ප්රබල අකුණු පිළිබඳව අවවාදාත්මක නිවේදනයක් කාලගුණ විද්යා දෙපාර්තමේන්තුව විසින් නිකුත් කර තිබෙනවා.
ඒ අනුව බස්නාහිර, මධ්යම, සබරගමුව, උතුරු මැද, වයඹ, ඌව සහ දකුණු පළාත්වලත් මුලතිව් සහ මන්නාරම් දිස්ත්රික්කවලත් සවස් කාලයේ දී හෝ රාත්රී කාලයේ දී තැනින් තැන ගිගුරුම් සහිත වැසි සමග ප්රබල අකුණු ඇතිවිය හැකි බවයි එම දෙපාර්තමේන්තුව සඳහන් කළේ.
අකුණු මඟින් සිදුවන අනතුරු අවම කරගැනීමට අවශ්ය පියවර ගන්නා ලෙසයි කාලගුණ විද්යා දෙපාර්තමේන්තුව ජනතාවගෙන් ඉල්ලා සිටින්නේ.
ක්රිකට් ක්රීඩාව ගොඩගැනීමට තමාට ලබාදිය හැකි උපරිම සහයෝගය ලබාදෙන බව ක්රිකට් අතුරු කමිටුවේ සභාපති අර්ජුන රණතුංග පවසනවා.
තමාගේ අවධානය යොමුව ඇත්තේ ක්රිකට් ක්රීඩාවට බවත් පරිපාලනය පිළිබඳ අනෙක් සාමාජිකයින් විසින් කටයුතු කරනු ඇති බවයි මාධ්ය වෙත අදහස් දක්වමින් සභාපතිවරයා සඳහන් කළේ.
ක්රිකට් ක්රීඩාවට නව සන්නාමයක් හඳුන්වා දීම තම අභිප්රාය වන බවත් රටට ආදරය කරන ක්රීඩකයින් පිරිසක් සාදා ගැනීම තම මුලික කටයුත්ත බවද ඔහු සඳහන් කළා.
ඉතා ඉක්මනින්ම නැවත වරක් ජයග්රහණ ලබාගැනීමට හැකි තත්ත්වයට ක්රිකට් ක්රීඩාව පත් කළ යුතුව ඇති බව ක්රීඩා අමාත්ය රොෂාන් රණසිංහ පවසනවා.
අතුරු කමිටුව පත්කිරීම තුළින් සිදුව ඇති වංචා දුෂණ පිළිබඳව සොයාබැලීම සහ ක්රීඩාව ස්ථාවර කර නැවතත් ක්රිකට් ජයග්රහණ කරා ඉක්මනින් අවතීර්ණ වීම මුලික අරමුණ බවයි මාධ්ය වෙත අදහස් දක්වමින් අමාත්යවරයා සඳහන් කළේ.
පරිපාලනය, ක්රිකට් සංවර්ධනය, නීතිය යන අංශ සඳහා අනු කමිටු පත්කර ඉදිරි කටයුතු සිදු කිරීමට සභාපතිවරයාට උපදෙස් ලබාදුන් බවද අමාත්යවරයා සඳහන් කළා.
සුදුසුම පුද්ගලයාව අතුරු කමිටුවේ සභාපති ලෙස පත්කර ඇති බවත්, ඔහුද වැඩ භාර ගැනීමට එකඟතාව පළකර ඇති බවයි ක්රීඩා අමාත්ය රොෂාන් රණසිංහ වැඩිදුරටත් සඳහන් කළේ.
Verite Research සමීක්ෂණ ආයතනය සිදුකරන ‘රට හිතන හැටි’ දීප ව්යාප්ත ජනමත විමසුම් සමීක්ෂණයේ නවතම වටයේ ප්රතිඵල ඔවුන් නිකුත් කර තිබෙනවා.
ඒ අනුව 2023 ජුනි මාසයේ දී 21% ක්ව තිබූ ආණ්ඩුව පිළිබඳ ජනතා අනුමැතිය, 2023 ඔක්තෝබර් මාසයේදී 9%ක් දක්වා පහත වැටී ඇති බවයි අදාළ සමීක්ෂණය මඟින් පෙන්වා දෙන්නේ.
රටේ වැඩකටයුතු සිදුවෙමින් පවතින ආකාරය ගැන ජුනි මාසයේ දී 12% ක්ව පැවති ජනතා තෘප්තිය ද, ඔක්තෝබර් මාසයේ 6% ක් දක්වා පහත වැටී ඇති බව එයින් පෙන්වා දෙනවා.
ජනතාවට රටේ ආර්ථිකය ගැන පවතින විශ්වාසය ජුනි මාසයේ සෘණ (-) 44 ක්ව පැවති අතර එය ඔක්තෝබර් මාසය වන විට සෘණ (-) 62 දක්වා පහත වැටී ඇති බවයි සමීක්ෂණ වාර්තාවේ වැඩිදුරටත් සඳහන් වන්නේ.
VAT බද්ද 3% කින් වැඩි කිරීමට හා විදුලි බිල 18% කින් වැඩිකිරීමට මෙරට ජනතාවට මුහුණදීමට සිදු වී ඇති බවත් ඊට හේතුව IMF විනාශය බවත් ප්රජාතන්ත්රවාදී වාමාංශික පෙරමුණේ නායක වාසුදේව නානායක්කාර පවසනවා.
IMF විනාශයට විරුද්ධව සියලු බලවේග එකතු විය යුතු බවද, ඒ සඳහා සියලු බලවේග එකතු කිරීමේ හැකියාව ඇත්තේ ජනතා විමුක්ති පෙරමුණට බවද ඔහු පෙන්වා දෙනවා.
ජනතා විමුක්ති පෙරමුණ එය සිදු කළ යුතු බවද, ඒ සඳහා දේශපාලනිකව හා පාර්ලිමේන්තුව තුළින් ක්රියාත්මක වීම සඳහා සියලු දෙනාගේ ශක්තිය එකතු කළ යුතු බවයි ඔහු වැඩිදුරටත් පෙන්වා දෙන්නේ.
මෙවර මහ කන්නයේ ගොවීන්ට පොහොර මිලදී ගැනීමට අවශ්ය මුදල් අද (06) සිට ඔවුන්ගේ ගිණුම් වෙත ලබා දෙන බව කෘෂිකර්ම අමාත්යංශය පවසනවා.
ඒ අනුව ඒ සඳහා අවශ්ය රුපියල් මිලියන 1000 ක මුදලක් පළමු කොටස ලෙස මුදල් අමාත්යංශය විසින් කෘෂිකර්ම අමාත්යංශයට ලබාදී ඇති බවයි සඳහන් වන්නේ.
මෙම ලබාදෙන මුදල් මඟින් පෞද්ගලික අංශයෙන් හෝ රාජ්ය අංශයෙන් තමාගේ අභිමතය පරිදි පොහොර මිලදී ගත හැකි බවයි කෘෂිකර්ම අමාත්යංශය වැඩිදුරටත් සඳහන් කළේ.
විහාරමහාදේවි උද්යානයේ පරිපාලනය කොළඹ මහ නගර සභාවට පවරන ලෙස නාගරික සංවර්ධන අධිකාරියට උපදෙස් දී තිබෙනවා.
ඒ අනුව නාගරික සංවර්ධන හා නිවාස අමාත්ය ප්රසන්න රණතුංග විසින් මෙම උපදෙස් ලබා දී ඇති බවයි සඳහන් වන්නේ.
ඉදිරි සතිය තුළ රාජ්ය ආයතන කිහිපයක් පොදු ව්යාපාර පිළිබඳ කාරක සභාව හෙවත් කෝප් කමිටුව හමුවට කැඳවීමට තීරණය කර තිබෙනවා.
ඒ අනුව, අනිද්දා (07) දිනයේ ලංකා ඛනිජ තෙල් නීතිගත සංස්ථාව කෝප් කමිටුව හමුවට කැඳවා ඇති අතර ලබන බදාදා දිනයේ ශ්රී ලංකා ප්රමිති ආයතනය කෝප් කමිටුව හමුවට කැඳවා ඇති බවයි සඳහන් වන්නේ.
බ්රහස්පතින්දා දිනයේ සබරගමුව විශ්වවිද්යාලය කෝප් කමිටුව හමුවට කැඳවා ඇති බවයි වැඩිදුරටත් සඳහන් වන්නේ.
නීතිවිරෝධී ලෙස මෙරටින් රැගෙන යාමට උත්සාහ කල බවට සැකකෙරෙන රත්රන් කිලෝග්රෑම් 02 කට අධික තොගයක් සමග සැකකරුවන් පිරිසක් නාවික හමුදා භාරයට ගෙන තිබෙනවා.
මන්නාරම් මුහුදේදී මෙම වැටලීම සිදුකර තිබෙන අතර සැකකරුවන් 05 දෙනෙකු එහිදී නාවික හමුදා භාරයට ගෙන ඇති බවයි සඳහන් වන්නේ.
එහිදී ඩිංගි යාත්රාවක්, ත්රීරෝද රථයක් සහ යතුරුපැදියක් ද නාවික හමුදා භාරයට ගෙන ඇති අතර සැකකරුවන් වයස අවුරුදු 28ත් 56ත් අතර වයසේ පසුවන වංකාලේ සහ මන්නාරම යන ප්රදේශයන්වල පදිංචිකරුවන් බවයි වැඩිදුරටත් සඳහන් වන්නේ.
ශ්රී ලංකා පොදුජන පෙරමුණේ 7 වැනි සංවත්සරය නිමිත්තෙන් පිරිත් පිංකමක් පවත්වා තිබෙනවා.
එම පක්ෂයේ නිර්මාතෘ සහ ජාතික සංවිධායක හිටපු අමාත්ය බැසිල් රාජපක්ෂ, හිටපු ජනාධිපතිවරුන් වන මහින්ද රාජපක්ෂ සහ ගෝඨාභය රාජපක්ෂ, අග්රාමාත්ය දිනේෂ් ගුණවර්ධන සහ පක්ෂයේ මැති ඇමතිවරුන් රැසක් මේ සඳහා සහභාගී වී ඇති බවයි වාර්තා වන්නේ.
