ඉදිරියේදී රජය ව්යාපාර කිරීමෙන් සම්පූර්ණයෙන් ඉවත්වී නියාමනය කිරීම පමණක් සිදුකරන බව මුදල් රාජ්ය අමාත්ය ශෙහාන් සේමසිංහ පවසනවා.
ඒ අනුව අනාගතයේ දී රජයේ ආර්ථික ප්රතිපත්ති මූලිකවම පෞද්ගලික ක්ෂේත්රය මත රඳා පවතිනු ඇති බවයි රාජ්ය අමාත්යවරයා සඳහන් කළේ.
රජය ආර්ථිකය ස්ථායිකරණයේ සැලකිය යුතු වර්ධනයක් ළඟා කරගෙන ඇති බවත් ශ්රී ලංකාව එහි ණය ප්රතිව්යුහගතකරණය 2023 වසරේ අවසන් කාර්තුවේදී අවසන් කිරීමට අපේක්ෂා කරන බවයි රාජ්ය අමාත්යවරයා වැඩිදුරටත් සඳහන් කළේ.
පාස්කු ප්රහාරය ගැන Channel 4 වාර්තා වැඩසටහනෙන් හෙළිදරව් කළ කරුණු සහ චෝදනා සම්බන්ධයෙන් සොයා ලැබීමට ජනාධිපති රනිල් වික්රමසිංහ විසින් ත්රිපුද්ගල කමිටුවක් පත්කර තිබෙනවා.
ඒ අනුව විශ්රාමික ශ්රේෂ්ඨාධිකරණ විනිසුරු එස්. අයි. ඉමාම්ගේ ප්රධානත්වයෙන් මෙම කමිටුව පත්කර ඇති බවයි ජනාධිපති මාධ්ය අංශය සඳහන් කළේ.
කමිටුවේ සෙසු සාමාජිකයන් ලෙස විශ්රාමික ගුවන් හමුදාපති ඒ. සී. එම්. ජයලත් වීරක්කොඩි සහ ජනාධිපති නීතිඥ හර්ෂ ඒ. ජේ. සෝසා පත්කර ඇති බවයි වැඩිදුරටත් වාර්තා වන්නේ.
Fitch Ratings ජාත්යන්තර ණය වර්ගීකරණ ආයතනය මෙරට දේශීය මුදල් ණය පිළිබඳ වර්ගීකරණය C මට්ටමේ සිට RD හෙවත් සීමිත පැහැරහැරීමේ මට්ටම දක්වා පහත හෙළා තිබෙනවා.
දේශීය බැඳුම්කර හුවමාරුවට අදාළ බැඳුම්කර වර්ගීකරණය D මට්ටමට පහත හෙළා ඇති අතර, එලෙස හුවමාරුවට ලක්නොවූ බැඳුම්කර C මට්ටමේ වර්ගීකරණය කර ඇති බවයි එම ආයතනය වැඩිදුරටත් සඳහන් කරන්නේ.
පාස්කු ප්රහාරයට අදාළව, මේ වනවිට තීන්දු ලබාදී ඇති මූලික අයිතිවාසිකම් පෙත්සම්වලට අදාළව ගොනුකර තිබෙන මෝසම් පත්ර සලකාබැලීම සඳහා නොවැම්බර් මස 02 වනදා කැඳවන ලෙස ශ්රේෂ්ඨාධිකරණය අද (15) දින නියම කර තිබෙනවා.
අදාළ මෝසම් අද ශ්රේෂ්ඨාධිකරණ විනිසුරු මඩුල්ල ඉදිරියේ කැඳවනු ලැබූ අවස්ථාවේදී මෙම නියෝගය ලබාදී ඇති බවයි සඳහන් වන්නේ.
කොළඹ අගරදගුරු අතිඋතුම් මැල්කම් කාදිනල් රංජිත් හිමිපාණන් විසින් සහ හිටපු ජනාධිපති මෛත්රීපාල සිරිසේන ඇතුළු පිරිසක් විසින් මෙම මෝසම් ඉදිරිපත් කර ඇති බවයි වාර්තා වන්නේ.
ආර්ථික බංකොලොත්භාවය සෙවීමට පත් කළ පාර්ලිමේන්තු විශේෂ කාරක සභාව හමුවට හිටපු මහ බැංකු අධිපති අජිත් නිවාඩ් කබ්රාල් අද (15) කැඳවා තිබෙනවා.
මීට අමතරව පාර්ලිමේන්තු මන්ත්රි වජිර අබේවර්ධනද අද දිනයේ කාරක සභාව හමුවට කැඳවා ඇති බවයි එහි සභාපති පාර්ලිමේන්තු මන්ත්රී සාගර කාරියවසම් සඳහන් කළේ.
ආර්ථිකය බංකොලොත්වීමට හේතුවූ කාරණා සම්බන්ධයෙන් ඔවුන්ගෙන් සාක්ෂි ලබාගැනීමට සැලසුම් කර ඇති බවයි ඔහු වැඩිදුරටත් සඳහන් කළේ.
නව දුෂණ විරෝධී පනත සහ අපරාධයක වින්දිතයින් සහ සාක්ෂිකරුවන් හට සහාය දීමේ හා ආරක්ෂා කිරීමේ පනතේ විධි විධාන අද (15) සිට බලාත්මක වනවා.
ඒ අනුව ඊට අදාළ අතිවිශේෂ ගැසට් නිවේදනය අධිකරණ, බන්ධනාගාර කටයුතු හා ආණ්ඩුක්රම ප්රතිසංස්කරණ අමාත්ය විජේදාස රාජපක්ෂ විසින් පසුගිය 09 වනදා නිකුත් කර තිබුණා.
දුෂණ විරෝධී පනත් කෙටුම්පත පසුගිය ජුලි මස 19 වනදා සංශෝධන සහිතව පාර්ලිමේන්තුවේදී සම්මත වුණා.
ශ්රී ලංකා මහබැංකු පනත් කෙටුම්පතට සහ බැංකු විශේෂ විධි විධාන පනත් කෙටුම්පතට කථානායක මහින්ද යාපා අබේවර්ධන අත්සන් තබා තිබෙනවා.
ශ්රී ලංකා මහබැංකු පනත් කෙටුම්පත සංශෝධන සහිතව පාර්ලිමේන්තුවේ වැඩි ඡන්දයෙන් පසුගිය ජුලි 20 වනදා සම්මත වූ අතර බැංකු විශේෂ විධිවිධාන පනත් කෙටුම්පත ඡන්ද විමසීමකින් තොරව ජුලි 21 වනදා සම්මත වුණා.
ඒ අනුව 2023 අංක 16 දරණ ශ්රී ලංකා මහබැංකු පනත සහ 2023 අංක 17 දරණ බැංකු විශේෂ විධිවිධාන පනත ලෙස බලාත්මක බවයි පාර්ලිමේන්තුවේ සන්නිවේදන දෙපාර්තමේන්තුව වැඩිදුරටත් සඳහන් කළේ.
දිවයින පුරා පිහිටි විශ්වවිද්යාලවල නවක වදය සම්බන්ධව තොරතුරු දැනුම්දීම සඳහා විශේෂ දුරකතන අංකයක් හඳුන්වා දී තිබෙනවා.
076 54 53 454 යන දුරකතන අංකයට WhatsApp පණිවුඩයක්, වීඩියෝ දර්ශන හෝ ඡායාරූප යොමු කළ හැකි අතර 1997 යන කෙටි දුරකතන අංකයටත් මේ සම්බන්ධව දැනුම් දීමේ හැකියාව පවතින බවයි පොලිස් මාධ්ය ප්රකාශක ජ්යෙෂ්ඨ පොලිස් අධිකාරි නීතිඥ නිහාල් තල්දූව සඳහන් කළේ.
පොලිස් මාධ්ය ප්රකාශක ජ්යෙෂ්ඨ පොලිස් අධිකාරි නීතිඥ නිහාල් තල්දූව මහතා සඳහන් කළේ, පැය 24 පුරා මෙම දුරකතන අංකය ක්රියාත්මක බවයි.
2023 උසස් පෙළ විභාගයේ කාලසටහන විභාග දෙපාර්තමේන්තුව විසින් නිකුත් කර තිබෙනවා.
ඒ අනුව මෙවර විභාගය 2023 නොවැම්බර් 27 වැනිදා සිට දෙසැම්බර් 21 වනදා දක්වා පැවැත්වෙන බවයි සඳහන් වන්නේ.
අදාළ කාලසටහන පහතින්.
වසර 3 ක් තුළ අස්වැසුම ලබාදීම නවත්වන බව වැඩබලන කාන්තා ළමා කටයුතු හා සමාජ සවිබල ගැන්වීම් අමාත්ය අනුප පැස්කුවෙල් පවසනවා.
ඒ අනුව එම පුද්ගලයින් ශක්තිමත් කිරීම සඳහා ජනාධිපතිවරයාගේ උපදෙස් මත සැලැස්මක් සකස් කළ බවත් ඔවුන් විවිධ වෘත්තීන් සඳහා යෙදවීමට කටයුතු කරන බවයි වැඩබලන අමාත්යවරයා පෙන්වා දෙන්නේ.
මේ සම්බන්ධයෙන් සමෘද්ධි සංවර්ධන නිලධාරීන්ගෙන් සහ සමෘද්ධි කළමනාකරුවන්ගෙන් අදහස් ලබා ගැනීම ද මේ වනවිට ක්රියාත්මක බවයි ඔහු වැඩිදුරටත් සඳහන් කළේ.
