සමාජ මාධ්ය ක්රියාකාරී පියත් නිකේෂලව අපරාධ පරීක්ෂණ දෙපාර්තමේන්තුව විසින් අද (29) පස්වරුවේ අත්අඩංගුවට ගෙන තිබෙනවා.
YouTube සමාජ මාධ්යයෙහි පළ කර තිබූ වීඩියෝවක් සම්බන්ධයෙන් සිදුකරන විමර්ශනයකට අදාළව ප්රකාශයක් ලබා ගැනීම සඳහා ඔහු අද එම දෙපාර්තමේන්තුවට කැඳවා තිබුණා.
ලොරේන්සෝ පුතා 04 බහුදින යාත්රාව සීෂෙල්ස් වෙරළාරක්ෂක බලකාය විසින් මුදාගෙන ඇති බව ධීවර දෙපාර්තමේන්තුව පවසනවා.
ඒ අනුව මුදාගත් ධීවර යාත්රාව මේ වන විට සීෂෙල්ස්හි වික්ටෝරියා වරාය වෙත රැගෙන යමින් ඇති බවයි සඳහන් වන්නේ.
පසුගිය 12 වැනිදා සිය මංගල මුහුදු ගමනට එක්වූ ලොරේන්සෝ පුතා 04 බහුදින යාත්රාව ධීවරයින් 6 දෙනෙකු සමඟින් මුහුදු කොල්ලකරුවන් විසින් සිය ග්රහණයට ගෙන තිබුණා.
සමාජ මාධ්ය ක්රියාකාරිකයෙකු වන පියත් නිකේෂල අද (29) ප්රකාශයක් ලබා ගැනීම සඳහා අපරාධ පරීක්ෂණ දෙපාර්තමේන්තුව හමුවට කැඳවා තිබෙනවා.
ඔහු විසින් YouTube සමාජ මාධ්යයෙහි පළ කර තිබූ වීඩියෝවක් සම්බන්ධයෙන් සිදුකරන විමර්ශනයකට අදාළව මෙම කැඳවීම සිදුකර ඇති බවයි අපරාධ පරීක්ෂණ දෙපාර්තමේන්තුව වෙත යාමට පෙර පියත් නිකේෂල සඳහන් කළේ.
මේ සම්බන්ධයෙන් එසැණ පොලිස් මාධ්ය ප්රකාශකවරයාගෙන් සිදුකළ විමසීමකදී සඳහන් කළේ, මේ වන විටත් ඔහුගෙන් ප්රශ්න කිරීම් සිදුකරමින් පවතින බවයි.
76 වන ජාතික නිදහස් දින සැමරුම් උත්සවයට සමගාමීව විශේෂ රථ වාහන සැලැස්මක් ක්රියාත්මක කරන බව පොලීසිය පවසනවා.
ඒ අනුව එහි පෙරහුරු පැවැත්වෙන 30,31,01,02,03 යන දිනයන්වලත් නිදහස් උත්සවය පැවැත්වෙන දිනයේත් මෙය ක්රියාත්මක බවයි සඳහන් වන්නේ.
නිදහස් සමරු උත්සවයේ පෙරහුරු පුහුණුවීම් කටයුතු සඳහා පෙරවරු 6.00 සිට දහවල් 12.00 දක්වාද නිදහස් සැමරුම් උත්සවය වෙනුවෙන් පෙබරවාරි 03වැනි දින පස්වරු 02.00 සිටද රථවාහන ගමනාගමනය සීමා කිරීම, මාර්ග වසා තැබීම් සිදුකරන බවයි වැඩිදුරටත් සඳහන් වන්නේ.
අදාළ රථ වාහන සැලැස්ම පහතින්.
යුක්තිය මෙහෙයුම යටතේ පසුගිය පැය 24 ක කාලය තුළ සිදුකරන ලද වැටලීම්වලදී සැකකරුවන් 803 ක් අත්අඩංගුවට ගෙන ඇති බව පොලීසිය පවසනවා.
ඒ අනුව මත්ද්රව්ය වැරදි සම්බන්ධ සැකකරුවන් 562ක් සහ අපරාධ අංශ වෙත යොමු කළ ලැයිස්තුවේ සිටි සැකකරුවන් 241ක් සමගින් මුළු සැකකරුවන් 803 දෙනෙකු මෙලෙස අත්අඩංගුවට ගෙන ඇති බවයි සඳහන් වන්නේ.
මත්ද්රව්ය වැරදි සම්බන්ධ අත්අඩංගුවට ගත් සැකකරුවන් 562 දෙනා අතරින් සැකකරුවන් 05කට රැදවුම් නියෝග මත වැඩිදුර විමර්ශන සිදුකරන අතර මත්ද්රව්ය වලට ඇබ්බැහිවුවන් 01ක් පුනරුත්තාපනය සදහා යොමු කර තිබෙනවා.
අපරාධ අංශවෙත යොමු කළ ලැයිස්තුවේ අත්අඩංගුවට ගත් සැකකරුවන් 241 දෙනා අතරින් මත්ද්රව්ය වැරදි සම්බන්ධව විවෘත වරෙන්තු නිකුත්ව සිටි සැකකරුවන් 11 ක් සහ මත්ද්රව්ය නොවන වැරදි සම්බන්ධව විවෘත වරෙන්තුකරුවන් 214ක් සිටින බවද සඳහන්.
මෙම මෙහෙයුමේදී හෙරොයින් 212g ක්, අයිස් 101g ක්, ගංජා 01kg 852g ක්, ගංජා පැල 443 ක්, මාවා 02kg 117 g ක් ඇතුළු මත්ද්රව්ය තොගයක් අත්අඩගුවට ගෙන තිබෙනවා.
ලෝක ලාදුරු දිනය අදට යෙදී තිබෙනවා.
ලාදුරු රෝගය සම්බන්ධයෙන් ජනතාව දැනුම්වත් කිරීම මෙහි ප්රධානතම අරමුණ බව ලාදුරු මර්දන ව්යාපාරයේ අධ්යක්ෂ විශේෂඥ වෛද්ය ප්රසාද් රණවීර සඳහන් කළේ.
ඒ අනුව සෙසු රටවලට සාපේක්ෂව මෙරට ලාදුරු රෝගය වැළඳුණු වයස අවුරුදු 14ට අඩු දරුවන් සංඛ්යාව ඉහළ යාමක් පෙන්නුම් කරන බව ලාදුරු මර්දන ව්යාපාරයේ චර්ම රෝග විශේෂඥ වෛද්ය ඉන්දිරා කහවිට සඳහන් කළා.
පසුගිය වසරේ ලාදුරු රෝගීන් 1550 ක් වාර්තා වූ බවත් එසේම පසුගිය වසරේ ලෝකයේ වෙනත් රටවල මුළු රෝගී සංඛ්යාවෙන් 6% ක් දරුවන් වාර්තා වන විට ශ්රී ලංකාවේ එම අගය 11% ක් දක්වා ඉහළ ගොස් ඇති බවද ඇය සඳහන් කළා.
යම් අයෙකුට ලාදුරු රෝගයේ ලක්ෂණ ඇත්නම් ඒ සඳහා බියවිය යුතු නොමැති බවත් ඒ සඳහා අවශ්ය ප්රතිකාර තිබෙන බැවින් ළඟම රෝහලේ සමේ රෝග සායනයට යොමුවී ප්රතිකාර ලබා ගැනීමට බවයි විශේෂඥ වෛද්ය ඉන්දිරා කහවිට වැඩිදුරටත් සඳහන් කළේ.
කටුනායක අධිවේගී මාර්ගයේ සිදු වූ රිය අනතුරකින් ජීවිතක්ෂයට පත් ජල සම්පාදන රාජ්ය අමාත්ය සනත් නිශාන්තගේ දේහය පිළිබඳ අවසන් කටයුතු අද (28) පස්වරුවේ සිදු කිරීමට නියමිතව තිබෙනවා.
ආරච්චිකට්ටුව ප්රදේශයේ පිහිටි රාජ්ය අමාත්යවරයාගේ නිවසේදී අවමංගල්ය කටයුතු ආරම්භවීමට නියමිත අතර ඉන් අනතුරුව දේහය රාජකදළුව කතෝලික සුසාන භූමිය වෙත ගෙනගොස් භූමදානය කිරීමට නියමිතයි.
76වන නිදහස් සැමරුමේ පෙරහුරු හේතුවෙන් ලබන 30 වනදා සිට පෙබරවාරි 03 වනදා දක්වා කාලය තුළ කොළඹ ප්රදේශයේ විශේෂ රථවාහන සැලැස්මක් ක්රියාත්මක බව පොලීසිය පවසනවා.
ඒ අනුව පෙරහුරු පැවැත්වෙන කාල සීමාවේ ගාලු මුවදොර මාර්ගය වසා තැබෙන බවයි රථවාහන දිසාව භාර නියෝජ්ය පොලිස්පති ඉන්දික හපුගොඩ සඳහන් කළේ.
කොල්ලුපිටියේ සිට කොළඹට ඇතුළුවන වාහන සීමා කිරීමක් සිදුවන අතර සෙරමික් හන්දියේ සිට ගාලුමුවදොර දක්වා රථවාහන ගමනාගමනය සීමා කරන බවයි සඳහන් කළේ.
එසේම පෙබරවාරි 03 වනදා දහවල් 2.00 සිට නිදහස් සැමරුම් උත්සවය අවසන් වන තෙක් ගාලු මුවදොර ආශ්රිත මාර්ග රැසක් වසා තැබෙන බවද රථවාහන දිසාව භාර නියෝජ්ය පොලිස්පති ඉන්දික හපුගොඩ වැඩිදුරටත් සඳහන් කළා.
මියගිය සනත් නිශාන්ත අමාත්යවරයාගේ පුද්ගලික ආරක්ෂකයෙක් ලෙස සේවය නියුතුව සිටි, අනුරාධ ජයකොඩි පොලිස් කොස්තාපල්වරයාගේ පවුලේ ඥාතීන් වෙත මුදල් පරිත්යාගයක් ලබා දී තිබෙනවා.
ඒ අනුව වැඩබලන පොලිස්පති දේශබන්දු තෙන්නකෝන් අතින් ඔහුගේ පවුල වෙත රුපියල් ලක්ෂ 15ක මුදලක් ලබා දී තිබෙන බවයි සඳහන් වන්නේ.
එසේම, මිය ගිය පොලිස් කොස්තාපල්වරයා සැරයන් නිලයට උසස් කර තිබෙන බවද පොලිස් මාධ්ය කොට්ඨාසය නිවේදනයක් නිකුත් කරමින් පවසනවා.
අද (27) රාත්රී 7.00 සිට රාත්රි 8.30 දක්වා නිට්ටඹුව ශ්රී විජයරාම විහාරස්ථානයේ දුරුතු මහ පෙරහැර පැවැත්වීම හේතුවෙන් නුවර – කොළඹ ප්රධාන මාර්ගයේ වාහන ගමනාගමනය සීමා කරන බව පොලීසිය දැනුම් දෙනවා.
පෙරහැර නිට්ටඹුව මල්වත්ත ශ්රී බෝධි විහාරයේ සිට කොළඹ – මහනුවර ප්රධාන මාර්ගයේ නිට්ටඹුව මංසන්ධිය දක්වා ගමන් කර දකුණට හැරී, අත්නගල්ල මාර්ගයේ ගමන් කර නිට්ටඹුව ශ්රී විජයාරාම විහාරස්ථානයට පැමිණීමට නියමිතව තිබෙනවා.
පෙරහැර ගමන් කරන කාලය තුළ නුවර – කොළඹ ප්රධාන මාර්ගය මල්වත්ත හංදියේ සිට නිට්ටඹුව මංසන්ධිය දක්වා නුවර දෙසට වූ මං තීරුවේ රථ වාහන ගමනාගමනයට සීමා කරන අතර, කොළඹ දෙසට වූ මං තීරුව රථවාහන ගමනාගමනය සඳහා සාමාන්ය පරිදි විවෘතව පවතින බවයි පොලිසිය සඳහන් කරන්නේ.
මේ නිසා කොළඹ දෙස සිට නිට්ටඹුව නගරය පසුකර නුවර දෙසට ගමන් කිරීමට අපේක්ෂිත රියැදුරන්ට සහ මහජනතාවට විකල්ප මාර්ග භාවිත කරන ලෙස පොලීසිය ඉල්ලා සිටිනවා.
