ශ්රේෂ්ඨාධිකරණ නඩුව කඩිනමින් අවසන් වූ පසු ලැබෙන නියෝගය මත ගුරු සේවා ව්යවස්ථාව පරිදි සංවර්ධන නිලධාරීන් ගුරු සේවයට බඳවා ගැනීමට කටයුතු කරන බව අධ්යාපන අමාත්යංශය පවසනවා.
ගුරු සේවා ව්යවස්ථාව අනුව පුරප්පාඩු සඳහා විද්යා, ගණිත, විදේශ භාෂා උපාධිධාරීන් බදවා ගැනීමට පළාත් බලධාරීන් කටයුතු කරනු ඇති බවයි එම අමාත්යංශය සඳහන් කළේ.
මේ තුලින් පුහුණුවන සංවර්ධන නිලධාරීන් බඳවා ගැනීමට බලපෑමක් නොවන බවයි අධ්යාපන අමාත්යංශය වැඩිදුරටත් සඳහන් කරන්නේ.
කොළඹ වරාය නගරය තුළ ක්රමෝපාය වැදගත්කමක් ඇති ව්යාපාර – තීරු බදු රහිත ව්යාපාර සඳහා නිදහස් කිරීම් හෝ දිරිගැන්වීම් ප්රදානය කිරීම පිළිබඳ මාර්ගෝපදේශ ඇතුළත් නියෝග පාර්ලිමේන්තුවට ඉදිරිපත් කිරීමට කැබිනට් අනුමැතිය ලබාදී තිබෙනවා.
මීට අදාල මාර්ගෝපදේශ ආයෝජන ප්රවර්ධන අමාත්යවරයා ලෙස ජනාධිපතිවරයා විසින් ප්රකාශයට පත් කර ඇති බවයි අදාළ කැබිනට් තීරණයේ දැක්වෙන්නේ.
අදාළ කැබිනට් තීරණය පහතින්.
W.M. Mendis සමාගමේ සහ රන්දෙණිගල සමාගමේ මත්පැන් නිෂ්පාදන කටයුතු තවදුරටත් අත්හිටුවා ඇති බව සුරාබදු දෙපාර්තමේන්තුව පවසනවා.
බදු ගෙවීම පැහැර හැරීම හේතුවෙන් මෙලෙස එම මත්පැන් සමාගම්වල නිෂ්පාදන කටයුතු අත්හිටුවා ඇති බවයි එම දෙපාර්තමේන්තුව වැඩිදුරටත් සඳහන් කළේ.
ශ්රී ලංකා ක්රිකට් ආයතනයේ කටයුතු මෙහෙයවීම සදහා අතුරු කමිටුවක් පත් කිරීමට එරෙහිව ගොනු කළ පෙත්සම අභියාචනාධිකරණය විසින් දෙසැම්බර් 05 වැනිදා දක්වා කල් තබා තිබෙනවා.
ඒ අනුව, එදිනට ඒ සම්බන්ධයෙන් සිය තත්ත්වය ඉදිරිපත් කරන ලෙස නව ක්රීඩා අමාත්ය හරීන් ප්රනාන්දුට අධිකරණය දැනුම්දී ඇති බවයි වැඩිදුරටත් සඳහන් වන්නේ.
ක්රිකට් අතුරු කමිටුව පිහිටුවමින් නිකුත් කර ඇති ගැසට් නිවේදනය ලබන නඩු වාරය තෙක් ක්රියාත්මක නොකරන බව නව ක්රීඩා අමාත්ය හරින් ප්රනාන්දු අධිකරණයට දැනුම්දී ඇති බවයි වැඩිදුරටත් සඳහන් වන්නේ.
සාමාන්ය පෙළ ප්රතිඵල දින දෙක තුනක් ඇතුළත නිකුත් කිරීමට කටයුතු කරන බව අධ්යාපන අමාත්ය සුසිල් ප්රේම්ජයන්ත පවසනවා.
ඒ අනුව 2024 වසරේ සාමාන්ය පෙළ විභාගය මැයි හෝ ජූනි මාසයේ පැවැත්වීමට සියල්ල සුදානම් බවයි මාධ්ය වෙත අදහස් දක්වමින් අමාත්යවරයා සඳහන් කළේ.
එසේම සැලසුම් කළ පරිදි උසස් පෙළ විභාගය ජනවාරි මාසයේ ආරම්භ කිරීමට නියමිත බව අමාත්යවරයා වැඩිදුරටත් සඳහන් කරනවා.
කොන්දොස්තරවරයෙකුට පහරදීමේ සිද්ධියක් නිසා කොළඹ – මහනුවර පෞද්ගලික බස් රථ සේවකයින් වර්ජනයක් ආරම්භ කර තිබෙනවා.
ලං.ග.ම. බස් රථයක කොන්දොස්තරවරයෙකු විසින් මෙම පහරදීම සිදු කර ඇති බවත්, මහනුවර බෝගම්බර ප්රධාන බස්රථ නැවතුම්පළේ බස් ගමන් වාරයක් සම්බන්ධයෙන් ඇති වූ ආරවුලක් දුරදිග යාම මෙම සිද්ධියට මූලික වී ඇති බවත් පොලිසිය සඳහන් කරනවා.
ක්රීඩා, යෞවන කටයුතු සහ වාරිමාර්ග අමාත්ය රොෂාන් රණසිංහ වහාම ක්රියාත්මක වන පරිදි එම ධුරවලින් ඉවත් කර තිබෙනවා.
ඒ අනුව ක්රීඩා අමාත්ය ධූරයෙන් සහ අනෙකුත් තනතුරුවලින් ඉවත් කිරීමේ ලිපිය අමාත්යවරයා වෙත යවා ඇති බවයි සඳහන් වන්නේ.
රාජ්ය සේවක වැටුප් ඉහළ නැංවීම ඇතුළු ඉල්ලීම් කිහිපයක් මුල් කරගනිමින් අද (27) දිනයේ සියලු රාජ්ය ආයතන ඉදිරිපිට විරෝධතා සංවිධානය කර තිබුණා.
ඒ අනුව රුපියල් 20,000 වැටුප් වැඩි කිරීම, වැඩි කරන දීමනා හා වැටුප් ජනවාරි මාසයේ සිට ලබාදීම, 2016 සිට අහිමි කර ඇති පූර්ණ විශ්රාම වැටුප් හිමිකම යළි ලබාගැනීම වෙනුවෙන් මෙම විරෝධතා සංවිධානය කර තිබුණා.
මෙම විරෝධතා හවල් 12.00 ට කෑම පැය තුළ පැවති අතර මේ සඳහා රාජ්ය සේවකයින් විශාල පිරිසක් එක්ව තිබුණා.
නව පොලිස්පතිවරයා පත්කිරීම සම්බන්ධයෙන් වන විශේෂ සාකච්ඡාවක් අද පැවැත්වීමට නියමිතව තිබෙනවා.
ජනාධිපතිවරයා හා මහජන ආරක්ෂක අමාත්ය ටිරාන් අලස් අතර මෙම සාකච්ඡාව පැවැත්වීමට නියමිත අතර අද දිනයේදී පොලිස්පති ධූරය සම්බන්ධයෙන් අවසන් තීරණයකට පැමිණීමට නියමිත බවයි පැවසෙන්නේ.
හිටපු පොලිස්පති සී.ඩී. වික්රමරත්න පසුගිය 24 වැනිදා සිය ධූරයෙන් විශ්රාම ගනු ලැබුවා.
අනුරාධපුරය අවුකන බුද්ධ ප්රතිමා වහන්සේට සිවුරු වස්ත්රයක් පැලඳවීමේ සිද්ධිය සම්බන්ධයෙන් මේ වන විට විමර්ශනයක් ආරම්භ කරන ලෙස උපදෙස් ලබාදී ඇති බව බුද්ධශාසන, ආගමික හා සංස්කෘතික කටයුතු අමාත්ය විදුර වික්රමනායක පවසනවා.
ඒ අනුව පුරාවිද්යාත්මක වටිනාකමක් සහිත ප්රතිමාවක පවතින ස්වභාවය වෙනස් කිරීම දඬුවම් ලැබිය හැකි වරදක් බවයි පුරාවිද්යා දෙපාර්තමේන්තුව සඳහන් කළේ.
ඊයේ (26) දිනයේ අනුරාධපුර අවුකන බුද්ධ ප්රතිමා වහන්සේට සිවුරක් පැළඳවීමේ සිදුවීම සම්බන්ධයෙන් සමාජ මාධ්ය හරහා දැඩි විවේචනයක් එල්ලවී තිබුණා.
