීමාවේ පිහිටා තිබෙනවා.
භූ කම්පනය සිදු වූ ප්රදේශවල ශ්රී ලාංකිකයින් 9 දෙනෙක් සිට තිබෙනවා – තුර්කියේ ශ්රී ලංකා තානාපති
භූ කම්පනය සිදු වූ ප්රදේශවල ශ්රී ලාංකිකයින් 9 දෙනෙක් සිට ඇති බව තුර්කියේ ශ්රී ලංකා තානාපතිනී හසන්ති උරුගොඩවත්ත පවසනවා.
ඔවුන් අතරින් 8 දෙනෙකු මේ වන විට සම්බන්ධ කර ගැනීමට හැකියාව ලැබුණු බවයි මාධ්ය වෙත ප්රකාශයක් සිදු කරමින් ඇය සඳහන් කළේ.
කෙසේ නමුත් එක් අයෙකු කඩා වැටීමට ලක්වූ ගොඩනැගිල්ලේ සිටියේ යැයි සලකනු ලබන බවත් සිදුවීම වන අවස්ථාවේ ඔහු එහි සිට නොමැති බවට සැක පළකරන බවත් තවදුරටත් ඔහු සම්බන්ධයෙන් තොරතුරු සොයමින් පවතින බවයි තුර්කියේ ශ්රී ලංකා තානාපතිනී හසන්ති උරුගොඩවත්ත වැඩිදුරටත් සඳහන් කළේ.