කොළඹ ප්රදේශ කිහිපයකට හෙට (13) ප.ව 05 සිට 14 වනදා පෙ.ව 9 දක්වා කාලයක් ජල සැපයුම අත්හිටුවන බව ජාතික ජල සම්පාදන හා ජලාපවහන මණ්ඩලය පවසයි.
ඒ අනුව කොළඹ 11,12, 13, 14 සහ 15 යන ප්රදේශවලට මෙලෙස ජල සැපයුම අත්හිටුවන බව එම මණ්ඩලය දන්වා ඇත.
අඹතලේ ජල සැපයුමෙහි අත්යවශ්ය නඩත්තු කටයුත්තක් හේතුවෙන් මෙම ජල කප්පාදුව සිදුවන බව එම මණ්ඩලය සදහන් කරයි.
2024.01.11 දින පැය 0030 සිට 2024.01.12 වන දින පැය 0030 දක්වා කාලය තුල සිදුකරන ලද විශේෂ මෙහෙයුමේදී පහත මත්ද්රව්ය ප්රමාණයන් අත්අඩංගුවට ගෙන ඇත.
හෙරොයින් 303g 384mg
අයිස් 141 g 750mg
ගංජා 10 kg 565g
ගංජා පැල 660573 ක්
ගංජා සුරුට්ටු 04 ක්
මාවා 542g
තුල් 29g 810mg
මත්පෙති 1250 ක්
ඈෂ් 1g 610mg
මදන මෝදක ගුලි 135g
කුෂ් 1g 150mg
මෙහෙයුමේදී මුලු සැකකරුවන් 863 දෙනෙකු අත්අඩංගුවට ගෙන ඇති අතර, ඉන් සැකකරුවන් 24 ක් සම්බන්ධව රැදවුම් නියෝග මත වැඩිදුර විමර්ශන සිදුකරනු ලබයි.
මත්ද්රව්ය වලට ඇබ්බැහිවු පුද්ගලයින් 19 දෙනෙකු පුනරුත්තාපන මධ්යස්ථාන වෙත යොමු කර ඇත.
එසේම, පොලිස් මත්ද්රව්ය නාශක කාර්යංශය සහ විශේෂ කාර්යංශය ලේඛනගත සැකකරුවන්ගේ ලැයිස්තුවේ සිටි සැකකරුවන් 39 දෙනෙකු මෙදින මෙහෙයුමේදී අත්අඩංගුවට ගෙන ඇත.
යුක්තිය මෙහෙයුම අතරතුර සිදුකළ වැටලීමක දී අයිස් මත්ද්රව්ය ළඟ තබාගත් පොලිස් කොස්තාපල්වරයෙක් අත්අඩංගුවට ගෙන තිබෙනවා.
ඊයේ (10) ත්රිකුණාමලය කොට්ඨාස අපරාධ දූෂණ මර්දන ඒකකය මඟින් සිදුකළ වැටලීමකදී කෝපායි පොලිස් ස්ථානයට අනුයුක්තව සේවය කරනු ලබන පොලිස් කොස්තාපල්වරයෙක් අයිස් මත්ද්රව්ය ග්රෑම් 50ක් සමග අත්අඩංගුවට ගෙන ඇති බවයි සඳහන් වන්නේ.
අදාළ නිලධාරියා 2021 වසරේ සැප්තැම්බර් මස පොලිස් සේවයට බැඳී මුලික පුහුණුව හදාරා කෝපායි පොලිස් ස්ථානයට අනුයුක්තව සේවය කර ඇති අතර ඔහු නිවාඩු ලබා පිටව ගොස් සිට ඇති අතර, පසුව අසනීප බව දන්වා සේවයට වාර්තා නොකර සිටිය දී මෙලෙස පොලිස් අත්අඩංගුවට පත්ව තිබෙනවා.
මෙරට තෙදින නිල සංචාරයක නිරත එක්සත් රාජධානියේ රාජකීය ඈන් කුමරිය (Her Royal Highness Princess Anne, the Princess Royal) සහ ඇයගේ සැමියා වන වයිස් අද්මිරාල් ශ්රීමත් තිමොති ලෝරන්ස් මැතිතුමා (Vice Admiral Sir Timothy Laurence) ඊයේ (10) කොළඹ කොටුව ජනාධිපති මන්දිරයේදී ජනාධිපති රනිල් වික්රමසිංහ හමුවී තිබෙනවා.
කොටුව ජනාධිපති මන්දිරයට පැමිණි ඈන් කුමරිය ඇතුලු රාජකීය දූත පිරිස විදේශ කටයුතු අමාත්ය, ජනාධිපති නීතිඥ අලි සබ්රි විසින් පිළිගනු ලැබූ බවයි ජනාධිපති මාධ්ය අංශය සඳහන් කළේ.
අනතුරුව ඈන් කුමරිය ඇතුලු පිරිස ජනාධිපති රනිල් වික්රමසිංහ සහ මහාචාර්ය මෛත්රී වික්රමසිංහ සමඟ සුහද කථා බහකට එක්වූ බවත් මෙම අවස්ථාව සනිටුහන් කරමින් ඈන් කුමරිය ජනාධිපති මන්දිරයේ තැන්පත් කර ඇති විශේෂ අමුත්තන්ගේ සමරු පොතෙහි සටහනක්ද තබා තිබෙනවා.
මෙම අවස්ථාවට හිටපු ජනාධිපති චන්ද්රිකා බණ්ඩාරනායක කුමාරතුංග ඇතුළු පිරිසක්ද එක්ව තිබෙනවා.
ප්රමිතියෙන් තොර හියුමන් ඉමියුනොග්ලොබියුලින් එන්නත් සිද්ධියට අදාළව අත්අඩංගුවට ගත් සෞඛ්ය අමාත්යාංශයේ හිටපු ලේකම් ජනක චන්ද්රගුප්ත ඇතුළු අනෙකුත් සැකකරුවන් 06 දෙනා යළි රක්ෂිත බන්ධනාගාරගත කර තිබෙනවා.
අදාළ සැකකරුවන් ජනවාරි 17 වනදා දක්වා තවදුරටත් රක්ෂිත බන්ධනාගාරගත කරන ලෙසට මාළිගාකන්ද මහෙස්ත්රාත් අධිකරණය නියෝග කර ඇති බව සඳහන්.
යුක්තිය මෙහෙයුම යටතේ ගතවූ පැය 24 ක කාලය තුළ සිදුකරන ලද වැටලීම්වලදී සැකකරුවන් 897 දෙනෙකු අත්අඩංගුවට ගෙන තිබෙනවා.
ඉන් සැකකරුවන් 23ක් සම්බන්ධව රැඳවුම් නියෝග මත වැඩිදුර විමර්ශන සිදුකරන බවත් මත්ද්රව්යවලට ඇබ්බැහි වූ පුද්ගලයින් 19 දෙනෙකු පුනරුත්තාපන මධ්යස්ථාන වෙත යොමු කර ඇති බවයි පොලීසිය සඳහන් කළේ.
එසේම, පොලිස් මත්ද්රව්ය නාශක කාර්යංශය සහ විශේෂ කාර්යංශය ලේඛනගත සැකකරුවන්ගේ ලැයිස්තුවේ සිටි සැකකරුවන් 31 දෙනෙකු මෙදින මෙහෙයුමේදී අත්අඩංගුවට ගෙන ඇති බවයි සඳහන් වන්නේ.
මෙම මෙහෙයුමේදී හෙරොයින් 295g 500mg ක්, අයිස් 685 g 930mg ක්, ගංජා 72 kg 970g ක්, ගංජා පැල 2113 ක් ඇතුළු මත්ද්රව්ය තොගයක් අත්අඩංගුව ගෙන ඇති බවයි වැඩිදුරටත් සඳහන් වන්නේ.
අස්වැසුම ප්රතිලාභී පවුල් සංඛ්යාව ලක්ෂ 24ක් දක්වා ඉහළ නැංවීමට පියවර ගන්නා බව මුදල් රාජ්ය අමාත්ය ශෙහාන් සේමසිංහ පවසනවා.
පවතින දුෂ්කර ආර්ථික තත්ත්වය සැලකිල්ලට ගනිමින් මෙම පියවර ගන්නා අතර ඊට අදාළ යෝජනාව ජනාධිපතිවරයාගේ උපදෙස් මත අමාත්ය මණ්ඩලය වෙත ඉදිරිපත් කිරීමට පියවර ගන්නා බවයි රාජ්ය අමාත්යවරයා සඳහන් කළේ.
පවුල් ලක්ෂ 20කට සහන සැලසීමේ අරමුණෙන් අස්වැසුම සුබසාධන ප්රතිලාභ වැඩසටහන ආරම්භ කෙරුණු අතර මේ වන විට පවුල් ලක්ෂ 14කට ඉන් ප්රතිලාභ හිමිවන බවයි සඳහන් වන්නේ.
ලැබී තිබූ ලක්ෂ 11කට අධික අභියාචනා සහ විරෝධතාවලින් 60%කට ආසන්න ප්රමාණයක් මේ වන විට සලකා බලා අවසන් කර ඇති අතර ජනවාරි මස 31 වැනිදාට පෙර එම කටයුතු අවසන් කරන බව රාජ්ය අමාත්යවරයා වැඩිදුරටත් සඳහන් කළේ.
මේ සම්බන්ධයෙන් නිකුත් කළ නිවේදනය පහතින්.
සිය පක්ෂ සාමාජිකත්වය අහිමි කිරීමට සමගි බලවේගය ගෙන තිබෙන තීරණය බල රහිත කිරීමේ නියෝගයක් නිකුත් කරන මෙන් ඉල්ලා රාජ්ය ඇමතිනි ඩයනා ගමගේ විසින් ඉදිරිපත් කර තිබෙන පෙත්සම් විභාගය කල්දැමීමට ශ්රේෂ්ඨාධිකරණය තීන්දු කර තිබෙනවා.
අද (10) මෙම පෙත්සම් විභාගය ගාමිණී අමරසේකර, කුමුදුනි වික්රමසිංහ සහ මහින්ද සමයවර්ධන යන ත්රිපුද්ගල විනිසුරු මඬුල්ල ඉදිරියේ පැවැත්වීමට නියමිතව තිබුණා.
එහෙත් විනිසුරු මඬුල්ලේ සාමාජික විනිසුරු කුමුදුනී වික්රමසිංහ මහත්මිය අසනීප තත්ත්වයකින් පසුවන හෙයින් පෙත්සම් විභාගය පෙබරවාරි මස 09 වැනිදා දක්වා කල් තැබීමට ශ්රේෂ්ඨාධිකරණ විනිසුරු මඬුල්ල තීන්දු කර තිබෙනවා.
ඌව, නැගෙනහිර සහ මධ්යම පළාත්වල සහ පොළොන්නරුව සහ හම්බන්තොට ඇතැම් ස්ථානවලට මිලිමීටර 100 ට වැඩි තද වැසි ඇතිවිය හැකි බව කාලගුණ විද්යා දෙපාර්තමේන්තුව පවසනවා.
ඒ් අනුව උතුරු, උතුරු මැද, වයඹ සහ දකුණු පළාත්වලත්, මධ්යම කඳුකරයේ නැගෙනහිර බැවුම් ප්රදේශවලත් විටින් විට හමන පැයට කිලෝමීටර 40-50 පමණ තද සුළං බලාපොරොත්තු විය හැකි බවයි එම දෙපාර්තමේන්තුව සඳහන් කළේ.
ගිගුරුම් සහිත වැසි සමග ඇතිවිය හැකි තාවකාලික තද සුළං වලින් සහ අකුණු මඟින් සිදු වන අනතුරු අවම කර ගැනීමට අවශ්ය පියවර ගන්නා ලෙස කාලගුණ විද්යා දෙපාර්තමේන්තුව ජනතාවගෙන් ඉල්ලා සිටිනවා.
අදාළ නිවේදනය පහතින්.
පිරිසක් විසින් පුද්ගලයකුට පහරදී කාන්තාවකගේ රන් ආභරණ පැහැර ගත්තේ යයි වරදකරුවන්වූ දෙදෙනෙකුගෙන් එක් අයෙකුට මරණ දඩුවමත් අනෙක් තැනැත්තාට බරපතල වැඩ සහිත සිර දඩුවමකුත් බලපිටිය මහාධිකරණ විනිසුරු රංග දිසානායක මහතා විසින් 08 දින නියම කළේය.
මෙසේ මරණ දණ්ඩණය නියමවූයේ අංක 384,අගුණුකොළපැලැස්ස පදිංචි හේවාහකුරු ඉන්දික ජයවර්ධන නොහොත් ආමි කුමාර නමැත්තාටය.
බරපතල වැඩ සහිත සිර දඩුවම් නියම කෙරුණේ කරන්දෙණිය කැකිරිස්කන්ද පදිංචි කොස්ගල්ලනදුරගේ ආනන්දරත්න නමැත්තාටය.
මරණ දන්ඩනය නියමවූ විත්තිකරු නොමැතිව මේ තීන්දුව ලබාදීම සිදු කෙරුණු අතර ඔහු වහාම අත් අඩංගුවට ගෙන අධිකරණයට ඉදිරිපත් කර අදාළ තීන්දුව ක්රියාත්මක කරන ලෙසට මහාධිකරණ විනිසුරුවරයා පොලීසියට නියෝග කළේය.
1997 සැප්තැම්බර් මස 19 දින හෝ ආසන්න දිනයකදී ඌරගස්මන්හංදිය ප්රදේශයේදී එම ප්රදේශයේම පදිංචි තොම්මයා හකුරු ප්රේමරත්න නමැත්තාට පහරදී ඔහු ඝාතනය කිරීම සහ එම ප්රදේශයේම පදිංචි ඉලන්දාරිදේව ආරියවතී නමැත්තිය සතු රන් ආහරණ මංකොල්ලකෑම යන චෝදනා මේ විත්තිකරුවන්ට ඌරගස්මංහන්දිය පොලීසිය විසින් ගොනු කොට තිබිණ.
වසර විසිතුනක දීර්ඝ නඩු විභාගයකින් අනතුරුව මේ විත්තිකරුවන් දෙදෙනාගෙන් අංක 384,අගුනුකොලපැලැස්ස පදිංචි හේවාහකුරු ඉන්දික ජයවර්ධන නමැත්තාට මරණ දණ්ඩනය නියම කෙරුණු අතර කරන්දෙණිය කැකිරිස්කන්ද පදිංචි කොස්ගල්ලනදුරගේ ආනන්දරත්න නමැත්තාට බරපතල වැඩ සහිත වසර පහක සිර දඩුවමක් හා රුපියල් 25000ක දඩමුදලක් ගෙවන ලෙසත් එම දඩමුදල් නොගෙවන්නේ නම් මාස හයක ලිහිල් සිරඩඩුවමක් නියම කරන ලෙසත් මහාධිකරණ විනිසුරුවරයා නියෝග කළේය.
ඌරගස්මංහන්දිය පොලීසිය විසින් ගොනු කරන ලද මේ නඩුව රජයේ අධි නීතීඥවරියන් වන ඉසුරි ජයවර්ධන මහත්මිය සහ හිරුණි අල්මේදා මෙනෙවිය විසින් මෙහෙයවන ලදි.
අම්බලන්ගොඩ අනුරාධ ප්රියදර්ශන.
