ජාත්යන්තර මූල්ය අරමුදල විසින් රජයට යෝජනා කර ඇති ආර්ථික ප්රතිසංස්කරණ ක්රියාත්මක කරන ලෙස රජයට බලකරමින් අද (04) මහනුවරදී විරෝධතාවයක් පවත්වා තිබෙනවා.
ජාතික හරිත පෙරමුණ විසින් සංවිධානය කර තිබූ මෙම විරෝධතාවය සඳහා එහි නායක වෛද්ය පැතුම් කර්නර් ඇතුළු පිරිසක් සහභාගී වී අති බවයි වාර්තා වන්නේ.
2023 තෙවැනි පාසල් වාරයේ පළමු අදියර දෙසැම්බර් 22 වැනිදායින් අවසන් වී දෙවන අදියර පෙබරවාරි 02 වනදා ආරම්භ බව අධ්යාපන අමාත්ය සුසිල් ප්රේමජයන්ත මහතා පවසනවා.
තෙවැනි පාසල් වාරය පසුගිය නොවැම්බර් 01 වැනිදා ආරම්භ වූ අතර, උසස් පෙළ විභාගය 2024 ජනවාරි 04 වැනි දින සිට පැවැත්වීමට නියමිත වීම හේතුවෙන් මෙලෙස තෙවන වාරය අදියර දෙකක් යටතේ පැවැත්වෙනවා.
ආණ්ඩුව ගෙන එන “කට වහන නීති” වලට එරෙහිව ලබන සඳුදා (06) වෘත්තීය සමිති, බහුජන සංවිධාන, නීතිඥයින් සහ සියලු ප්රජාව ඒකාබද්ධව විරෝධතා සම්මන්ත්රණයක් පවත්වන බව ලංකා ගුරු සංගමයේ ප්රධාන ලේකම් ජෝසප් ස්ටාලින් පවසනවා.
රනිල් වික්රමසිංහ ආණ්ඩුවට කිසි ලෙසකින් මේ රටේ ජනතාවගේ ප්රශ්න විසඳීමට නොහැකි බවද විදුලිය, ඉන්ධන හා ජීවන වියදම ඉහළ ගොස් ඇති පසුබිමක, ජනතාව පාරට බැසීම වැළැක්වීම සඳහා මෙම පනත් ගෙන එන බවද ඔහු පෙන්වා දෙනවා.
ප්රතිත්රස්ථ පනත සහ මාර්ගගත ක්රමවේදවල සුරක්ෂිතතාව පිළිබඳ පනත ලස්සන වචන යොදා ගෙන ඒමට යන්නේ, රටේ ජනතාවගේ අදහස් ප්රකාශ කිරීම පාලනය කිරීමට බවද, එයට ඉඩ නොතියන බවද ඔහු අවධාරණය කරනවා.
පාරට බැස ගෝඨාභය රාජපක්ෂ එළ වූ ජනතාව, මෙම කට වහන නීති වලට එරෙහිව පාරට බැසීමට සූදානම් බවද, මෙම පනත් ඉල්ලා අස්කර ගන්නා තුරු මෙම විරෝධතාවය ඒකාබද්ධව ගෙනයන බවද, ජයග්රහණය නොකර ආපසු නොහැරෙන බවද ඔහු වැඩිදුරටත් අවධාරණය කරනවා.
නේපාලයේ ඇතිවූ මැග්නිටියුඩ් ඒකක 5.6ක භූ කම්පනයකින් පුද්ගලයින් 69 දෙනෙකු මියගොස් ඇති බව විදෙස් මාධ්ය වාර්තා කරනවා.
වයඹදිග නේපාලයේ කඳු සහිත ප්රදේශයක ඊයේ මධ්යම රාත්රියේ හටගෙන ඇති මෙම භූ කම්පනයේ ප්රභලත්වය එහි අපිකේන්ද්රයේ සිට කිලෝ මීටර 500ක පමණ දුරින් පිහිටි ඉන්දියාවේ නව දිල්ලි අගනුවරටද දැනී ඇති බවයි වාර්තා වෙන්නේ.
ශ්රී ලංකා ක්රිකට් කණ්ඩායමේ පරාජය සම්බන්ධයෙන් වගකීම ශ්රී ලංකා ක්රිකට් ආයතනය සහ ක්රිකට් තේරීම් කමිටුව බාරගත යුතු බව ක්රීඩා අමාත්ය රොෂාන් රණසිංහ පවසනවා.
ඒ අනුව මෙම පරාජයන්හි වගකීම කිසිදු ක්රීඩකයෙකුට හට පැවරිය නොහැකි බවත්, එහි වගකීම වසර 04 ක් පුරා තේරීම් කටයුතු සිදු කළ තේරීම් කමිටුවත්, අවිධිමත් ක්රිකට් පරිපාලනයක යෙදෙන ක්රිකට් විධායක කමිටුවත් භාර ගත යුතුව බවයි නිවේදනයක් නිකුත් කරමින් අමාත්යවරයා පෙන්වා දෙන්නේ.
ක්රීඩකයින්ගේ දක්ෂතාවන් මත අප රටට ලැබෙන මුදල් ශ්රී ලංකා ක්රිකට් විධායක කමිටුව විසින් දිගින් දිගටම අවභාවිතය සිදු කරනුයේ ක්රීඩකයින්ට අවශ්ය මූලික පහසුකම්වත් ලබා නොදෙමින් බවයි අමාත්යවරයා පවසන්නේ.
විශේෂයෙන්ම අනෙකුත් සෑම රටක්ම පාහේ ක්රිකට් ක්රීඩාව සඳහා අති නවීන තාක්ෂණික හා විද්යාත්මක ක්රම හා මෙවලම් භාවිතා කළ ද, අප රටෙහි එය සිදු නොවීම මත ක්රීඩකයන් දිගින් දිගටම ආබාධයන්ට ලක්වීම හේතුවක් ලෙස අමාත්යවරයා පෙන්වා දෙන්නේ.
ශ්රී ලංකා ක්රිකට් විධායක කමිටුව තම පුද්ගලික අභිලාෂයන් මත ගත් තීරණ ලෝක කුසලාන තරගාවලිය මෙලෙස පරාජය වීමට හේතු වූ බවත් LPL තරගාවලිය අතරතුර ආබාධයට ලක්වන ලංකාවේ ප්රධානතම දග පන්දු යවන්නා වන වනිදු හසරංගට ලෝක කුසලාන තරගාවලියම අහිමිවූ බවද අමාත්යවරයා සිය නිවේදනය මඟින් සඳහන් කර තිබෙනවා.
වර්තමාන ශ්රී ලංකා ක්රිකට් විධායක කමිටුවේ හා තේරීම් කමිටුවේ හැසිරීම අනුව 2040 දී හෝ ලෝක කුසලානයක් ජයග්රහණය කිරීමට නොහැකි තරමේ දුර්දාන්ත තත්ත්වයක සිටින බවත් සුදුස්සාට සුදුසු තැන දී ක්රිකට් පරිපාලනයේ ඉවත් නොවී බහිරවයන් සේ නොසිට දැඩි ක්රියාමාර්ග ගැනීමට ඉඩ නොතබා වගකිවයුත්තන් ඉල්ලා අස්විය යුතු බවයි අමාත්යවරයා වැඩිදුරටත් සඳහන් කරන්නේ.
පොලිස්පති සී.ඩී. වික්රමරත්න හට යළිත් සේවා දිගුවක් ලබා දී තිබෙනවා.
සති 03 ක කාලයක් සඳහා පොලිස්පතිවරයාට මෙලෙස සේවා දිගුවක් ලබා දී ඇති බවයි පොලිස් මාධ්ය ප්රකාශක නිහාල් තල්දූව සඳහන් කළේ.
රජයේ වෛද්ය නිලධාරීන්ගේ සංගමය පළාත් මට්ටමෙන් දියත් කර ඇති වැඩ වර්ජන මාලාව තාවකාලිකව අත්හිටුවීමට තීරණය කර තිබෙනවා.
රජය පාර්ශ්වයෙන් සුබවාදී ප්රතිචාරයක් ලැබීම හේතුවෙන් මෙම පියවර ගත් බව රජයේ වෛද්ය නිලධාරීන්ගේ සංගමයේ ලේකම් හරිත අලුත්ගේ සඳහන් කළා.
ඉල්ලීම් කිහිපයක් මුල් කරගනිමින් රජයේ වෛද්ය නිලධාරීන්ගේ සංගමය පළාත් මට්ටමින් මෙම වැඩ වර්ජන මාලාව ආරම්භ කර තිබුණා.
ONMAX DT ආයතනයේ අධ්යක්ෂවරුන් 05 දෙනෙකු මූල්ය අපරාධ විමර්ශන කොට්ඨාස විසින් අත්අඩංගුවට ගෙන තිබෙනවා.
පිරමීඩ මුදල් ගනුදෙනු සම්බන්ධයෙන් සිදුකෙරෙන විමර්ශනයකට අදාළව ඔවුන්ව අත්අඩංගුවට ගෙන ඇති බවයි සඳහන් වන්නේ.
ඒ අනුව ඔවුන්ව අද (03) අධිකරණයට ඉදිරිපත් කිරීමට නියමිත බවයි වැඩිදුරටත් සඳහන් වන්නේ.
ජාත්යන්තර දේශගුණික විපර්යාස විශ්ව විද්යාලය පිහිටුවීම සඳහා කොත්මලේ ජලාශයට ඉහළින් අක්කර 600ක භූමිභාගයක් මේ වන විටත් වෙන් කර තිබෙන බව ජනාධිපති රනිල් වික්රමසිංහ පවසනවා.
ශ්රී ලංකාව දේශගුණික විපර්යාසයන්ට එරෙහිව සටන් කිරීමට සහ හරිත ආර්ථිකයකට මාරුවීම සඳහා සැලකිය යුතු පියවර ගනිමින් සිටින බව පළවැනි ජාත්යන්තර දේශගුණික විපර්යාස සමුළුවේ සමාරම්භක අවස්ථාව අමතමින් ජනාධිපතිවරයා සඳහන් කළා.
තමන් පසුගිය වසරේ දී දේශගුණික සෞභාග්ය සැලැස්ම ඉදිරිපත් කළ බවත් මෙම වසරේ COP 28 හිදී ශුද්ධ ශුන්ය විමෝචන සැලැස්ම ඉදිරිපත් කරන බවයි ජනාධිපතිවරයා වැඩිදුරටත් සඳහන් කළේ.
මේ සම්බන්ධයෙන් නිකුත් කළ නිවේදනය පහතින්.
