අත්අඩංගුවට ගත් හිටපු අමාත්ය හරීන් ප්රනාන්දු බදුල්ල මහේස්ත්රාත් අධිකරණයට ඉදිරිපත් කිරීමෙන් අනතුරුව ඇප මත මුදා හැරීමට නියෝග කර තිබෙනවා.
මැතිවරණ නීති උල්ලංඝණය කළ බව කියන සිද්ධියක් සම්බන්ධයෙන් බදුල්ල පොලීසිය විසින් හිටපු අමාත්යවරයා අද (20) පෙරවරුවේ අත්අඩංගුවට ගෙන තිබුණා.
ඒ අනුව ඔහු අධිකරණයට ඉදිරිපත් කිරීමෙන් අනතුරුව රුපියල් ලක්ෂ 5 බැගින් වූ ශරීර ඇප දෙකක් මත මුදාහැර තිබෙනවා.
හිටපු පාර්ලිමේන්තු මන්ත්රී ජේ. ශ්රී රංගා ප්රකාශයක් ලබාදීමට අපරාධ පරීක්ෂණ දෙපාර්තමේන්තුවට පැමිණ තිබෙනවා.
ඒ අනුව හිටපු පාර්ලිමේන්තු මන්ත්රී සුජීව සේනසිංහගේ V8 රථය සම්බන්ධයෙන් ප්රකාශයක් ලබාදීම සඳහා ඔහු මෙලෙස කැඳවා ඇති බවයි සඳහන් වෙන්නේ.
24-11-19
කැකිරාව කුෂාන් ජයවර්ධන
අනුමත ගාස්තුව වඩා වැඩියෙන් ගාස්තු අය කරන බස් මාෆීයාවක් ගැන මගියෙකුගෙන් ගමනා ගමන කොමිසමට පැමිණීල්ලක්
============
අනුරාධපුර – කොළඹ අංක15 බස් මාර්ගයේ ධාවනය වන ඇතැම් සුඛෝපභෝගී බස් රථවල කොන්දොස්තරවරුන් ඒවායේ ගමන්ගන්නා විදේශිකයන් ඇතුලු මගීන්ගෙන් වැඩිපුර ගාස්තු අය කිරීමේ මාෆියාවක් ක්රියාත්මක කරන බවට බස් මගියකු විසින් අද(19) පස්වරුවේ ජාතික ගමනාගමන කොමිසමට පැමිණීල්ලක් ඉදිරිපත් කර තිබේ.
පිටකොටුවේ සිට කැකිරාවට යාම සඳහා කොළඹ – අනුරාධපුර අංක 15 මාර්ගයේ ගමන් ගන්නා සුභෝපභෝගී බස් රථයකින් ගමන්ගත් මගියකු විසින් මෙම පැමිණීල්ල ඉදිරිපත් කර තිබේ.
සිද්දියට මුහුණ පෑ මගියා මෙසේ පවසයි.
මම කැකිරාවට යන්න හිතාගෙන කොළඹ පිටකොටුවෙන් ගමන් ඇරඹු Wp Nc 9014 දරණ සුඛෝපභෝගී සේවා බස් රථයට ගොඩවූනා. එහිදී මගේ ගමනාන්තය වූ කැකිරාවට ගමන් කිරීම සදහා රුපියල් 1305ක මුදලක් අය කිරීමට එහි කොන්දොස්තරවරයා කටයුතු කළා. මේ සම්බන්ධයෙන් මට ඇති වූ සැකයක් මත එම අවස්ථාවේ ගමනා ගමන කොමිෂමෙන් මම මේ ගැන විමසීමක් කලා. එව අවස්ථාවේ කොළඹ- කැකිරාව සුභෝපභෝ බස් රථ ගමනාන්තය සදහා කොමිසම අනුමත කර ඇති ගාස්තුව රුපියල් 1040ක් පමණක් බවට කොමිසමේ නිලධාරීන් මට දැනුම් දුන්නා. ඒ අනුව අදාළ බස් රථයේ කොන්දොස්තරවරයා මගේ ගමනාන්තයට අයවිය යුතු මුදල වන රු.1040 ක් වෙනුවට රු. 1305ක් අය කර තිබුණා. ඒ අනුව අදාළ කොන්දොස්තරවරයා මගේ ගමන සදහා රුපියල් 265ක මුදලක් මගෙන් වැඩියෙන් අයකිරීම සම්බන්ධයෙන් මම ගමනා ගමන කොමිසමට පැමිණීලි කිරීමට කටයුතු කලා. අසරණ බස් මගීන්ගේ අයිතිවාසිකම් ආරක්ෂා කරන්න ඊට අදාළ නිලධාරීන් කටයුතු කළ යුතුයි. මේ වගේ මාෆියා වැඩවලින් ජනතාව සූරා කන එක දැන්වත් නවත්වන්න ඕනේ. මේවට නිසි දඩුවම් දිය යුතුයි. එම අවස්ථාවේ මෙම බස් රථයේ විදේශිකයින් දෙදෙනෙකුත් ගමන් කළා එයාලගෙ ගමනාන්තය වුනේ දඹුල්ල. ඒත් මේ කොන්දොස්තරවරයා එම විදේඹිකයන්ගෙන්ද වැඩිපුර මුදල් අයකලා. එයාල ට්රැවලින් බැග්දෙකක් කරේ දාගෙන හිටියා. බැගේජ්වලට කියලා දඔුල්ලෙන් බහින ඒ විදේශිකයන් දෙන්නට රැපියල් 1305 බැගින් ටිකට් 03ක් නිකුත් කලා. එම විදේශිකයින් පෝලන්තයේ සිට මෙරටට පැමිණ සිටි අයයි. ඔවුන්ගේ විස්තර මම ළග තියෙනවා. මේ වගේ මාෆියා වැඩවලින් ජාත්යන්තරයේ අපේ රට අපකීර්තියට ලක්වෙනවා. ඒක අපේ රටට රටේ සංචාරක ක්ෂේත්රයට කලු පැල්ලමක් වෙන්න පුලුවන්
අනික් කාරණාව තමයි බස් රථයකට ගොඩවෙන මගියෙකුට තියෙන අයිතිවාසිකම් මොනවද කියලා මගීන් දැනුවත් කරන්න වගකිව යුතු නිලධාරීන් කටයුතු කළ යුතුයි.
ජාතික ගමනා ගමන කොමිසමට මම කළ පැමිණීල්ල සම්බන්ධයෙන් යුක්තිය ඉෂ්ඨ වෙයි කියලා මම බලා පොරොත්තු වෙනවා. මොකද නැත්නම් මම වගේ තව දහස් ගණනක් බස් මගීන් වගේම බස්වල යන විදේශිකයනුත් මේ විදියට බස් මාෆීයාවේ සූරා කෑමට ලක්වෙනවා.
ගමනා ගමන කොමිසමේ නිලධාරීන් විසින් මේ වන විට මෙම සිද්දිය සම්බන්ධයෙන් විමර්ශණ ආරම්භ කර තිබේ.
ආචාර්ය හරිනි අමරසුරිය ශ්රී ලංකා ප්රජාතන්ත්රික සමාජවාදී ජනරජයේ අග්රාමාත්ය ධූරයට පත් කළ බවට වන ගැසට් නිවේදනය නිකුත් කර තිබෙනවා.
ඒ අනුව ජනාධිපතිවරයාගේ නියමය පරිදි ජනාධිපති ලේකම් ආචාර්ය එන්.එස්.කුමානායක විසින් මෙම ගැසට් නිවේදනය නිකුත් කර ඇති බවයි වැඩිදුරටත් සඳහන් වෙන්නේ.
අදාළ ගැසට් නිවේදනය පහතින්.
නව රජයේ පළමු අමාත්ය මණ්ඩල රැස්වීම අද (19) පැවැත්වීමට නියමිතව තිබෙනවා.
ඒ අනුව අද පෙරවරු 10.00 ට ජනාධිපති අනුර කුමාර දිසානායකගේ ප්රධානත්වයෙන් කැබිනට් මණ්ඩලය රැස්වීමට නියමිතව ඇති බවයි සඳහන් වෙන්නේ.
නව රජයේ 22 දෙනෙකුගෙන් යුත් අමාත්ය මණ්ඩලය ඊයේ (18) පෙරවරුවේ දිවුරුම් දී තිබුණා.
අනුරාධපුරයේ ප්රදේශ කිහිපයකට අද (19) දිනයේදී පැය 08ක කාලයක් ජල සැපයුම අත්හිටුවීමට සිදුවන බව ජාතික ජල සම්පාදන හා ජලාපවහන මණ්ඩලය පවසනවා.
ඒ අනුව සාලියපුර, රජරට විශ්වවිද්යාලය, මිහින්තලය, යාපනය හන්දිය, අනුරාධපුර 1 වන පියවර, මාතලේ හන්දිය, ගල්කුලම යන ප්රදේශ සඳහා අද පෙරවරු 09.30 සිට පස්වරු 05.30 දක්වා ජල සැපයුම අත්හිටුවීමට නියමිත බවයි සඳහන් වෙන්නේ.
නුවරවැව ජල පවිත්රාගාරයේ අත්යවශ්ය නඩත්තු කටයුත්තක් හේතුවෙන් ජල සැපයීම අත්හිටුවන බවයි වැඩිදුරටත් සඳහන් වෙන්නේ.
දීර්ඝ කාලයක් ජනතාවට දුන් යහපත් අරමුණුවල අපේක්ෂාවන් ඉටුකිරීමේ බලය නව රජයට පැවරී ඇති බව ජනාධිපති අනුර කුමාර දිසානායක පවසනවා.
අමාත්යවරුන්ට හිමිවූ අසීමිත බලය වගකීමෙන් යුතුව හැසිරවිය යුතු බවයි අභිනව අමාත්ය මණ්ඩලය දිවුරුම් දීමේ අවස්ථාවට එක්වෙමින් අද (18) ජනාධිපතිවරයා සඳහන් කළේ.
එම බලය ආරක්ෂා කරගැනීමට නව අමාත්යවරු නිරන්තරයෙන් කටයුතු කළ යුතු බවත් බලය හැසිරවීමේදී වගවිය යුතු බවද ජනාධිපතිවරයා ප්රකාශ කළා.
මහ මැතිවරණයේ ලැබුණු ප්රතිඵලයෙන් පෙන්නුම් කරන්නේ රටට තවදුරටත් බෙදීමේ දේශපාලය වලංගු නොවන බව බවත් ජාතික ජන බලවේගය විසින් අපේක්ෂා කරන ලද අරමුණු ඉටු කර ගැනීමේදී සියලුදෙනාගේ සහාය අවශ්ය බවයි ජනාධිපති අනුර කුමාර දිසානායක වැඩිදුරටත් ප්රකාශ කළේ.
13 කණුව අසළ සිදුවූ නායයෑමක් හේතුවෙන්, පස්සර – ලුණුගල මාර්ගයේ රථ වාහන ධාවනය සම්පූර්ණයෙන් ඇණහිට තිබෙනවා.
ඊයේ (17) රාත්රියේ සිදුවූ නායයෑමත් සමඟ මාර්ගයට ගල් සහ පස් කඳු කඩා වැටී ඇති බවයි බදුල්ල දිස්ත්රික් ආපදා කළමනාකරණ සහකාර අධ්යක්ෂ, ඊ.එම්.ඒ.එල් උදය කුමාර සඳහන් කළේ.
මේ හේතුවෙන් විකල්ප මාර්ග භාවිත කරන්නැයි ඔහු රියැදුරන්ගෙන් ඉල්ලා සිටින අතර මාර්ගයට වැටුණු ගල් සහ පස් ඉවත් කිරීමේ කටයුතු මේ වන විට ක්රියාත්මකයි.
ශ්රී ලංකා නාවික හමුදාව විසින් ගැඹුරු මුහුදේ සිදුකළ විශේෂ මෙහෙයුමකදී මත්ද්රව්ය ප්රවාහනය කරමින් තිබූ මෙරට බහුදින ධීවර යාත්රාවක් නාවික හමුදා භාරයට ගෙන තිබෙනවා.
ශ්රී ලංකාවට බටහිර දෙසින් නාවික සැතපුම් 110 ක් (කි.මී. 200 ක්) පමණ ගැඹුරු මුහුදේදී සිදුකළ විශේෂ මෙහෙයුමකදී මෙය අත්අඩංගුවට ගෙන ඇති බවයි සඳහන් වෙන්නේ.
මෙහිදී නාවික හමුදාව විසින් සැකකරුවන් පස් දෙනෙකු සිය භාරයට ගෙන ඇති අතර, එම බහුදින ධීවර යාත්රාවේ මත්ද්රව්ය කිලෝ ග්රෑම් 40 ක පමණ තොගයක් තිබූ බවයි නාවික හමුදාව සැක පළකරන්නේ.
ජාත්යන්තර මූල්ය අරමුදලේ නියෝජිතයන් පිරිසක් අද (17) දිවයිනට පැමිණීමට නියමිතව තිබෙනවා.
ඒ අනුව ජාත්යන්තර මූල්ය අරමුදලේ විස්තීරණ අරමුදල් පහසුකමේ තුන්වන සමාලෝචනය සම්බන්ධයෙන් අවසන් එකඟතාවට පැමිණීම සඳහා ඔවුන් මෙලෙස දිවයිනට පැමිණෙන බවයි සඳහන් වෙන්නේ.
