ජාතික ක්රීඩා කවුන්සිලය සඳහා ක්රීඩා අමාත්ය හරීන් ප්රනාන්දු විසින් නව සාමාජිකයින් පිරිසක් පත්කර තිබෙනවා.
ඒ අනුව එම කවුන්සිලය සඳහා සාමාජිකයින් 15 ක් පත්කර ඇති අතර එහි සභාපතිවරයා ලෙස වෛද්ය මයියා ගුණසේකර පත්කර ඇති බවයි සඳහන් වන්නේ.
මීට පෙර ජාතික ක්රීඩා කවුන්සිලයේ සභාපතිවරයා ලෙස හිටපු ක්රිකට් නායක අර්ජුන රණතුංග පත්කර තිබුණා.
හන්තාන කඳුවැටියේ අතරමංව සිටි රාගම වෛද්ය පීඨයේ සිසුන් 180 දෙනෙකු බේරාගෙන තිබෙනවා.
ඒ අනුව පවතින අයහපත් කාලගුණික තත්ත්වයත් සමග දැඩි මීදුම් තත්ත්වය හේතුවෙන් ඔවුන් අතරමංව සිට ඇති බවයි සඳහන් වන්නේ.
පසුව යුද හමුදාව සහ පොලීසිය එක්ව සිදුකළ මෙහෙයුමකින් පසු ඔවුන් පිරිස මුදාගෙන ඇති බවයි වැඩිදුරටත් සඳහන් වන්නේ.
ජනප්රිය ගීත නිර්මාණ රැසක් සංගීතවත් කල ප්රවීණ සංගීතවේදී ආනන්ද ගමගේ මහතා අභවප්රාප්ත වී තිබෙනවා.
තාර පාර දිග පාට පාට කඩ, කටු අකුලේ මල් ඇහැරේ, පහන තියා බුදු සාදුට ආදී ජනප්රිය ගීත රැසක්ම ඔහු අතින් සංගීතවත් වූ අතර, අඹ යහළුවෝ ඇතුළු ටෙලි නාට්ය රැසකටම ඔහු සංගීත අධ්යක්ෂණයෙන් දායකත්වය ලබාදුන්නා.
ගුරුවරයෙකු, ගුරු උපදේශකවරයෙකු හා සංගීත විෂයභාර සහකාර අධ්යාපන අධ්යක්ෂවරයෙකු ලෙසද මහඟු මෙහෙයක් කළ ආනන්ද ගමගේ මහතා මිය යන විට 73 වැනි වියේ පසුවුනා.
දෙසැම්බර් මාසයේ සිට බිත්තර ආනයනය නතර කරන බව වෙළඳ අමාත්ය නලින් ප්රනාන්දු පවසනවා.
රු.30/- පමණ පැවති බිත්තරයක මිල පසුගිය සමයේ රු.70/- කට පමණ ඉහළ ගිය බවත්, නිෂ්පාදනය කඩා වැටීම ඊට හේතුව බවත්, එම නිසා බිත්තර ආනයනය කරන්නට සිදුවූ බවත් අමාත්යවරයා පෙන්වා දෙනවා.
අද බිත්තර නිෂ්පාදනය වැඩි වී ඇති අතර, බිත්තරයක සිල්ලර මිල මේ වන විට රු.38/- කට පමණ අඩු වී ඇති බවයි ඔහු වැඩිදුරටත් සඳහන් කළේ.
එළඹෙන උත්සව සමය ගැන සලකා බලා ලිට්රෝ ගෑස් මිලෙහි වෙනසක් සිදු නොකිරීමට ලිට්රෝ ගෑස් සමාගම තීරණය කර තිබෙනවා.
විනිමය අනුපාතය හා ජාත්යන්තර මිල වෙනස්වීම් සැලකීමේදී ගෑස් මිලෙහි ඉහළ දැමීමක් සිදු කළ යුතු වුවද, ගෘහස්ථ ගෑස් මිල නොවෙනස්ව පවත්වා ගෙන යෑමට තීරණය කරන ලද බවයි එහි සභාපති මුදිත පීරිස් නිවේදනය කරන්නේ.
ඒ අනුව මෙම මාසයේදී 12.5 Kg ගෘහස්ථ ගෑස් සිලින්ඩරයක මිල රු. 3565/= ක් ලෙස පවතිනවා.
සුරාසල් විවෘත කිරීමේ හා වසා දැමීමේ වේලාවන් සංශෝධනය කිරීම සඳහා ඉදිරියේදී සොයා බලන බව මුදල් රාජ්ය අමාත්ය රංජිත් සියඹලාපිටිය පවසනවා.
සුරාසැල් විවෘත කරන සහ වසා දමන වේලාවල් සැලකීමේදී එය අනියම් ආකාරයකින් නීත්යානුකූල නොවන මත්පැන් වෙළඳුන්ට කරන ආරාධනාවක් බවයි අමාත්යවරයා පෙන්වා දෙන්නේ.ඒ අනුව සුරාසැල් විවෘතව ඇති වේලාවන් ප්රායෝගිකව වෙනස් කිරීමට යෝජනා වී ඇති බවද ඔහු වැඩිදුරටත් පවසනවා.
එමෙන්ම, මත්පැන් බලපත්ර වලට ඇති ඉල්ලුම පරිදි, රජයට ආදායමක් ගැනීම සඳහා බලපත්ර ගාස්තුව වැඩි කළ යුතු බවයි අමාත්යවරයා වැඩිදුරටත් සඳහන් කළේ.
බස්නාහිර පළාතට අයත් තැපැල් කාර්යාලය කිහිපයක් පැය 24 පුරා විවෘත කර තබන බව නියෝජ්ය තැපැල්පති පවසනවා.
රථවාහන වැරදි සම්බන්ධයෙන් ශ්රි ලංකා පොලිසිය මගින් නිකුත් කරනු ලබන දඩ පත්රිකා ගෙවීම් හා අනෙකුත් තැපැල් කටයුතු සඳහා මේ තැපැල් කාර්යාල විවෘතව තබන බවයි සඳහන් වන්නේ.
ඒ අනුව පහත සඳහන් තැපැල් කාර්යාල පැය 24 පුරා විවෘතව පවතිනවා.
බොරැල්ලවැල්ලවත්තහැව්ලොක් ටවුන් දෙහිවලමොරටුවපානදුර කළුතර කොටහේන කොම්පඤ්ඤවීදියබත්තරමුල්ල ගල්කිස්ස නුගේගොඩ සීතාවකපුර
ජ්යෙෂ්ඨ නියෝජ්ය පොලිස්පති දේශබන්දු තෙන්නකෝන් වැඩබලන පොලිස්පතිවරයා ලෙස පත් කිරීම ආණ්ඩුක්රම ව්යවස්ථා සභාව විසින් අනුමත කර තිබෙනවා.
මෙම පත්කිරීම ආණ්ඩුක්රම ව්යවස්ථා සභාවට යොමු කර තිබූ අතර එම පත්කිරීම එම සභාව විසින් අනුමත කර තිබෙන බව කතානායකවරයා තහවුරු කළා.
ජනාධිපතිවරයා වෙත පැවරී ඇති බලතල අනුව, වැඩබලන පොලිස්පතිවරයා වශයෙන් ජ්යෙෂ්ඨ නියෝජ්ය පොලිස්පති දේශබන්දු තෙන්නකෝන්ව ජනාධිපතිවරයා විසින් මාස 3 ක කාලයක් සඳහා පත් කරන්නට යෙදුනා.
2022 උසස් පෙළ විභාග ප්රතිඵලවලට අනුව විශ්වවිද්යාල පාඨමාලා සඳහා කඩඉම් ලකුණු අද (01) විශ්වවිද්යාල ප්රතිපාදන කොමිෂන් සභාව විසින් නිකුත් කර තිබෙනවා.
ඒ අනුව අයදුම්කරුවන් 263,933ක් අතරින් 166,938ක් (63.3%)ක සිසුන් ප්රමාණයක් අවම විශ්වවිද්යාල සුදුසුකම් ලබා ගැනීමට සමත්ව තිබුණා.
දේවගැති ජෙරම් ප්රනාන්දු අපරාධ පරීක්ෂණ දෙපාර්තමේන්තුව විසින් අත්අඩංගුවට ගෙන තිබෙනවා.
ප්රකාශයක් ලබාදීම සඳහා දේවගැති ජෙරම් ප්රනාන්දු අද (01) දෙවන දිනටත් පැමිණි අවස්ථාවේදී ඔහු අත්අඩංගුවට ගෙන ඇති බවයි සඳහන් වන්නේ.
ආගම්වලට අපහාස වන අයුරින් ප්රකාශයක් සිදු කිරීම සම්බන්ධයෙන් ඔහුට එරෙහිව චෝදනා එල්ල වී තිබෙනවා.
