Latest News
දුම්රිය තුළ පිහිටුවා ඇති ආපනශාලා හදිසි පරික්ෂාවන්ට ලක් කිරීමට තීරණයක් ගෙන ඇති බව ශ්රී ලංකා මහජන පරික්ෂකවරුන්ගේ සංගමයේ ලේකම් ශානක බෝපිටිය පවසනවා.
පසුගියදා මීනගයා දුම්රියේ ආපනශාලාව පරීක්ෂාවට ලක්වූ අතර, එහිදී එම ආපනශාලාව අපිරිසිදු ලෙස පවත්වාගෙන යන බව නිරීක්ෂණය වීමත් සමග ඉහත තීරණය ගත් බවයි ඔහු සඳහන් කළේ.
මේ අතර, පරීක්ෂාවට ලක්වූ මීනගයා දුම්රිය ආපනශාලා මැදිරිය අධිකරණ නියෝගයක් මත තාවකාලිකව අත්හිටුවීමට පියවර ගෙන තිබෙනවා.
විදුලි බිල නොගෙවීම හේතුවෙන් බම්බලපිටිය දුම්රිය ස්ථානයේ විදුලිය විසන්ධි කර තිබෙනවා.
විදුලිය නොමැතිව දින දෙකක් පමණ දුම්රිය ස්ථානයේ කටයුතු කුප්පි ලාම්පු හා වෙනත් ආධාරක මඟින් පවත්වාගෙන ගොස් ඇති බවයි වාර්තා වන්නේ.
මේ සම්බන්ධයෙන් දුම්රිය ස්ථානාධිපති සංගමයෙන් සිදුකළ විමසීමකදී ඔවුන් සඳහන් කළේ, මේ වන තෙක් විදුලි සැපයුම නැවත ලබාදීමක් සිදුකර නොමැති බවයි.
ඊයේ (24) පාර්ලිමේන්තුවේදී සම්මත කරන ලද Online Safety පනත් කෙටුම්පත සම්බන්ධයෙන් අමරිකානු රජය අද (25) සිය කනස්සල්ල පළ කර තිබෙනවා.
මෙම පනත ප්රකාශනයේ නිදහසට, නවෝත්පාදනයන්ට සහ පෞද්ගලිකත්වයට තර්ජනයක් වන බවට පවසන සිවිල් සමාජය සහ තාක්ෂණික සමාගම් ඇතුළු ප්රධාන පාර්ශවකරුවන්ගේ වැදගත් අදහස් ඇතුළත් නොකර, ඊයේ සම්මත කිරීමෙන් ඇති විය හැකි බලපෑම පිළිබඳව තමන් කනස්සල්ලට පත්ව සිටින බව ඇමරිකානු තානාපතිනි ජුලී චන්ග් X පණිවිඩයක් නිකුත් කරමින් සඳහන් කරනවා.
අදාළ පනත හරහා ප්රජාතන්ත්රවාදී වටිනාකම් අනතුරේ හෙළීමට අමතරව, නොපැහැදිලි සහ පමණට වඩා සීමා සහිත නීති මගින් ශ්රී ලංකාවේ ආර්ථික වර්ධනය අඩාල කරන බවද, ආයෝජනයට සහ ඩිජිටල් ආර්ථිකයක සංවර්ධනයටද එය බාධාවක් විය හැකි බවද ඇය පෙන්වා දෙනවා.
එබැවින් විනිවිදභාවයට ප්රමුඛත්වය දෙන ලෙසත්, කිසිදු නීති සම්පාදනයක් හරහා රටේ ජනතාවගේ හඬ යටපත් නොවන බවට සහතික වන ලෙසත් එක්සත් ජනපදය ශ්රී ලංකාවෙන් ඉල්ලා සිටින බව එම X පණිවිඩයේ වැඩිදුරටත් සඳහන් වෙනවා.
යුක්තිය මෙහෙයුම යටතේ පසුගිය පැය 24 ක කාලය තුළ සිදුකරන ලද වැටලීම්වලදී සැකකරුවන් 838ක් අත්අඩංගුවට ගෙන තිබෙනවා.
මත්ද්රව්ය වැරදි සම්බන්ධ සැකකරුවන් 549ක් සහ අපරාධ අංශ වෙත යොමු කළ ලැයිස්තුවේ සිටි සැකකරුවන් 289ක් ද අත්අඩංගුවට ගත් පිරිස අතර සිටින බවයි සඳහන් වන්නේ.
මත්ද්රව්ය වැරදි සම්බන්ධයෙන් අත්අඩංගුවට ගත් සැකකරුවන් 549 දෙනා අතරින් සැකකරුවන් 05කට රැඳවුම් නියෝග මත වැඩිදුර විමර්ශන සිදු කරන අතර, මත්ද්රව්යවලට ඇබ්බැහි වූවන් 10ක් පුනරුත්ථාපනය සඳහා යොමුකර තිබෙනවා.
පොලිස් මත්ද්රව්ය නාශක කාර්යාංශය සහ පොලිස් විශේෂ කාර්යාංශ ලැයිස්තුවේ සිටි සැකකරුවන් 14ක් ද අත්අඩංගුවට ගෙන ඇති අතර අපරාධ අංශ වෙත යොමු කළ ලැයිස්තුවේ අත්අඩංගුවට ගත් සැකකරුවන් 289 දෙනා අතරින් මත්ද්රව්ය වැරදි සම්බන්ධව විවෘත වරෙන්තු නිකුත්ව සිටි සැකකරුවන් 35ක් සහ මත්ද්රව්ය නොවන වැරදි සම්බන්ධ විවෘත වරෙන්තුකරුවන් 246ක් ද සිටින බවයි වැඩිදුරටත් සඳහන් වන්නේ.
මෙම මෙහෙයුමේදී හෙරොයින් 211g ක්, අයිස් 78g ක්, ගංජා 16kg 600g ක්, ගංජා පැළ 9,974ක්, මත්පෙති 1,192 ක් ඇතුළු මත්ද්රව්ය තොගයක් අත්අඩංගුවට ගෙන තිබෙනවා.
බෙලිඅත්ත ප්රදේශයේ සිදුවූ පංච පුද්ගල ඝාතනය සම්බන්ධයෙන් සැකකරුවෙක් අත්අඩංගුවට ගෙන තිබෙනවා.
ඒ අනුව 54 හැවිරිදි පුද්ගලයෙක් මෙලෙස අත්අඩංගුවට ගෙන ඇති බවයි පොලීසිය සඳහන් කළේ.
වෙඩි තැබීම සිදුවන අවස්ථාවේ සැකකරු අදාළ රථය පදවාගෙන ගොස් ඇති බවට මූලික පරීක්ෂණවලදී අනාවරණය වී ඇති බවයි වැඩිදුරටත් සඳහන් වන්නේ.
රජය විසින් පාර්ලිමේන්තුවට ඉදිරිපත් කර තිබෙන ත්රස්ත විරෝධි පනත් කෙටුම්පතේ ඇතැම් වගන්ති ආණ්ඩුක්රම ව්යවස්ථාවට පටහැනි යැයි තීන්දු කරන ලෙස ඉල්ලා ශ්රේෂ්ඨාධිකරණය හමුවේ තවත් පෙත්සම් දෙකක් ගොනුකර තිබෙනවා.
ඒ අනුව පෙත්සම්කරුවන් පෙන්වාදෙන්නේ අදාළ පනත් කෙටුම්පතේ අන්තර්ගත විධිවිධානවලින් යුද හමුදාව, පොලීසිය සහ වෙරළාරක්ෂක බළකායට ඕනෑම පුද්ගලයකු සාධාරණ හේතුවක් නොමැතිව අත්අඩංගුවට ගෙන රඳවා තබා ගැනීමේ බලය ලබාදී ඇති බවයි.
මෙමඟින් ආණ්ඩුක්රම ව්යවස්ථාව මඟින් සහතික කර තිබෙන පුද්ගල නිදහස, අදහස් ප්රකාශ කිරීම නිදහස ඇතුළු මූලික අයිතීන් උල්ලංඝනය වන බවත්, මේ හේතුවෙන් අදාළ පනත් කෙටුම්පත සම්මත කිරීමට අවශ්ය නම් පාර්ලිමේන්තුවේ තුනෙන් දෙකක බහුතර ඡන්දයකින් සහ ජනමත විචාරණයකින් එය අනුමත විය යුතු බවට තීන්දුවක් ලබාදෙන ලෙසයි ඔවුන් ඉල්ලා සිටින්නේ.
නීතිඥ එකමුතුව වෙනුවෙන් ආචාර්ය දීපිකා උඩුගම විසින් එක් පෙත්සමක් ඉදිරිපත් කර ඇති අතර, පෙරටුගාමී සමාජවාදී පක්ෂයේ ප්රචාරක ලේකම් දුමින්ද නාගමුව විසින් අනෙක් පෙත්සම ඉදිරිපත් කර තිබෙනවා.
රජයේ වෛද්ය නිලධාරීන්ගේ සංගමය හෙට (24) සිට වැඩ වර්ජනයක් ආරම්භ කිරීමට තීරණය කර තිබෙනවා.
වෛද්යවරුන් රට තුළ රඳවා ගැනීමේ අවශ්යතාවය මත කැබිනට් මණ්ඩලය අනුමත කර ඉහළ දැමූ වෛද්යවරුන්ගේ DAT දීමනාව ජනවාරි මාසය තුල ලබාදීම අවහිර කිරීමේ උත්සාහයට විරෝධය පළ කරමින් මෙම වැඩ වර්ජනය ආරම්භ කිරීමට තීරණය කර ඇති බවයි ඔවුන් සඳහන් කරන්නේ.
මෙම වෘත්තීය ක්රියාමාර්ගයේ ඉදිරි සැලැස්ම පිළිබඳව හෙට උදෑසන රැස්වන රජයේ වෛද්ය නිලධාරින්ගේ මධ්යම කාරක සභාවේදී තීරණයක් ගැනීමට නියමිත බවයි වැඩිදුරටත් සඳහන් වන්නේ.
අදාළ නිවේදනය පහතින්.
බෙලිඅත්ත ප්රදේශයේදී පුද්ගලයින් පස්දෙනෙකු වෙඩිතබා ඝාතනය කිරීමේ සිද්ධිය සම්බන්ධයෙන් විමර්ශන සිදුකිරීමට විශේෂ පොලිස් කණ්ඩායම් 06ක් යොදවා තිබෙනවා.
පොලිස් මාධ්ය ප්රකාශක ජ්යෙෂ්ඨ පොලිස් අධිකාරී නීතිඥ නිහාල් තල්දූව සඳහන් කළේ, මෙතෙක් සැකකරුවන් කවුරුන්ද යන්න තවම හඳුනාගෙන නොමැති බවයි.
ඒ අනුව මෙය සංවිධානාත්මක අපරාධකරුවන් හෝ මත්ද්රව්ය සම්බන්ධයෙන් ඇතිවූ ගැටලුවක් මත සිදුවූ දෙයක්ද යන්න සම්බන්ධයෙන් විමර්ශන සිදුකරන බවයි ඔහු වැඩිදුරටත් සඳහන් කළේ.
පාර්ලිමේන්තුව විසින් විදුලි බල මණ්ඩලයට ගෙවිය යුතු හිඟ ගාස්තු ඇති බවත්, ඒ අනුව මාස හයක් සඳහා රුපියල් කෝටි 07 ක විදුලි බිලක් ගෙවීමට ඇති බවත් ලංකා විදුලි සේවක සංගමයේ ප්රධාන ලේකම් රංජන් ජයලාල් පවසනවා.
විදුලි බල මණ්ඩලය ප්රතිව්යුහගතකරණයට හා වෘත්තිය සමිති මර්දනයට එරෙහිව ලංකා විදුලි බල වෘත්තිය සමිති විසින් අද (22) කොළඹ විදුලි බල මණ්ඩලයේ ප්රධාන කාර්යාලය ඉදිරිපිට අත් පත්රිකා බෙදා හැරිය අතර, එහිදී ඔහු මේ බව සඳහන් කළා.
අගෝස්තු මස සිට මේ දක්වා ශිරන්ති රාජපක්ෂගේ ලක්ෂ 09 කට අධික හිඟ මුදලක් ගෙවීමට ඇති බවත්, රටේ ජනතාවගේ විදුලිය විසන්ධි කිරීමට පෙර එම නොගෙවු විදුලි බිල අයකරගන්නා ලෙස ඇමතිවරයාට දැනුම් දෙන බවත් ඔහු වැඩිදුරටත් පවසා සිටියා.
