අද (25) දින සිදු වූ ගුවන් ගමන් ප්රමාදය තාවකාලික සහ සැලසුම් නොකළ මෙහෙයුම් තත්ත්වයක් නිසා සිදු වූවක් බව ශ්රීලන්කන් ගුවන් සේවය පවසනවා.
එය කිසිදු ආකාරයක වෘත්තීය සමිති ක්රියාමාර්ගයක් නිසා සිදු වූවක් නොවන බවයි එම සමාගම නිවේදනයක් නිකුත් කරමින් සඳහන් කරන්නේ.
එසේම, ප්රමාදයන් නිසා ඇති වූ අපහසුතාව පිළිබඳ ශ්රීලන්කන් ගුවන් සමාගම සියලු මඟීන්ගෙන් සමාව අයදින බවත් නැවත එවැනි තත්ත්වයක් ඇති වීම වළක්වා ගැනීම සඳහා ශ්රී ලන්කන් ගුවන් සේවය කටයුතු කරන බවයි අදාළ නිවේදනයේ වැඩිදුරටත් දැක්වෙන්නේ.
අදාළ නිවේදනය පහතින්.
මිහින්තලය රජරට විශ්ව විද්යාලයේ සිසුන් ඉලක්ක කර ගනිමින් කාලාන්තරයක් තිස්සේ මත්පෙති අලෙවි කිරීමේ ජාවාරමක නිරත වූ බව කියන තරුණයින් දෙදෙනෙකු මත් පෙති තොගයක්ද සමඟ අත්අඩංගුවට ගැනීමට සුරාබදු නිලධාරීන් ඊයේ (24) රාත්රියේ සමත්ව තිබේ.
යුධ හමුදා බුද්ධි නිලධාරීන්ගේ තොරතුරකට අනුව සුුරාබදු නිලධාරීන් විසින් ඊයේ (24) රාත්රියේ මිහින්තලය ප්රදේශයේ දී සිදුකල විශේෂ මෙහෙයුමකදී මත්පෙති තොගයක්ද සමඟ එම සැකකරුවන් අත්අඩංගුවට ගැනීමට හැකිව තිබේ.
අදාළ සැකකාර තරුණයින් විශ්ව විද්යාල සිසුන්ට අලෙවි කිරීමට සූදානමි කල මත්පෙති තොගයක් ද රැගෙන මිහින්තලය රජරට විශ්ව විද්යාලය ආසන්නයේ වූ ලැගුම් හලක රාත්රි කාලයේ රැදී සිටියදී මෙලෙස සුරාබදු නිලධාරීන්ගේ අත්අඩංගුවට පත්ව තිබේ.
විශ්ව විද්යාල සිසුන්ට අලෙවි කිරීමට සුදානම් කර තිබූ මත් පෙති 700ක් ද එම සැකකරුවන් සන්තකයේ තිබී සොයාගැනීමට සුරා බදු නිලධාරීන් මෙහිදී සමත්ව තිබිණ.
මත්පෙති සමඟ මෙලෙස අත්අඩංගුවට පත් සැකකාර තරුණයින් මිහින්තලය මිස්සක පාර හා වෙදගෙදර මාාවත යන ප්රදේශවල පදිංචිකරුවෝ වෙති. රජරට විශ්ව විද්යාල සිසුන් ඉලක්ක කර ගනිමින් කාලාන්තරයක් තිස්සේ මත්පෙති අලෙවි කිරීමේ ජාවාරමේ නිරතව ඇති එම සැකකාර තරුණයින් අවුරුදු 28 හා 24 යන වයස්වල පසුවෙති.
මෙම මත් පෙති ජාවාරම සම්බන්ධයෙන් සුරාබදු නිලධාරීන් විසින් අත්අඩංගුවට ගෙන ඇති සැකකාර තරුණයින් අදාල මත්පෙති තොගය ද සමඟ අද (25) අනුරාධපුර මහේස්ත්රාත්වරයා හමුවට ඉදිරිපත් කිරීමට නියමිතව තිබේ.
24-02-25
කැකිරාව කුෂාන් ජයවර්ධන
ලංකාවේ රැඳී සිටින රුසියානු හා යුක්රේන සංචාරකයින් දින 14ක් තුල රටින් පිට විය යුතු බවට කැබිනට් අනුමැතියකින් තොරව කර ඇති දැනුම්දීම සම්බන්ධයෙන් අදාල පාර්ශවයන් පිලිබදව වහාම පරීක්ෂණයක් පවත්වන ලෙස ජනාධිපති රනිල් වික්රමසිංහ නියෝග කර ඇත.රුසියානු සහ
යුක්රේන සංචාරකයන් සඳහා මීට පෙර ලබාදී තිබූ වීසා දීර්ඝ කිරීම අවලංගු කිරීම ශ්රී ලංකා රජය නිල වශයෙන් තීරණය කර නොමැති බවද ජනාධිපති මාධ්ය අංශය නිවේදනයක් නිකුත් කරමින් කියා සිටී යි.
ගංජා පානය කරමින් සිටියදී අත්අඩංගුවට පත්වූ පොලිස් කොස්තාපල්වරයෙකුගේ වැඩ තහනම් කිරීමට පුත්තලම නියෝජ්ය පොලිස්පතිවරයා කටයුතු කර තිබෙනවා.
මෙසේ වැඩ තහනමට ලක්ව ඇත්තේ, පුත්තලම පොලීසියේ සේවය කරමින් සිටි කල්පිටිය – ආන්දන්කන්නියේ පදිංචි වයස අවුරුදු 40 ක පොලිස් කොස්තාපල්වරයෙක් බව සඳහන්.
කිසියම් පිරිසක් ගංජා පානය කරමින් සිටින බවට ඉකුත් 22 වැනි දා සවස නොරොච්චෝලේ පොලීසියට ලැබුණු තොරතුරක් අනුව අදාළ ස්ථානය වටලා සැකකරුවන් 07 දෙනෙකු නොරොච්චෝලේ පොලීසියේ නිලධාරින් විසින් අත්අඩංගුවට ගෙන ඇති අතර ඉහත සඳහන් පොලිස් කොස්තාපල්වරයා ද එහි සිට ඇති බවයි සඳහන් වෙන්නේ.
එම කොස්තාපල්වරයා සතුව තිබුණු ගංජා මිලි ග්රෑම් 1,200ක් ද වැටලීම කළ නිලධාරින් විසින් සොයාගෙන තිබෙනවා.
සැකකාර පොලිස් කොස්තාපල්වරයා ඇතුළුව අත්අඩංගුවට පත් සැකකරුවන් 07 දෙනා 23 වැනි දා සවස කල්පිටිය වැඩ බලන මහෙස්ත්රාත්වරයා හමුවට ඉදිරිපත් කර ඇති බව වැඩිදුරටත් සඳහන්.
මෙම වර්ෂය සඳහා සෞඛ්ය ක්ෂේත්රය වෙනුවෙන් වෙන්කර ඇති රුපියල් බිලියන 410ක මුදලින්, බිලියන 180ක මුදලක් වෛද්ය උපකරණ ලබා ගැනීම සඳහා වෙන්කර ඇති බව සෞඛ්ය අමාත්ය වෛද්ය රමේෂ් පතිරණ පවසනවා.
ශ්රී ලංකා වෛද්ය උපකරණ කර්මාන්ත මණ්ඩලයේ ප්රධාන විධායක නිලධාරින්ගේ වාර්ෂික හමුවට සහභාගි වෙමින් අමාත්යවරයා මෙසේ පවසා සිටියා.
පසුගිය සමයේ ඇති වූ ආර්ථික අර්බුදයත් සමඟ සෞඛ්ය ක්ෂේත්රයේ ද යම් පසුබෑමක් ඇතිවූ බවත්, නමුත් මේ වන විට එම තත්ත්වය කළමනාකරණය කර ගැනීමට හැකි වී ඇති බවයි අමාත්යවරයා වැඩිදුරටත් සඳහන් කළේ.
අම්බලන්ගොඩ දළුක්කන්ද ප්රදේශයේ කේඑච්ඩබ්ලිව් සුනාමි ගම්මානයේ අද උදෑසන පහට පමණ නිවසක වහලයක් කඩා වැටීම නිසා කාන්තාවක් තුවාල ලබා අම්බලන්ගොඩ දිස්ත්රික් රෝහල වෙත ඇතුළත් කර ඇත.මෙම වහලයේ කොටසක් මෙසේ සම්පූර්ණයෙන්ම කඩා වැටී ඇත.මෙම සුනාමි ගම්මානය මීට වසර විස්සකට පමණ පෙර සුනාමියෙන් විපතට පත් අම්බලන්ගොඩ පට බැඳිමුල්ල ප්රදේශයේ පදිංචිව සිටි ධීවර ප්රජාව වෙනුවෙන් ඉදිකළ ගම්මානයකි.මේ වන විට මෙම ගම්මානයේ නිවාස 76 ක් තිබෙන අතර බොහොමයක් නිවාස අබලන් තත්ත්වයේ පවතී.මෙහි ඇති නිවාස දෙමහල් නිවාස ලෙස ඉදිකර ඇති අතර මෙම නිවාස වල වහලවල් සියල්ලම පාහේ අබලන්ව ඇති බව ප්රදේශවාසීන් පවසයි වැසි දිනවල මෙම වහලවල් වලින් වැසි ජලය ගලා එම නිසා තමන් මහත් අපහසුතාවයට පත්ව ඇති බව පවසන මෙම නිවැසියන් තමන් ජීවත්වන්නේ කොයි මොහොතේ හෝ වහලවල් කඩා වැටේ දැයි බියෙන් බව පවසයි කොන්ත්රාත්කරුවන් විසින් බාල ලී වලින් මෙම වහලවල් සකස් කර ඇති නිසා තමන් ඉතාම අනාරක්ෂක තත්ත්වයේ සිටින බව ඔවුන් පවසති.තමන්ට නිසි ලෙස මේවා නඩත්තු කර ගැනීමට තරම් ආර්ථික ශක්තියක් නොමැති බැවින් මේ පිළිබඳ වගකිවයුත්තන්ගේ අවධානය මේ ගැන යොමුකර තමන්ට සහනයක් ලබා දෙන ලෙස ඔවුන් ඉල්ලා සිටි
ගාල්ල අම්බලන්ගොඩ අනුරාධ
ඊයේ නවම් පෝය දින දෙහිඅත්තකණ්ඩිය කැකුළුවෙල
ප්රදේශයේ මිලෙච්ඡ ලෙස ඝාතන කරන ලද වන අලියෙක්
නවම් පුර පසළොස්වක පෝය දිනය අදට (23) යෙදී තිබෙනවා.
රජගහනුවර වේලුවනාරාමයේදී බුද්ධ ශාසනයෙහි ප්රථම සංඝ සම්මේලනය පවත්වා සැරියුත් මුගලන් හිමිවරුන්ට අගසව් තනතුරු පිරිනැමීම අද වැනි නවම් පුර පසලොස්වක පොහෝ දිනක සිදුවූ බවයි ශාසන ඉතිහාසයේ සඳහන් වෙන්නේ.
එමෙන්ම ඕවාද ප්රාති මෝක්ෂය දේශනා කිරීම ද අද වැනි පොහෝ දිනක සිදුවු අතර බුදුරජාණන් වහන්සේ පිරිනිවන් පෑමට තුන් මසකට පෙර ආයු සංස්කාරය අත්හැරීම සිදුවූයේත් අද වැනි නවම් පුන් පොහෝ දිනකයි.
නවම් පුන් පොහොය වෙනුවෙන් දිවයින පුරා සෑම වෙහෙර විහාරස්ථානයකදීම ආමිස හා ප්රතිපත්ති පූජාවන්ට මුල්තැන දෙමින් විවිධ ආගමික වැඩසටහන් සංවිධාන කර තිබෙනවා.
සිරිපාද වන්දනාව සදහා පැමිණි බස් රථයක් නානුඔය රැදැල්ල කෙටි මාර්ගයේදී අනතුරට ලක්ව 20 දෙනෙකු තුවාල ලබා නුවරඑළිය දිස්ත්රික් මහ රෝහලට ඇතුළත් කළ බව නානුඔය පොලිසිය පොලීසිය පවසයි .
මාතර සිට සිරිපාදස්ථානය වන්දනා කිරීම සඳහා පැමිණි නඩයක් රැගෙන මීට පෙරද බිහිසුණු අනතුරු රාසියක් සිදුවූ මේ වන විට බර වාහන ඇතුළු වීම තහනම් කර ඇති නානුඔය රැදැල්ල කෙටි මාර්ගයේ ගමන් කරමින් සිටියදී වේගය පාලනය කර ගැනීමට නොහැකිව මාර්ගය අරහා පෙරළී අනතුරට ලක්ව ඇත ,
22 දින රාත්රී 07.30ට පමණ බස් රථය අනතුරට ලක්වන අවස්ථාවේදී බස් රථය තුළ තිස් දෙනෙකුගෙන් යුතු පිරිසක් රැඳී සිටි ඇති අතර එයින් විසිදෙනෙකුට ආසන්න පිරිසකට දැඩි තුවාල සිදුවී ඇති බව නානුඔය ඔය පොලිසිය පවසයි ,
අනතුරින් තුවාල ලැබුවන් යානුඔය පොලිසිය හා ගම්වාසින් එක්වී නුවරඑළේ දිස්ත්රික් මහ රෝහල වෙතට ප්රතිකාර සඳහා යොමු කිරීමේ කටයුතු සිදු කිරීමට කටයුතු කළේය ,
තුවාල ලැබුවත්ට වඩිනම් ප්රතිකාර ලබාදීමට නුවරඑළියේ මහ රෝහල් කටයුතු කරන බවද නානුඔය පොලිසිය අනාවරණය කරයි ,
22.02.2024 ආර්.එෆ්.එම්.සුහෙල් – නුවරඑළිය
මල්වානේ පිහිටා ඇති හිමිකරුවෙක් නැති බවට පැවසුණු නිවස සහ එම ඉඩම සංවර්ධන ව්යාපෘතියක් සඳහා යෙදවීමට කඩිනම් පියවර ගන්නා බව අධිකරණ අමාත්ය විජයදාස රාජපක්ෂ පවසනවා.
2015 වසරේදී මේ දේපළ සම්බන්ධයෙන් අධිකරණයේ නඩු පැවරූ අවස්ථාවේදී ඉඩමට සම්බන්ධ ඔප්පුවල නම් සඳහන්ව තිබුණු සෑම කෙනෙක්ම ඉඩම ඔවුන්ට අයිති නැති බව පවසා තිබූ බවත්, එසේ ප්රකාශ කිරීම නිසා අමාත්ය මණ්ඩලයට පත්රිකාවක් ඉදිරිපත් කරමින් මෙම ඉඩම රජයට පවරා ගනු ලැබූ බවත් අමාත්යවරයා පෙන්වා දුන්නා.
මේ සඳහා අදාළ නඩුවේ නඩු කටයුතු අවසන් වී ඇති බැවින්, නිවස හා අක්කර 15ක පමණ ඉඩම රජයේ දේපලක් ලෙස අධිකරණ අමාත්යාංශය යටතට පවරා ගෙන ඇති බවත්, ඉදිරියේදී මෙම ගොඩනැගිලි ප්රයෝජනයට ගත හැකි පරිදි යථා තත්වයට පත් කර ව්යාපෘතියකට යොදවන බවත් ඔහු වැඩිදුරටත් පවසා සිටියා.
